大師傅粥品

營業中

休息中

好日都唔會食一次粥，特別係呢啲咁熱嘅天氣，諗起粥呢一類熱食根本就唔會覺得開胃。但呢一日只係想食粥，因為我病咗，真係無咩胃口我發覺呢一間粥店嘅粥品款式比一般傳統嘅粥店多而我呢一日就揀咗鹹蛋皮蛋肉片粥。鹹蛋同埋皮蛋嘅份量比我想像中要多，各有半隻肉片方面係令我感到喜出望外嘅真係冇諗過會係咁大塊肉片，而且每塊肉片都有返咁上下嘅厚度，仲好嫩滑添！份量亦都出奇地多，有7大片！呢碗粥對於生病中嘅我嚟講，絕對係一片綠洲

One of my favourite regular congee join. Small local business，nothing fancy. The Congee base is really smooth and fluffy. The pig liver is thick and tender, none of that thin dry bullshit. Generous portion you get around 5 to 6 slices of pig liver .The fried Chinese churro is freshly made, so crunchy and hot .great when u dip it in your congee.I would highly recommend this place

今日想食得清淡少少，所以揀左食粥。碎牛魚片粥，雙併粥都係$23，抵食。仲要好足料，每食一啖都有魚片，魚片好嫩好新鮮，唔腥，粥底都做得好好。另外加左條牛脷蘇($8)，炸得幾好，一啲都唔硬，又唔會好實。

住係樓上多年，睇住佢開剛剛開店時粥品質量不錯的，價錢雖然不算平宜但總會有想食粥之時剛開店時最不滿的是等待時間太耐或服務真係有待改進近一兩年，大圍道開了另一分店後每次食及第粥都非常重味精，食完多半要飲大量的水有時更覺得水汪汪咁附近又工聯會放學又近馬路，再執都難想清清地還是食白粥較好

經開大圍，去咗大師傅粥品 醫肚。點咗炒麵 $10白糖糕 $5齋腸 $10豆漿 $9埋單$34。個炒麵好大碟。但係凍咗。相信一早做好大量現貨後交貨。麵條好彈牙。白糖糕好清新，好甜。齋腸要加入大量甜漿及花生漿。先會好食。好大碟。豆漿唔算好甜。但好飲。自家製，好足料。

今日星期六，但都要Over Time到夜晚十點。收工後，我就返到屋企附近嘅大師傳，買左碗狀元及第粥，佢地粥底一向有保證，豬潤好粉；豬腸通理得好，無雜味；豬肚亦好爽，好滿足的一碗粥，大家不妨一試

白粥外賣： 賣相可以， 九蚊一碗算抵。 白粥稀濃適中，煲得好棉，有點淡口需加鹽，可惜啲粥有小小膠味， 因為外賣膠蓋容左， 同埋發泡膠盒都變左小小形， 堂食可能會好啲。另外想分享今次幫襯不愉快的經歷： 一入門口個收銀女人態度極差， 完全趕客， 唔舒服想買碗粥返屋企食， 算， 照幫襯。 買左碗粥外賣， 叫佢比兩粒花生， 收銀果個又粗聲粗氣話無花生比。 個伙記仲要呃我話加左花生喺入面敷衍我走， 返到去一粒花生都無。 係， 你係慳返幾粒花生既錢， 但亦得失左位客人。

尋晚病咗，真係冇乜胃口，就去屋企附近買粥食。買咗碗皮蛋瘦肉粥食。但估唔到個皮蛋瘦肉粥咁足料，好似擺咗成個皮蛋落去咁，仲有好多瘦肉係碗粥入邊，個粥煲到好香，而且好有皮蛋味。好彩有呢碗粥，如果唔係都唔知食咩好。嗰日冇乜胃口，但係呢碗粥令我越食越開胃，成功食晒成碗粥。住咗咁耐大圍都唔知有呢間咁好食同埋價錢便宜嘅粥。下次應該會多啲嚟幫襯。

每逢經過大角咀埃華街的時候都會看到這所叫"大師傅"的粥店。按道理以小弟這一個典型的粥痴來說這店本應一定不會逃過我的法眼的，但偏偏自己就竟是從來都沒有來光顧。更令小弟出奇的是這店原來是有好幾間分舖的，光是在大圍短短兩條街之隔便已有兩所舖了，真是失覺晒....我今早去光顧的是地理位置較佳，人流更旺的大圍分店。都已過了晨早的上班高峰時候了，料不到店內仍是一位難求的。最後幾經艱苦底下，好不容易就在近巷仔邊擠到了一個座位來....甫坐下，點了一碗米王，加一條油炸鬼，再安哥多一碟魚片腸....這樣的組合很輕易便讓我晨早吃得飽飽....米王尚算綿滑杰身，米香頗突出的。有許多人喜歡吃它時會加鹽，小弟一向對之甚感不解。於我而言，就這樣清清淡淡淨食不是更好嗎 ?....油條雖不是熱至燙手加燙口但亦不至於太軟淰。用來伴白粥吃永遠是絕配....魚片腸相當的夠件頭，一碟中就有差不多有四五大條。驟眼看上去還以為是棉襖來的，由此亦可估計到它的皮是如何的厚身了；魚片的量也相當足，味沒有太腥的跡象但遺憾的是細骨有點多食起來有些麻煩....還只吃了一半左右，肚子已被塞滿了，忍不住要繳械投降....

去大圍踩完單車, 交完車都7點, 見隔離有間粥店, 好奈都無食, 就試下先艇仔粥, 粥滑軟綿、芳香鮮味，味道鮮濃，熱氣騰騰，主要是以新鲜魚片、葱花、海蟄、花生為原料，集眾多物料之長，爽脆軟滑兼備, 非常足料的荔灣艇仔粥,味道清甜, 質地細綿炸兩以嫩滑的腸粉，包裹著酥脆的油條，將兩種截然不同的口感，完美的結合在一起, 配芝蔴同甜醬一齊食, 滋味無窮最重要係今餐食完無口乾, 值得食店無落味精, 值得一讚!!

途經看來此店於區內是不錯的食肆，進去試試。散點了艇仔粥和炒麵，艇仔粥餸料豐富，味足亦煮得軟，粥質地夠綿。炒麵稍油膩，但份量足，味道可以，飽肚。粥品屬高質素，好味道。

去完玩, 好想食宵夜, 點知女朋友話要食粥, 好啦, 陪佢食叫左一個窩蛋碎牛粥, 個底真係有一隻生蛋, 個粥都幾綿叫左個好耐無食既白糖糕, 好懷念, 都幾好食, 真係無咩地方有得食本身想叫炸兩, 但賣曬, 叫個牛脷酥, 我覺得OK 架, 但食食下女朋友又話, 點解唔叫油炸鬼

突然好想食粥, 早左兩個站落車去食, 記得大圍有兩間, 不過一間無咩人唔好食, 一定要食呢間。有好多粥可以揀, 仲好抵食叫左個粟米生菜粥, 再加豬紅, 加左粟米個粥甜好多, 粥底都唔錯, 好棉, 有生菜感覺好似健康D。不過D豬紅就唔得, 唔彈牙, 又好深色. 不過咁大碗都係23蚊, 幾抵食, 又飽肚。當然唔止叫咁少, 想叫炸兩, 賣曬, 叫左牛脷蘇, 不過個牛脷蘇唔夠香脆，但都唔錯, 好過好多餐廳, 都只係8蚊, 送粥都唔錯. 不過好飽....

大師傅（大圍）同fd去，我叫左艇仔粥，FD食白粥，配炸兩。艇仔粥d料係足既！魷魚都好多下，d碎牛都幾好口感。一碗好大，之前試過同男仔fd去食，食完果下男仔都會覺得飽，所以$20價錢都幾合理，平過海王粥鋪得來又多料過佢。（所以真心建議大家少d幫襯連鎖大財團既鋪頭，私人店有誠意好多！）炸兩都幾好食，一碟出來有成三大條，$17. 不過d油炸鬼唔夠脆，可能果下夜晚好遲去擺耐左，相信早餐/lunch時間去應該好好多。至於白粥，FD既評價係入口即溶。總括來講系唔錯既，之前係過度食過d碎牛粥，都好好食，好似都係十幾蚊。如果兩個人去食，一人一碗粥，叫碟小食（eg 炸兩）就岩岩好，兩個人幾十蚊就搞掂一餐。

星期日中午與太太一齊去,都勉強搵到位.其實我早前去過一次吃早餐,覺得粥只普通,但腸粉很好.太太極愛豬肝粥,姑且再試.鮮牛肉粥 - 喜出望外,粥底綿滑,味道剛好(且吃完都沒口乾,沒加味精),牛肉夠腍,算有鮮味.望入廚房,原來師傅不是上次那位.豬肝粥 - 也十分正,豬肝不會過熟,爽口有味.牛肉腸粉 - 粉皮夠薄,但牛肉普通.炸兩 - 油條夠脆夠熱,加上腸粉皮是無得頂.吃粥我最重粥底,以後不用去佐敦啦!價錢便宜(四樣共$74),喜出望外真是可遇不可求.但願各從業人員努力,讓市民有啖好吃,怨氣也少一點.