壽司郎

營業中

休息中

天水圍壽司🍣，如果話質素最穩定莫過於壽司郎，仲要難得今日唔使點排隊！一入座即刻試吓期間限定，拖羅好吸引🤩我最鍾意係佢食落口啲筋唔多，雖然唔係話超級肥嗰一種，但係都近乎去到入口即溶，壽司嘅醋飯，又啱啱好可以中和嗰個油膩感！茶碗蒸都係我每次必點嘅單品，簡單而美味的料理，滑嫩的雞蛋，裏面有蝦仁帆立貝雞肉粒青豆，加上高湯的調味，一絕唯一一個敗筆，是其中一個期間限定單品，舞茸牛肉紫菜包飯，如果10分滿分我會給2分… 10分

壽司朗嚟咗香港都有一段日子，分店越開越多。今日去天水圍T Town行街，見唔係好多人排隊，就去攞張飛睇吓要等幾耐。我前面有成40幾張枱，不過枱嘅流量都好快，唔使20分鐘就入座。通常我一坐低就睇吓有乜嘢期間限定，見有黑鮪吞拿魚鮫腩，劍魚大拖羅同特選松阪和牛，唔好講咁，每樣一碟先。嗰兩碟魚嘅油脂真係無得頂，入口即溶。跟住又試咗大切油甘魚腩、鱈魚白子軍艦、拖羅池魚同極上脂鰹魚。又叫咗幾碟平時都鍾意食嘅例如三文魚腩同吞拿魚腩蓉軍艦。最後嚟多碗寒鰤魚黑湯拉麵，咁就為之very good喇！佢哋除咗好多大路嘅魚生壽司之前，每隔三幾個禮拜就推出唔同嘅期間限定去吸引客人。

間唔時想食壽司郎都會黎呢間，貪等位唔算等得耐，早少少去通常30-60分鐘都入到。巴斯克蛋糕食過都知咩味，通常都唔會差，呢個又幾好食，有芝士味濃而不膩，食落又幾輕盈，家人食完一件再encore 多件，推薦。呢款就差D，白桃肉芝士蛋糕，呢款係芝士凍餅，預咗芝士味唔會好濃，但呢個芝士味有D太淡，唔係好出，白桃ok甜，比起黎呢個唔太推薦。三文魚腩配脆脆蘋果飛魚子係比較特別既配搭，如果食厭左普通三文魚腩可以試下，家人唔太喜歡，我自己就覺得不錯三文魚親子茶碗蒸每次黎到必叫普通版茶碗蒸，呢款係期間特別款，覺得配搭上普通版更豐富，配料款式多，好食D洋蔥醬炙燒三文魚腩特別配搭，但一般甘口醬油漬炙烤吞拿魚口感特別，試一次ok炙烤喜之次係白魚刺身，味道很淡，唔咩特別蝦三味，每次黎到有貨都叫，因為抵食，虎蝦鮮甜，肉少少彈牙，甜蝦都鮮甜，肉質比虎蝦淋，推薦

要講到平靚正嘅壽司店一定係壽司郎，而我已經食過好多次壽司郎，但今次係第一次喺天水圍食。人流超級多，排隊排咗兩個鐘先有得入去食，排到懷疑人生差點放棄。最後堅守信念，終於入到去食。我諗下次都係去返第二啲分店好啲。

每個月黎壽司郎一次，試試新餐點同每月限定菜式已經變成習慣。今個月「鮪」、「鮭」系列好吸引，有好多新配搭～「鮪」系列三文魚腩配脆脆蘋果飛魚子 $12新鮮的蘋果切片，清甜爽脆，再配埋飛魚子，一次過感受多重口感，好特別。香蔥炙燒三文魚腩 $12炸香蔥的香氣，令整體層次增加，與燒三文魚腩配合得很好👍🏽。洋蔥醬油漬炙烤三文魚 $17醃漬過的三文魚再炙烤令香氣更突出三文魚親子茶碗蒸 $22三文魚肉粒鋪滿碗底，加入蝦、雞肉、菇，以及上湯蒸蛋，十分嫩滑，充滿蛋香，面頭再鋪上三文魚籽，多重口感，賣相更加吸引🤩。「鮭」系列特盛蔥花吞拿魚軍艦 $12口感綿密的吞拿魚蓉，淡淡魚油香，吞拿魚份量提升更加滿足甘口醬油漬炙烤吞拿魚 $17醃漬過的吞拿魚再炙烤令香氣同油份更融合炸天婦羅魷魚配壽司$32厚厚的魷魚筒塞滿了壽司飯，魷魚彈牙，配上炸魷魚腳，一味兩吃，增添層次～｜甜品｜粒粒桃肉芝士蛋糕 $27有白桃芭菲味的影子，今次有5-6粒大大粒白桃肉，十分香甜，配上輕量鬆軟的芝士蛋糕，入口清新同桃味好融合。｜恆常款式｜三文魚籽海老海苔包- 鮮美滿滿，入口溶化蝦三味 - 一次食曬3款蝦口味，好鮮甜天婦羅炸蝦湯烏冬 - 烏冬

今日先知原來天水圍壽司郎可以係手機拎飛🤣🤣勁方便！18:25分左右係屋企拎定飛，19:10左右去到就有得食！壽司郎黎講都算快🤔🤔每次都一定會叫鰻魚壽司，大隻又多醬汁😋😋唔洗蘸豉油都已經好好食😋薯條都係每次都一定要叫😋😋香脆可口，鹹度適中，越食越停唔到口，屋企人仲話我食太多唔留比佢地🤣🤣蟹肉忌廉可樂餅，好似唔係成日有，我地3個人都叫左兩舊🤣食落去外層香脆而且一啲都唔油膩！入面係滿滿既忌廉蟹肉，超滿足😋😋熱辣辣上菜，食個陣要小心啲啊～甜品蜜柑牛奶冰菓，呢個我就覺得麻麻地，就好似食緊冰咁，就只有蜜柑有味，白色個啲唔係幾食得出有咩味🤔🤔

壽司郎相信個個都認識,啱啱好我樓下就有一間,所以特登過嚟攞咗飛之後過嚟食，今次兩人行坐卡位首先啊你講平價刺身5盛合,性價比較高一次可以食到五種刺身叫左2碟然後叫做火炙三文魚壽司，鰻魚壽司，同埋魷魚壽司都係質量比較高係新鮮做的，最驚喜嘅係鰻魚壽司因為佢嗰個比較大！油甘魚壽司油香味較濃郁甜品方面我都覺得幾出色,尤其係下邊呢個抹茶雪糕，佢有紅豆容抹茶粒同埋牛奶雪糕千層蛋糕:千層蛋糕同外邊嘅質素一樣,唔會話太甜呢間餐廳嘅缺點係等位耐建議如果係比較市區嘅壽司郎就要早啲過嚟排隊

壽司郎剛開果陣你早上唔拎飛係食唔到，多人到早上啲飛多到派埋夜晚，好誇張。過左成年終於回復正常，真係可以等到有得食，半個鐘左右就可以入座呢間質素都OK，壽司都係差唔多冇咩特別，南瓜天婦羅有時南瓜唔甜睇好唔好彩壽司郎嘅壽司性價比比較高，大件啲。依家爭鮮三文魚都$12碟，有啲款都提高左價錢，令我覺得食壽司郎性價比高左壽司郎嘅甜品會定期轉款，比較多元化，有新意，但其實價格偏貴，尤其卷蛋，係好食，但係Chateraise買其實都係$14,15，又大件啲

雖然已經開咗好多分店，但每次都依然大排長龍。事實上啲壽司嘅性價比又真係幾高！今次仲係用赤醋飯，都幾特別😆✨炙燒系列炙燒系列永遠係最正！無論芝士定羅勒都一樣咁吸引😋 燶燶嘅味道無論夾蝦定三文魚都令口感好豐富！抵食之選🥰✨天婦羅系列一樣係必嗌之選。每件炸物都炸到金黃色，食落又唔會成口油！大大件夾埋壽司一齊食都幾過癮😚✨蜆肉茶碗蒸黎到熱辣辣，蛋蒸得好嫩滑。蜆肉份量都幾足，可以一粒蜆肉，一啖蛋夾埋一齊食！味道更昇華🤩

同媽媽約會去左食壽司郎好好彩等左15分鐘就入得我地兩個都好肚餓所以食到好似食緊放題咁🤡成枱都係😂😂食完咁多壽司仲嗌埋甜品一個焙茶卷蛋同壽司郎名物卡達拉娜兩個都好出色果然甜品係另一個胃🤪

平時見到咁多人，其實一定唔會walk-in，星期六日直頭諗都唔洗諗😝今次機緣巧合下，星期一中午用手機拎飛，等左三個字到就入到去喇！壽司就大把人介紹啦，今日想介紹呢個甜品芭菲($32)la! 🤤又靚又好味😋

平日下午兩三點的時間，多數都可以唔洗等位就即刻食到。今日一個人黎食，真係快，靚，正😋👍🏻 由於趕時間的關係，由坐低到埋單唔洗20分鐘就攪掂， 快之餘又可以食到有質素的壽司😍雖然係平日的非繁忙時間，但啲壽司都可以保持水準，夠新鮮✔️ 我一個人食左五碟，加埋一埋單$82，食得好滿意+滿足❤️最近發現油甘魚的質素比以前差左，因為我本身好鍾意食油甘魚的，所以每次去都必叫，但最近幾次去食，油甘魚的口感都比以前「鞋」👎🏻

是日壽司郎排隊時間真的令人很驚訝，由晏晝4:00已經開始攞飛排隊，竟然要排到夜晚八點先有位，壽司郎到底有什麼巨大魔力呢？最後八點人潮散去，終於可以同屋企人好地地地吃一頓晚餐

壽司郎出新既蟹季，緊係去探下啲生冷野啦！（按：呢啲係醫師日常🙄）天水圍店比起附近既店唔同在，可以用app拎定飛，雖然一早就已經好多好多人等，好彩都仲係係1點前入到座食飯。黎到緊係食啲有蟹既野啦！ ▪️特大水煮松葉蟹配紅楚蟹伴蟹膏：小小偏感，但蟹膏果件下面出哂水（汁）😰睇落有小小驚。▪️濃厚蟹伴面：聞落有蟹味，食落有小許咸鮮味同蟹肉，然後就沒有然後了（同蟹既關係），啲面既鹼水味多到以為去左食細蓉未落醋咁🥲▪️蟹肉忌廉可樂餅：炸野係美味既，唔比質疑！入面既內容物好軟滑creamy，但超勁爆熱！同行友人既上顎懷疑起水泡😂🤣，同埋有小小搵唔到佢同蟹既關係🤫。▪️特製軟殼蟹卷：又係炸野！最高！好食既，好新鮮炸起既感覺，不過冇勁熱（所以其實唔知係咪即炸🤣🤔），配左小小蘋果，甜甜爽爽，冇好膩既感覺，要讚既係炸軟殼蟹一般會淋到好似游完水咁，西環浮屍🫠咁款，但佢好脆，蘋果同佢鬥脆，好好食！😋🫶🏻🫶🏻之後就講下唔關蟹季事既野🫶🏻🫶🏻▪️淺炸天然黑鮪大吞拿魚腩：冇筋，有魚味，鮮既，值個價👍🏻▪️白子軍艦：一個字，正，兩個字，好正。呢次食到好新鮮既白子，有微微魚味（未到腥🤔），好creamy🫣🫶🏻（可能好補😂）▪️安

壽司郎長期爆滿次次都walk in唔到所以今次特登提前book位點知要等一個禮拜但等待都係值得嘅壽司好新鮮真心高質好味從價錢低至高講起：吞拿魚好好味仲要冇渣超正爆分，推薦度5/5🌟三文魚腩，推薦度4.5/5🌟壽喜燒牛排，加醋食簡直絕配PS：一定要點醋，不建議點其他食出奇地好味爆分，推薦度5/5🌟蘿蔔蓉炙燒三文魚腩幾好，但蘿蔔略苦推薦度4/5🌟蔥花三文魚軍艦一般呢個都係一舊舊好韌嘅吞拿魚粒但壽司郎係用吞拿魚蓉入口即溶，勁好食爆分，十分推薦5/5🌟極上厚切長鰭大吞拿魚腩不過不失，可能見到「極上」期望過高都值得一試，推薦度4.2/5🌟鮮蝦天婦羅鬆脆入味，外脆內軟推薦度4.5/5🌟油甘魚，冇想像好食還好，但魚味不夠鮮甜推薦度4/5🌟拖羅鰹魚姜味好濃完全蓋過所有鍾意食姜先好揀推薦度3/5🌟貝三味（赤貝，北寄貝，海螺）唯一見到$17有三件三種唔同嘅口感好味，推薦度5/5🌟鱈魚白子軍艦，唔算難食但食落冇味，口感有點似牛骨髓不推薦2/5🌟茶碗蒸，火候啱啱好雞蛋好滑，有菇有蝦🦐非常鮮味，爆分極力推薦5/5🌟朱古力香莓芭菲飯後甜品，必點酸酸地甜點適中有脆脆滿足多重口感好味，爆分推薦5/5🌟加甜品人均一百多