家嫂一家大小

營業中

休息中

家嫂一家大小😘😘😘合家歡尖沙咀堪富利士道、有一間可飲又可打邊爐的中式店、屏風間隔、寬敞、三五知己、聚會好地方！欖仁火腿燒賣、燒賣加上火腿、簡而帶出新口味🤩山楂汁鮮蝦炸雲吞、細緻攞設、賣相吸睛、金黃香脆、不油膩！蘿蔔千絲酥、酥脆香口、熱騰騰、清甜蘿蔔絲😛海苔菜苗餃、煙煙韌韌薄皮、包滿菜苗餡、、清甜有嚼口😊潮州韭菜煎粿、濃香韮菜、糯米皮煎香口、軟綿綿、有口感！陳皮山竹牛肉球、濃香陳皮絲、裏包着牛肉、沾上喼汁、帶出味蕾新口感😆了能糖心皮蛋、尼度都吃到糖心皮蛋！香煎鮮蝦腐皮卷、爽口彈牙鮮蝦、外皮披上腐皮、外脆內軟、😘茉莉花茶、清香苿莉、解喝、心靈舒暢😃仲有自家出品「家嫂手信」麻辣菜脯粒、純正花生油😊😊尖沙咀堪富利士道8號格蘭中心3樓港鐵尖沙咀/線尖東站A2出口、步行二2分鐘

今日朋友同我慶祝生日book咗家嫂一家大小之前嚟呢度都聽聞好多嘢食真係花多眼亂飲品款式自製嘅湯水亦都好多配料亦都好多醬料嚟到家嫂又小食開始已經食得好滿足飽肚跟住重頭戲開始就係刺身船佢真係又可以打卡又食得滿足刺身非常之新鮮去到雞煲環節，我哋今次食中辣超惹味勁多舊雞肉佢嘅醬汁真係好特別令人會掛住嘅雞煲最尾當然係海鮮打邊爐嗰個已經開始有七成至八成飽，但係都要食佢嘅海鮮，因為真係好新鮮，尖沙咀呢間家嫂仲會有生日唱歌舉牌好有氣氛

打算食餐好啲生日飯，點知呢間野回塘回到咁。都費事影相了，埋單成5舊水一位基本上係無得比你加到單，全程都好似chur緊你凈係食佢安排比你既例牌野。蝦係無得加過，我食得1隻，9點鬆已經話蝦賣曬。蠔係急凍蠔，好腥。鱔未落鑊已經勁幼細件，又瘦，記得疫情期間食第一次當時勁肥美大件。好d既雪糕都無，得d雜牌雪條。免費甜品只有蕃薯糖水😨焗椰皇要加錢，樣樣都加錢。十點半清場係連燈都熄埋😎😎😎下次你食埋我嗰份都得。得幾件刺身見得下人，但真係每人每樣得一件

家嫂唔係第一次幫襯，不過尖沙咀店就第一次嚟， 公司同事一行15人諗住揀一間食物質素好又有酒飲嘅地方幫襯點知……食到一肚氣， 食物質素唔算差， 之前幫襯佐敦店7:30有紅白酒供應， 問店員只叫我地等，會有車推出嚟，結果全晚只出過兩次， 每次只有1/3杯….另一次2/3杯， 多次追問酒車幾時再來， 只叫我地等，但期間見有店員攞酒去其中一張枱， 另外reorder就更離譜， 我們一枱6 人一枱9人， 但order不是人頭計， 我們發現數量唔夠再問，就告訴已過了last order, 埋單仲離譜， 佢要我地分兩枱埋單， 明明我地比咗$1000訂金， 但竟然只在其中一張單扣除$500， 如果唔係我地發現就白白被騙$500…..實在太過份

一行十幾人分兩檯坐其中只有7個人會飲酒酒車由7:30開始7:40第一輪斟咗1/3杯（窄身酒杯）8:30第二輪斟咗2/3杯酒車出場時相隔45分鐘左右之後一直等酒車 再詢問職員得到阿姐回覆「等吓啦 夠時間就會有」等到9點 朋友落樓下買紅酒由7:30-22:00 酒車只出場2次📍紅白酒放題只係假象 頭輪海鮮都唔係按人數 每人都唔會分到一件 唯有追加 一份一份咁追加每份數量只有 3，4件 同阿姐直接追加3份得到晦氣回覆「落咗啦 等吓啦 嚟咗1份先可以再加」到嚟咗一份再追加 突然阿姐就話 截咗單😲完全冇職員埋檯通知過截單/last order阿姐冇禮貌講「你哋有一個人知道架 咁就個個都會知 」 實情係冇任何職員會埋檯去通知last order只係9:30有個阿姐問過「要唔要蕃薯糖水」📍食物 海鮮 放題都只係假象被職員要求埋單分咗2張單埋第一張單有扣$500按金第二張單係冇扣$500按金（落咗$1000訂）埋單嗰陣 不斷被阿姐催促 好彩有睇清楚先簽第二張單冇服務可言嘅餐廳 卻收取10%服務費冇提供無限制地 食物 酒水 卻標榜放題食肆一行十幾人食放題火鍋 食唔飽 飲唔夠真係第一次！$470/位7千幾

食物新鮮，蝦同埋刺身都OK不過店員唔老實唔知係咪公司規矩我哋打邊爐，食完第一輪海鮮就叫店員加鮑魚隔咗一個鐘都毫無消息咁就自己再主動問店員個鮑魚去咗邊？店員就話鮑魚賣晒其實我就覺得好唔尊重人你賣晒唔緊要啊，你哋同我講聲，我覺得OK啊但係你粒聲唔出，我覺得好奇怪。咁我就同佢講唔緊要，咁有冇蜆？佢同我講又係賣晒。咁跟住我就叫咗其他嘢食啦，唔緊要。跟住咁啱又另外一個女店員走過來問我哋有冇嘢要加，我咪再問佢有冇蜆，佢好爽快咁答我有，咁最後咪又真係攞到蜆畀我，咁我唔知道係第一個店員唔清楚店內嘅存貨定係有心隱瞞，不過我作為客人第一個直觀感受就係好唔老實，好似唔想我加單咁，所以成餐飯我哋只係食咗一人一隻鮑魚，五個人分一隻蟹，咁佢收我哋五位$2300，服務好坦白講就麻麻哋㗎啦，好心公司一係就加人工俾啲店員，一係你就做平啲嗰價啦，唔想人哋加單就唔好學人做放題。我發誓一定冇下次，我見一個朋友就唱你哋一次☺️

我和一班朋友第一次去了「家嫂一家大小」這家餐廳，我必須說這是一個非常滿足的用餐體驗！這家餐廳提供火鍋放題，包括刺身船、雞煲和海鮮火鍋。此外，他們還提供清酒和白酒無限暢飲的服務。我們都對這裡的食物品質感到非常滿意，食物新鮮美味，讓我們吃得飽飽的，真是讓人心滿意足。首先，他們的刺身船是一個令人驚艷的亮點。船上擺滿了各種新鮮的生魚片，包括三文魚、鯛魚、海膽等等。每一片魚都鮮嫩多汁，口感絕佳。我們可以根據自己的喜好自由選擇，每一口都能品嚐到刺身的鮮美。雞煲也是我們用餐時非常喜歡的一道菜。雞肉煲內的肉質非常嫩滑，湯汁濃郁，充滿了雞肉的香味。配料豐富，包括新鮮的蔬菜和香料，這使得這道菜更加美味可口。仲可以無限食。另外，海鮮火鍋也是這家餐廳的一個亮點。新鮮的海鮮品種繁多，包括蝦、蟹、鮑魚等等。海鮮的質量非常高，每一口都充滿了海鮮的鮮味和甜味。我們可以根據自己的喜好選擇要加入火鍋的海鮮種類，這讓我們能夠根據自己的口味來享受這道火鍋。最後，「家嫂一家大小」提供的無限清酒、白酒和特式飲品讓我們的用餐體驗更加豐富。我們可以隨意品嚐各種不同的酒類，讓整個用餐氛圍更加歡快和愉悅。總的來說，我們都對在「家嫂一家大

絕對係我印象最深刻嘅火鍋餐廳🔥雖然係放題，但材料比外面單點嘅更新鮮而且足料👍🏻 基本上我哋食完第一輪都已經飽晒🤣·豪華刺身船大部分常見刺身例如 三文魚、北寄貝、帶子、蝦，甚至長腳蟹、鮑魚、生蠔都有齊，超級豐富😍😍🤤🤤不過唔係任食，計人頭俾返相應嘅份量，食完就冇lu🥹·象拔蚌刺身 (另加 $288/條)前一日會send WhatsApp 問你要唔要加，係即日叫貨嘅果然係好新鮮，而且依個價錢都算幾抵🤣·雞煲 + 火鍋今晚嘅主角🔥 食完雞煲之後，店員會另外換一個煲俾我哋打邊爐，我哋揀咗老火花膠湯底，好正🥰 同埋又係好搶手，最好要提早預訂/落單，唔係會有機會賣晒🫢其實食到依個位，我哋所有人都已經飽咗八九成😂 飽到雞煲有得加雞都唔加，直接打邊爐😂😂材料可以揀肥牛雞肉豬肉、各種菜、餃子、丸等等，仲有多款海鮮，全部都好新鮮🤤💕·雪燕燉椰皇 (另加 $32/個)又係前一日預訂，話賣完即止🫢 咁我哋又即管嗌返個試下啦，點知！連甜品都超級好食😍😍當時嘅我係已經飽到上心口，但都忍唔住，不停食，一啖又一啖，食到食唔到為止🤣餐廳另外仲有其他任食任飲嘅選擇，種類一樣係非常之多，同味道亦好出色👍🏻 即使係挑食嘅人都

之前吃過 lunch，感覺不錯，所以琴晚特意去食dinner。佢既飽肚感係超高，無限時，係一班人歡聚既好地方。今次我5寫佢有幾好，因為其他食評都寫過好多，所以我寫寫琴晚有咩不足之處。1. 蠔：質素麻麻，如以每位$428+10％呢個價錢，請入一些好貨色2. 魚皮：5掂，幾重油“億”味3. 蟹：之前朋友食過話有，但侍應送來食材係無。仲以為5合時令，所以無咗。點知我去拎飲品時，見到有3枱客係食緊蟹，於是問侍應，原來係有。咁仲有冇其他隱藏食材，我就5知。大家只好四圍巡場𥄫下囉。。。。4. 糖水：呢個係送既，侍應9:20pm來截單，順道問我地要5要免費蕃薯糖水，之後幫我地落單。其後，我出去拎飲品，見到有車仔推糖水出來，但未見我地嗰份。大家吹水到10:15pm，都想走啦，但糖水未到。問問，侍應去check order，另一個侍應走來說沽清。佢既解釋係：(i) 剛才要處理埋單，5得閒跟進糖水訂單安排，(ii) 糖水分配係按系統次序來分發，派晒就無，叫我地去食雪條。聽完咁既解釋，大家真係嬲嬲豬！無糖水係咪通知客人5好嘥時間等呢？？5問5講，呢d態度有問題。仲有你地咁多侍應，5係只得嗰位負責埋單既同事去

之前一直都想試呢間家嫂一家大小，但好多時想食既時候已經爆哂訂吾到位，今次終於俾我試到啦，真係冇改錯名，岩哂一家大細食，有幾款頭盤小食，必食蝦多士，刺身拼盤新鮮，雞煲，海鮮火鍋，呢一餐大家都好滿足

無限私心推介gatherings 好地方💕💕🍲家嫂一家大小 Home Sister Family次次嚟到『家嫂一家大小』都會食到飽。兩個人食到十幾個人都可以嚟呢度。場內除咗刺身船同啤酒無得加，飲品小食任你飲任你食（包括紅白酒）。記得要book有一家大小果個，唔好去錯 。試過佐敦同埋尖沙咀我覺得尖沙咀好啲 。It suitable for small group or up to 12 people group gatherings. All-you-can-eat in here except for sashimi and beer, you can have unlimited drinks and snacks (including red and white wine)齊人前會有任叫多款小食，記住唔好食得太飽，因為仲有好多好嘢食。食物次序：小食➡️刺身➡️雞煲➡️打邊爐➡️糖水甜品Before the main course, there will be a variety of appetizers. Remember not to eat too much, as there ar

5點開始食,真心食物新鮮及服務好。飲品多樣化,有質素,只是5點入座食2小時有些急,但有折扣,都很好。刺生船只來一次,但份量足夠,其他可以添加,包括小食。其實食5點都好,不用等位,見到7點來的客人要睇我哋食完先可入座,2小時邊會咁準時可離開呀

今日終於能夠去勁難訂位嘅家嫂打邊爐。。好失望。。認真，服務係還可以，但食物質素，真是不敢恭維。呢個玩法，食物嘅次序，係幾得意，幾有gimmick ！未去過嘅話，先會同你講解一般嘅流程，不過，同之前去過嘅朋友一樣，佢會講明例如下午3:00 last order，3:30要交枱，4:00一定要清場！不過，其實我哋食到3:10，侍應們已經攞住個垃圾桶，收晒你枱面上所有嘅嘢！刺身，勁一般。even 就算可以再叫，都唔會。點心，幾特別，但唔可以話好好食。雞煲，我哋叫咗小辣，好食既。花膠火鍋，湯底幾好，菜幾新鮮，三色手打丸白色最好食，餃子還可以，海鮮嘅貝殼類同魚還好。豬牛超唔掂，蝦同鮑魚是梅的(要吐)，響鈴難食到嘔(要吐)！嘢飲專區同埋調味料種類較多，有凍熱飲品，同雪條。Last call 侍應問我哋有冇嘢想要，我即刻答，無！其實，我真係未試過去任食嘅地方，係完全唔會encore 囉！我唔會話好伏，但係試過一次就唔會返去。

呢間餐廳非常適合大胃王，保證你一定食飽，而且唔限時，要喺香港搵一間唔限時嘅餐廳實在係太難，當晚同朋友由6點半食到10點，抱住個肚走。餐廳座位舒服，空間闊落。一入門口就係調味料區同飲料區，呢間店嘅飲料唔止只有罐裝飲品，仲有自家製飲料，好似竹蔗茅根水、蘋果雪梨茶、紅棗圓玉杞子茶，誠意十足。一開始有幾款小食，有炸蝦多士、紅糖糍粑、螺肉沙律等，可以無限添加，每度都好好食。之後再黎海鮮刺身，非常鮮甜，呢個唔可以無限添加。再之後就係雞煲，可以選辣度，雞煲裏面仲有豬皮，蜆肉，非常惹味，雞都好嫩滑，雞煲都可以無限添加。最後就係海鮮火鍋，火鍋最緊要就係湯底，湯底揀咗花膠湯，好好飲，食材都好豐富，有蠔、鮑魚、貴妃蚌、帶子、蝦蟹等，非常新鮮好味，另外仲有其他火鍋一般材料，好似蔬菜、牛肉、豬肉、餃子、丸等，海鮮同其他材料都可以無限添加。佢仲有甜品，雪糕雪條、糖水，當晚糖水係薑汁蕃薯糖水，薑汁味濃，好好飲。仲有佢哋到一個時間點仲有白酒紅酒提供。整體食物質素對得住個價錢，雖然佢嘅野食可以refill，但我哋都係食咗一轉，無加野，因為真係太飽啦！

朋友聚會在尖沙咀家嫂，終於享受到近幾年首次遇上一個真心服務的服務員阿敏。終於可以不用回內地享受服務態度。食物質素亦非常好，可以再去，唯獨訂位非常困難。環境亦數尚可