好景海鮮飯店

營業中

休息中

海鮮是我至愛之一，西貢碼頭旁的海鮮船總是令人目不暇給！海鮮雖美，每次只是齋看，從沒想過來一頓二人海鮮餐，始終海鮮人多吃較為適合。直至2022年二人行山後抵西貢市欣賞海鮮艇時，  聽到身後一對該是西貢街坊的對話，對話中透露了一家來料加工的小店，既然有可信的海鮮加工店，於是便打開了二人海鮮餐的序幕！當晚一鍋辣酒花螺、五對蟶子、三隻花蟹、一碟油菜，塞得肚滿腸肥！小店收費合理、味道火喉合意，自此便成為我們與家人閒遊西貢與開餐的好點！「好景」不收開瓶費，每次我們在附近購買白酒享用，有時更會順道到法國店 Le Magasin 買酒兼買芝士。經過幾次用餐，大概掌握得到「好景」哪種烹調的方式比較到家，在此跟大家分享一下！辣酒煮花螺 VS 鹽焗花螺 — 鹽焗花螺全勝。辣酒煮花螺不差，但輸在「海景」獨門的鹽焗花螺不單將花螺鮮味提升，小鹹鮮的味道佐酒一流，絕對是驚喜之作！薑蔥炒蟹 VS 蛋白花雕蒸蟹 — 蛋白花雕蒸蟹全勝！以我們的要求，薑蔥炒蟹的薑蔥份量實在來得「珍貴」，故此失去了原有的風味！相對蛋白花雕蒸蟹的鮮香嫩滑效果，薑蔥炒蟹無疑敗得有道理。難怪我們第一趟二人可 KO 三隻花蟹！蒜蓉粉絲蒸蟶子 VS

自帶海鲜加工，大部份被換了，龍蝦 - 又硬又鞋，明顯不是自帶生猛那隻元貝- 4隻中只有一隻是大隻肉嫩，其餘3隻又細又硬，肯定不是原本的聖子 - 有沙，我買的是蘇格蘭聖子王，怎可能有沙中蝦- 得一隻是大的，其餘3隻變細咗海鲜加工，千萬不要幫親😡😡😡🤬🤬

好景是西貢碼頭這裡為數不多支持來料加工的排擋環境 服務很一般 餐廳本身的小菜 味道很一般 點了個小炒王 這是一道很難不好吃的菜 居然沒有蒜薹 也是活久見唯一值得稱讚的就是 來料加工費用在西貢來說 很划算 廚房速度也很快。

📍 好景海鮮飯店 🧭 西貢萬年街120號地下💰人均消費: HKD320西貢遊完船河當然食海鮮先走！🤟🏻 上次食過 #好景海鮮飯店 又平又靚，今次一於唔諗，坐底就入街市買海鮮，再係餐廳加工同叫啲小菜！🆗椒鹽豆腐一共24件成個金字塔啲！皮脆豆腐都滑，但味道啲夠⭐️沙薑雞腳雞腎雞腳好爽口「索索聲」，雞腎都可以⭐️大墨魚刺身買左條手脾咁長嘅大大墨魚食刺身，好大片好厚，夠晒13個人食！ 墨魚好鮮黏黏咁，正！⭐️椒鹽墨魚頭估唔到個墨魚頭同身有咁多！ 椒鹽食一流，又惹味又送酒💯花竹蝦刺身休魚期一過就咩都平，見到啲一大隻花竹蝦，蒜蓉蒸同生食最終都都敵不過生食嘅誘惑😂 冰鎮等佢離殼，好鮮甜好爽口！ 個個都讚好！⭐️豉椒蟶子煎米粉底 都係街市買，突登唔買太大隻怕太膩，大細剛剛好！ 揀咗豉椒炒加米炒底，先講蟶子肉真心爽口同甜，個想汁收得好好，食落唔會水汪汪/唔夠汁！個煎米炒真係絕配！⭐️薑蔥炒石蟹蟹就揀咗石蟹，其實石蟹雖然冇肉蟹膏蟹咁肥，但勝在夠肥夠甜！ 個味好唔錯，略嫌唔夠多汁同蔥🫢💯白灼跳螺係街市見到有螺后之稱嘅跳螺，冇理由唔買！就咁香灼真係鮮甜都飛起！全枱有10個人未食過個個都話好好食！⭐️椒鹽泥鯭之前食過覺得好

今日友人爸爸生日🎂，黎左西貢食海鮮慶祝，我地自己去西貢街市買海鮮再俾餐廳加工😎我地今次食左1️⃣上湯龍蝦🦞伊麵龍蝦🦞買左三斤幾嘅南澳龍，好多肉，用上湯整食到龍蝦蝦味，正😈伊麵都整得啱啱好，大家都食到好滿足2️⃣蒜蓉粉絲蒸蟶子蟶子蒸得啱啱好，超級好味，好大隻好多肉，鮮甜🫣3️⃣椒鹽鮑魚鮑魚惹味得黎好鮮嫩，唔會硬，好食4️⃣炸魷魚鬚炸皮略厚，椒鹽份量唔夠多，比較淡味，可以唔叫5️⃣清蒸東星斑魚肉蒸得啱啱好，入口滑溜香嫩，鮮味十足，醬油味道啱啱好，能夠帶出魚嘅鮮味，好好食🤤6️⃣鹽焗螺螺肉好快就整到出黎，入口啖啖肉，仲有螺肉好鮮甜😋😋7️⃣鹽焗雞雞肉尚算嫩滑，雞調味幾好，咸味均勻，唔會死咸8️⃣黃金豆腐豆腐炸到外脆內嫩，就咁點椒鹽食好味，加甜辣醬都OK消費價錢：6人💰2800，包括➕1、開瓶費及切蛋糕費用），人均💰467結論：（5個⭐️為滿分）味道：⭐️⭐️⭐️⭐️性價比：⭐️⭐️⭐️⭐️回頭指數：⭐️⭐️⭐️⭐️餐廳名稱：好景海鮮飯店餐廳地址：西貢萬年街120號地下

📍 好景海鮮飯店 🧭 西貢萬年街120號地下💰人均消費: HKD200西貢玩完緊係食埋海鮮先返！ 今次係海旁食新野 #好景海鮮飯店 ！ 係正街市出面，可以買埋海鮮加工！⭐️沙薑雞腳雞腎 𝑪𝒉𝒊𝒄𝒌𝒆𝒏 𝑭𝒆𝒆𝒕 𝒂𝒏𝒅 𝑲𝒊𝒅𝒏𝒆𝒚 𝒊𝒏 𝑮𝒊𝒏𝒈𝒆𝒓 𝑺𝒂𝒏𝒅雖然起沙唔算勁，但味道夠！ 雞腎送酒正⭐️白灼大青口 𝑷𝒐𝒂𝒄𝒉𝒆𝒅 𝑴𝒖𝒔𝒔𝒆𝒍𝒔大大隻青口最好味就係香灼！鮮甜可口！💯椒鹽泥鯭 𝑷𝒆𝒑𝒑𝒆𝒓 𝒂𝒏𝒅 𝑺𝒂𝒍𝒕 𝑺𝒑𝒊𝒏𝒆𝒇𝒐𝒐𝒕細細條但啖啖肉又香口，椒鹽好出色，送粥送酒一流⭐️沙拉骨 𝑷𝒐𝒓𝒌 𝑹𝒊𝒃 𝒊𝒏 𝑺𝒂𝒍𝒂𝒅 𝑺𝒂𝒖𝒄𝒆細個最鍾意食嘅沙拉骨！加埋滿滿沙律醬甜甜酸酸，大口大口咬落去啖啖肉⭐️生炒骨 𝑺𝒘𝒆𝒆𝒕 𝒂𝒏𝒅 𝑺𝒐𝒖𝒓 𝑷𝒐𝒓𝒌望落幾多骨但其實都幾多肉！又係酸酸甜甜十分下飯💯蒜蓉蒸琵琶蝦 𝑺𝒕𝒆𝒂𝒎𝒆𝒅 𝑩𝒂𝒚 𝑳𝒐𝒃𝒔𝒕𝒆𝒓𝒔 𝒘𝒊𝒕𝒉 𝑮𝒂𝒓𝒍𝒊𝒄琵琶蝦真心樂食過龍蝦！有龍蝦嘅啖啖肉，但係蝦嘅鮮甜味！⭐️菜蒲煎蛋 𝑫𝒓𝒊𝒆𝒅 𝑹𝒂𝒅𝒅𝒊𝒔𝒉 𝑶𝒎𝒆𝒍𝒆𝒕𝒕𝒆 金黃色嘅菜蒲蛋，清清地唔錯💯薑蔥生蠔煲 𝑶𝒚𝒔𝒕𝒆𝒓 𝒘𝒊𝒕𝒉 𝑮𝒊𝒏𝒈𝒆𝒓 𝒂𝒏𝒅 𝑺𝒄𝒂𝒍𝒍𝒊𝒐𝒏足料

今日同一班親戚食團年飯，去到西貢地道嘅好景海鮮飯店開餐。每個菜式都好新鮮好入味！😋🐔祕製鹽焗雞 - 雞肉滑嫩，咸味均勻！連雞胸肉都係非常好味🦞椒鹽賴尿蝦 - 手掌咁大嘅一隻！好夠鑊氣！介要啖啖肉🐠清蒸瓜子斑 - 襯熱食，配上熟豉油同蔥！好滑既魚飲，蒸魚火候拿捏啱啱好！🦐豉油王煎蝦 - 上菜嘅時候已經聞到豉油味，又係好新鮮，啖啖肉！🟨黃金豆腐 - 值得推薦！外酥內軟，配埋甜辣醬！好香口😋豉椒蟶子米粉底 - 超！好！味！ 辣辣地嘅豉椒！大大隻嘅蟶子！再加埋炸米粉底，吸收哂啲汁！🦀清蒸蟹 - 雖然細細隻，但係每隻都好蟹蟹膏！🥬清炒菜苗 - 菜都新鮮，不過比較多油！🍚生炒臘味糯米飯 - 但今次比較濕，唔夠乾身！

上個月我媽咪生日咁梗係要帶佢食好嘢啦，而佢就最鍾意食海鮮，咁食海鮮喺香港不外乎幾個地方，今次我哋就入咗嚟西貢碼頭，試一試間好多人介紹嘅好景海鮮酒家。當日我哋入到去已經人山人海，因為係星期五六晚嘅時間特別多人，咁我哋唔係一開始就去好景呢一間嘅都有行過去洪記呀跟住附近碼頭嗰幾間都有提過，其實價錢都差唔多，所以都係食口碑為主。始終我哋唔係成日食海鮮啦，所以都揀番間穩陣啲好景算係多人評價中庸嘅一間海鮮酒家，但係我哋就冇時間自己揀了揀海鮮比佢哋加工啦，所以就帶咗佢哋嗰個抗疫四人套餐就係下邊呢一個餐單。咁去海鮮都有成10樣俾你揀四樣，其他小菜就有六樣俾你揀兩樣，四個千零蚊可以品嘗到海鮮算係咁！

今午到此店吃了小菜及炒粉麵飯，結帳時發現濫收了花生及菜譜各一小碟共收50元，比大酒家還要貴一倍。 Menu 亦沒有列明要收多少錢。奉勸幫襯這段要問清楚如何收費。張單沒有列明要加一的數目，我問夥記如何數目不符，服務員說星期六日要另收加一。很奇怪為什麼不列在單據中呢？有點奇怪。食物和環境都是一般水準。

突然很想吃海鮮，第一時間想到西貢。朋友推薦，雖然其貌不揚，但性價比很高！立即出發！❤️ 芝士龍蝦🦞芝士🧀滿滿的沾滿每一寸肉，雖然不算太香，但夠濃厚，夠掛肉！龍蝦本身不鮮甜，要過口癮的話還是可以的。 ❤️ 炒蟶子 蟶子鮮甜超嫩滑！可惜米粉沒有煎乾，裡面是濕軟的。。 ❤️ 蒸貴妃蚌鮮味十足， 蒸得剛剛好熟，不過一兩隻有沙， 美中不足 ⚜️ 椒鹽魷魚 炸皮鬆脆可口，略厚，魷魚鮮但不夠甜。 整體來說，味道還是不錯的，加上價錢，列入海鮮飯店之一！

毛毛蟲玩完環島游，肚餓出發食海鮮。毛毛蟲媽媽帶左我地去海景海鮮飯店食海鮮大餐!!一行5大2小，叫了一個六人餐+一個薑蔥炒肉蟹。毛毛蟲開餐了!❶白灼海蝦🦐鮮甜好味，小朋友食到停唔到口!❷果皮蒸鮑魚鮑魚很大隻，没有點跟上來的蠔油己經夠晒味了!❸蒜容粉絲蒸元貝🍴識食當然係食粉絲!❹清蒸沙巴龍躉🐟魚不算很大，很新鮮。❺椒鹽瀨尿蝦很大隻!一共有6隻，其中4隻有膏。❻馳名鹽焗雞🐓菠蘿生炒骨雞很滑，點跟的沙茶醬很下飯。生炒骨的骨不大，洋蔥和菠蘿才是主角。❼郊外油菜🥦楊洲炒飯上湯菜心，菜很新鮮。炒飯干身，沒有要求下，覺得不錯。❽鹽焗雞腳+腎片店家送的，雞腳好惹味。❾薑蔥炒肉蟹今餐的重點!肉很多，我地叫左二隻肉蟹，好食到吮手指。今餐食得好滿足，由於係坐係店外，其實都有D熱。幸好有很大的風扇所以還好💦毛毛蟲唯一不滿的點是，上菜真的上得太快了。枱不大，店員不會理你還未食完，拎住新的餸就迫你自己執個位比佢上，就算明白佢係想你快D食完快D比返張枱佢，還是有D不滿。🐛推薦指數美味🌕🌕🌕🌕🌑抵食🌕🌕🌕🌑🌑環境🌕🌕🌕🌑🌑回頭🌕🌕🌕🌑🌑店舖資料🗺西貢萬年街120號地下📞27922909⌚星期一至日 1100-2200#

各位千其千其千其唔好拿海鮮去呢間好景海鮮飯店加工 ，極度搵笨！！！難得連放4日假， 好耐冇入西貢食海鮮中午黎到已經人山人海，全記勝記都排哂長龍聽講係碼頭買海鮮好抵食，就嘗試下去買完去搵加工係碼頭買左兩隻大花蟹 瀨尿蝦 老虎蝦同埋聖子加埋都成千蚊上網睇呢間好景海鮮飯店加工價錢公道 技術好就諗都冇諗去試試入到去鋪頭感覺已經有問題伙記接左我袋海鮮望都唔望就放落水桶 （完全唔會同我對下有乜海鮮，大隻定細隻）就過黎問我點整？ 我懷疑亂up西澳龍蝦佢都煮到比我）5分鐘唔駛、豉油皇老虎蝦上枱第一眼就覺得比佢換左，首先一定係細隻左勁多第二：我係碼頭買既時候 250蚊問佢盤野有幾多隻 佢數比我睇有13隻上到枱有17隻！！ 咁大贈送？最後清蒸花蟹，一上枱我睇到呆左300蚊兩隻大花蟹，換成街市一百蚊可以買到3隻既size! 幾廿歲人食海鮮未試過被人咁搵笨法如果大家入西貢想有個愉快體驗、奉勸大家唔好幫襯呢間好景海鮮飯店！包你中伏

今日係四日假期第三日，約咗屋企人入西貢行吓食吓嘢，最後都係去番經常光顧嘅好景食海鮮街坊式裝修，同區內其他海鮮酒家當然不可比較，但收費公道，也可以自攜海鮮去俾佢煮今日買咗肉蟹、蟶子、瀨尿蝦同鮑魚，攞到去酒家可以鍾意點煮都得，今日嘅鮑魚好新鮮，當然要清蒸，肉蟹薑蔥煮，瀨尿蝦當然係避風塘炒，蟶子用豉椒炒再加米粉底簡直係perfect 之選，加埋一碟腐乳炒生菜，完美食完仲可以周圍行吓買吓有機菜、剛出爐各式麵包同食埋甜品至走，完美的一天開心嘅日子特別短，假期只剩一日，要儘情享受

3月17靚媽生日，限聚令下祗能，兩口子到西貢，食個海鮮午餐，慶祝靚媽，可以開始用樂悠咭搭車的大日子，先在碼頭旁嘅賣海一條東星，和四隻花蟹，原本諗住攞去，海鮮街，全記原祖店加工，但該店冇做堂食，又唔想行返去近碼頭嗰間，全記新店，結果就求其入咗呢間外觀，似茶餐廳嘅飯店開飯，呢餐除咗兩樣自來海鮮外，另加咗一碟菜遠炒牛河及一個八珍豆腐，合共四樣餸菜，除咗嗰羗䓤炒蟹此店做得咸咗啲外，其餘三樣食物都做得有水準，蒸魚更是出色，並無嘥咗呢條自來東星班，加上此店消費親民，如果唔想再幫襯啲，西貢名店食海鮮午飯，來此店都係一個明智選擇

椒鹽賴尿蝦，正！舊舊都好鬼多肉😍😍😍唔會得個咸字✔️龍蝦上湯伊麵～～ 啖啖肉，睇圖就睇到D龍蝦肉多到辣炒蟶子，好爽口！👍🏻👍🏻👍🏻👍🏻👍🏻今日最愛菜式！！師傅炒得好有鑊氣海膽炒飯，色香味俱全炸壕！好新鮮！外脆內新鮮，唔使點喼汁！都係必點蝴蝶蚌；（⚠️季節性先有！）又大隻又鮮甜，極度推薦👍🏻👍🏻👍🏻👍🏻👍🏻蝦🦐鮮甜。蒜蓉粉絲蒸扇貝好似蒸耐左少少，一般般！蒜蓉唔太入味～～～