大師傅粥品

營業中

休息中

一直都有食佢生滾粥，今次都係叫左两碗生滾粥，一碗生滾肉丸粥，一碗生滾皮蛋肉片粥。本身仲有叫一碗白粥佢話冇白粥賣晒，話大圍馬會附近個間大師傅冇做，啲人走晒過黎食，話唔至白粥煲唔切，油器都炸唔切。生滾粥返黎打開70%以上我係粥水，同埋平時有姜丝大葱之類配菜，今次得葱花，擺明hea整。我諗十成十係粥唔够用所以溝稀左啲粥，仲要溝稀好多。好心做唔到就唔好接單。唔够料就唔好賣。打去反映叫我等陣，等左分半鐘都冇人理我所以上黎打食評。我决定唔再幫襯。

服務態度惡劣，因為疫情禁止堂食，門外有一行人在排隊等買外賣，一副好多生意唔憂做的樣。粥已煮好但久久沒人包外賣，職員忙著弄其他事也不包外賣，粥在到家時已是半暖。豬肉又肥又咸。

成日都好大魚大肉咁今晚想食清少少就想買碗粥食屋企附近選擇唔多都係得大師傅咁六點幾去到無咩人等外賣所以落左單後都好快點了~豬潤粥粥底都還好算線綿地亦唔會話好味精好咸豬潤質感就一般唔知係切得太厚定個豬潤本身問題之前食過一兩次都無呢個質感今次印象就麻麻喇

常常都被油器吸引眼球 一個個煎堆 白糖糕都讓我好想吃 大師傅油器櫃都幾足 有黃糖糕白糖糕， 牛利酥， 煎堆，當然仲有油炸鬼， 但係每次都剛好吃飽了才經過 ，每一次都諗住下次食下次食， 這次特地午飯時來吃下 ，叫了個煎堆跟蝦腸粉，再加一個皮蛋瘦肉粥，煎堆熱熱的不會太油 特別好咬口，都幾大個，平時外面食多數都無咁熱，哩個值得一讚，而蝦腸粉皮厚薄適中 蝦也很爽口 醬油甜甜的不錯吃 整體來說很可以 只是粥的話就讓我有點失望 不夠綿 有點水水的

今天晚上堂食 叫左 鯪魚球粥 鯪魚球好细粒！油炸鬼正常，但店服務员 服務差呢！ 客人要求一杯水也 說"沒有喎" 沒有供應，只是客人小小要求，食店連水也沒有，好奇怪！不會再光顧，好失望！

一早起身，食早餐想食碗粥，附近都無乜選擇就去咗呢間大師傅粥店。一入去舖頭唔係大，店員服務都唔係好。分別叫咗一碗皮蛋瘦肉粥，一碗魚片粥同一碟鮮蝦腸粉。先講腸粉，一嚟到唔係熱嘅，應該都係整完擺係到保暖住然後攞出嚟嘅啫。表面非常之乾，佢落嘅豉油有少少果皮味咁，個人就唔係太鐘意。另外，皮蛋瘦肉粥裡面皮蛋嘅感覺又係唔新鮮咁，有點臭，挑起哂無食到。但粥底就無乜問題嘅，肉片同魚片都只係普普通通，魚片就仲有少少碎骨。綜合嚟講係唔好食，所以下次都唔會選擇返呢一間粥店。

冇咩胃口想食清淡啲,所以嚟食下粥😃我嗌左白粥, 炸兩同朋友share, 朋友嗌左炒米粉。白粥煲得好綿, 好有米香炸兩個腸粉好滑, 油炸鬼脆口, 麵筋位有咬口朋友嘅炒米粉, 清清哋呢間粥店好啱唔舒服嘅時候嚟食, 清清哋👍🏻

20/2/2019 @大圍大師傅今日同屋企人搞屋企嘅事搞搞下已經10點，一路都冇時間食飯， 周圍餐廳都已經關門嘅時候，好彩仲有間大師傅 鹹肉粽炸兩 皮蛋瘦肉粥 碎牛粥個人最愛：生菜粟米粥

大師傅d 粥品一向味道都正正常常，大圍又冇乜粥店，好多街坊想平平地食啖粥都會幫襯。佢嘅油器都唔錯，油炸鬼、牛脷酥、煎堆都幾好味，一出爐就好快賣曬，錯過左就要等一頭半個鐘先有下一批。但係佢嘅腸粉真係好難食！唔係一般難食！個腸粉皮粉感好重，好粗孩又容易爛，仲要係爛到夾唔起，d 餡料又少得可憐。牛肉腸嘅餡係牛肉球咁上下味道同材料，但係好稀好少，d 豉油死鹹，根本成個腸粉真係食唔落口。重點係食完就肚痛肚痾，好肯定係因為佢，今日全日淨係食左佢個腸粉。點都好啦，真係唔會再食佢嘅腸粉。

凍凍地, 去食個粥先•窩蛋牛肉粥 (HKD27)其他粥要加HKD5嘅”窩蛋”, 以粥滾燙嘅熱力”煮”熟隻生雞蛋同碎牛肉, 撈匀左顏色勁吸引, 食落口感更加綿滑, 碎牛肉係最正宗嗰種勁好味.坊間某啲粥店齋切牛肉條就當係碎牛粥真係無得比.·炸兩腸 (HKD15)即叫即喺櫃拎腸粉出黎包油炸鬼嘅炸兩, keep到好脆又夠熱, 係一個人份量可能大份左😂·豆漿 (HKD9)店家嘅豆漿係現成入唒樽放店外雪櫃, 豆味ok香甜度適中, 如果有熱豆漿

有晚去左大圍到食個清淡既晚餐，大師傅既粥真係幾高質，本身我都好少出街食粥，因為我鍾意食啲稠身啲既粥，所以覺得呢到啲粥真係好岩我口味！其實有好多唔同配料可以加配，而且仲有拉布腸粉、炒粉面等。非常推薦黃沙豬膶粥，我有另加既粟米生菜就係底。喜歡食豬膶既朋友就會明白，黃沙豬膶既口感綿密得黎又有咬口既感覺！呢到啲豬膶唔會煮得好老，所以好好食！炒麵既分量都好多，略嫌油左少小。油炸鬼既話系即炸，所以好脆口。牛肉腸粉皮薄餡靚，牛肉既分量剛好，所以口感都好好，味道都不錯。

大師傅既粥真係好好味。踩完單車食個粥，叫個皮蛋瘦肉粥。平平地20幾蚊，粥既口感香滑，而且好夠味道。原本諗住食個粥就算。但味道好好，所以整多個油條腸粉。腸粉自己任加花生麻獎，油條吸曬麻獎味道，真係不得了。越食就覺得越開胃。同埋重點係呢間大師傅價錢平，又好味。原來有好多分行。可以生存咁耐一定有佢個原因。飲左個凍豆漿。豆漿落左少少糖，所以飲到既係濃郁既豆漿味，甜味係少甜。好健康既飲品。食左個炒麵。發覺自己食好多野，可能太肚餓，一係就係好好味。炒麵都炒得唔似出邊咁hea。值得食。

呢間大師傅粥品我都食過兩次，令我回頭既原因主要係佢d粥煮得幾綿又足料叫左碗艇仔粥，粥底綿滑，非常足料，食落去吾會得粥水，特別係魷魚，食到最後都仲有，真心值得加分。依家有不少粥店已經吾會落咁多料去一碗粥入面，所以呢一點我十分滿意另外一樣令我驚喜既係呢一碟XO醬炒米粉，估吾到佢咁好味同咁香，食落去送粥一流，我同朋友都一致比個好評呢碟炒米，相信下次有機會再黎都會再食至於炸兩，個人認為正正常常，但唯一缺點係佢食落有少少涼

今晚同我老婆揸車去買兩個外賣粥的時候，當時一位帶眼鏡中年坐收銀位的女職員本來叫肉片粥和皮蛋艇仔粥，我叫錯其中一個為肉圓粥，我付款後本想回車等立即發現自己叫錯，知道是自己過失，都立即回去試問可否更換，那位收銀職員立即頭也不轉沒有幫我詢問一句就答沒有得換，我本想如態度好的給我回覆的話我都無所謂，就此我立即跟這個有特別服務給顧客的職員再叫一個正確的，她更沒有想幫我這位顧客的直接再收我錢，都不緊要又不是多少錢我就再付款，她依然沒有動作一聲不響，到錯的粥出來我更叫打包的職員不用打包我沒有取走，我只希望一間做服務的食市能做回本份吧，我都是這店的常客，相信少了我一個常客沒什麼大不了，但我見其他的食評都說其服務差，就應該正視一番吧！

尋晚係度買左外賣生滾牛肉粥，差唔多食哂既時候食到有d野硬硬地，吐出嚟原來係蟑螂腳!!!!!真係十分嘔心，仲食哂成碗先見到，以後唔會再去想打電話去投訴冇人聽，唯有話俾食環署知呢間店既衛生可以話係零