影片
開飯介紹
中國人氣餐飲品牌，其招牌菜老壇子酸菜魚選用鱸魚精華部位，搭配自家配方醃製的酸菜烹調，入口酸爽麻辣，相當惹味！
繼續閱讀
營業時間
今日營業
12:00 - 21:00
星期一至日
12:00 - 21:00
以上資料只供參考, 請與餐廳確認詳情
有關獎賞計劃
人氣酸菜魚專門店 - 太二酸菜魚太二酸菜魚由2015年開業，香港店都終於係幾個月前開業啦！仲一次過係沙田、尖沙咀、九龍塘同啟德Airside一次過連開4間店，今次CK同朋友就到尖沙咀既太二酸菜魚實試一下，呢間號稱「酸菜比魚更好食」既人氣酸菜魚專門店，睇下係咪真係物有所值 ! 酸菜魚係唔可以選辣度，只能選份量大小，酸菜同樣用約需醃製約30天先可以出壇既老壇子酸菜，而魚肉則選用鱸魚。客人可以係櫥窗睇成個製作過程，令客人對店內衛生更有信心。太二既酸菜魚辣度唔係好勁，酸度岩岩好，算係走一個中庸之道。魚肉夠滑，但酸菜就無宣傳講既比魚更好食，不過不失，CK我就無食哂D酸菜既。勝在整體食起黎唔會太油膩，食完亦唔會因為太酸太辣而覺得肚唔舒服。而係過程中最得意既一件事係，侍應上枱前會用京劇腔大叫：「好吃的魚來了！」戲劇性十足。太二既小食算係較多樣化，愛食川菜既，可以一試脆椒小皮蛋，呢度既小皮蛋其實係鵪鶉蛋，味道較傳統皮蛋輕，食起黎更似辣油鐵蛋。大滿貫小吃拼盤 係相當港式既小食拼盤，分別有印尼蝦片、煎雞翼、炸薯粒同炸酥肉，配辣粉同蜜蜂芥末醬。整體黎講太二環境舒適，有空間感，枱上有籤筒可以俾客人等菜到既時候打發時間，而係餐枱旁除了紙巾同牙籤提供，仲有充電線，非常貼心 ! CK一定會再幫襯太二酸菜魚地址：尖沙咀河內道18 號K11購物藝術館2樓209-211號舖電話：星期一至日12:00nn-10:00pm電話 : 3622 2239
繼續閱讀
千呼萬喚，喺深圳食開嘅太二酸菜魚，繼之前喺澳門開分店後，終於嚟到香港喇🤩 仲要開成四間分店， 今日就去潮聖下先😆裝修貫徹黑白風格，清晰有型，同深圳店一樣，都會見到嗰位卡通人物同埋不同嘅口號，例如＜酸菜比魚更好吃＞及＜吃魚拯救世界！＞😆😆真係非常過癮😎訂座都非常方便，港澳門店訂座可進入鏈接登記信息，登記完成後會獲得二維碼，憑二維碼到店出示即可入座👍👍餐廳安排咗我哋坐窗口位置，地方寬敞好舒服，餐廳用QR code落單，非常方便👍 食嘢之前梗係去攞一杯馳名嘅陳皮洛神花茶先啦，自己diy，非常好味🤤🌟麻辣小酥肉小酥肉有酥脆嘅感覺又夠熱，點辣椒粉好惹味，做小食一流👍🌟脆椒小皮蛋小皮蛋比較小食，一口一粒好過癮，最緊要配埋佢啲脆椒食，絕對係呢碟小食嘅靈魂所在，好正😎🌟老壇子酸菜魚我哋點咗二人份量，同深圳一樣辣度係冇得選擇，因為已經調教左😌 鮮味同辣度平衡得啱啱好🫶🏻 上菜嘅時候，職員會大嗌＜好吃的魚來了！＞😂好有氣氛😆 成個感覺返曬嚟😂味道方面，鱸魚新鮮嫩滑， 食完魚就要跟佢下個步驟，飲啖湯，湯頭好鮮味，帶點點辣勁，好正😍之後就試下將佢個酸菜配飯食， 呢種滿足感太幸福喇😎我哋仲加咗配料，包括脆豆腐同埋薯粉，真係食唔停口🥰🌟蛋酥軟糍粑甜品當然要叫佢嘅糍粑，香港做法加咗蛋，帶一點蛋香味，配埋黑糖食真係非常之令人回味😎食咁多間酸菜魚，始終太二酸菜魚係我首選😌 嗰種香，麻，鮮，真係令人齒頰留香同埋非常之滿足🥰 餐廳一口氣開四間分店（ 九龍塘，啟德，沙田同尖沙咀，而且目測員工數量非常之足夠，整體用餐非常愉快🫶🏻 餐廳有好多唔同嘅gimmick，例如枱面上面嘅幸運纖筒，我見到好多食客都喺度玩，不得不佩服餐廳嘅創意 👍鍾意食酸菜魚嘅人絕對明白太二酸菜魚有幾正，有時返大陸都係為咗食佢，而家喺香港想食就可以食，仲等？快啲嚟試下啦🫶🏻
繼續閱讀
之前響大陸試過太二酸菜魚，已經覺得好好味，好開心而家響香港都可以食到，味道質素都保持到😍👍👍👍店舖以黑白灰為主調，沿用版畫元素，簡約得來幾有特色。店舖重會免費提供洛神花茶熱飲❣️❇️老壇子酸菜魚 1-2人份大大碗酸菜魚賣相吸引，去骨鱸魚肉入口彈韌鮮美，加入酸菜湯同熗上辣椒油，香氣撲鼻。為咗保持最佳口味酸菜魚無得揀加辣或減辣，個辣度都接受到唔會太辣，真係好香辣好惹味🤤🤤🤤配薯粉非常夾‼️真心推薦‼️❇️芥末蝦仁球鑊氣十足，入口香脆蝦肉彈牙，加埋芥末醬口感層次更豐富😋
繼續閱讀
係深圳食過酸菜魚好多次，唯獨係太二酸菜魚嘅味道同水準，保持到相同嘅水平。難得太二酸菜魚喺香港開咗分店，今日一於試試佢。酸菜魚份量十足，魚片滑溜，酸菜爽口，味道不會太辣，又不會太酸，最緊要嘅係佢啲酸菜真係好食過魚。另外，加咗$20配菜-粉絲，粉絲口感Q彈，粉絲非常掛湯，每一條粉絲都充滿着酸菜魚嘅湯汁，令人胃口大開。呢杯飲品真係十分出色，紅豆冰入邊仲有牛奶布甸，口感Q彈，加埋紅豆嘅顆粒感口感真係非常豐富。
繼續閱讀
酸菜魚的魚是超級新鮮及滑流， 但係酸菜沒有什麼酸菜味， 而酸菜魚的湯底不會回味 湯底是一般的😅 可能欠缺泡椒及辣椒🌶🌶🌶🌶🌶，太甜 但🐟魚片是讚的😆湯底不會再回味， 因很多地方，吃過好吃的東西會回頭， 但不是太二。 夫妻肺片更是失望 牛展鞋，細份量， 味道唔好 毛血旺做得最出色， 真材實料，因夠熱今晚18:15入店， 人丁疏落， 到埋單都係不滿坐， 服務都可以， 可能星期五晚大多數人過了關又或者同我一樣 食過便算了。
繼續閱讀