川亭 (電氣道)

營業中

休息中

川亭 (電氣道) (天后)天后電氣道74-78號金基大廈地下3A號舖小店賣四川粉麵同食物，有酸辣粉同口水雞等，價錢公道，是街坊小店經營。同朋友食完都好滿意，小食試了手拍蒜泥青瓜同皮蛋，可謂兩個完全唔同，一個唔辣食蒜香同清爽，皮蛋就是個辣濃的角色。主食要鹽水雞，有點似白切雞，鹽水味突出，肉食落去是鹹鹹香香咁。主食擔擔麵 同雞是這裡的招牌菜。擔擔麵小辣，湯中帶肉碎.麻辣小麵濃口味，喜歡麻且辣的人，推薦以上咁多才是$188 ，仲包飲品。

好似我呢啲餐餐都要食啲辣先覺得好味嘅人，川菜真係好吸引我哋。但有陣時食川菜，又要茶介又要+1，好似唔係好抵食咁。但天后呢間川亭，唔使茶介，唔使+1，明碼實價，所以我成日放咗工都會嚟呢度食。今晚我哋叫咗以下菜式。蒜泥手拍青瓜（$28）：青瓜係手拍更加吸收醬汁同蒜泥嘅味道。青瓜口感爽脆，味道清新。有大量嘅蒜泥，好有益。青椒皮蛋（$30）：青椒係煎熟嘅，有啲係少少辣味，有啲辣啲。皮蛋嘅蛋黃呈金黃色，呈流心嘅狀態，好吸引。麻辣牛腱（$52）：見到好多人都嗌呢個，所以我又叫嚟試吓。份量都幾多。牛腱切得夠薄，好易咬開。牛腱同麻辣味都好夾。沙薑雞-例牌（$62）：沙薑味非常重，啱晒我。雞嘅肉質嫩滑. 雞皮唔會好厚脂肪。水煮魚片（$123）：用上龍脷柳魚片。菜式仲包括豬紅，芽菜，青瓜條同埋薯粉。龍脷魚柳片份量多。薯粉煙煙韌韌。豬紅有咬口，唔會一夾就散。清湯米線（加配價$10）：米線口感彈牙，唔會一夾就斷。入邊仲有幾條生菜. 無糖烏龍茶，忌廉汽水（$10@）：有幾款無糖茶，豆漿，罐裝飲品同紙包飲品比大家選擇，無論健康派定非健康派都有照顧到。

今晚屋企無煮飯，所以只好食自己🥹臨放工時用Openrice叫定外賣自取，有折之餘仲非常方便，一去到就拎得，啱哂唔鍾意等候嘅我😆✴️涼拌紅薯粉✴️唔食得辣所以叫咗微辣，食落都有明顯辣味，但可以接受🌶️不過碗粉嘅味道整係得辣油味，同我預期嘅有少許不同，如果可以加啲酸味可能味道上會更豐富～另外可能係外賣關係，薯粉有少少淋，無Q彈嘅口感，較為可惜🧐✴️沙薑雞✴️個人幾鍾意依個沙薑雞❤️雞肉好嫩滑，而且份量多，啖啖肉！沙薑汁濃郁味重，用嚟撈薯粉食加分👍🏼✴️蒜泥拍青瓜✴️蒜蓉味極重，大愛❤️❤️❤️

突然間想食口水雞，聽聞川亭好抵食，而咁啱行開天后個頭，就一於去試下。川亭舖面細細，大約都係得五六張檯，但好彩唔洗等就有位，我叫左個川亭招牌套餐，可以揀一個餸再揀個麵，仲送埋飲品，唔洗諗，我就叫咗口水雞同擔擔麵再加罐可樂，埋單都係66蚊，至於味道方面，口水雞唔會太辣，啱哂我依啲唔食得太辣既人，而雞肉嫩滑，非常好味，而擔擔麵麵質彈牙，擔擔麵湯底香濃唔太辣，總括而言，依個餐係一個性價比高既選擇，值得推薦。

店舖位置唔算難搵，個川辣汁相當夠味唔太食得辣嘅叫微辣就夠今日試咗：四川擔擔麵+口水雞（微辣）+麻辣青瓜個雞真係好滑，擔擔麵都夠足料，青瓜我喜歡佢夠細粒一口一粒剛剛好。四川口水雞+重慶酸辣粉（中辣）+涼拌木耳個酸辣粉係薯粉，煙煙靭靭唔錯，最怕就係煮到太耐淋曬，配料都好足，中辣真係食到滴哂汗，木耳一般般可能醃嘅時間唔夠木耳完全無味。紅燒牛肉腩麵呢個小朋友食，清湯底就算，牛腩都算淋，但個湯底就真係好清牛𦟌涼麵（中辣）牛𦟌都ok嘅唔韌不過唔係好夠味，記得食之前一定要加醋，加咗醋中和咗啲辣味，所以唔算太辣

又係酸辣粉關注組力捧之一，呢度勝在係有位坐同埋有下午茶餐食，間唔中口痕都可以嚟食吓。如果去開staycation仲可以揀openrice外賣自取，會比起餐牌上價錢平啲～重慶酸辣粉 小辣 配紙包飲品($38)下午茶諗住食少少嘢墊肚，當然揀重慶酸辣粉。薯粉用粗薯粉，係我至愛，湯底夠酸夠辣，而配料都俾得大方，食到底都仲會有。如果平時食lunch或者dinner會配埋佢地個香油鹽水雞，雞加粉仲有嘢飲，抵食而且份量夠，嚟親天后都會掛住呢個味道

呢一間川亭口水雞專門店已經係第二次食，喺維園個泳池附近，游完水就過嚟食。款式都算多嘅，但係暫時食過兩次都係口水雞。今次叫咗個川亭招牌套餐，係口水雞配擔擔面再加支豆漿。以擔擔面嚟講，唔夠好濃郁，但係味道都唔錯嘅。再嚟佢個口水雞你都唔差幾嫩口，仲有唔同嘅辣度選擇，都係幾正。計返$66來講，又有豆漿其實都幾抵食。

天后地區開咗好多四川菜，眼見呢間都有佢嘅fan喺門口等位，即管試一試😌 我用OpenRice外賣自取，落單等一陣就有得拎🙌🏻🍜 香油鹽水雞涼麵（$52）+ 沙薑雞腳（$13）涼麵可以選擇上海幼麵/ 米線/ 紅薯粉，我認為米線撈出嚟最好食✌🏻撈麵配料有少少肉碎、花生、蔥粒、辣油、 青瓜，可揀走辣、或者由細至大嘅辣度，平時食開三哥小辣嘅我，都係揀小辣，味道啱啱好👍🏻 鹽水雞整得好滑，雞皮唔會太厚；雞腳都好淋，沙薑杰杰哋，每一啖雞腳都食到沙薑味🤟🏻 整體來講味道唔錯，不過有啲鹹，食完要飲多啲水🚰

今日朋友話想食米線帶我去試公司附近一間川菜！去到先發現原來唔係間舖唔係主打雲南米線🥲最後我哋叫咗麻辣米線加雞絲同牛肚涼麵麻辣米線加雞絲餐牌無寫但圖係有蔥所以唔食記得要嗌🥹本身配菜有咸菜肉碎雞絲算滑，但都有啲肥位，而且唔係想像中比較幼身嘅雞絲湯就一般感覺只係辣油加麻辣🥲牛肚涼麵都係辣汁底，而且牛肚切得幾薄，朋友話都幾好食🤣睇推介見佢招牌菜係雞有口水雞沙薑雞之類佢嘅雞絲算滑所以雞應該係唔錯嘅選擇！有機會再嚟就試試！😇

我覺得佢也不同辣度，微辣真係微辣，我可以都食到😍 微辣涼拌紅薯粉有驚喜！煙煙銀銀好有彈性，但又唔會好似橡筋咁咬唔到！不過個紅燒牛腩太咸🥲下次會揀其他餸！不過涼拌汁來講，我比較鍾意喺葵涌廣場3樓好多人排隊嗰間😂四川擔擔麵配例牌砂彊雞加豆漿抵食，擔擔面呢，我初初以為佢係上海嗰隻有花生醬嘅擔擔面，失望左1秒😂 不過以味道來講，覺得都唔錯，我朋友就好鍾意🤪最有驚喜就係個雞！超級滑，啱啱熟咁！不過呢就唔夠有沙彊味，佢有唔同味揀，例如口水雞等，不過個雞係一樣味，就擺唔同嘅汁上去🤪 最抵係個套餐，$68，有一碟例牌雞，有一支豆漿，同埋一碗擔擔面好足料！雖然開咗冷氣但舖頭超級熱，同埋可能店員太忙會有漏單嘅情況🤣

叫左口水雞涼麵中辣，麵同雞分開上，幾貼心。麵有肉碎、脆豆同青瓜絲，撈起黎食酸酸辣辣，幾好味。麵質都夠彈牙，唔錯。口水雞望落好多辣椒好似好夠辣，都有5 6 舊。食左頭一兩舊，味道正常，係有啲難咬，痴骨，雞本身冇咩味，係靠醬汁。中間有兩舊切唔斷，更加難食。重點黎啦：下層仲有三舊8 9 成都係皮同肥油，仲要全部未熟，啲肉林到生咁🤢🤢因為已經食得7788都唔好意思話要換，但食到底實係有啲生得過分。總括：整體味道可以，但招牌口水雞生到咁嘅程度，都唔會有下次。

叫咗個酸辣粉，大辣，今次好難食，米線好淋一d彈牙都冇，d湯又過酸，平時食好好食，經常叫但今次真係好難食，得個酸字，唔知係唔係每次都唔同人整，下次希望座席唔會係咁啦

假日唔知食咩好 就係OpenRice外賣自取見到呢間川辣菜感覺好吸引 一試完辣得好過癮 （第二日更加爽😝明既就明） 呢間既口水汁真係夠哂足料 辣椒紅油花椒辣椒...... 又麻又辣真係好過癮而家涼麵非常多伴料 芫茜豌豆蔥辣油青瓜絲肉碎...... 撈起黎好好食 其中一配涼麵我仲叫左中辣 食到我一路流鼻涕一路食得好爽😝肥腸口水雞都醃汁醃得好好食 特別係蒜泥青瓜真係完全解到麻辣 皮蛋晶瑩剔透做前菜都非常惹味 非常推薦❤️口水肥腸紅薯粉Pork Intestine with Chilli Sauce & Potato Noodles川亭口水雞涼麵Chicken with Chilli Sauce & Cold Noodles蒜泥青瓜Garlic Cucumber紅油皮蛋Preserved Egg with Chilli Sauce

最近屋企樓下開左呢一間新野有新野當然例牌試試佢上黎呢到見到仲要有外賣優惠 咁當然念都唔念就試試佢喇叫左個外賣特價酸菜魚 😵‍💫😵‍💫😵‍💫😵‍💫😵‍💫😵‍💫返到黎食 淨係飲淡湯已經鹹到食唔到 CLS 之後啲蘿蔔仲要燶曬 另外仲叫咗個沙薑雞腳 d汁又係鹹到爆 唔知係咪個廚師今日心情唔好 定我唔好彩 我決定以後都會black list 呢間野😡😡😡😡😡絕對冇可能可以食得落口！！！！！！！！！

同朋友去天后staycation 當然要周圍搵好西食啦 9點落街搵食 但原來有好多都關左門 我地是但入左間四川菜館香油鹽水雞 一般 d雞出奇地好難咬四川酸辣粉 本人非常愛食酸辣麵ge 但呢個湯有點兒太過酸 粉又略粗 我覺得一般般手拍青瓜 正正常常 有少少唔夠味津路加3蚊豆漿酸菜魚片米線 咁多樣野入面 呢個米線最出色 首先 個湯好好飲 酸度岩岩好 再加d胡椒味 另外 酸菜好好食 魚片又好鮮甜 好味到我成碗清晒埋單132蚊 雖然唔係樣樣都好好食 但價錢真係好抵食