安南 (又一城)

營業中

休息中

呢間下午茶幾抵食！除咗有鹹&甜小點 仲有麵食！真係超豐富&飽!!! 我冇食午餐去 食完都勁飽！食物質素整體都唔錯 又其係鹹點～環境裝修都幾靚 有啲似去咗越南咁🤣整體推薦大家去～ 平日應該會平啲！-🍳【母親節三層架下午茶】$368鹹點☞︎ 炭燒大頭蝦(每位半隻) ：普通 唔彈牙 有蝦膏☞︎ 串燒安格斯牛柳粒伴濱海：幾稔～☞︎ 西貢蝦多士☞︎ 燒豬肉蝦片✨：最鐘意呢個！肉燒得好香！☞︎ 鮮蝦米紙卷：點汁食 酸酸甜甜好味～☞︎ 蒜蓉牛油雞翼甜點☞︎ 趑南咖啡奶凍：咖啡味香 唔太甜☞︎ 法式焦糖焗蛋：幾滑幾creamy 焦糖味香☞︎ 西米斑蘭糕：正常水準☞︎ 椰汁粟米糯米：有啲似粟米羮撈飯🙈☞︎ 芒果黑糯米：芒果偏酸 糯米軟硬啱啱先 麵食☞︎ 安南牛肉湯河粉☞︎ 龍海蟹仔肉鮮茄湯檬粉兩碗都好唔錯～ 鮮茄湯有驚喜 好香 好夠味😋飲品☞︎ 越式清補涼：超級無敵多料!!! 呀媽好鐘意！似涼茶夏枯草味 小朋友口味嘅我就麻麻地🙈☞︎ 紅豆椰汁冰(+$18)：普通 各位可以唔使加錢叫呢個🙈-✨推薦指數：8/10💰人均消費：~$200⏳等候時間：booked

到了又一城又係搵野食的時候😋 今日想食越南菜，見到這間望住流冰場，就這間吧😊「二人小食併盤」有5款小食😌 併盤的好處😁「火車頭」越菜必有 火車頭，份量大慨2人，「馬拉盞炒通菜」野味通菜😽「香茅雞(半隻）」👍🏻👍🏻👍🏻炸得剛好，雞肉滑溜，yummy😍 必食「鮮椰青」好青甜，多水👍🏻「炒金邊粉」尚可，不是平時食開泰式的味道😌「芒果沙冰」酷熱天氣下，這杯沙冰救了我😍 唔太甜👍🏻味道剛好備註：🔺溜冰場有點嘈，如介意注意喔⚠️🔺有限時用餐🍴

The staff were attentive, professional and polite. Service is efficient. Easy to make booking using Open Rice. Lunch menu is good and the food is tasty and well presented. Nice view of ice skating rink below. A lovely place to enjoy lunch on a weekday.

其實本身唔係想食呢間，因為想食嗰間冇開🥲就揀咗呢間試吓啦🤣點知都有驚喜喎🤣叫咗幾款嘢食，先嚟個豬肉濱海🤣其實我唔知白色好似米粉嗰啲係咩嚟，但係好好食🤣有生菜夾，好似食韓燒咁，又幾好味呀😍🤤之後小食係春卷，熱辣辣上檯，我都攤咗佢一陣先食🤣好脆！又係夾生菜食，感覺冇咁油膩啦🤣🤣唔錯👍🏻之後仲叫咗炒金邊粉🤤😍D料多過粉呀😂好足料，有大蝦、扎肉、芽菜🤤又有鑊氣，好食👍🏻最後要叫埋呢個甜品先圓滿😍芒果黑糯米！碗黑糯米係熱㗎！OMG！好好味😍🤤加埋椰子雪糕，好好味呀🤣🤤一邊熱一邊凍呀🤣芒果都好香甜🤤推介👍🏻👍🏻-炭燒豬肉濱海 $128-安南春卷 $118-越式炒金邊粉 $138-芒果黑糯米加雪糕 $88

之前見到3百零蚊個下午茶for two, 咪星期日去試下啦。去到門口見到有個6百幾既，問下就比個上網見到三百幾果個menu 睇。唔知係咪因為咁啦，前面單人既就比張4人台，我兩個人真係比張二人台我，又可以同女朋友親近d 喇。咁食物黎講，尚算可以，有凍既蝦多熱，又有溫度適中既炸雞翼，完唔唔駛攤凍就擺得入口喇，夠窩心既。咁個set 仲有個咩蕃茄湯蟹仔肉檬粉，咁作為一個茄膏湯檬 ,味道唔錯既。隻燒蝦既醬幾好味既，食落因為個味道唔差，差d 唔記得隻蝦係梅既。至於服務直情親切添，上菜既時候橫插隻碟上黎，另一隻碟撬起左都得👍🏻，玩啤牌冚棉胎咁插隻手必贏。然後其他台走晒唔清，係衝黎我度收台，我真係覺得16:45仲坐係度阻人收工，我好內疚架。d 員工又知我唔飲水喉水，所以其他人都有，係唔比我，等我飲自備水，又一窩心表現。可能又一城d 消費我真係afford 唔起啦。

現時沒有晚餐堂食服務，只好相約朋友在午飯時間聚一聚。我們沒有訂枱，平日12點正walk in到餐廳，不用排隊，也有很多空枱，便選擇了對着溜冰場的座位。我們order了兩個lunch set, 一個海鮮炒河粉，另一個是雞扒飯。海鮮炒河粉中用料豐富，海鮮包括帶子，鮮蝦，蜆租魚肉，配合蔬菜三色椒，感覺上是很健康的一個午餐。我試了朋友的雞扒飯，味道也不錯，但不算突出。跟餐送的小食令我有點驚喜，很喜歡鮮腸粉，還有一個蝦片配豬肉。另外還配有青檸特飲，新鮮爽口。食到大概一點，餐廳開始客滿，我們也不好意思坐着閒聊，便離開了。午餐人均$180。

其實大家平時去食開下午茶，都會發現好多酒店嘅下午茶係唔飽肚。因為份量少，而且嗰種飽肚係食糕點食到滯/膩。但今次要介紹呢一間下午茶係真正嘅飽肚，而且平又高質。又一城安南餐廳嘅三層下午茶，計番每一個人都只唔使$150。仲要每個人已經包左半隻炭燒大頭蝦、一碗自選越式湯粉。三層架入邊鹹甜點各佔一半。蝦多士舊蝦膠超厚，炸到非常鬆脆而且唔油膩。軟殼蟹咪紙卷真係有大大軟殻蟹，配搭埋生菜同埋米粉，口感十足，而且食落清新。蒜蓉牛油雞翼，炸完之後都非常入味，而且雞肉保持濕潤唔會乾身。甜品嗰方面最欣賞芒果紫米同埋斑斕椰汁糕，入口煙un軟糯。蟹仔肉鮮茄湯檬粉，湯底真係好番茄，而且蟹肉鮮甜，將整體湯底鮮甜味道提升。碗入邊都有三大片生牛肉，而且好多香菜，所以飲起嚟湯底特別清甜。大頭蝦佢冇乜加特別嘅調味料，食嘅係大頭蝦本身嘅味道，你見到佢個蝦頭爆曬膏，特別惹味。不過因為佢嘅三層下午茶一定只可以雙數咁樣叫，但係我哋三人行，所以我哋就叫多咗一份午市套餐嚟分享，不過都仲有八折，仲算抵食。咖喱滿佈椰香，而且配襯埋法包真係一滴不留。由三點入座，坐左個幾兩個鐘，環境舒適、服務尚可，價錢又公道，值得推薦。

又一城安南的越式 high tea set 最近轉咗 menu，而家因為無晚市堂食，所以 11am-6pm 全日供應，$328+10% for 2 persons，3pm 後下午茶時段入座有八折。小食有五咸五甜，另外每人半隻燒大頭蝦，每人仲有一大碗粉，除咗招牌牛河之外，一定要試蟹仔肉番茄湯粉，個湯好飲到一滴都無剩，勁大碗，好飽肚，仲包兩杯飲品，超抵食。咸點最好食係蝦多士同蒜蓉牛油雞翼，軟殼蟹米紙卷大大件好足料，燒大頭蝦雖然唔係好大隻，但蝦頭勁多膏，好甘香，越式蘿蔔糕無乜特別。甜點最愛法式焦糖焗蛋，又香又滑，西米斑蘭糕都係我的至愛，清香軟糯，大愛。我見大部份人都坐喺望住溜冰場嗰邊，室內反而好冷清，不過我鍾意靜靜地傾偈一流。

喺屋企困得耐真係要出門口抖下氣。行過又一城見到安南環境幾靚幾舒服，套餐又幾抵，300幾蚊二人份，有齊主食、小食、甜品同飲品，二話不說入去試吓🥰不得不讚佢既牛肉湯河粉非常鮮味，朋友點既蟹肉鮮茄湯檬粉唔錯，酸中帶甜，蟹肉份量一啲都唔吝嗇。鹹點既大蝦頭燒得夠惹味，好多膏，其餘既蝦多士、豬頸肉濱海、軟殼蟹米紙卷同牛油雞翼都唔錯！我最愛既甜品方面，佢既焦糖焗蛋有焦糖香，唔會死甜，又多滑。唔好甜既一定要試下個咖啡奶凍，有好香濃嘅咖啡味😚 椰汁糕都唔錯，好煙韌。另外加錢轉左杯青檸沙冰，酸酸地好清爽，夠晒開胃😙呢個套餐真係好抵，我地2個女仔去食差d食唔晒🤣 而家難得先會出街食餐飯，呢間餐廳真係好推介！

又一城An Nam真心好OK，一定會再黎！餐廳係朋友簡，聽佢講食越南High Tea我本來都無特別期望haha一入去餐廳啡木色既裝潢加古式吊扇，好古色古香，staff安排左旁邊係溜冰場景既玻璃卡位，未坐低已經感覺好chill。廢話唔講，野食真心好食！叫左個「Touch of Indochine Delicacies」($328/2位)有個豐富得體既三層塔， 炭燒大頭蝦配蘿蔔糕係係另外再上， 加個面食(我點左龍海蟹仔肉～)每個款式份量都岩岩好，唔會過量食到你滯／膩，完全滿足到樣樣都想食D既我！炭燒大頭蝦都算厚肉～個汁唔錯～龍海蟹仔肉湯檬係鮮茄湯底，酸酸甜甜勁開胃！而Ｄ蟹仔肉都好香，夾埋其他配料類似炸脆蒜我真係比好高分呢碗湯檬！三層塔頂有細細份既芒果紫糯米飯同焦糖焗蛋中層有各式咸點～蝦多士好正，熱騰騰十分香脆！下層仲有其他甜點～Ｄ款都唔悶～不得不讚個咖啡奶凍，好濃咖啡香～整體１００分我會比９字頭！好掂！３-６PM 仲要有8折～P.S. 個朋友好耐無見，多謝餐廳提供左個咁Chill既環境比我地，傾到唔想走～HAHA!

帶埋爸爸去high tea~一直都搵緊九龍區邊度有坐得舒服又飽肚嘅high tea，終於畀我搵到一間食越式tea嘅好地方。又一城安南嘅tea set變咗做全日都有得食，2位用$328加一，三層架上有鹹有甜加2碗粉麵，3-6pm幫襯仲有8折，真心好抵食🤩鹹點有我嘅最愛牛油雞翼同燒豬肉伴濱海，另外仲有每人半隻燒大頭蝦，好多膏，味道都唔錯👍甜品我覺到斑蘭西米糕最正，唔係好甜又煙煙韌韌💖。麵食揀咗一碗越式牛河，另一碗叫咗蕃茄蟹肉湯檬，兩款都好好食，大推夠晒濃郁嘅蕃茄湯檬🍅有碗麵都夠晒爸爸食，等佢唔洗再眼金金我只係帶媽媽去high tea而唔帶佢去食tea。

星期六放假嘅下雨天加上氣溫只有10度左右，最好嘅節目就係去high Tea，今日我哋去咗又一城打算食完野又可以行吓街，係餐廳門口見到個介紹牌，就入咗呢一間越南菜館試吓佢個下午茶，內容非常豐富有鹹點甜點兩碗粉面同飲品都只不過三百幾蚊，首先有兩碟半隻嘅炭燒龍蝦同蘿蔔糕，龍蝦非常鮮味，跟住鹹點有炭燒豬肉濱海、軟殼蟹紙米卷、炸雞翼等等！甜點就有芒果紫米、布甸、咖啡涑、我最鍾意嘅班蘭糕。越南牛河肉質嫩滑，蟹肉鮮蕃茄湯檬蕃茄湯底濃郁，我們三人行加了一個燒雞和一杯茘枝特飲。真係值得推介呢一個下午茶環境好又抵食。

An Nam is always my dining choice when I visit Festival Walk. They have managed to keep their food standard over the years. It’s a very busy restaurant hence do not expect great service, every server is always on a rush ! Reasonably priced dishes with good quality food 👍🏻

今日和老婆於又一城安南食越南菜, 我們點了什菜煲, 香茅朱扒、蟹肉炒粉絲和燒白鱔。什菜煲好足料有生菜, 西蘭花、蕃茄和豆腐, 湯底清甜, 生菜和西蘭花食落爽口新鮮,蕃茄食落鮮甜開胃, 豆腐豆香味濃, 吸收了湯汁, 口感豐富；香茅朱扒食落啖啖肉, 配上花生碎和魚露食落口感有層次, 配菜羅白絲和青瓜食落開胃；蟹肉炒粉絲份量十足, 材料有蟹肉, 雞蛋、札肉、蝦仁和粉絲, 蟹肉味道香濃, 雞蛋炒得金香、札肉和蝦仁食落彈牙, 粉絲炒得乾身爽口, 口感味美；最後燒白鱔是餐廳限定的菜式, 白鱔炸得金黃, 食落香脆, 魚肉肉質鮮甜, 配上甜酸醬食落口感豐醒胃。餐廳座位闊落舒適, 食物份量適中, 而且美味有水準, 我和太太食了一頓高質越南菜。

朋友預訂了3:00下午茶 ，因為我有腳傷剛剛睇完物理治療早了完成，所以我比原定時間早到半個小時; 看見餐廳內半邊埸地空著，我便問門口接待可否隨便給我一個位置坐着等朋友，因為我整親腳，不方便隨意走動或企。完全估不到她的回應是不可以但無解釋，我問點解之下她便說要清潔，但根本沒有任何人在清潔。我再重申我有腳傷，她繼續說 「是你自己早到」。雖然此事已發生在幾個月前，由於最近有朋友推介我這間餐廳，所以我有必要再重提此事再說食物質素也未如理想，蝦多士只油膩而不脆；紙米卷很硬及乾；班蘭糕沒有班蘭味蟹粉0k，但味道可以再濃一點蝦餅味道OK雖然裏面其他服務員態度殷勤，但由於有害群之馬，都彌補不到我對餐廳的印象，所以我不會再幫襯！