影片
開飯介紹
一碗湯麵，關鍵是要有好的湯底再加上好的食材，就好像有了靈魂一樣，令人一試難忘!
繼續閱讀
營業時間
今日營業
12:00 - 22:00
星期一至日
12:00 - 22:00
以上資料只供參考, 請與餐廳確認詳情
夏天太熱☀️ 行得耐真係唔太有胃口食野點知同朋友行行下街比呢間野的香味吸引左入去佢Menu就印左係餐墊上面 又有圖同介紹 夠哂方便 我就叫左一個蠔王豬豬🐷一黎到就聞到好濃🦪味 見佢金湯咁靚梗係要飲下先啦 一飲 好似feel到你食緊十打生蠔咁 鮮香而不膩 鹹香但又唔會搶左其他食材的鮮味👍🏼而且佢有3隻🦐 3隻🦪3塊豬肉片整體算多餸加上上海麵煮得恰到好處 彈牙爽口而且都少少卦湯 搞到最後飲哂碗湯而朋友呢碗棉花🐣都好好食 雞白湯濃厚 飲完好似有一層膠癡住個嘴咁 而且佢有少少火腿的咸香😍😍超好食！🍜🍜🍜🍜🍜🍜味道 9.5/10環境 8/10服務 9/10價錢 7/10🍜🍜🍜🍜🍜🍜
繼續閱讀
通常週末食飯，唔想排隊，都會嚟呢間舖頭。啲湯係幾有水準，但係湯裡面啲麵、同員工嘅面口就唔係好掂。佢哋個餐牌睇落好似好多款式，但係所有款式都係佢哋set 死，一樣嘢都唔肯俾客人更改 我非常唔鍾意食豬肉，問店員可唔可以改豬肉改為雞肉，問咗幾次店員都堅持話廚房做唔到。真係覺得好奇怪點解花膠湯底一定要配豬腩肉？點解唔可以轉用雞肉？平時去開座銀食拉麵都可以全部要雞肉唔要豬肉啦！舖頭嘅價錢一啲都唔平，咁樣嘅服務態度真係非常差！難怪咁多人都寧願北上消費。
繼續閱讀
已經好耐無去過名店坊搵食，平日為咗避開放工時間逼地鐵，最近都係去中西區比較多。今日去嘅餐廳，聽聞係由大圍開過嚟港島。銅鑼灣分店喺名店坊ものもの正對面，好容易搵。餐廳無得訂位，只接受walk-in。餐廳好繁忙，好在早到一步，可以坐到最後一張枱，排後面嘅客人要等位啦。店舖位置唔大，餐廳用盡每一寸空間，所以會坐得逼啲。如果行完街，拎住大包細包入嚟食，就會坐得辛苦。一早睇好menu，基本上唔洗諗已經可以落單😌棉花雞麵 ($103)湯麵好足料，有日本雞肉、魚肚、花菇、雲腿絲，真係將成舊棉花雞放哂落湯度😆。哩一款麵就配扁陽春麵。麵軟硬度適中，有咬口，保持到口感之餘，又唔會太硬身。湯底好清，但係唔會好淡，清清哋反而唔會蓋過食材本身嘅味道。調味平和，食落好清爽，食完個口唔會黏黏笠笠。推薦👍🏻海龍皇湯麵 ($140)試埋另一個招牌麵，係海鮮迷必試‼️湯麵同樣足料，有蟹肉、蝦、魷魚、帶子、蠔肉。海鮮湯麵底有啲唔同，係配幼身陽春麵。成個麵最正係個湯底，係好濃嘅龍蝦湯，未開始試已經聞到個香味。碗麵睇落細細碗，但係食下食下份量都幾多，啲麵夾極都有。同埋湯底係龍蝦湯，同雞湯麵比較，海鮮湯麵比較膩，配幼身陽春麵好岩，如果唔係食到尾會覺得太滯。兩個麵都做得唔錯，湯麵無套餐，飲品要另外加。食完個麵又唔覺得好口渴喎，味精唔重。如果一定要講的話，唯一缺點只係環境太逼坐得唔舒服。推薦大家嚟試下，但記得要預留啲時間排隊等位。
繼續閱讀
有次打算搵拉麵食，朋友推薦咗呢間麵店，話好過食拉麵，咁我緊係帶住expectations去食啦💭。週六夜晚8點幾嚟食個場都唔full，唔知係咪因為定價偏高呢？老實講一碗海鮮湯底嘅陽春麵值唔值$140以上呢？大家心中自有分數啦😌。⠀嗌咗個被推薦嘅“海龍皇湯”🍜，材料都幾豐富架，有藍蟹肉(好碎好少😅)、兩隻海蝦尾(幾大隻幾彈牙嘅👍🏻)、北海道魷魚(唔韌但冇味)、北海道刺身帶子(幾甜唔韌)、廣島蠔(幾鮮)、蝦頭油、皇湯同陽春麵。講吓湯底，係有新鮮嘅蝦油味，但你話係咪令你想飲晒成碗嗰種，似乎又唔係🤔，不過湯底都算唔錯嘅。講吓個陽春麵，煮得偏腍，份量多，細食嘅女士未必食得晒成碗，不過呢個價錢唔比返咁上吓真材實料你就唔抵食啦，所以份量嚟講絕對合格👍🏻。個人口味嚟講唔算好中意，但對於喜歡陽春麵或者喜歡海鮮蝦湯嘅你應該都會欣賞呢碗精緻嘅麵✨。
繼續閱讀
呢間喺銅鑼灣名店坊，Mono Mono對面， 門口招牌好大好易搵餐廳入面坐位大概有20幾個，枱同枱中間距離唔算好近 我哋禮拜四晚去都冇坐滿，我見到店員都會盡量將客人分散嚟坐唔係迫埋一齊 我哋兩個人一共嗌咗兩個麵同一個菜，見網上面啲人推薦海龍皇湯同埋棉花雞，所以就揀咗呢兩個 🍲🦐🦑🦪 海龍皇湯 $138 配料有魷魚，蝦，帶子同蠔蝦都爽口唔霉，帶子新鮮彈牙，蠔都唔腥 但係呢個價錢配料來講稍為嫌佢少咗啲上網睇人話佢個湯好濃郁但係我食落又覺得普通，係幾香蝦油味但係新鮮味差少少 但係整體嚟講都好味，陽春麵正常收貨 🍜🐔棉花雞 $100 至於棉花雞用咗高湯湯頭，加咗金華火腿令到個湯出色唔少配料主要係 雞髀肉同魚肚 雞肉肉質嫩口，魚肚用料都唔錯，呢個麵推薦可以試下 🥬油蔥燙青菜 $35至於個菜就係普通炒菜加小小蒜香無乜特別，下次可能會試下其他小食
繼續閱讀