影片
營業時間
今日營業
11:30 - 22:00
星期一至日
11:30 - 22:00
以上資料只供參考, 請與餐廳確認詳情
有關餐廳
呢間餃子舖開到成行成市，款式多，而且有品質保證先叫香煎軟心芝士餃呢個係一個新穎既配搭，新鮮嘅豬肉配有軟心少少鹹嘅芝士，加埋脆卜卜，外脆內軟加少少醋，好香口壽喜燒牛肉餃另一款叫左湯餃子，可能因為牛肉嘅關係，所以九鼎湯同餃子係分開上咁樣更加可以飲得出九鼎湯嘅清澈暖入心嘅感覺牛肉餃子本身已經濃味 唔再點醬汁都幾好黃金原味皮蛋 呢個皮蛋係黃色 冇一般嘅皮蛋味道咁濃烈 蜜餞雞翼 呢個雞翼好似瑞士雞翼咁樣甜甜地 但係再清甜一啲上湯松茸時蔬 健康既時菜蜂蜜檸檬薏米水 檸檬味幾充足
繼續閱讀
餃全部都係餃，因為我真係好鍾意食餃子今日嚟到呢間餃子專門店，梗係要食餃子啦叫咗三款餃子：龍鳳松茸煎餃、韭菜豬肉煎餃、粟米豬肉肉煎餃，而且再加咗芝麻醬同松茸醬，最後叫咗杯熱飲蜂蜜檸檬薏米終於都明白點解咁多人嚟食，三款餃子之中龍鳳松茸煎餃最特別，龍鳳嘅意思原來係黑白松露，加咗咁矜貴嘅食材，可想而知煎出嚟嘅餃子一定非常出色至於我最鍾意嘅韭菜豬肉煎餃，韭菜非常之新鮮，食落仲係清脆嘅顏色；而粟米豬肉煎餃粟米多豬肉肉相對比較較少，而且豬肉唔會過分肥膩，十分推薦#餃掂手工餃子雲吞專門店
繼續閱讀
Nom Nom dumpling dinner! A nice homey dumpling place to try! We ordered one of their signature drink, which is honey lemon barley water, which is sweet but too sweet. Its very refreshing to drink! For the food we ordered the crab and pork wonton which has a very good and strong crab flavor, and also quite nice to add either the soy sauce or the chilli oil! We also ordered the truffle dumplings! both the boiled and also the pan fried one. The dumplings has a very strong truffle smell and flavor, and for the pan fried, it has a very crispy skin and a very soft and tasty inside! this truffle dumplings is definitely the dish of the night!
繼續閱讀
今日同朋友去銅鑼灣總統戲院睇戲，到食晚飯時間，係總統戲院附近見到有間食水餃店舖，門口餐牌上嘅水餃好吸引，我朋友話這間店舖有好幾間分店，亦有好味道嘅水餃雲吞，咁就入去食。這間店舖叫餃掂手工餃子雲吞專門店，位於銅鑼灣景隆街19號地舖，港鐵銅鑼灣站D4出口，行幾分鐘就到，非常方便。店舖內裝修得好新淨，地方寬敞光猛整潔，座位都坐得令人舒服，店員服務態度都好，來這裏食真唔錯。這間水餃店舖主打手工餃子，為了保存餃子最佳嘅鮮味，所有餃子都係即日包製，先可以保持餃子皮的彈性、肉汁的飽滿和餡料的口感，而材料每天到新界農場購買新鮮本地蔬果，亦採用野生松茸，讓客人品嚐高營養價值健康美味嘅食物。店舖餐牌上餃子食物選擇亦不少，有鎮店極品山珍之皇、中西合璧之選、手工雲吞及麵食、前菜小食及飲品，餃子嘅做法有湯餃子、煎餃子、灼餃子，仲有如果你係素食者有素食嘅餃子，亦有芝士餃子、蝦肉餃子、牛肉餃子、豬肉餃子，而豬肉餃子配搭種類最多，有松茸、韭菜、粟米、芫茜、元貝，真係樣樣睇落都好想食，店舖每天都採用新鮮豬肉，包括梅頭與不見天的豬肉，真令人高興來食。我哋就叫咗至尊松茸豬肉湯餃子及韭菜豬肉煎餃子，亦叫咗雲吞湯麵，菜前小食就叫咗日本龍鳳蛋配黑白松露醬，而飲品點咗蜂蜜檸檬薏米水同豆漿。菜前小食最快上枱，個雞蛋煮食溫泉蛋一樣，蛋白蛋黃軟滑，加上每片蛋面點上黑、白松露醬，味道一流，尤其是黑松露醬味道仲比較濃郁。至尊松茸豬肉湯餃子就有8隻餃子，仲有一碗狀元九鼎湯及一小碟醬料點餃子，狀元九鼎湯湯味好清新，唔感覺到有味精，原來湯嘅材料有粉葛、順德活鯪魚、香山活鯽魚、紅蘿蔔、偏豆、赤小豆、新會陳皮、蜜棗、鮮排骨，飲後嘅功效有提升免疫力、溫腎益氣、潤滑腸道、養顏保健，真係唔錯嘅湯，將松茸豬肉餃子放落湯一齊食非常配合，餃子皮薄餡足，豬肉餡料鮮嫩多汁，松茸好有菇菌香味，點埋醬料仲好食，個醬料只有小小辣，亦有黑松露味。韭菜豬肉煎餃子有7隻，每一隻外層餃皮煎得金黃脆口，而且每一隻餃子都有焦邊，一口咬落非常香脆可口，豬肉餡料亦鮮嫩多汁，真係好好食。雲吞湯麵有12粒小雲吞，而餡料同樣豐富，皮薄口感鮮嫩，而麵食落好似上海麵，唔硬唔軟，連埋啲清湯、香蔥、芫荽，真令人食得好有口感，飲品蜂蜜檸檬薏米水比較清新滋潤，飲得出係用新鮮檸檬同蜂蜜做成嘅味道，而豆漿都好有豆漿味，又唔甜好飲，食完餃子雲吞飲佢哋簡直就係正。餃掂手工餃子雲吞專門店好值得推薦比大家，令人食得好滋味，又好抵食，價錢又唔貴，而且食材質素非常好，我下次都會再來食其他種類嘅餃子。
繼續閱讀
今日做完檢查，朋友見我冇咩胃口就帶我去食餃子，試下啲新口味呢間餐廳都唔少人食，仲有唔少遊客。我主要食湯餃子，揀左至尊松茸豬肉餃，松茸味非常突出，而且佢嘅湯亦都係用料十足，飲落去魚嘅味道非常濃郁但係又唔會覺得腥，味道香甜。餃子亦都非常足料，滿滿嘅豬肉同埋松茸，口感同味道一流！松茸做餡唔係咁多地方有得食，真係好味又特別，推介！另外龍鳳松茸生煎餃，亦都係值得推薦，黑白松露作餡，好食到不得了，煎餃皮脆肉嫩，金黃色外皮睇到都流晒口水！餡料滿滿，香氣迫人！2者比較我更愛此款。食完餃子再飲杯蜂蜜檸檬薏米水，解解滯，清新潤喉！
繼續閱讀