幸茶舍 (已結業)

秋冬天，始終都比較乾燥，今日行過見口淡淡，價錢又幾平，好！就買杯試下！由於食完飯，揀返杯無咁heavy嘅先！藍蝶花冰糖雪梨，夠潤啦啩！賣相，削咗d囉，個雙色比我想像中有出入，因為以我嘅印象，蝶豆花好似係再藍d🤔(後尾上網搵返，原來蝶豆花遇到酸嘅嘢會變紫色！好神奇呀！😂😂😂）味道就，有梨味嘅，唔係好甜，又有d酸，不過味道就有d奇怪，同飲完無乜潤嘅感覺！可能今次揀嘅茶飲有d冷門，所以味道有改善嘅空間，(其實服務態度都有...) 希望下次行過再買黎飲嘅時候會好d啦！

最近熱愛廣源邨的夜市食店，不但有喜愛嗜辣食物，更有特色飲品。本人最喜愛這店飲品之一為「印度花草茶」，唔知係吔？講英文就好多人都知「Masala Tea」。不過未必個個人都接受有香草味嘅奶茶。另一款飲品亦係好有特色，就係泰色奶茶，這飲品可考慮少甜就perfect。如果嫌珍珠奶茶太普通，不妨試呢兩種特色飲品

已經飲過兩三次，幾乎每次也是點香芋珍珠，因為我喜歡香芋味😂。雖然知道是用香芋味粉，是化學味（很多地方都是用粉），但又好好味喎😂。夠甜、香芋味夠濃、珍珠彈牙，不會軟淋淋或食到粉。這家做的比外面很多的都好，價錢亦不算貴，感謝廣源有它😊。

由元朗特登嚟呢一個街市搵嘢食，成個街市得一間賣台式飲品，於是就叫咗一杯黑糖珍珠奶茶黎試飲下。雖然中午時分，但係都唔需要排隊。落完單之後大概等5分鐘到就有得拎啦。又估唔到佢嘅珍珠都幾彈牙，奶茶都幾好飲。$22杯都幾抵飲。

前排見到咩假期 成日出post話沙田多左個掃街好去處都見到有唔小野食都有興趣見到咁多野食 所以第一時間拉左老婆過去試試呢到既質素啦黎得幸茶舍 更係飲招牌野黑糖虎紋珍珠鮮奶茶啦其實都係為左打卡 點知有驚喜真係幾好飲虎紋效果都好夠但因為飲前要搖勻經過幾下搖晃之後虎紋就冇哂 要打卡既朋友就唔好手快快多手啦味道方面 我地就飲全標準既唔會太甜 黑糖味好突出 好香黑糖味奶味唔重 但幾滑口但一杯台式飲品要20幾 其實都有d貴鐘意黑糖既應該會好鐘意

中秋當日去廣源夜市行下原來都有幾多唔同類型既野食 但做節食得太飽 就買杯野飲小食算啦坊間有好多黑糖系列產品 試過X芳既真係無乜黑糖味 所以原本都無乜好感 見呢間小店平平地又試下啦 我就好怕奶味太重果啲黑糖鮮奶 所以就揀左奶茶估唔到有驚喜喎 個虎紋睇落都幾靚仔 叫左半糖唔太甜又有黑糖味 $22算係好抵玩飲之前最好搖一搖 等掛左杯既黑糖融返落杯奶茶度 鹽酥雞都唔錯 ，好似有三隻味可以揀 間間鋪前面都有兩三張凳坐下 唔算好闊 但歇下腳都唔錯 啲人都快來快去

廣源街市新裝修之後進駐的台式飲品店，趁著午餐時間就試下新嘢。首先價錢正常，可以按個人口味轉少甜少冰之類的要求。試左杯黑糖珍珠奶茶，店員係有心機係杯邊拉啲黑糖漿落去，令成杯奶茶沖完有虎紋效果，可惜天氣熱，冰融得快，虎紋好快就消失左。整體而言，黑糖奶茶味道正常的。唔鍾意太甜嘅朋友記得落單時叫少甜。

山長水遠來到廣源，去到夜市見到很多人在這間排隊，便跟大隊試試！這間小店雖然沒有台灣連鎖店的名氣， 但是他們的撞奶絕不比其他人遜色。這杯虎紋黑糖鮮奶，雖然虎紋較果不明顯，但奶香和甜度剛剛好，完全符合我對撞奶的要求。店前面還有一長枱和圓椅子給客人坐下享用，真的十分之有夜市風味！台式飲品在香港的熱潮真的有增無減，大部份人都會喜歡那些台灣過江龍的名氣，但很少人留意一些香港的本地製作，其實實力都不惶多讓。希望小店繼續加油！

係Facebook見到沙田廣源翻新左做夜市😍仲要開到凌晨2點👍🏼就去朝下聖🤪入到去同啟業村翻新左個個街市好似,不過呢個就新d乾淨d👍🏼每間野食都好多人等買好多人排隊🙈全場唯一得呢間賣台式飲品✨排呢杯野飲都排左15分鐘先落到單🙈好多人買😩最後就買左呢杯虎紋黑糖珍珠奶茶($22)😋奶茶就比較重奶味 唔算太濃🙈但珍珠都好有咬口，幾好食👍🏼但就唔係好食到有黑糖味😞住附近既不妨買杯試下👍🏼

依家d台式飲品店開到成巷成巿, 但間間都排滿人, 今日放假去行街巿, 竟然發現左間買買珍珠奶茶的, 一心諗住支持下d小本經營, 所以叫左杯虎紋黑糖鮮奶!! 盛惠$22!!一飲之下, 真係要用難飲黎形容, 杯野勁多奶, 但又唔係鮮奶果d香味, 黑糖珍珠不單止完全無黑糖味, d珍珠仲要唔Q彈, 係硬的, 好似未熟咁!所以真係飲唔落口!search openrice 時見到有一篇食評, 內容同我想寫的都大致一樣, 就係超級難飲!! 所以我唔會再飲住, 除非有改善啦

廣源市場裝修左之後，終於有時間去行下入去無耐就見到有間賣台式飲品我同男友都好鍾意珍珠奶茶，就嗌杯黎試下我地間中都會試下唔同店既珍珠奶茶，有Ｄ會麻麻地，但幸茶舍呢間係飲過最難飲無論珍珠定奶茶,都唔好味唔夠濃，唔夠香，男友仲以為我叫左少甜（當然 ，正常既少甜都唔會係咁），另外仲有一種味，唔知係咩味，但怪怪地，唔係好match杯野飲平時唔想浪費，都會盡量飲晒，咁岩天氣熱解下熱都好，但我地好努力一齊飲左７, ８成，真係冇辦法再飲落去暫時冇信心再試了，都好，慳返，唔駛因為方便而成日買，飲得多唔健康XD