天一閣 (已結業)

聽說這裡既大廚曾經喺某某名人食店工作過，同一個師父既廚藝平時去食都閒閒地2，3千。而家佢自己開業，所以今次有口福啦，平民點既價錢已可食到2，3千既質素😊。我地一行十多人去試左佢地既套餐，平均人頭5百多元，真係好抵食呀😍😍而且裝修環境都好靚。套餐有好多款食物，當中我至欣賞既係花雕蟹，蟹肉鮮甜，個汁又唔會太濃撈碗白飯真係一流😋。鹽焗雞又嫩又滑又入味。花胶烏雞湯令我好回味，個湯好足料，火喉十足，而且花胶都幾大件。第一次食西關义燒，味道比市面一般蜜汁义燒好唔同，味道好特別，加上是我最愛的半肥瘦，實在大愛，忍不住食左好多件😆。其實樣樣都覺得好好食😄已期待下一次再光臨👍

背景：好朋友J隊長構思成立美食會（絕對邪惡），先搞一次特別聚餐，呢間餐廳係新開Ｏ既，由飲食達人R大哥安排下，響佢試業期間率先品嘗。地點響鬧市之中，但正常情況下一定搵錯，要先由街舖上一間樓上打邊邊餐廳，再上多陣先到達~大約十張枱左右，當晚連我地在內只有三張有人坐。當晚自攜酒水，我就帶O左支Pol Roger Reserve Brut NV ，支香檳本身特色係汽泡夠勁同果酸味突出，配餐前菜一流，食啖臘肉再飲一口，嘩~酸味昇華做甜味，成枱朋友個個叫出黎!陳村粉本身都係上上之選，口感軟滑唔黐牙，米香味濃，索埋花雕酒汁，入口唔捨得吞。其他仲有水晶蝦球呀～紅棗糕（一定要熱食）同埋花雕甜酒等等～真係難忘Ｏ既一餐。只能用精彩黎形容，希望正式開業後可以維持到水平，必會重臨呀～

一班廿幾年老友,定期有生日飯局,周圍去食野,價錢有平有貴啦,今次有人提議試下天一閣,咁就出發,個人認為現場環境都算優雅,一個幽靜環境對於呢類私房菜飯局好緊要,所以加左分先,到正式上菜,真係道道菜都有特色,經理每上一道菜都講個大約烹調過程,食材用料等等比我地聽,真係每個菜都有個故事,而十多道菜之中,我最欣賞首推花雕蟹,陳年花雕甘香夾個蟹的鮮味係一絕,跟住個自制煙薰腊肉又係無得頂,肥瘦適中口感一流,個西關叉燒又係,重有個叫葵花斬肉,係用雞湯伴住肉丸,入口溶化,唔親自試過真係好難講得出個感覺,其他如海鹽焗雞,日本清酒浸蜆,蝦子蝦油拌麵等都好好食,不得不提就係佢地有個飯後中式甜酒,叫黑糖紅棗花雕飲,好鬼頂癮,有機會大家去試下啦,整體黎講我非常滿意,食得出廚師份心機同誠意,確實係難得的私房粵菜!

今時今日, 能夠吃到傳統粵菜的地方已經越來越少. 天一閣這家店子, 就供應了不少傳統粵菜, 而清而不淡, 濃而不俗, 平常真味為主打. 這天晚上的盛宴, 令人難忘.酥炸魚苗櫻花蝦伴醃菜前菜是酥炸魚苗櫻花蝦伴醃菜, 香脆的魚苗, 配上香口的櫻花蝦, 再加上醃菜, 很有誠意的餐前小食.金錢蝦餅三款頭盤皆是不常叫的項目. 金錢蝦餅結合了蝦肉, 冬菇, 檸檬葉, 以及冰肉, 跟金錢雞有點相像. 香脆的蝦餅, 肥美的冰肉, 但入口不覺油膩, 因為是檸檬葉的幫助.西關叉燒我很喜歡吃叉燒, 但一向吃開的是蜜汁叉燒. 西關叉燒又如何呢? 原來是帶很重的三豉味, 特別是豆豉的味道, 味道不會是蜜汁那麼的甜, 更能吃得出叉燒的原味.葵花斬肉賣相平平無奇的是葵花斬肉, 即是獅子頭, 但這客肉丸是相當鮮嫩的, 帶雞湯的清香, 肉汁豐盈, 高水準.霸王別姬霸王別姬, 好像有點苦澀的名字, 其實即是花旗蔘燉水魚烏雞, 對, 味道也帶點甘味, 有很重的花旗蔘味道, 水魚跟烏雞只是配角.濟公羊腩愛吃羊腩的朋友, 這客濟公羊腩是必吃的, 肉質相當鬆化, 入口反而沒有羊羶味, 而是吃到羊肉的味道, 加上腐竹, 鮮淮山,

妹妹請我食生日飯，我提議上網隨意找一家近妹妹家地區新食肆，睇openrice食評已覺菜式是用心制造，試完後我倆都感覺驚喜，因為祇有2人份量菜式，要符合到妹妹嘅高要求是很難的，好驚食完後給妹妹怨對，兼且現在香港租金貴，人工貴，食材貴情況下，食肆很難做收支平衡又要令顧客滿意欣賞的。現時出街吃一餐飯也不能有太高要求，因為食肆老板長蝕也不能生存下去的。我倆開心菜式除左味道清香及注意客人健康：燉湯堅持不加味精，不加雞粉，連塩都似無落。最欣賞師傅用心制作每款菜式及想將傳統菜式重新增加創意，這是老板與員工齊心堅持合作表現。“葵花斬肉”就是一個好例子，堅持手刴豬肉搓圓後先炸，再用雞湯蒸燉7小時，揭蓋即時香味十足。食落口完成食唔出有炸過感覺，豬肉溶化嫩滑。用25年花雕蒸花蟹配上陳村粉，初食一口已盡索酒香蟹香嘅陳村粉，即時將食花蟹次序推後，要再夾多幾塊陳村粉。希望下次嚟25年花雕仲有，未俾食客享盡。據部長說老板由大陸訂左6大埕到港，現在已用去一大酒埕，春節過後可能已經無貨嘞。因為得2個人，不能試到太多菜式，下次一要試食茶薰BB鴿，雞，羊腩...值得一試。

已有一段時間沒有跟昔日並肩作戰的同事聚舊，是日相約到一家開業不久的中菜館吃晚飯，能抽到時間當然希望可以一聚。是晚由他發辦，跟其餘好幾個相熟的食友，一同品嚐大師傅的水準粵菜。葵花斬肉。以前未聽過這道菜，但見真身就知道是獅子頭，屬唐代揚州名菜。肉丸在口中入口即化，味道清而不淡，吃著卻徐徐滲出肉香，另伴吃的黃芽白鮮甜軟腍，吸收鮮甜的湯汁後也讓人一吃難忘。霸王別姬。菜名取其諧音，因為水魚另一個名字是鰲，加上烏雞，而西楚霸王的結局是帶甘苦，所以就有花旗參在其中。燉湯味道可以自行調較，附有頭抽鹽和喜瑪拉亞粉紅岩鹽，湯頭入口清雅回甘，在天氣轉變的時節喝罷一碗，身體也和暖起來。蟹肉祥遠。祥遠即是粉絲，配搭鮮拆的花蟹肉，加入日本蛋去炒，火喉掌握得好，而蛋花炒得像桂花一般的粒粒分明，完全是功力的見證。雪嶺紅梅。它的賣相有如一個小雪山，一片薄薄的半熟蛋白疊起來，淋上蟹黃獻汁，蛋白本身炒得滑溜，不過蟹黃現在不當造，入口的味道比最好的時節有點差異。胡椒蟹。超巨型的胡椒蟹，胡椒汁通通都黏在蟹殼上，碟底沒有多餘的汁，蟹肉鮮味有彈性，更驚喜的是胡椒味道複雜又濃郁，十分吸引，可說跟鮮甜蟹肉的吸引度在伯仲之間。鴨汁燴柚皮

和朋友們來到這間隱世的私房菜吃造冬飯，看過E+ Weekly的餐廳推介後，就打來訂位，接聽的經理Andrew先生介紹左唔少聽都未聽過的菜式，聽起來都覺得有趣，於是就比出預算由經理幫我地寫菜單。聽講係自己農場生曬，用本地豬做的臘肉，有很濃郁肉味，唔太鹹，亦唔似出面咁硬刮刮，好吃！自家製叉燒，同吃開的甜叉燒唔同，係用西班牙名貴既伊比里亞黑豚去做，好腍好香呢個鹽焗雞睇得又吃得，雞肉好嫩好有雞味！聽經理講係少東親自揀的走地雞，比起浸雞更食得出肉味，點雞既雞蓉亦係自己農場的蔥做既，真的係吃得天然架！手掌咁大，足5cm厚既大花菇！跟住以前陸羽既form做既濟公羊腩煲，腩肉極滑，一D都唔羶，聽講個汁係用左十幾款料去熬，包括魚，難關吃得出魚+羊的鮮味！

傳統粵菜這個題目, 坦白講, 在市場上越來越少見了. 難得還有店子有心去供應傳統粵菜, 當然不能錯過, 也希望這傳統能夠承傳下去, 讓清而不淡, 濃而不俗, 平常真味的粵菜得到更多人認識. 這晚就跟朋友們來到天一閣吃晚餐, 簡單來說, 是由頭到尾也相當精彩的一夜.酥炸魚苗櫻花蝦伴醃菜: 8.5分, 先來客前菜, 酥炸魚苗櫻花蝦伴醃菜, 兩者皆是相當香脆的, 作為餐前小食, 讓人忍不住一口接一口的吃下去.金錢蝦餅: 9.5分, 蝦餅吃得多, 金錢蝦餅就不常見了, 除了蝦肉, 冬菇以及檸檬葉之外, 還加入了冰肉作餡了, 蝦餅是相當香脆的, 而冰肉亦很肥美, 加入了檸檬葉之後, 正好起了平衡的作用, 減去了那油膩感.西關叉燒: 9分, 市場常見的是蜜汁叉燒, 其實西關叉燒也是當年流行的做法, 不過現在就風頭不再. 是晚再嚐此品, 也有驚喜. 叉燒肉味濃, 肉質軟稔, 帶濃郁的三豉味, 那陣豆豉香, 跟蜜汁叉燒相比, 別不同.葵花斬肉: 9.5分, 接下來的葵花斬肉, 是否像武俠小說中的情節? 其實是要用刀去斬豬肉, 再用雞湯清燉. 出來的肉丸相當鮮嫩, 肉汁豐盈, 配上雞湯同吃, 是精彩的獅

人生際遇很有趣，心灰意冷感覺已走到跨不過的涯段時，竟想不到昔日的朋友不經意送來令人欣喜消息，就如新晉精品手功私房菜。事源為飲食文化多年來付出心血的前輩，他的高才生兒子Q在外國學府畢業回來後，跟他有談起被地產霸權壟斷下的香港飲食悲涼史，有夢的人不怕荊棘滿途，年輕便是最佳本錢，放下隨手好得的高薪厚職，用居住外國多年的視野，投身料理職人生活，去重新演繹當今粵菜。當大家看到一味雞油30年陳花雕蒸大花蟹，配Made in HK的純米製陳村粉，便可以省回很多解畫功夫；出自Q手筆的味道走外國盛行的自然原味路線，花雕與雞油得出味道似曾相識，但就較日常吃慣的為清雅，調味放輕了更顯蟹鮮，與另一邊較濃厚味道做法各有捧場客。然後主理人就拿取鎮店功夫菜茶燻BB鴿，這道菜之難除了煙燻火候拿捏，更在於真正肉滑骨軟的乳鴿極難求，多年交情才找到市面難求的好貨色，先炸再燻，淡淡茶香正好彌補BB鴿味道不足，豐富食味效果。跟主理人談及粵菜「和味」何芸，以粵菜代表咕嚕肉而言，集鮮、甜、酸、鹹間的調和，而眼前的十八味雞，能把帶苦味的豆蔻、川宮等藥材調至醇香而對身體有正氣作用的醬汁，對掌握味道的功夫到家，雞肉入味同時滑中帶鮮雞獨有