嫲嫲辣辣 (福榮街)

營業中

休息中

香港性價比高的麻辣香鍋唔多，呢度係其中一間，夜晚九點半後仲有特價添店面不算大，所以正常晚飯時間都要等位晚飯多數會叫干鍋，可以散點配料，好似四樣餸起炒最吸引都係佢既海鮮鍋，出面其他food court 既干鍋好難會食到，宵夜discount 時段更加係超值鍋底推介龍蝦干鍋，食干鍋有龍蝦都幾滿足，用料亦尚算新鮮，有辣味又彈牙，豪啲既一人一隻龍蝦亦不為過配料份量稍嫌少左啲，不過都好食，好好送飯，推介佢地既豬手仔

之前喺大陸食過乾炒辣鍋，勁好食，因為本身勁鍾意食麻辣野，知道深水埗有間類似嘅辣炒乾鍋，所以就去試吓，叫咗5個餸，分別有五花腩，雞片，肥腸，秋葵同秀珍菇，辣度叫咗中辣，不過唔係好大鍋，2個人食啱啱好

今日去深水埗買電子用品lunch時間間間餐廳都排曬長龍，見到呢間入面滿座，食麻辣野又幾吸引午市麻辣香鍋套餐$68 包飲品，包一碗白飯配料選擇都幾多，而且有肉、有蔬菜、辣度亦可以隨你選擇唔中意重口味既，都可以食午市套餐既飯同樣配白飯同飲品$68可以揀三個送，細佬叫左田雞、豬頸肉、雞腎讚左先：整體味道好濃、麻辣味突出，芝麻提香令香鍋多了種香味但都要彈：得豬頸肉係入味，雞腎同田雞都未算太入味，而且份量偏少健康既秋葵平時都係白灼多或者焗今日配以麻辣汁爆炒，味道非常好，增加左風味，送飯一流！又不會炒過火，仍然保持到秋葵既口感牛肉反而太鹹，但勝在大大塊，食得過癮！總結：午市呢個價錢食到地道四川麻辣香鍋，的確是不錯的選擇！可以再來～

同朋友黎試下個酸菜魚，前提係本人非常喜歡食魚，基本上酸菜魚都好難煮得難食。但今次絕對係顛覆左我對酸菜魚既熱誠。先講魚片既數量，唔洗借朋友對手，我自己十隻手指數得哂，魚既質感一d都唔滑，完全唔入味。魚片下面放左d炸左既魚尾？定魚骨？十分之「鞋」，亦令到個湯底好油。成個菜最好食應該就係啲酸菜，份量非常夠，夠哂你餸一碗飯👌🏻👌🏻👌🏻依個魚要$198，絕對係唔值的價錢，都係食干鍋抵啲，起碼啲辣椒配料唔食得都睇得

今日出咗深水埗搵好嘢食，朋友推介就食呢間麻辣川菜店。試咗佢嘅午餐都幾抵食，晚餐單點就有點昂貴。去到鋪頭就叫左一個麻辣土豆絲，另外就叫左一個自選鍋底再加自選三款配菜。仲可以配鍋底既味道。例如麻辣，香辣，孜然味。另外就我就簡左三個配菜，有炸芋頭，牛栢業，仲有牛肚。見到成碗都係辣椒🌶️，就以為好辣，但其實都唔係太辣，配菜味道好入味加埋白飯好配合。仲有個肚豆絲就酸酸辣辣都好開胃，都值得推介既川菜不過午市會抵食d

假日與友人到深水埗午餐，有名氣的餐廳全都要排隊，選了不用等位的川菜。set lunch 選了自選三餸干鍋，選了田雞，豬皮，羊肉片，微辣剛好。田雞嫩，豬皮爽，羊肉片過咸。友人叫了麻婆豆腐，正常水平。$68包飲品，性價比不錯，口痕想吃川菜再來。

朋友食過覺得好食就帶左我去食 一開始以為係有湯個啲鍋 點知原來係乾身架😂 一個鍋可以揀三個餸 我地三個人叫左兩個鍋 一個香辣 一個麻辣 但我地一致認為麻辣香啲好食啲 配菜方面選擇左 雞腎 牛柏葉 雞另一個鍋揀左 雞軟骨 豬腸 牛展（但佢比錯左牛肉我地 但係牛肉又幾好食）基本上啲餸都炒得好香好入味 夠乾身 唔算好油 送飯一流 但係唔推薦雞 肉質都比較孩 而且斬得好碎 有碎骨👎🏻 同埋豬腸都唔推薦 食落口都比較油 最推薦係❤️雞軟骨 雞腎 牛肉❤️而且份量都好多 好抵食會再食啊！

我個食辣嘅伙伴食過依間話唔錯話想再黎食過咁就黎食喇🤤🤤超期待因為我成日都想試下啲辣野但有時冇人黎陪我去試今次終於有喇🙈睇左個menu一陣仔其實好多野都想試但我地最後簡左個嫲嫲干鍋個干鍋可以自己簡想食嘅配料仲有想食嘅辣度咁我地就簡左個中辣配料就簡多好多樣包括有雞翼尖 雞腎 豬肚 炸土豆片 冬菇 土豆片 青瓜 黑木耳 金菇 雞件一黎到見到勁大碗入到滿滿嘅炸土豆片下面有唔少炒乾左辣椒聞落勁香勁惹味之後好似撈起咁樣撈左一陣仔等啲辣均衡啲食落會正啲食食下發現我地落單嘅配料有啲係冇係到同左職員講啲職員都好快手咁樣炒返差我地嘅配料食落係真係唔錯辣得過癮但我朋友話同佢第一次黎食個陣個辣度已經差咁啲喇佢話可能係要迎合返香港人嘅口味唔整到咁辣驚啲人食唔到咁辣我諗可能都係喇不過依個辣度對我黎講真係唔會好辣係接受到個範圍內又冇食到我流鼻水個啲但第一眼見到咁多辣椒🌶️都以為會好辣好辣但佢冇呀😌佢係辣中帶左少少麻嘅味道仲有陣陣嘅花椒八角嘅味食落算唔錯喇鐘意食辣係會覺得唔錯下次再去可以試下其他野🤤

朋友之前喺尖沙咀嘅分店食過覺得好好味，然後今日就約左朋友一齊去試，不過就嚟咗深水埗嘅分店。 一入鋪頭已經聞到好大陣麻辣香料味，食慾大增坐低後就嗌左大約五個餸，揀左用孜然調味 冇記錯嘅話我哋嗌咗薯粉，排骨，墨魚丸，西蘭花，好多辣椒同埋芝麻粒，加上孜然香撲鼻十分香濃。最好味最推薦既會係排骨，肉質有彈性，略經炸過所以更香口惹味。不過成碗野太多辣椒，比左個錯覺人，好似好多咁，但實際上餸既量好少，每人兩舊就完左完全無飽肚既感覺，仲要好貴，有種被騙既感覺，性價比好低，不會有下次

午飯時間 本來打算去食麵門口卻有長長的人龍同事們 二話不說 立即轉場 因為lunch 時間有限其中一名同事 提議行多幾個舖位食干鍋什麼是干鍋？ 食過才知道 十分惹味麻辣豬頸肉 金錢牛𦟌 即炸土豆片(微辣😅)即炸土豆片 一拎上枱 心諗係薯片😂仲以為會厚身啲雖然看似大碗 但份量不多 有好多辣椒 而配菜 係細細舊 但味道真香及惹味

🎐熊大訓醒😴，熊妹又自己嘟遊買完戰利品🛍，阿豬媽又放工回來🚪，時間岩岩好一齊出去食晚飯。👩‍👧‍👦📍熊妹一直都想帶鐘意食辣菜🔥的阿豬媽黎位於深水埗福榮街呢間《嫲嫲辣辣》，一齊刺激下。💥📍門口大塊餐牌📜一目了然，等位的時候可以慢慢揀。📍晚上🕣8點半黎到，仲係全場爆🈵，都知道係好多飲食雜誌介紹📒，好彩岩岩有食客走，唔洗企係🕴🏻門口等。📍著名的嫲嫲干鍋🥘，多款麻辣小食💥，全部都岩哂阿豬媽喇。秘製口水雞，$55📍麻辣菜唔少得的口水雞🐥，熊大又鐘意食，無得唔叫喇。份量都唔少，好大牌雞脾位🍖，又有雞翼。🐣肉質都好嫩，不過無咩雞味同調味，靠哂本身的麻辣汁去吊味，所以得個辣字。麻辣醬汁係做得幾出色，好夠辣，仲有好多麻辣子，浸住一碗辣油，熊大好喜歡，阿豬媽就覺得還未夠辣，哈。涼拌皮蛋，$32📍熊妹好鐘意食皮蛋，鐘意被石灰醃過的皮蛋口感同鹼味。好特別的皮蛋，係透明色，蛋黃心有仲有少少流心效果，醃得幾好。點浸麻辣醬汁食，麻麻辣辣真係好夾。香辣花甲干鍋，$98📍招牌嫲嫲干鍋一定要點返個喇。阿豬媽想食花甲，就佢想食喇。干鍋就係爆干辣椒🌶️，出哂油，淨低的🌶️再炒花甲。因為出哂啲辣椒油，所以唔算好辣，仲帶少少甜，應該

之前喺深圳食過一次干鍋之後一直念念不忘，深水埗呢間嫲嫲辣辣lunch都幾抵食，$68可以揀三款配菜佢仲有嘢飲同埋白飯，佢嘅份量都唔少，三個女仔share兩個餐都好足夠。食過麻辣，孜然同埋香辣，我哋大家都覺得孜然同香辣比較好食，同埋惹味d。👍🏿👍🏿👍🏿而配料方面，最推介嘅就係薯粉同埋炸芋頭，因為薯粉會索晒啲孜然粉嘅味道，同埋佢啲薯粉比較粗同埋厚身，所以好彈牙架！😁同埋羊肉都好好味，因為同孜然粉真係好夾

福榮街多嘢食就大家都知道，次次行過除咗車仔麵之外，呢一間食辣嘅小店都好多人排隊，今日lunch Time經過，見到唔算多人等位，我哋一行四人好快就有位坐啦！-午市有干鍋套餐，同埋客飯套餐。干鍋套餐可以揀辣度，有香辣，麻辣，蔥爆，孜然。而辣度都可以由微辣開始揀。今次第一次食，我哋就由微辣入手啦。-我哋四個人分別叫咗三個香鍋，試咗麻辣，孜然，同埋蔥爆。每個鍋都嗌左唔同嘅餸黎試吓，不過最好食嘅係薯仔，紅薯粉，同埋牛肉。麻辣同埋孜然都好食，各有風味，蔥爆就最適合唔食辣嘅朋友啦，炒得好香，不過略嫌多油。午市客飯就比較經濟，我哋叫咗椰菜回鍋肉，都係比較油。-總括嚟講值得一試！

朋友介紹話呢間四川麻辣菜值得一試因為自己唔識得好辣初時都擔心會食唔落但見佢lunch Time有套餐都有啲唔辣嘅餸菜選擇就膽粗粗入去試一試Lunch Time嘅時候都多客食就算我哋得兩個人都要等一陣見到有人食碗成碗都係辣椒嘅餸但個樣食得非常滋味已經即刻問朋友係咩黎原來就係四川麻辣干鍋麻辣干鍋可以揀餸好似車仔麵咁另外套餐會跟一個白飯我哋都即刻叫咗一個黎試試另外叫咗個回鍋肉乾鍋可以揀辣度我哋問店員小辣會唔會好辣店員話香港食得嘅辣極都有個譜所以我哋就非常放心咁揀咗小辣喇我哋揀咗木耳、薯仔同埋雞肉三個餸揀木耳係因為覺得佢會好夾麻辣嗰陣味而薯仔就索晒啲辣油所以好香好麻我post左呢張相去ig個個都以為我識得好辣其實真係個樣嚇人架咋總括來講間野辣得來又過癮一定會再嚟食！

近日不斷有好多內地食店進駐香港，其中一種我好中意既就係麻辣干鍋🔥🔥岩哂無辣不歡既我呀👍🏻呢種麻辣干鍋已經係內地興起左一排，尋晚就同李老闆去左深水埗試一試先！點菜就好似車仔麵咁，有勁多選擇俾你揀，揀好晒之後就幫你炒到一鑊熟，雖然望落好似好多辣椒，但事實上都唔係太辣的，唔食得辣嘅人都唔使擔心！因為用炒既關係，干鍋非常香口惹味，比麻辣火鍋更出色！不過呢個干鍋每樣餸既份量唔算太多，建議叫多幾款種類，加埋個薯粉簡直係perfect！另外，我地仲點左傳統既口水雞同拍青瓜，實正常水準。