影片
營業時間
今日營業
11:00 - 22:00
星期一至日
11:00 - 22:00
以上資料只供參考, 請與餐廳確認詳情
平時係中環依頭返工同事同我講想食烤魚上OPENRICE SERACH下附近有咩烤魚好食見到依間咁多正評又多分店 就揀黎試下佢先入到去好光猛仲好多打卡位添都唔少內地人專登過黎嫁鴛鴦糍粑 $38入面係黑白糯米 食起黎好香好有口感兩邊既感覺又有D唔同 好睇又好食又唔會怕太多糖太甜同事飲 牛油果奶昔 $38清香牛油果味再加有香蕉成份係入面真加香味同飽肚感火龍果奶昔 $38都係有香蕉成份係入面但冇阻火龍果既清甜味而且紅肉火龍果 賣相更好睇任食既冰粉 $0免費嫁 仲有好多配料提供選擇添呀!正黎到主角喇騰椒味沙巴龍躉 $378估唔到佢咁鬼大條肉質非常滑份量十足最緊要係個湯好入味魚肉完美索晒D汁食到停唔到口再叫左D烤魚既好伙伴薯粉 $20青瓜 $20娃娃菜 $20黃金組合 $38 啱晒15 16既我依到除左烤魚同配菜 串燒都唔錯嫁bb辣燒牛肉小串 $32有10串 佢D BB辣都幾辣幾入味嫁鐘意辣既可以挑戰再辣啲臨尾緊係要揀個糖水做結尾紅豆沙 $0又可止渴 又可以當食甜品兩個人食到肚皮裂開都只係 $622人均$311
繼續閱讀
巴辣仔烤魚喺香港已經有9間分店，凍冰冰除咗打邊爐都好岩食烤魚～環境光猛寬敞坐得好舒服，而且冇咩煙油味，唔嘈沙，唔似一般嘅烤魚店，呢間可以慢慢同朋友品嚐烤魚美食同埋傾偈。呢度嘅自助區仲有免費供應：菊花茶同冰粉DIY！連嘢飲錢都可以慳返嚟嗌多啲嘢食，真係好抵～電子落單，款式比實體餐牌多少少～有3款烤魚，每款都可配唔同嘅湯底都辣度～我就揀咗《 江團魚 💲348 》（醬香味、走辣）魚好大條，肉油潤又細滑，好少細骨，份量都夠3-4人share~ 仲可以加配料：+薯粉 💲20 +千張 💲20除咗烤魚，呢度仲有小食、燒烤串等等，都要試吓！《 鐵板燒茄子 💲38 》（走辣）超多蒜粒！我諗真係多到有成樽咁多！好香蒜味，茄子肉又稔嫩，好味～《 燒手工麵筋(2串) 💲28 》（走辣）岩晒我，脆脆地又唔會硬，幾好味～《 燒雞軟骨(3串) 💲32 》（走辣）細細粒有咬口～《 口水雞 💲38 》雞肉好嫩滑，有驚喜～《 鴛鴦糍粑 💲38 》熱熱香軟煙韌好正！放涼咗都無變硬～黑色部分係黑芝麻製成，多份芝麻香～冰粉我地食咗好幾碗，多配料，正～
繼續閱讀
今日收工朋友帶我黎石塘咀食呢間 巴辣仔烤魚😋 香港大學站行幾分鐘就到～ 坐低睇睇有咩食先😬魚都有分3種 口味又分咁多種 有辣冇唔辣 仲有不同種類嘅串燒 同埋小食 好多野都好想食呀😋諗左一陣就用qr code落單啦～ 椒麻小酥肉 $38呢個係新菜式 即刻想試下😌 酥肉炸得好酥脆又唔油膩 啖啖肉點埋椒麻粉 讚👍🏻 燒雞中翼 $36串燒即叫即燒 熱辣辣上枱又勁香 好好食仲要有4隻 正😗 鐵板燒茄子 $38好大條既茄子🍆 表面鋪滿蒜蓉、香蔥、同埋辣椒🌶️ 味道調得岩岩好 勁好食 呢個必點😇 麻辣卜卜蜆烤江團魚 $348+$38主角黎啦🤩 我哋最後揀左江團魚 最怕食魚有好多骨 呢隻就唔會啦 肥美冇細骨同啖啖肉真係最岩我哋😍 魚真係好大條😋 仲要起左一半肉 好方便我哋食😇 同埋麻辣調味調得岩岩好 又唔會好辣 魚肉加埋麻辣真係好香好好食🤤我哋加左$38要左卜卜蜆 就咁睇都見到唔少隻 仲要隻隻厚肉又冇沙 加左啲辣味真係愈食愈想食😙 薯粉 $20烤魚必點薯粉😛 麻辣湯煮既薯粉真係超好食 入哂味又唔會淋 姐姐話佢地啲薯粉真係用薯粉整 唔會煮到爛哂 仲會愈煮愈入味 真係大推👍🏻 食完辣最後當然要食個冰粉啦😋菊花茶同埋冰粉都係任食架 菊花茶有茶味又唔會太甜 食辣岩哂😙冰粉配搭自己揀 落埋紅糖水 食完辣再食冰冰甜甜好完美呀😌 總體來講 呢間 巴辣仔烤魚 環境舒適 店員服務好 食物質素不錯👍🏻 姐姐好nice好好人 一定會再黎食其他味嘅烤魚呀😌
繼續閱讀
今日去咗西營盤嘅巴辣仔烤魚，店面超大同埋各檯屏風較高，空間感好夠，唔會同隔離檯你眼望我眼～雖然店名有個「辣」字，但所有食物都可以揀辣度，所以都好適合唔食辣既朋友呢沙巴龍躉烤魚個魚新鮮又彈牙，配埋金銀蒜嘅香味，非常出色鐵板燒茄子，茄子爽口又多汁，搭配燒得剛剛好嘅蒜香醬汁好香呀燒雞軟骨好香脆，口感好好 蒜香金菇粉絲亦係一道出色嘅菜式，金菇鮮美，粉絲滑口又有嚼勁，撒上少少蒜香，好快就被我地清晒啦燒魷魚鬚小串同燒五花肉小串魷魚鬚燒得剛剛好，有啲彈牙嘅口感，五花肉又香又嫩口水雞雞肉鮮嫩多汁，一口咬落去，算係成檯D辣既食物，但幾有後勁，所以都係推薦最後，侍應服務好好，而且價錢好親民，如果你鍾意辣辣嘅食物，一定要嚟試下～
繼續閱讀
食過咁多間烤魚巴辣仔嘅烤魚絕對值得去試麻辣烤魚串燒好食，絕對讓人難以抗拒。魚肉經過腌製後，烤到魚肉外酥內嫩，搭配麻辣香味，辣椒同花椒香氣係口中綻放，帶來辣而不燥的感覺。串燒點左羊肉，經過燒烤，外香內嫩蒜香花甲食得出花甲好新鮮，搭配蒜香醬汁，帶來濃郁的海鮮香氣和蒜香味。甜品方面，自助區提供冰粉和紅糖糍粑，冰粉清涼爽口，配上水果同糖漿，帶來清甜滋味；紅糖糍粑則搭配紅糖的甘甜，口感綿密。總括而言，巴辣仔嘅麻辣烤魚、串燒和蒜香花甲都令人一齊難忘。任食嘅冰粉更畫上完美嘅句號。
繼續閱讀