🌸櫻花伯爵茶蛋卷 （$68）期間限定🌟 人氣網店果然有保證 平日下午人流都算多 蛋卷厚厚的，夠份量 不論蛋糕定cream，伯爵茶味都好出 戚風蛋糕軟綿綿🙌🏻 Cream好滑👍🏻 低糖低卡感覺輕盈，食完唔覺內疚☺️ 仲有細心店員親自講解櫻花係鹽漬，少少鹹味，食落都幾夾㗎！ ☕️ Latte 鮮奶咖啡 加$5 可以轉SOE，當然轉啦！ 細細品嚐下，會感受到淡淡嘅花香味及黑加侖子味🫶🏻 咖啡入口舒服！ 配蛋卷一流呀👏🏻

喺大坑最好飲嘅咖啡莫過於呢度！澳洲高質感覺，咖啡比較 fruity，香滑濃厚，唔會苦澀，好易入口🫰🏻 試過好飲之後，再去其他 cafe hopping 就會高要求咗😂 ☕️ Ice latte 最鍾意佢哋唔會攪勻晒，ice latte 都飲到 dirty 嘅層次，開頭 taste 到 black，漸漸變 white 及奶香，非常滿足！ 🍴Half and half 係我食 fineprint 必點之選！牛油果同 cherry tomatoes 好新鮮🌿 Sourdough 香脆，有 olive oil, salt, cheese, herbs，加少少檸檬汁調吓味，十分 refreshing 🍋 🍴Ricotta toast Ricotta cheese 係好健康嘅選擇，高蛋白質又唔肥，好香滑，份量多；配上blueberries 及 honey 非常夾👍🏻

呢度咖啡好飲應該不用多說，食物都做到高質真係滿分👍🏻 係一間可以 encore 再 encore 嘅 cafe 🥰 炸軟殼蟹飯配溫泉蛋（$158) 軟殼蟹大大隻，好香脆😍 賣相一流之餘，入口都係大滿足🫰🏻溫泉蛋流心度啱啱好，撈埋個飯好 creamy! 咸蛋黃炸山藥條（$78） 山藥本身係健康嘢，可食到蛋白質、食用纖維及維他命B… 但佢滑口感原本黏滑，唔係個個接受到；經佢炸一炸，感覺煥然一新🤩 加埋咸蛋黃醬真係絕配👏🏻

地方身處於尖沙咀嘅一條後巷，老實說，係有少少隱蔽我哋要好似去咗旅行咁，用map 搵一搵 呢度嘅午市定食都有幾多選擇，當中會包珍珠米及味噌湯 🍲 🐖 芝士吉列豬扒飯($68） 豬扒厚切，炸粉唔會太厚；入面有拉絲嘅芝士，香脆多肉汁👍🏻食幾啖已經覺得好滿足！ 🐟 黯然銷魚飯（$78） 鰻魚嘅醬汁甜甜地，燒到魚肉表面少少脆，下面稔身；太陽蛋蛋黃橙黃色，係香濃嘅日本蛋味🫰🏻夾埋蔥花送飯一流！飲埋個麵豉湯暖笠笠，正

位於大圍村屋嘅地下，位置喺馬路邊，唔會太難搵；平日晚飯時間附近人流唔算少，嚟食嘢可能都要等一陣位☝🏻 紅蝦龍蝦汁扁意粉（$128） 賣相好吸引，龍蝦汁十分香濃，意粉 al dente 👍🏻 秘製香草蕃茄忌廉意大利飯配慢煮豬柳梅叉燒及溫泉蛋（$168） 叉燒都幾冧身，果然係慢煮嘅製成品🙌🏻 個溫泉蛋流心好靚，撈勻食更滑🤘🏻 香煎安格斯封門牛柳10oz 配烤雜菜薯蓉（$268） 封門柳牛味甚濃，5成熟啱啱好！配菜焗得好食✌🏻 炸魷魚圈配香草甜椒醬（$78） 魷魚圈炸得好香脆，醬料甜甜哋，好夾呀🫰🏻

一班朋友一齊相約於康怡廣場食午餐🍽 呢間餐廳有木系裝修，座位舒服，適合同朋友嚟chill 吓傾偈👍🏻 海膽三文魚子竹炭烏冬 $188 海膽及三文魚子份量唔多，竹炭烏冬食落去好似咬到沙粒咁；醬汁非常多，有點可惜係烏冬掛唔到啲醬汁😅 巴馬臣芝士薯條配黑松露醬 $68 正路發揮，黑松露醬不錯👌🏻 PEKO 拼盤 $158 有青口、葫蔴雞、廣島蠔、海苔魷魚🦑 當中最好食嘅係海苔魷魚！我哋忍唔住叫多咗一碟🤣 其他一般般啦 蝶豆花玫瑰荔枝$48 外表非常吸引！飲到好清新嘅荔枝味但唔會太甜👍🏻

茶樓開6am，天都未光，我哋一行人6:15am 左右到達，已經有起碼8架車泊咗喺度🚗🚙 好在早到，仲有靚位泊車，如果唔係食食吓嘢要倒車讓位俾人出😅 開定茶位，坐2樓露台位，雖然好冰凍，但成功捕捉晨光第一線👏🏻 茶水間係自助模式，鍾意飲咩茶自己沖🫖 拎嘢食都係，落返地下揀，有炸物、蒸籠點心、粥麵及甜品，任君選擇⭐️ 呢度嘅炸物幾好食，真係卜卜脆，一定要食嘅係炸雲吞，同埋送粥嘅薄脆🤭 一流👍🏻 其他蒸籠點心穩定發揮，正常茶樓水準，蝦餃OK，蝦肉都幾彈牙，燒賣就一般，唔試都得；牛肉球比較硬身，但都算唔錯嘅☺️腸粉都幾滑，個麻醬好夠味，比較杰身；皮蛋瘦肉粥正路；馬拉糕同馬豆糕都偏甜😛

呢度出名酸種麵包🍞🥖🥐🥯 幾好食呀！又多選擇👌🏻 估唔到沙律睇落都好吸引，想食得健康啲嘅朋友都可以一試！ 🥗 Vegan Salad 200g（$50） 有五款口味可以選擇，每碟可以選兩款沙律😌 我揀咗西蘭花沙律及蠶豆藜麥沙律，朋友揀咗香辣地中海小米沙律，三款都非常新鮮👍🏻 香辣地中海感覺上唔算太辣，好重香料味，充滿地中海風情❤️ 🥖酸種脆片（$48） 好脆口，似係食緊薯片，唔係好食到酸種麵包嘅感覺👏🏻 佢每一塊嘅表面上沾咗少少橄欖油及香草醬，少少鹹香，幾特別💜 🥐杏仁酸種牛角包 表面上鋪滿杏仁及開心果碎，牛角包煙韌有咬口，入裏有吉士醬，食完感覺幾飽，好滿足🤌🏻 ☕️ Latte 每杯咖啡上面都有一片朱古力附送，係70% Valrhona Chocolate 🍫 咖啡入口比較 nutty，有啲苦，普通。

🥩 和牛咖哩金麵（$188） 咖哩汁香濃，麵嘅口感幾彈牙；牛肉都算淋，有幾片，唔算多。加少少青檸汁可以冇咁「溜」🙌🏻 🌶 秘製辣肉醬手包粉卷（$108） 呢個係每次去 Greyhound 都會嗌嘅，自己手動包嚟食，除咗好玩外，醬汁鹹淡度都可自己調節。包出嚟似生菜包多一塊粉皮，口感豐富。個肉醬唔算太辣，加少少汁，酸酸哋鹹鹹哋，不錯👍🏻 🥙 雞肉沙爹配印度簿餅（$78） 普普通通，唔太特別，唔算特別吸引😅 🍹Fruity Shaky Yogurt ($68) 食完濃味嘢，飲返杯 yogurt drink，杯飲品感覺似用新鮮水果整成，refreshing👏🏻

叫個雙拼先，試多一樣餸，一於揀雲吞鮮牛肉麵（$44），抵食喎！ 雲吞大大粒，入邊有幾隻蝦，好新鮮彈牙😋 暫時係我覺得港島區最正嘅雲吞🙌🏻 牛肉有牛味，係滑嘅！仲要有好多片👍🏻 鐘意食牛嘅朋友會覺得好滿足！ 幼麵都幾爽口，唔會太淋；配一啖湯食好正，因為啖湯好清甜，有鮮味，令人忍唔住會成碗飲晒🤓 辣椒油都做得好有誠意，識食嘅食佢啲辣椒粒粒🌶 我一匙羹食一碗麵都夠 總括嚟講，性價比係高嘅，經過中環一定要試吓