家常麵

營業中

休息中

2pm後時間幫襯，客唔多唔使等位。檯面冇下午茶Menu，要問姐姐先會拿過來。叫咗碗擔擔麵、炸豬扒同豆漿。擔擔麵湯底唔夠濃郁、炸豬扒得半塊、豆漿正常。坐坐下越食越焗，原來全舖熄晒冷氣，連工包料$50，整體一般般

雖然店舖位置較偏僻，但真係值得一試！首先係價錢方面，性價比極高！真心對比起外面嘅餐廳，呢間餐廳D野食真係好平！今次去試左D新野！😚有麻醬拌麵、招牌蒸餃、白菜豬肉水餃、燻魚如果去呢間店舖，一定要試吓佢地嘅手工水餃！餃子皮煙韌，而且仲好足料！有次仲見到老闆娘坐係到包餃子！真係人手製作！D水餃仲要係大大隻！食落鮮甜多汁！麻醬拌麵酸酸甜甜，認真開胃！自己另外都叫多左一杯熱嘅洛神花茶，冬天飲落真係成個人都暖笠笠！🥳至於燻魚就係老闆娘推介嘅，自己本身好少會係外面食魚，因為有骨，食落比較麻煩，但呢個燻魚食落完全無骨，仲要炸到好酥脆，再配埋表面酸酸甜甜嘅醬汁，真係開胃又好食！不過好可惜，自己本身唔係住黃大仙，好難得先食到一次！老闆娘成日都好熱情推介D招牌菜比我，所以自己每次去親黃大仙，都必定會幫襯呢間小店！🤤🤤

去黃大仙探朋友，朋友介紹我食呢間佢成日食嘅舖頭依間餐廳好多嘢都係自家製嘅，無論係餃子、甚至乎一啲嘅醬汁都係自家調配👍🏻我就叫咗芹菜豬肉餃10隻：真係做到皮薄餡靚，每隻都好大粒🥰口水雞菜飯：老闆娘話係自家調配嘅口水醬汁，果然同出面食到嘅唔同，依度嘅醬汁唔會咁油膩，仲多咗一份層次感，雞肉吸收啲醬汁，加埋熱辣辣嘅菜飯真係好正😋麻辣牛柏葉：牛柏葉好爽口，加上佢嘅麻辣味，令到本身冇乜味道嘅牛柏葉增添咗味道，用嚟送飯就啱晒👍🏻如果我住附近，一定成日嚟幫襯呢間小店😍

難得走去試下見到圖片幾吸引擔擔麵完全冇味 清湯噉樣冇乜花生味，鹹味都冇乜加20蚊 炸豬扒食下 份量 少到離譜 得幾件仲要超細，又唔熱又好乾50幾蚊 冇嘢飲 冇下次 食面其他好過

小店就是這樣充滿特色和驚喜。花旗參杞子燉竹絲雞湯，花旗參和杞子具有滋補身體的功效，湯底以雞湯熬煮而成，燉煮的過程使得雞肉變得嫩滑多汁，營養豐富。適合在寒冷的天氣中享用。擔擔麵，湯汁由豆瓣醬、花椒、花生和其他香料製成，帶有辣味和濃郁的感覺。麵條本身彈牙有嚼勁，搭配上肉末和花生碎，形成了一種美味的組合。可以根據個人的口味調整辣度，從而適應不同的喜好。自家製餃子，由新鮮的餡料包裹在薄餅皮中。水煮餃子、煎餃子或者蒸餃子。無論是作為主菜還是小吃，這道菜都給人一種親切和滿足的感覺。花雕雞，以花雕酒為主要調味料，以嫩滑的雞肉和花雕酒的香氣為特色。

之前剛開張都有食過佢哋酸辣米線完全冇味道一年後諗住俾多次機會 都係咁差勁等咗10幾分鐘 啱啱糖食嘅就即刻有另外 味道難食 豬扒加$15 份量極少聽到店員話 佢只係加$15豬扒，唔使俾咁多佢服務員態度極差千祈唔好過去食

要支持小店🥳🥳🥳推介餃子🥟和冷麵 ，仲有雞翼😋花雕醉雞菜飯雞肉浸泡在花雕酒中，好入味👍👍酒香濃郁的味道和嫩滑的雞肉質地，讓人回味無窮。鍾意食花雕醉雞嘅朋友，大碟一點$49，再加白飯$12，我依個套餐有菜飯同小碟的醉雞，都只係$48 ，經濟實惠，又好食花生醬拌餃🥟餃子搭配著香濃的花生醬。花生醬的濃郁口感和香氣為這道菜增添了豐富的風味💕💕💕菜肉雲吞，招牌冷麵清涼可口的麵食。菜肉雲吞餡料豐富，入面有肉碎和蔬菜。搭配招牌冷麵，有豐富的口味層次。冷麵醬料和調味料好食😋惹味麻辣土豆絲土豆絲麻辣味好香，土豆絲的爽脆口感和辣椒的刺激讓人愛不釋手。☺️☺️香炸雞中翼三隻雞中翼被調味後油炸至金黃酥脆，外皮酥脆內裡多汁。陳皮山楂洛神花茶山楂和洛神花為茶飲增添了微酸的口感和花香🥰🥰陳皮山楂茉莉花茶茉莉花為茶飲帶來了芬芳的香氣，而陳皮和山楂則為茶飲增添了酸甜的風味。這款茶飲具有提神和消化的效果😝😝

家常麵價錢💲: $33/ $45+20好味程度😋: 3.7/5服務🍴: 3.4/5環境🗾: 3/5性價比🥢: 4.3/5回頭率😚: 3.4/5-黃大仙舊區其實都有d小店，個人好中意的大街小館甜品店就係個邊。去食甜品前食返個正餐先😋 之前睇talkfood y小編介紹過呢間，有興趣佢地花生醬的產品！店面只有幾個姐姐一手包餃子+廚房+樓面，-✅蒸餃子。一籠8隻，柳葉形的餃子包得好公正好靚🤤皮算幾薄，但蒸起上來比較黏。入面包住韮菜、蘿蔔、蔥、豬肉。菜的比例較多，食落清爽，味道主要都係韭菜香，招牌來講可以試試😬-✅花生醬拌面+上海豬排。上海麵條唔會好軟pat，有啲彈性🥳入面有啲芽菜、榨菜、肉碎等同花生醬好夾☺️ 花生醬唔係好杰同濃稠，食落都唔係好膩，但花生醬控有d唔滿足🥹 豬扒炸得乾身夠脆，豬扒無臊味無雪味，有調過味，唔錯👍🏻-係黃大仙個邊可以食食，好屋企媽咪的味道🤣鍾意花生醬的一定係叫花生醬餃子/麵！- #piggyfoodiein黃大仙

上次第一次幫襯已經覺得好好食🤤！今次入黃大仙再食一次！如果黎到一定要試擔擔面同招牌蒸餃擔擔面花生味好濃！D面係四方形同埋好掛汁！我自己就第一次試擔擔面 所以唔知點先為止好食 但呢次我自己真係覺得好好食！至於招牌蒸餃 真係皮薄喊靚！我好少見餃子入面有紅蘿蔔同埋呢種包法，食落覺得好新鮮！所以最後先決定叫埋花生醬拌餃！估唔到咁夾！我覺得黎呢間鋪一定要試下D炸野！特別係豬排同雞翼真係即叫即炸 D豬排個炸皮薄之餘 仲要好juicy 完全唔乾！亦唔會好似其他店咁 落好多調味料 完成食得出係新鮮豬排至於如果係夏天黎食嘅話叫土豆絲同洛神花茶就啱晒⭕️✨👍🏻洛神花茶加左山楂 酸酸甜甜好好飲！土豆絲都係！如果真係入黎黃大仙 真心建議一試 雖然有少少遠 但真係一試難忘！🤤🤤可惜自己住得比較遠 無辦法成日黎🥲加上又平又好食 good🤤

見咁多好評去試下 一入到去坐低左 等左幾分鐘先有人落單 落單都叫有禮貌同好笑容嘅今次叫左菜肉餃擔擔麵，招牌雞酸辣米線擔擔麵只有好淡嘅花生味 菜肉餃仲淡過屋企自己包個啲 個皮可能煮耐左爛爛地 無特別個酸辣米線湯底好淡 麵上得幾粒榨菜黑木耳 一啲都唔似係熬出嚟嘅湯 似就咁加味落去咁 未食過咁難食嘅酸辣米線 食左一半就食唔落👎🏻 個招牌雞 皮就幾爽 但啲肉梅梅地 似雪左好耐叫左杯熱豆漿 追左一排 佢仲話叮緊 一聽都唔想飲 以為佢係自己煲返熱 一碗計返都要$5x 食譚仔好過又一間無下次嘅店 估唔到有咁多好評

📍家常麵 (黃大仙)黃大仙鳳凰新村環鳳街11號地舖呢間家常上海菜，小店好有家嘅感覺，老闆娘超nice，而且店內好多自家製，重點係價錢一啲都唔貴🫡🫡👉 陳醋小雲耳 💰28😋😋😋😋.5/5酸酸甜甜，少少辣，雲耳口感爽脆，好惹味！👉 灼餃子🥟(6隻)💰30(+2雙拼)😋😋😋😋.5/5我叫左椰菜豬肉餃同韭菜豬肉餃，兩款都係皮薄餡靚，隻隻鮮甜美味🤤仲要勁足料自家製係唔同啲。👉 招牌雞 💰49😋😋😋😋.5/5自家製既醬汁份外惹味加上芝麻粒，而且個雞係本地雞，食落特別嫩滑👉 美味熏魚(半份)💰26😋😋😋😋.8/5用龍脷柳去炸，無骨既魚肉食落仲滋味，🐟啖啖肉，炸得好乾身完全唔會沒有油膩，加上酸甜醬，勁開胃🤤👉 陳皮山楂洛神花茶💰17😋😋😋😋.7/5夏日炎炎，叫左杯由陳皮、山楂和洛神花茶，洛神花則有清熱解暑的作用，岩曬夏天飲，而且無添加！👉陳皮山楂茉莉花茶💰17😋😋😋😋.8/5另一杯🥃由陳皮、山楂和茉莉花混合既花茶。清香的花香味，飲落好清新，飲完個人清爽曬！回頭: yesYesyes!!食物選擇多，仲有好多款係自家岀品正正！推😋😋🤭🤭🤭#kermit食在黃大仙

聽朋友講，黃大仙有一間好食嘅家常上海菜。所以我今日見有時間就走去黃大仙試一試家常麵。原來家常麵係一間小店，由老闆娘馬太主理！老闆娘好nice，入到去真係好有屋企嘅感覺🏡🫶🏻🔸醉雞菜飯：醉雞好入味，又唔會有好多碎骨。菜飯非常足料，有唔少小棠菜菜粒，加埋係油飯底，唔會好乾身，配醉雞非常入口。🔸冷麵：平時食開上海冷麵好多時都係撈麻醬食。但原來家常麵嘅冷面可以揀辣度。麵條非常煙靭。青瓜雞肉絲配上秘製辣醬，非常開胃，好啱炎炎夏日去食。🔸蒸餃&紅油抄手：蒸餃係人手包嘅，隻隻都好大粒。餃子配料有豬肉，紅蘿蔔，韭菜同蔥，非常飽滿！至於個紅油抄手同個蒸餃一樣咁足料，個皮又夠薄又滑，而且個汁都唔算太辣，味道啱啱好，正！

今次去朋友家，經過呢間小店。天氣好熱🥵，二不話說同朋友入咗去試下。小店喺黃大仙出口步行一會兒就到。麻辣土豆絲$28前菜酸酸甜甜，比外邊餐廳還爽口，好醒胃。招牌醬拌麵 $45麵條是老闆精心挑選的，非常煙靭，加上招牌甜酸醬有少少辣，夾埋青瓜及雞肉絲，在呢個炎熱的夏天帶上小清新。美味熏魚菜飯$48用上美味的龍脷柳去炸，炸得非常乾身，沒有魚骨啖啖肉，亦不油膩，再加上酸甜醬，非常開胃。菜飯非常出色，菜有少少鹹味，加上熱辣辣的飯，會令人吃多幾口。招牌蒸餃 $33/8隻採用柳葉餃，全人手製作。不得不讚個皮好薄非常煙韌好好食！價錢亦都非常抵食！好有家的味道，入邊配料有豬肉、韭菜、蔥及紅蘿蔔。味道適中，忍不住食多幾隻。👍🏻口水雞 $49濃濃的醬汁加上芝麻粒，是好滑溜的本地雞，喜歡辣的人一定要試👍🏻凍奶茶 $10奶味較重，不過不失。凍檸茶 $10茶膽不錯，沒有澀味。

🤩擔擔麵以豬肉絞肉、花生醬、辣椒油、芝麻、蒜泥、醋等多種調味料搭配麵條製作而成。香氣四溢的花生醬，味道豐富，麵條煮得剛剛好，彈牙有嚼勁，搭配上豬肉絞肉和花生醬的鮮香味🤩蒜泥白肉以滷過的豬肉搭配濃郁的蒜泥醬豐富了口感。豬肉滷得恰到好處，口感鮮嫩多汁，蒜泥醬則是鹹香微辣，非常開胃🤤🤤🤤🤩口水雞招牌冷麵搭配入味的口水雞肉和爽脆的青瓜，雞絲等配菜，味道鮮美清爽。麵條煮得剛剛好，口感爽滑，秘製香辣醬的味道濃郁卻不膩，使整道菜更加有層次感。涼浸浸，好好食👍👍👍🤩招牌蒸餃蒸餃皮薄而有彈性，包裹著鮮嫩多汁的豬肉、韭菜、蔥和紅蘿蔔等配料，每一口都是一種滋味的享受。這道蒸餃的餡料量十分足夠，每一個餃子都很飽滿，給人一種物超所值的感覺🤣🤣🤣🤩陳皮山楂洛神花茶由陳皮、山楂和洛神花混合而成的。陳皮是一種中藥材，具有理氣消食的功效，山楂則能促進食慾和消化，洛神花則有清熱解暑的作用😝😝😝🤩陳皮山楂茉莉花茶由陳皮、山楂和茉莉花混合而成的。茉莉花有著清香的花香味，而陳皮和山楂的功效前面已經介紹過了。味道清新怡人，是一款非常適合在夏天飲用的茶品👍👍👍

5月24日揾食肥華諗住帶靚媽，試呢間在OPenRiCe有不少，食評家讚好嘅，家常麵店，見有咁多好評都諗住呢餐都唔會，差得去邊，咁就點咗兩款湯麵，一款篜手工餃子，和一件炸豬扒及一杯熱荳䊢，就係簡簡單單，肥華兩口子今晚嘅晚餐，憑心而論此店出品雖未為肥華帶來驚喜，但亦致於要俾劣評，若行過路過肥華認為此店，可以一試，但各人口味有異，靚媽對肥華給此間食店評語，卻不認同，佢話此店食物，唔係好食過人，價錢在鳳凰村又唔係平過人，揾唔到原因要再幫襯此店😵😵😵