帝苑軒

營業中

休息中

這天來到帝苑酒店的帝苑軒，相約爸媽嘆茶。平日午市有2人($608)或4人套餐($988)，我們3人點了4人餐，可自選小菜和點心各3款；若是2人餐，則可選小菜和點心各2款。湯羹有老火湯或西湖牛肉羹，當日點了老火湯：粉葛鯪魚湯。煲的火喉十足，湯味濃而鮮甜；只是上枱一會兒，碗上已凝結了一層膠質的薄膜，可見用料絕不手軟。隨後上了湯渣的粉葛和瘦肉，配上一小碗醬油。粉葛角切成一口大小，粉嫩無渣，很合爸爸的胃口。我們3人每人可分到兩碗老火湯，所以一煲湯的份量足夠5至6人享用。燒味雙拼 (主菜之一)燒味可以從燒鵝、叉燒和燒肉中選2款。我們點了燒鵝和叉燒。上枱時燒味都是熱的；最怕是上了凍或室溫的燒味，油脂凝固了，燒味的香味和口感都面目全非。叉燒有偏肥的三層肉和偏瘦的部位，三層肉香口油潤，瘦肉鬆化軟腍。叉燒醬調味偏淡，若加上一點帝苑軒帶甜醬風味的辣豆瓣醬，立即變得非常惹味。燒鵝是鵝胸部分，肉質軟滑不乾柴。蝦餃蝦仁大隻而飽滿，不錯。鵝肝鹹水角鹹水角剛炸好漲卜卜的，不過鵝肝的味道和鹹水角不太夾，有點畫蛇添足的味道。叉燒芫茜腸粉腸粉皮厚薄適中，軟滑而不煙韌；叉燒餡料很多，切得大塊而薄片，肉質偏瘦而軟滑。是正常發

放假同屋企人黎到帝苑酒店內的帝苑軒飲茶🫖經過小橋流水就會到餐廳，入面嘅格局同普通茶樓沒有分別，環境有點嘈雜。服務亦都嘛嘛🤓侍應掛住同熟客傾偈，嗌嘢食會有啲困難，我拎住點心紙舉高手，個傾完偈嘅侍應望住我即刻掉轉頭，然後再望一望我先至過嚟落單。。。🦐紅米鮮蝦脆米腸 $86唯一一個值得推薦嘅點心🤓紅米腸粉皮滑捋捋又帶點煙韌，蝦肉彈牙，入面再包住脆米，口感豐富。而且擺耐左啲脆米都仲係脆嘅👍🏻🐔手撕雞野菌春卷 $74正常春卷，唔會好油膩，可以一試。🗻雪山叉燒餐包 $78個雪山好酥鬆，但餐包有啲淋，聽媽媽講以前冇咁淋的🤔入面叉燒餡都好多，幾好食，可以一試。☹️蘆筍帶子石榴粿 $80寫住帝苑軒推介🥹當然要叫黎試下，然後佢都不負我試伏達人之名。點心外形好可愛，真係成個石榴咁。但個餡同個皮都唔係我杯茶🍵個皮好淋，個餡料又無乜蘆筍同帶子嘅味道，比啲芹菜粒搶晒啲味，食到懷疑人生。☹️黑松露桂花蚌餃 $74外皮同上面個點心一樣係淋到阿婆都食到嘅皮。入面嘅餡料類似蝦餃，同黑松露其實唔夾，早知食返蝦餃🙉唔知蝦餃個外皮同呢個一唔一樣呢

來『帝苑軒』因為沒有那麼擠擁，可以慢慢享受悠閒的午餐。室內裝修是很 stereotypical「小橋流水」，雖然欣賞店方（多年前）落了心機，以當下眼光看，效果俗氣，一副陳舊廣東酒樓模樣。說到氛圍，小妹獨愛『港灣一號』，西洋大宅風貌，半點華洋折衷，不華麗卻貴氣。另一邊廂的『滿福樓』flashy 得很，唯 too loud and too many，多了點銅臭氣，有種 parvenu 的相格。不過今天重點不在裝修與氛圍，而是食物喔。『帝苑軒』點心一般，都是「大路」出品，不過不失，多數沒有甚麼值得拿出來講，就只講兩款：【 紅米鮮蝦脆米腸 】對這個腸粉本來沒有甚麼期望，而且小妹並不愛紅米、糙米之類，用來做餡料的蝦也非特別新鮮，鮮味欠奉。不過這款點心有兩個妙處：第一，以紅米造腸粉竟然很幼滑，爽與靭之間很合小妹口味，雖然不是甚有米香，依然十分可口。［多說一點關於腸粉，小妹喜歡的是偏向爽、結實一些的。以前有人跟我說：多澄麵，腸粉會煙韌些。帶煙韌的腸粉並非小妹所愛。深水埗『合益泰』的腸粉就係我所說的「偏爽，粉身 firm 些」，也是我所愛的口感了。說來也是奇事，『合益泰』唯一好味的就是腸粉，其他小食乏

去開尖東附近，一個人都照飲茶（其實都好少咁樣），食兩個點心先！點了蟹籽燒賣及柚皮蒸排骨 ，兩款點心都是即叫即蒸，上枱熱辣辣，賣相新鮮，入囗也沒有令我失望☺️燒賣的蝦肉爽口，豬肉都有質感；排骨選料靚，調味淡返少少就更佳，如果用來送飯就啱啱好，柚皮入味👍贈送的綠豆沙就普普通通啦😌整體來說，埋單如果沒有任何折扣就偏貴了！

一向喜歡帝苑軒的點心，覺得每樣都做得好食，係水準之上，之前疫情嚴峻沒去已有一段時間，今天去到點了5個點心，都是之前食開的，鳳爪、牛肉、菜苗餃，灌湯餃和竽角。竽角偏鹹，但都勉強算ok, 其餘4様吾得，特別係鳳爪、牛肉，簡直係難食。鳳爪完全被厚厚的醬包住，醬多到吾正常，味道有少少怪，吾知係咪壞左，食完個肚都有啲吾舒服。帝苑軒本來是一間不錯的中菜，食物水準一向穩定，現在水準差到這個地步，管理層難道沒有察覺？真的嚇一跳。

這中菜廳是否欺騙外賣客?? 因疫情關係, 家人不想外出食晚飯, 結果買外賣。 話曬老字號酒店中菜廳, 竟然這樣低的食物質素, 我唔想有下一個受害者, 特此出post!! 三樣食物當中較為正常的是炒飯。其餘兩樣簡直離曬譜 Menu 寫明是半隻雞, 廚房 是否不知道半隻雞定義?? 或是存心剋扣食物?? 為什麼半隻雞連雞髀也沒有??!! 難道這隻雞成長時是沒有雞髀的??! 難道外賣質素就可以求求其其, 博食客返屋企之後懶得追討??!! 這樣做生意的手法, 很難想像是酒店的中菜廳!! 更加離譜的是炒龍蝦球。 賣相極度差，一patpat， 水汪汪!! 而且龍蝦肉擺明係急凍龍蝦尾, 肉質不爽口, 完全不新鮮, 像雪藏多年, 極度憤怒和失望！ 七百幾蚊份量少得驚人, 一隻龍蝦份量也沒有。 廚房又再次剋扣？？雖然母親節廚房較忙, 但並不代表顧客要享用差劣的食物質素。 不要忘記母親節的價錢比平日還要貴!!!

帝苑酒店, 早期嘅回憶係 “大學迎新營” 去食宵夜自助餐, 諗番起都幾荒謬. 出嚟做嘢之後, 跟 “老大” 搵食, 初試中菜 “帝苑軒”, 高級格調, 小橋流水, 座位闊落, 服務到位, 神級召喚帝苑其他餐廳嘅甜品, 大開眼界!🥢 近年間中嚟飲茶, 客人多咗, 加上裝修折舊, 體驗不復當年. 以前小食係 “蜜餞合桃”, 今日食花生. 當然, 價格冇跟住上, 性價比有吸引力. 今日點咗午市精選套餐, $568+10%, 包括兩款小菜, 兩款點心, 湯, 飯及甜品. 🐖 小菜一: 燒味雙拼, 蜜汁烤叉燒, 燒腩仔. 叉燒肥瘦適中, 蜜味啱啱好, 入口腍滑. 燒腩仔皮脆, 脂肪比例平均, 掂!🐟 小菜二: 古法炆斑腩煲. 熱辣辣. 班腩分量充足, 配火腩, 冬瓜, 枝竹. 斑腩肉質結實, 惹味. 🥣 花膠四寶羹. 足料, 正常發揮. 要讚下支古月粉,哈!🦀 點心一: 蟹子燒賣. 一籠燒賣得兩粒, 睇落有點可憐. 好食嘅.🍗 點心二: 蟲草花北菇棉花雞. 蟲草味出色, 雞同魚肚索晒味. 雞肉嫩滑, 冇乜垃圾脂肪位.🍚 鹹魚雞粒炒飯. 都幾多雞肉喎, 鹹魚味Ok.🍪 甜品: 曲奇餅, 其實好似係

帝苑軒位於帝苑酒店底層，係小橋既另一邊，裝修好有特式😙小仙子同小🐷預先book左所以唔使等就入得😗之後坐坐下都full左，點左幾款點心小菜：紅米鮮蝦脆皮腸: 紅米腸粉皮包住脆脆既炸網，好match😋鮮蝦好彈牙，必食👍🏻崧子鹹水角: 鹹水角炸得好脆，少有既加入崧子炭燒三層肉: 即係3層燒肉，可惜燒肉皮唔夠香脆😅有點失望，價錢都要$188，可以更好😛龍蝦湯鮮竹卷: 鮮竹卷好似春卷咁，炸到脆脆放入湯中，湯底仲有淡淡龍蝦味，鮮蝦大大隻好彈牙😗XO醬王蒸鳳爪柚皮: 正常鳳爪味道，特別既係柚皮吸哂D汁入哂味鮮奶蛋撻: 細細件幾好食，牛油皮夠香脆環境舒服，唔算太嘈，而且食物質素都唔錯😉想食中菜可以試試

在帝苑E-shop用優惠價預定了鮑魚海鮮套餐，菜式以折後價來說尚算豐富，味道也不錯，但服務實在是普通中菜館質素。我們想看餐牌，侍應便放下一張皺皺的環保紙，上面黑白打印了套餐內容。重點菜紅燒鮑魚，大小比5圓硬幣大一點。當晚未滿座，但人客頗多，非常嘈吵。訂枱時被告知可用膳至11:00，但10:00左右侍應已經開始一副打烊姿態，一聲不響地把餐桌上的東西拿走，我們也趕快埋單。以往在帝苑酒店的不同中西餐廳使用E-shop套餐都沒有其他收費，包括茶芥小食。而帝苑軒這個套餐的使用條款、以至電話訂座時也沒有其他說明。用餐後帝苑軒要求收取茶芥、花生連加一，讓整個用餐經驗再減分。

我哋叫左生魚卷丶藕餅丶沙薑煎雞和牛腩腸粉煲，4個菜都好味，當中牛腩腸粉好香丶好滑，正呀又惹味，師傅手勢超好。甜品就試左花生蓉餅，好香又唔太甜。同埋最近有信用咭優惠，值得一試

上次推介了這個中菜館的順德菜式以外，今次推介燒味。叉燒一碟份量不小，厚砌，肉嫰，叉烧邊燒到很香，調味適中，不會太咸或太甜，入果帶點蜜汁甜味及充滿肉汁，價錢合理，大力推介佳品。燒腩份量也不是，見圖十分瘦，一口一件，皮脆肉滑。還叫了貴妃蚌腸粉，不鮮甜，有如食膠一般，不推介。龍蝦湯鮮竹卷不錯，食完記得要飯埋龍蝦湯。Encore 了順德名菜煎釀鯪魚，肉質彈牙，調味極佳。環境依舊有小橋流水，給人一種舒適優雅。

很喜歡食順德菜，見這間酒家推出順德menu ，便訂位了，訂時還預留了煎釀鯪魚。 煎釀鯪魚很好吃，外脆而且彈牙，調味極佳。叫了燒味雙拼， 這間的叉燒也是上品，肉質鬆化，油雞很滑，但有一點不好是碟底太多鼓油雞的汁，影響了叉燒的味道。 點了牛腩腸粉煲，牛腩林且入味，但咸了一些，食到最底的腸粉有點咸。拆魚湯沒有鮮味，是全晚較差的一道菜。環境一流，有小橋流水，亦有包廂房間。酒店水準服務，不會差。可惜的是順德menu 只做到6月30日，有緣再會。

從友人文章中得知尖東帝苑酒店中菜廳「帝苑軒」推出「順德情懷」菜式推廣，由其中菜總廚何偉成師傅掌廚，呈獻多款正宗順德名菜，引得我食指大動，便邀請友人伉儷，一同在六月底這順德菜式推廣結束之前，來「帝苑軒」一嚐這裡的順德名菜。不知是否因為天氣欠佳關係，這晚中菜廳內除了我們仨外，就只得廂房內有客人用餐，讓這需要穿過小橋流水才能來到的中菜廳倍覺寧靜清幽。在接近二十款的順德美饌中，點了三餸一湯做晚餐。先來每人一碗「大良生拆魚雲羹」（$138/位），材料豐富，口感順滑的魚雲羹，味道鮮甜不腥，這感覺正宗的魚雲羹，真的很久沒喝過了。傳統手工菜「玉簪田雞腿」（$288）擺盤漂亮，田雞腿粗壯多肉，肉質實而不韌，加上調味得宜，讓久未嚐到田雞滋味的我大感滿意。本是四人份量的「豉汁均安大頭菜蒸魚咀」（$308），經理為我們特別改為每人一份，濃郁的豉汁為滑捋捋的魚咀添上令人垂涎的味道，雖然魚咀份量不多，饞嘴貓兒不夠盡興，也只好淺嚐輒止。跟魚咀剛剛相反，最後上桌的「原條家鄉釀節瓜」（$208）份量極多，埋藏在金菇、木耳、冬菇片等蔬菜下的兩大條釀了免治豬肉的節瓜煨得軟腍入味，濃甜的茨汁味道十分討喜，而且食極都有，飽足感

所謂「食在廣東、廚出鳳城」，順德菜一向是「食不厭精」的代表菜系之一，貴在平凡食材也能變珍饈。帝苑軒最近再度推出「順德情懷」美饌，好吃的我自不會錯過了。進入帝苑軒前，先會經過大樓正中間的湖畔花園，樓底超高，設計獨特有創意，令人尤如置身古代庭園中，難怪屢獲殊榮。祖籍中山順德的中菜行政總廚何偉成師傅更曾獲邀參與北京中央電視台攝製的美食紀錄片《尋味順德》，由此可知師傅實力非凡。是次主題美饌的菜式不少，可惜人數所限；未能一次盡興。最後點選了四款順德菜、八款點心及一碟肉絲炒麵。點心包括晶瑩鮮蝦餃、蟹籽燒賣、黑松露上素三喜餃、剌蝟麻蓉包、紅米鮮蝦脆腸、蜜味义燒酥、桂花蚌滑腸粉、鮮奶蛋撻仔及肉絲炒麵；全部水準俱佳，尤為喜歡的有蟹籽燒賣、紅米鮮蝦脆腸及鮮奶蛋撻仔。蟹籽燒賣～材料跟平常吃的並無二致，但就勝在用料靚，好食就係咁簡單。紅米鮮蝦脆腸～內𥚃的餡料是鮮甜爽彈的蝦仁，以米網紙包裹後再炸，做成酥脆的口感，外層再以用紅米磨成漿的腸粉皮覆蓋著；食落有點似鮮蝦炸兩，但米網紙的口感比油炸鬼來得更酥脆，值得一試。鮮奶蛋撻仔～以鮮奶代替傳統的蛋漿，奶味香濃、口感嫩滑，甜度亦適中，牛油撻皮鬆化酥脆，對我來講，獨食真係

When I was a kid, I loved coming to the Royal Garden Hotel for meals, not cos of the food but the fact that I could ride up and down the lifts and look down the window. So I was looking forward to the 童年回憶 dinner at the Chinese restaurant.We had a variety of appetizers including:半肥叉燒, 燒腩仔, 素鵝, 蜆介鯪魚球, 金沙豆腐粒, 海哲, 蒜泥白肉, 鹵鴨舌. Went well with all the champagne. Worth mentioning was the char Siu: thick cut, really 半肥 with a bit of burnt ends.乳豬 was next: crispy skin and meaty.芝土焗龍蝦 + 伊麵 was next. Norma