太和堂

營業中

休息中

大隻仔今次覓食嘅店舖就係💥 太和堂 💥 大隻仔今日入柴灣買「名牌叉燒」，經過先發現有一間裝修咁傳統嘅涼茶舖。店舖主打涼茶、龜苓膏，兼賣傳統中式糖水，方便街坊仲有香煙、啤酒賣。😂😂⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般1⭐️ 差味道 ⭐️⭐️⭐️⭐️抵食 ⭐️⭐️⭐️⭐️服務 ⭐️⭐️⭐️⭐️環境 ⭐️⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯🔥 熱喳咋 $18可以揀要或唔要落花奶，喳咋唔會太甜，但冇椰漿味，所有材料都煮得夠冧，但芋頭冇香味。材料十分豐富有：紅豆、綠豆海帶、腰豆、眉豆、西米、紫米、芋頭等。

今日去買兩碗豆腐花，因為其中一碗要攞去醫院比個住院病人，所以要分開兩袋，咁糖就叫佢唔好落係豆腐花度，叫佢分兩袋糖比我。個阿姐就話下次唔可以，糖係要落去豆腐花度，今日佢得閒就幫我分開糖，第日就唔得。我話其他地方都可以分開糖上，佢就話係老細講嘅，叫我有乜嘢就下次見到佢老細就同佢老細講喎。雖然買兩個豆腐花唔係咩貴野，但都$20一碗，分兩袋糖啫，又唔使擔唔使抬，如果你覺得浪費了你個袋仔，你可以收番我個袋錢囉，使唔使咁悪呀！下次去其他糖水舖買好過。😡😡😡

朋友住附近， 佢話呢間既傳統中式糖水好味又抵食叫我試下。✨桑寄生蛋茶. 呢碗桑寄生糖水唔會太甜，紅棗同龍眼肉都唔少，隻蛋都好入味，食完成個人暖笠笠仲好好訓。如果想近近地食碗熱辣辣既糖水，我會去呢度買。🏠 太和堂🛤️ 柴灣怡豐街21號地下📍 港鐵柴灣站D出口，步行約7分鐘-----

最近去了兩次這家糖水店，味道不錯腐竹薏米糖水($17)綿綿的腐竹已融在糖水內喳咋($17)最近就只有熱的，但足料多豆蕃薯糖水 ($17)薑汁可以，但可以更辣芝麻糊($17)偏甜，但我覺得還可以我覺得這間糖水不錯，但服務態度就不錯

傳統涼茶舖，糖水特別正這間店舖都算很耐歷史了，雖然環境變遷，但仍然都好多粉絲嫁。突然食完飯，凍冰冰，雖然都好飽，突然好想食糖水，就諗起這傳統糖水店舖。樣樣糖水都想食，最終都係揀左熱桑寄生蛋茶和熱芝麻糊這間店舖糖水不會太甜，所以我經常都幫襯。而且多傳統糖水，我的最愛😋😋😋桑寄生蛋茶，一點都唔hea嫁，有紅棗和龍👀肉嫁，還有一隻大大入左味既🐔蛋芝麻糊和桑寄生茶正爆，又唔太甜，熱辣辣，非常好食，每次我都是堂食，很少外賣。堂食有風味點，環境雖然唔大，但都有幾張枱。服務態度都很好，假如喜歡食傳統糖水，不妨試試看😂😂

行過見到有間舊式糖水店，口痕見價錢唔貴就入去試試。入面店舖光猛乾淨，放有3張枱。凍芒果西米露 $16有椰香味，滑口，芒果少許酸，西米正常，對得住呢個價錢。熱桑寄生蛋茶 $16茶色深而清澈，有茶味，而且唔太甜。而蛋就只有表層有茶味，以16蚊黎講相當抵食。

發生了令人氣憤既事。。我會食下甜野。。去到柴灣一間舊式糖水店。。以為得中式糖水。。原來都有西米露。。就叫左個凍芒果西米露。。而死佬叫左個雜果凉粉。。個芒果西米露既芒果比許留山多同西米露唔會太甜。。我覺得岩岩好。。好正。。死佬個雜果凉粉就令佢好失望。。因為用罐頭雜果同份量唔多。。。

星期日晚 約了柴灣的朋友睇戲 10點開場 9點就到了柴灣在等待的時候 又想消費一下這個時間 食個糖水就fit晒柴灣朋友一開始就帶我去太和堂 其實我們經常都去光顧 不過係日頭去佢門口飲涼茶眼細的我 竟然從未留意到有糖水一去到 見到舖頭坐滿，朋友就帶我走去附近行一圈睇睇其他甜品店睇來睇去 同類的中式糖水 都係太和堂最平所以都係番去我叫了一個熱芋頭紫米老闆都會問加唔加奶 份量一個飯碗 過過口癮剛好芋頭細細粒 都煲到化 裡面d米 都無撈到殼唔甜 夠滑 

柴灣區好多糖水鋪呢間中式既都相對好抵食堂食通通＄14今日身體成日都覺得好寒所以就叫左熱蕃薯糖水份量就一個普通飯碗咁大然後裝滿晒蕃薯見到都好飽藩薯已經煲到林晒入口即溶今次食佢都係想似碗薑湯好熱勁重薑味好辣食完個暖晒

由細食到大嘅糖水絕對吾差最愛嘅係西米露尤其係夏天食凍冰冰嘅西米露...哇！果下真係透心涼丫~~冬天時食蕃薯糖水D蕃薯舊舊都足料絕對係做緊良心生意( ´▽` )ﾉ加上價錢吾貴絕對值得一試

收得夜，食碗街坊糖水的確一大樂事。涼茶鋪嘅外表，門口簡單放幾杯用玻璃小杯盛載着的涼茶，$7一杯。有煙賣，感覺像街坊士多服務居民。糖水反而變成主打，有十多款選擇，統一$14，外賣$17，還算街坊價。傳統中式糖水，大部份只有熱食，凍食只有木瓜雪耳同生果西米露。記憶中食過嘅桑寄生蛋茶係無料嘅，但呢度有分量不少嘅紅棗同圓肉，賣相已經十分吸引。感覺特別適合女生，行氣活血，邊食邊有暖入心幸福之感第二次就試渣咋，馬來西亞風嘅甜品，料頭足但椰香芋香欠奉

叫左個芒果西米露，淡而冇味。。。仲要得幾條芒果絲咁你不如靜係俾碗西米露我。完全失望!但我諗佢其他款既傳統糖水應該唔錯既。不過我勸大家去食的話就唔好叫芒果西米露啦。

　　我很喜歡吃芝麻糊，吃過很多不同店舖和品牌的芝麻糊，就在煩惱所居住的這區都沒有比較像樣的甜品店。　　媽媽則對我說，舊街巿附近有一間，於是我便去找，找著了這一間，見到這間食品店，便進去要了一碗熱芝麻糊，一位中年男士在店內打點，生意不俗，很多人去買竹蔗水、豆漿等。　　熱騰騰的芝麻糊來了，先是嗅到濃烈的芝麻香味，顏色卻不是太深色，但稀稠卻恰到好處，另一方面就是甜度適中，不會過甜，還可以嘴嚼到粒粒的芝麻。口感不錯。　　十元一大碗，我覺得不錯，值得推介。

二月下旬‧晴拿到滿手是東西，但見這裡的龜岭茶，放下八元喝了一杯。味道不苦，反而甜甜的似涼茶，還有點龜岭膏的味道。有沒有效用不得而知，當水喝，就算沒有益也至少沒有害吧。

好少係柴灣食野，可能習慣吧，通常都係食飽先返去。因為食店真係太少，坦白講，柴灣係快餐店都少。九點幾，因為早食飯，有d餓，原來想食沙爹佬串燒，不過見佢仲透緊爐，有排等。隔離拉布腸又飽得滯。黎左呢到，食碗糖水算吧。都唔記得幾多年前係轉角位，夜晚坐哂出街，不知幾旺場。呢到買既款式唔多，都係d中式糖水，果d楊枝金露丫，新式野一律都冇，要食新款糖水，去對面旺記啦。原本想要腐竹糖水，不過賣哂，要左個什果西米露。西米露穩陣，剩係賣中式糖水屹立左禁多年係有佢既理由。放低十蚊，返屋企發個好夢。