師妹甜品

營業中

休息中

中學個陣學校去長洲旅行，已經同三五知己試過呢間師妹甜品，過咗三五七年後再嚟佢都依然屹立不倒🤞🏻師妹甜品嘅裝修比較簡樸低調，但係賣嘅款式都算多元化，火焰系列更加係出名打卡𝗮𝗯𝗹𝗲～不過日師兄都食過唔小次，今次就同朋友試下其他新嘢喇！🍴疏乎厘 疏乎厘係現場即時製作，有唔同口味嘅漿可以簡，我哋今次試咗朱古力漿，每一啖都好滑順，入口即溶，極為鬆軟，得到朋友一致好評呀！推介！📝：𝟵.𝟱/𝟭𝟬🍴心太軟 師妹甜品嘅心太軟同坊間嘅味道唔同，會微微帶點鹹香同奶味，唔會太甜。食落似用咗阿華田粉去取代可可粉製作，質地都比較軟身，日師兄自己幾欣賞呢種不同凡響嘅做法～不過佢哋就淨係可以選擇雲呢拿味嘅雪糕。📝：𝟵/𝟭𝟬🍴香芋千層蛋糕 千層蛋糕嘅每一層都有飽滿嘅奶油香味，填滿口腔同時又唔會太膩。不過呢款嘅香芋味道就淡咗小小唔太出，相對一般。📝：𝟲/𝟭𝟬✍🏻其他分數📝環境：𝟳/𝟭𝟬📝性價比：𝟴/𝟭𝟬

阿哩嘞！尋日去咗間人氣cafe，內外擺滿人，環境摒息舒服，格局都好得意。🍴先點咗杯檸雜，簡直係酸到出汁，但又正喎，好夠kick！我跟住就嚟個火焰雪山，個場面真係好攞分，店員手法好噏㗎，一點火，藍色火焰躍躍生輝，啲人影相嘅動靜比杯野仲大聲！🔥但食落嗰堆cream就真係甜得嚟㗎，唔係我杯茶。唔過下面隻雪糕就真係得！實冰實在，透心涼，簡直夾硬身！然後呢，就到咗我最掛住嘅心太軟。🍫瞧落好小一塊，但呢就係詐人嘅福將！入口乜都唔講，朱古力即溶，滑過鮮奶油。又唔會太甜膩，甜得啱啱好，連我兜嘅駕量都叫佢打低咗。嗰陣時我同桌邊嘅朋友對望一眼，眼神儼如揾到寶樣，又驚又喜，內心OS：「哇，即食即止唔到！」香港街頭巷尾，小店大店，食嘢多如牛毛。但遇到啲啲啱嘴啱心嘅，格外難忘。總之，下次街過，仲會想再揾佢玩兩手！🍰

啱啱喺呢間舖頭試咗幾款甜品，邊食邊咀嚼住每個味道層次，實在係美味到爆燈😍🍰！首先，佢哋個火焰雪山真係得嚟又火辣又熱辣，食落去就似係熱戀嘅心跳一閃一閃，然後又突然間涼飕飕火焰消失，變成一片雪域嘅清新，個中間既酒香味令人微醺，夠晒浪漫！跟住嚟個心太軟一流心！芝薯撻，好有”層次”，心太軟溶得滯嘅巧克力忽然"卜卜脆"，啊～ 口感上亦夠軟綿，隨時攞嚟做枕頭都得😆！最後個蜂蜜豆腐千層蛋糕就真係細膩得滯，層層疊起嚟既蛋糕同蜂蜜果凍嘅組合，又香又滑，唔使太甜就可以令人回味無窮，質感一流，豆腐味可能要再加把勁，但匠心獨運，一試難忘哂！整體嚟講，呢間食色香味俱全，難怪成日都人頭湧湧，下次仲要再嚟試過！👍👏

上網睇到呢間嘅火焰雪山出名，入到嚟長洲就嚟試吓～ 我地點咗火焰雪山同Tiramisu蛋糕。火焰雪山 $46我地坐室外，侍應生叫我哋入嚟睇點火，餐廳熄哂燈同閂埋門簾，好似預備唱生日歌咁款😆 火焰雪山個size比想像中迷你… 被酒淋過既蛋白有苦味，下層係普通既朱古力雪糕，味道失望，唔好食。Tiramisu $34好普通，唔試都得～🌟星期二、三休息

師妹甜品喺長洲已經屹立多年，學生時代黎長洲都會喺呢度食甜品🤭特別係火焰雪山，因為就係火焰雪山聞名，點火嘅甜品當然打卡一流😆😆😆今次都唔例外，朋友未食過，都係叫火焰雪山試下🤣，黎到點可以唔打卡😏自從唔知幾多年前興起心太軟後(暴露年零)🙈🙈，就好鍾意食心太軟，亦都會好在意內裡夠唔夠流心😅呢度心太軟都自算流心，又唔算太甜。 另外，亦點左件New York Cheese Cake, 味道不道，有點咸香，應該蛋糕混左香口嘅芝士，一件平平無奇嘅New York Cheese Cake，估唔到味道有驚喜👍🏾😋👍🏾 比較失望係杯鮮士多啤梨特飲，好甜。。。一啲都無新鮮士多啤梨味😒😒😒 甜品好過飲品

玉桂蘋果酥🥧特別的甜品，不論係賣相定味道，出面好少地方會食到呢個甜品，玉桂味我就覺得唔多夠，可能因為我太太太太太鍾意肉桂，不過除咗呢個問題其他都好滿意，特別要講多次係個賣相橙酒朱古力雪糕🍰職員推介，其實都OK，有少少橙酒比客人自己加落蛋糕度食，餅底唔係普通蛋糕，係Mousse cake，整體都滿意‼️另外想叫芒果千層蛋糕，不過當日係另外三款千層蛋糕做推廣，最後叫咗荔枝梳打，仲有Tiramisu，唔知係咪因為天氣太熱，杯荔枝梳打非常好飲，Tiramisu就冇乜特別🆗服務員態度好好，甜品味道滿意，推介俾將會去長洲嘅朋友

夏日炎炎 我同5個friend去左諗住食個火焰雪山去到門口其實覺得伏味幾重去到晏晝三點幾都係人影都無燈都好似冇開到不過實在太熱就入左去坐入到去個姐姐就好友善咁招呼我哋仲不斷斟水俾我地（不過其實邊有甜品鋪咁樣斟水法 懷疑係為左準備整間甜品對我哋味蕾嘅挑戰 預備俾我地漱口沖走啲味）個姐姐推薦我哋食個大火焰雪山 每位40蚊 不過唔清楚同普通一人份量有咩分別黎到就熄埋燈 賣相唔錯的只係食落去就...首先大家都唔係好知可以點食雖知入面有蛋糕成分但係又冇得好似蛋糕咁切去分因為入面大部分係雪糕二黎個雪山嘅層次感好重除左一層好厚嘅cream入面又有好多雪糕生果忌廉同埋啲唔知咩味道嘅搭配有如檸檬加咖啡真係唔知點解會咁樣夾食落又甜又膩真係好多個問號食完咁伏嘅甜品先發覺有加一每位44蚊真係有啲失望

夏日炎炎 我同五個friend去咗食個火焰雪山一坐低就有姐姐好友善咁招呼我哋但係似乎就好似係因為冇乜客先係咁樣 （間鋪喺我地入去個時都好似冇開燈咁樣 人影都唔見隻）略有伏味個姐姐就介紹咗我哋食個大嘅火焰雪山 就每位40蚊（冇話好知同普通有咩分別 只係大家要share一個好大碟嘅雪山）等緊個雪山嚟嗰時 個staff就不停過黎幫我哋斟水 （其實邊有甜品鋪會不斷斟水架呢 其實係咪為咗比我哋食完漱口洗走啲尾之後呢嚟到 其實賣相幾好 但係味道就～ 唔係真係好難食嘅 但係唔同味道嘅搭配就真心有啲奇怪 總之就唔多夾成班人比264 （加埋加一！）就真係唔抵食不建議！

見到呢間師妹甜品網上好多好評，諗住難得嚟到差唔多就一於試一試啦，好多人推薦火焰雪山同埋千層蛋糕，但食完嘅感覺就係好唔抵食，唔明點解兩個雪糕加cream 要$46，千層蛋糕正正常常，但冇網上嘅人講到咁特別唔好食，坊間好多甜品舖都好食過佢有質素過佢。🍴火焰雪山 $46 (0/10)未食之前唔係好知火焰雪山係乜嘢，原來係上邊加cream加酒去燒，下面係雲呢拿同朱古力嘅雪糕，用嚟打卡影相就好靚，但味道真係唔得。個cream完全冇咩味，加酒走去燒啲酒流晒落個碟底度，完全冇咩酒味，真係得有好輕微嘅苦澀味🫠雪糕係雀巢，偏甜，整體來講都唔好食，雖然$46都唔應該要求太高，不過個味道同技巧真係不了。🍴蜂蜜豆腐千層蛋糕 $38 (6/10)覺得豆腐千層蛋糕好似好得意就叫咗嚟試，原來係蜂蜜啫喱同埋豆腐千層蛋糕，個蛋糕係冇蜂蜜味㗎，蛋糕好香濃嘅豆腐味，有豆腐嘅質感，千層做得到夠薄，但除咗豆腐味就食唔到其他味，冇忌廉嘅香濃或者奶香，蜂蜜啫喱係有蜂蜜味道口感比較硬身啲，整體來講正正常常好似食緊一磚豆腐咁，冇咩特別，普普通通。推薦指數: 3/10值錢都唔算貴，但味道真係一般般，唔值得特登入長洲去食，網上好評吹得太勁

好小寫食評。3日2夜長洲，食咗幾間，呢間最好食，我平時也不太食甜品的。連續2晚食過，好食呀😁 第一晚食過 心太軟，第二晚就食伯爵cake 梳乎厘 服務員亦好細心。值得一食！

師妹甜品，我細細個就聽過呢名啦，今次終於有機會試。蜂蜜豆腐千層蛋糕豆腐味嘅蛋糕好少有，我又好鍾意食豆腐，咁就叫黎試吓啦 豆腐本身就係一樣味道好淡嘅嘢，估唔到喺蛋糕入邊都可以食到豆腐嘅味道。旁邊嘅蜂蜜啫喱，更加係第一次食 入口好快就溶化，好清甜 係蜂蜜嘅味道，而唔係加大量砂糖令佢變甜嘅味道。朋友叫咗火焰雪山，火焰雪山出嚟嘅時候，熄晒燈之餘，仲拉起咗舖頭出面嘅窗簾，好有feel 不過我捕捉唔到佢燒着嗰一刻。 好睇好玩又好食。 火焰雪山

超有驚喜甜品第一次食既甜品會令我每一下都覺得超級好味，同平時普通嗰啲甜品屋完全兩個層次梳乎厘完全打破左我對呢個食物既體驗，原本我對梳乎厘冇咩好感，但呢個真係絕對絕對推介成為左我長洲去果陣必食

早大半個月諗住訂定蛋糕🎂老闆話果日我哋放假 但我都幫你整蛋糕 好感動🥲老闆放假 唔介意辛勞 就係為每位幫襯客人 多謝「師妹甜品」真係好好人 辛苦晒🙏🙏蛋糕勁好味😋未食過豆腐味蛋糕🤣 值得推介👍👍

昨日嘅生日蛋糕🎂在師妹訂購，蜂蜜豆腐蛋糕🎂，打開蛋糕盒見一堆生果在蛋糕面便已感覺清新，簡簡單單，食落果然有驚起，入口不膩，也不太甜，我第一次食呢間蛋糕店🍰，會回頭

依間甜品係幾隱世下，入到去得六張枱舖頭比較細冇得坐喺度chill下。朱古力榛子蛋糕榛子朱古力味超濃，夾埋啲焦糖醬都幾好食😋火焰雪山本來唔知道係咩嚟，但係唔單止打卡靚食落去熱熱地，加埋雪糕又凍凍地，有少少酒味，唔飲得酒嘅朋友都可以食。心太軟我哋覺得呢款同火焰雪山係最好食嘅，心太軟超級流心唔會話太甜，唔食得甜嘅人都可以試吓。朱古力醬疏乎厘雖然係四款入邊最普通嘅一款，但係質素都高過出面甜品舖，入口即溶超級軟綿綿。小心呢間舖頭嗌咗水就要+1，同埋一人一消費，開初我同3位朋友冇嗌到第四樣嘢，諗住一陣間先嗌，女性服務員態度就差咗，感覺唔太好。😔