安安燒 (染布房街)

營業中

休息中

試過咁多唔同地方嘅串燒，小編對港式串燒都係情有獨鐘，今次去呢間喺旺角，不過旺角行過去都要大概十分鐘架，建議旺角東站行過去會更方便！菜品價錢合理，值得一提係店家上菜速度超快😳落完order冇耐已經陸陸續續上曬，第一碟串燒講緊可能三分鐘內已經上咗，勁快手！依家逢星期一至日1730-2000仲可以享受Happy Hour🍺$76就可以無限任飲Sapporo生啤及其他無酒精飲品～配串燒食一流呀！燒茄子係燒烤必嗌🍆蒜蓉份量慷慨，蒜香味濃郁～燒粢飯幾特別第一次見😯外層燒到好似煲仔飯嘅飯焦咁，內裡就係平時粢飯嘅餡料，外脆內軟👍🏻沙茶醬杏鮑菇醬汁好入味，杏鮑菇一咬開爆汁🤩菇類要做到入味且燒完都keep到水份係幾考驗師傅嘅功夫🫡沙茶醬金針菇勁大兜，醬汁同樣好濃郁，金菇好掛汁，非常惹味😋蜜糖叉燒選用嘅叉燒部位肥瘦適中，燒完都完全唔柴，切到正方形一粒粒好易入口，忍唔住一粒接一粒😆蜜糖燒菠蘿🍍嘅菠蘿超甜又多汁～有成1/4個菠蘿！發覺店家選用嘅食材都係又靚又新鮮😍當日嗌嘅咁多款串燒都好滿意，不過礙於字數限制寫唔到咁多，會再encore😎

安安燒 旺角染布房街6號地舖旺角東站行落尼就係 燒烤飲野裝修就簡單為主 木枱木凳門口條馬路唔可以泊車㗎 揸車車去嘅朋友小心可以泊喺麥花臣球場附近QR CODE落單 食呢間係食佢地自家製嘅醬汁 調味粉沙茶醬燒龍脷柳 用錫紙包住烤 沙嗲味香濃 入味安安秘製三重芝士撈丁 一定要趁熱食 如果唔係錯過咗最佳品嚐時間 芝士會乾 而且麵質會硬咗安安特色蒜蓉撈丁 勁多蒜蓉 好香 食完之後同人講嘢要小心 成個口濃郁蒜蓉味鯖魚 陳皮魚蛋 燒韭菜 多春魚 啤酒佐燒烤

朋友帶我去食串燒…今次提議黎旺角的安安燒試下，印象樓上樓下既餐廳好似同一個boss，試過打爐同間bar都唔錯…所以試下串燒我地點了雞翼、雞軟骨、冬菇、牛舌、茄子、牛丸、墨丸、粢飯和粟米等多款串燒和配菜。整體來說，串燒方面有我最爱既雞翼和雞軟骨。雞翼外皮燒幾脆，肉質都幾嫩；雞軟骨燒得好香口。牛舌就唔係我鍾意既爽身質感，不過味道是ok的。燒茄子唔錯…燒得夠時間…又多蒜蓉🤩🤩其他串燒如冬菇、茄子牛丸同墨丸等，都正常發揮。咁多樣野我比較喜歡燒粢飯…幾特別。粢飯燒到糯米飯味好香，糯米飯好煙韌…餡都幾足料燒牛肉都唔錯…生熟掌握得唔錯呢度仲有happy hour…如果唔揸車又飲得…可以加錢任飲啤酒…配串燒最夾

一直都好鐘意食串燒，依間選擇多又夠特別！首先一定要推介依到嘅芝士撈丁，試左安安秘製三重芝士撈丁，好邪惡，真係好濃郁，有車打芝士、藍芝士同巴馬臣芝士，鹹香味同公仔麵好夾仲叫左燒茄子，原條燒仲要好多蒜蓉，燒到入口柔滑，味道又濃郁，好正蔬菜類方面仲試咗娃娃菜，都幾驚喜，燒完仲保持到入口柔軟，唔會勁乾仲叫左燒鹿兒島豚肉串，豬肉味濃郁仲好多汁，加少少孜然粉已經好好食另外試左黑松露墨魚滑，好特別，彈牙有咬口，仲燒到外層少少脆，有淡淡嘅黑松露香依到仲有燒韭菜餃，未試過食燒嘅餃子，咬落脆得黎餡料又香又軟熟最後仲叫咗蜜汁燒芝心獅子狗同墨魚丸，燒完甜甜地幾正！食串燒一定要啤啤佢，試咗個台灣蜜糖啤酒，入口清香嘅蜜糖味後勁就啤酒嘅苦，特別又好飲！依間嘅串燒質素唔錯！

今晚在旺角逛街，順路在「安安燒」吃串燒晚餐，分享一下我們桌上的美味。肉類串燒：安格斯牛柳串~牛柳是牛肉最鮮嫩多汁的部位，串燒多添焦香冶味。王牌燒牛舌~牛舌口感爽脆，中心部位又帶鬆軟嫩滑，而且味道香濃可口。脆皮燒滑雞片~皮脆肉嫩、啖啖肉，更勝燒雞翼。海鮮串燒：燒蟶子王~蟶子鮮甜爽脆，配合香蒜吃，味道一流！懷舊港式燒魷魚仔~我們的至愛，趁熱騰騰吃，肉質鮮香甜美，無得彈！香滑芝士燒扇貝~ 香濃芝士配搭鮮味扇貝，非常可口！ 撈麵主食：安安燒秘製三重芝士撈丁~芝士份量足夠，麵條掛得滿滿的。溏心波蛋脆脆煙肉碎三重芝士撈丁~多了配料，味道層次又更上一層樓！正正麻吉年糕~ 煙煙靭靭， 平凡中見不平凡的串燒。  

旺角咁多間串燒店 呢間個地點就最方便旺角東站下面咁近 難怪長期坐爆❣️皇牌燒牛舌 $45厚切有返咁上下份量 口感軟嫩實在 油脂迫晒出嚟塊塊閃令令 賣相極吸引❣️正正麻吉年糕燒 $22煙煙韌靭嘅年糕夾喺中間 彈牙外層包住 形成強烈對比❣️惹味蒜蓉生燒茄子 $48超多蒜蓉大大條🍆煮到好淋身 蒜蓉香氣入曬茄肉度 一撕一啖超級滿足❣️串燒蜜糖燒賣 $22外脆內軟嘅燒燒賣係每次BBQ必食item 搽滿蜜糖🍯略帶微甜好正好過癮❣️頂級鹽燒多春魚(4條) $46就咁用鹽擦過嘅多春魚保留原有魚肉鮮香 脆卜卜嘅外皮焦香脆口🐟❣️燒娃娃菜 $21灑咗孜然粉同七味粉嘅娃娃菜除咗蔬鮮味更有味道🥬❣️秘製沙嗲醬燒陳皮魚蛋 $18微辣嘅沙嗲醬加上淡淡陳皮味滲出嘅魚蛋 成件事都好港式燒過嘅夠晒熱辣辣 皮脆內彈食完一串又一串❣️鹽燒鯖花魚(3件) $35切成一嚿一嚿嘅鯖花魚令檸檬汁更加全面覆蓋每個角落猛火逼出油脂 焦香四溢❣️蒜蓉燒扇貝(2隻) $38又係另一個比蒜蓉鋪滿曬嘅小食扇貝有成個一蚊銀咁大粒 多汁好香❣️黑松露菌醬三重芝士撈丁 $72本店壓軸嘅拿手小菜終於上台 車打芝士 巴馬臣芝士 藍芝士🧀️三重

今日同朋友去左安安燒食燒烤餐廳有好多唔同既款式, 座位闊落惹味蒜蓉生燒茄子超級大條嘅燒茄子, 面頭放咗好多蒜蓉, 食落多汁鮮味正正麻吉年糕燒中間嘅麻糬燒熱後變得超軟熟安安秘製三重芝士撈丁 面頭超多半溶嘅芝士, 趁熱撈勻出前一丁, 超級惹味邪惡香濃芝士燒扇貝鮮甜既扇貝再加埋拉絲芝士, 好有驚喜惹味沙茶燒金菇金菇好入味, 用瓦煲上保持住個溫度燒芝士粢飯粢飯放咗少少芝士燒香左, 咬開見到超豐滿嘅肉鬆榨菜餡料麻辣新鮮田雞田雞肉質嫩滑, 超級入味, 加咗辣椒辣得過癮甜蜜脆脆燒棉花糖夾餅棉花糖燒到半溶狀態, 軟綿綿, 再夾上香脆嘅餅乾, 口感豐富

店名: 安安燒地址: 旺角染布房街6號地舖旺角站 E2 出口，行7分鐘環境: 4/5價錢: 4/5味道: 4/5成日行過旺角東都聞到超香既燒烤味💨，今次出開黎旺角，終於可以試下佢個芝士撈丁🍜同燒烤🍢喇～惹味蒜蓉生燒茄子 ❤️❤️❤️❤️❤️$48濃郁既蒜蓉舖面🧄，再混合各種調味🧂，如孜然粉、辣椒粉🌶，令燒茄子🍆生色不少🥰、惹味十足🤩！而且火候控制得啱啱好🔥，啲肉好容易就夾到出黎唔會痴皮🙅🏻‍♀️，食落好鮮味😋！燒雞肉軟骨棒 ❤️❤️❤️❤️$25將免治雞肉混合絞碎左既雞軟骨🐔，再整成棒狀呈長條形🍗！燒至香脆外皮包裹住滑嫩多汁既雞肉，搭配軟骨既嚼勁☺️，口感非常豐富🤤！烤餃子釀雞翼 ❤️❤️❤️❤️❤️$35一碟有2隻✌🏻！將餃子既精髓注入雞翼🍗！香烤雞翼肉質鮮嫩😋，內部再釀入滿滿既餃子餡料，香氣四溢🤩！安格斯肉眼牛柳串 ❤️❤️❤️❤️❤️$58安格斯牛肉眼🐂軟腍易咬！咬落每一啖都散發出濃郁既牛味、入口即化🤤～配上串燒必備既孜然粉🧂，絕對係牛魔王既夢幻享受☺️～安安創意芝士蒜蓉撈丁 ❤️❤️❤️❤️$57創新組合🍜！彈牙撈丁搭配三重芝士🧀同香濃蒜蓉🧄，層次口感豐富😳～每一啖麵都香而不膩🤤，夾起仲拉緊絲🥢～重點係要襯熱食🔥！蒜蓉燒扇貝 ❤️

今日經過旺角見到咁多人排隊就試下去，先講好嘅，佢好嘅地方就係佢出餐快同埋佢串燒選擇都多，而且佢有好多唔同小食例如撈丁，芝士撈丁，燒粟米，撈烏冬等等，選擇嚟講都唔錯。而且佢哋嘅食物質素都好有保證，拎出嚟嘅時候都係熱辣辣。而唔好處嘅就係，佢個環境好差非常之窄，枱同枱之間其實好少位，最重要嘅就係佢嘅價錢係偏貴，人均二百幾至三百幾左右先可以落到樓。而服務態度同服務質素一般。總括而言呢一間餐廳可以一試，但價錢就偏貴。

本身諗住食其他野，但係見多呢間餐牌好似幾吸引咁，點知就中咗伏燒烤唔似燒的，煲仔冇鑊氣，全部調味淡過水，加左辣都食唔到味。🥲但個芝士撈又鹹到飛起，仲要冇芝士味…

呢間嘢狗都唔食，行行家見到間串燒，就打算行入去食。坐低望下個menu，見到價錢偏貴，不過旺角啲嘢係咁，所以都照食，啲野食一上桌，啲燒烤擺到明係整熟咗再燒兩下就拎出嚟個豬頸肉好似吃緊白烚咁完全不知佢邊度有燒，跟住上左碟雞翼，CS果三隻雞翼同我手指公一樣大，細隻到以為係貓糧，仲要乾到不知似乜，再到碟扇貝，拿講明先，個蒜蓉汁OK既夠辣夠惹味，但係個扇貝係乜事雖然60蚊四隻呢個價錢我不會期望你比個扇貝有幾juicy幾大粒但係個扇貝同我前幾日係日本旅行返黎既同事買左啲乾扇貝既size無分別 ，最重要係一樣咁乾，個芝士撈丁簡直係垃圾，我阿嫲都煮得好食過佢，我阿嫲唔識煮嘢食，未試過喺旺角食嘢食到咁嬲，真係好垃圾唔該快Q啲執笠，呢啲鋪頭根本不應該出現係呢個地球上，根本連M記都好食過佢 超級嬲 打粗口會被Ban如果唔係應該成篇都係

OT放工，怱然想食串燒，諗起前幾日經過見到安安燒，所以就去佐食。因為好想食茄子同牛舌。去到即落單。E. 上菜勁快喎。唔係即燒架？個牛舌味道認真麻麻。之後其他野食都好快到。茄子唔太熟。雞翼肉質都怪怪的。蛤、韭菜太鹹。overall 黎講。唔會再返黎食

第一次寫負評，因為啲嘢食真係好難食我同老闆兩個人睇完戲想搵地方食宵夜，想食串燒，所以上網睇搵到呢一間諗住過嚟試一試，點知就中咗伏……第一，燒烤店主打串燒，但所有串燒都淡而無味，就算點單時叫了辣其實都冇味，最後都要自己加辣椒粉同孜然粉。第二，所有串燒都唔係M燒出嚟，感覺係預先煮熟咗，客人點先再返熱，一啲燒烤味都冇，失望。我哋兩個人叫咗七樣嘢，全部都水準以下，定價又唔算平，但食物質素真的好差，真心唔建議去食！

今日去帶小朋友學嘢小朋友一直嚷着要食串燒我覺得食評OK,又近就去試一次。我小朋友（2個）好喜歡吃魷魚和牛肉同芝士呢間餐廳全部有齊，小朋友都好興奮佢哋每人叫咗一杯竹蓆茅根馬蹄紅蘿蔔水，好清甜，係個好start，點知之後我大吃一驚。三重芝士撈丁，好食，小朋友一齊撈撈撈！英國牛柳，好生，唔敢比小朋友食，不過ok la.魷魚先令我嬲！！！無哂水分，超級韌，小朋友根本咬唔到！秘製醬料雞翼，皮唔crispy,似係蒸咗再燒返嘅feel.最後最後！食咗我500+！（我小朋友已經食量細）Not going to this anymore 

食串燒，燒得咁快真係第一次見😂叫咗5樣嘢，燒蠔、扇貝、黑豚肉、小魷魚同埋芝士撈丁。全部10分鐘內上曬，眨吓眼就已經食完😌蠔同扇貝感覺好似蒸出來咁，承惠3百蚊😋