地道館車仔麵 (已結業)

係油麻地返學，除左食茶餐廳，真係好想食下其它野，無意之中睇到食評對呢間車仔麵店讚不絕口，於是今晚經過就黎試下。三個餸就$37，但我點左蝦條要加多一蚊，又點左豬大腸又加多一蚊，所以埋單要$39囉！其實我仲想食好多餸，每加一個餸就七蚊，但今次我想試試佢係咪真材實料咁好食先，如果“正”下次先至加餸。果然好味呀！我最鍾意豬大腸，真係非常之入味！呢一蚊比得非常值得，我誠意推介大家一定要點豬大腸黎食，湯底都好好味，服務員仲好細心問我要唔要辣，我就話要小小辣，蝦條都好食，牛栢葉正常，仲有兩條生菜比你，我諗我下次去食，會叫一些需要煮得入味既餸食，因為佢地真係做得好好，我會再繼續幫襯架！

經過星期一二，連續兩日在新界西北的美食之旅，我光顧試食了兩間車仔麵店（其中一間還要名氣響亮）、一間美式熱狗店以及一間日本布丁燒甜品小店之後，我在星期三還是選擇回到油麻地，補遺我的食店收藏名錄。今次我又是食車仔麵店，油麻地近年真的忽然跑出不少賣車仔麵的食店，包括我以前曾經光顧幫襯過的「村X爺車仔麵」。今次我幫襯的車仔麵店也在油麻地「咸美頓街」，在「村X爺車仔麵」附近營業。這間車仔麵食店，名稱不是很響亮，很「駕勢堂」很壓場，不過它名稱的賣點是充滿濃郁本土氣息，這間車仔麵店的名稱，就稱呼叫做「地道館車仔麵」。「地道館車仔麵」的店舖樓面面積不算十分龐大，大約只是能放到兩三張餐檯而已，不過樓面勝在電視沒有播放新聞台，沒有騷擾我的用餐興致，食店環境的安全感相對比較佔優。雖然我坐在「地道館車仔麵」的樓面座位上面，看到「地道館車仔麵」製作車仔麵的湯底，以及各類餸菜的廚房，但是「地道館車仔麵」始終仍然需要依靠自助點餐紙，才能選擇到自己想食的車仔麵餸菜。與此同時，「地道館車仔麵」有關車仔麵各式的粉麵種類，以及餸菜配搭的售價價錢，都另外印製了價錢牌，放置了在每張餐檯上面，然後食客自己填寫點餐紙，交給「地道館

在我公司附近的車仔面，有好幾間，這間食過兩三次，我覺得幾好，食到以前細個食車仔面的味道，以前食車仔麵，最鍾意就係食河粉加辣醬，辣辣地幾開胃，今次都係叫左河粉，加埋佢地個秘製辣汁，辣辣地有d甜味，幾正，豬潤又唔會太熟啱啱好，好滑值得推介，另外仲叫左牛腩，牛腩夠淋，份量都幾多，湯底方面，我加左腩汁，味道比較濃一點，想清淡d可以叫清湯，車仔面加埋罐可樂，店內有電視，廣住電影，一路食一路睇，我食過附近幾間，我覺得這間最好

尋日平平哋去食車仔麵。因為好耐無食過。35蚊三個餸都好好ok。係張紙畫好俾佢哋就得啦。兩個人食既策略就係叫唔同餸，換來食d咁就試到好多嘢。朋友既係陳皮魚蛋、蝦條、時菜，要咗油麵，麻辣汁。麻辣汁其實無咩麻辣感覺，就係得個辣字，不過d生菜吸晒d麻辣汁，又辣又好味。陳皮魚蛋有陳皮味，但唔濃，魚蛋細細粒，但彈牙。蝦條入面有餡料又香口都好味架。我叫既係魚皮餃、墨魚丸、魚片頭。都係要咗油麵，但要秘製汁(辣)。秘製汁係勁勁勁辣，同麻辣汁既分別就是超級辣同辣！原本無叫嘢飲，但真係辣到講唔到嘢，迫住要叫嘢飲。而且d油麵都吸晒d辣汁，每一條都好辣！食得辣既都要三思先好叫呀。墨魚丸唔多得，腍既，一d都唔彈牙，好彩仲有墨魚味。魚片頭外面炸到金黃好香口，不過就無魚鮮味。魚皮餃雖然細隻咗少少，但皮薄餡靚。咬落有口感。

最愛雞翼，豬大腸，牛柏葉，大辣米線車仔麵~他們的秘製辣汁夠辣，還有八角在裏頭，香味蠻吸引的~個人推介米線，不是一般的滑哦~^^~店鋪雖小，可是五臟俱全，連飲料都有很多款可以選擇~價格親民實惠~最重要的是：從中午開到凌晨！！！太適合夜貓子的我了😂😂😂

喺附近返工，知道開咗間新嘅車仔麵，同啲同事即刻去試。因為附近啲車仔麵都麻麻哋。試完一次就愛上左最鍾意食佢啲滷水雞翼，好入味，個秘制汁好夠味好夠辣，可能平時屋企食開重口味，所以覺得好正～因為有啲同事食開清淡嘅覺得太鹹～＄35 三個餸我又覺得好抵喎～咖喱魷魚好煙銀都好入味～開頭食啲湯好傑嘅，之後而家食啲湯正常返巧巧果～因為間唔中幫啲同事落去買，先發現原來而架有得叫外賣～啱啱今日食完好滿足。希望依間車仔麵越做越好啦～遲啲唔係依頭返工無得食lu

今日自己一個在砵蘭街附近搵野食，砵蘭街真的有各式各樣的小店，lunch time間間都好多人，不過一個人都算易揾位😆見到這間＂地道館＂吃車仔麵的小店，原來他們新開不久，一於入去試試😜蘿白，鹵水雞中翼，包心蟹籽丸油麵  加忌廉汽水 我加了咖哩汁，咖哩汁幾香不過味道較淡口，湯底很深色但只有豉油味😒麵質沒有彈性原全無味，蘿白大大塊不夠清甜，最好味是鹵水雞中翼夠入味，大大隻而且肉質也算嫩滑，包心蟹籽丸彈牙，蟹籽也很鮮味總括來說沒有什麼特色，一次胃口而已😏

經過砵蘭街發現一間"懷舊車仔麵"黎旺角都可以食到車仔麵啦地方不算大 食物夠入味 平民價錢35蚊💰三餸一麵 份量也好多‼️真心推介:👍🏻👍🏻豬大腸，雞翼，蝦條，鳳爪，豬皮

經濟實惠，不太咸，湯底有陳皮牛腩味，味精不太濃。魚旦是傳統細細粒那種，很適合做車仔麵，蘿蔔夠甜不粗。雞翼鹵得滑，不太咸，無乜味精。十分滿分整體有七分。值得再幫襯。

今晚跑完步就近近地係屋企樓下買左碗外賣番屋食。我叫左牛腩&牛栢葉&麻辣雞腎(米線)(特式醬汁)，牛腩細粒但份量夠食煮得夠淋，雞腎好惹味但太薄，牛栢葉就普通貨色。D餸配埋個小小辣既特色湯底真係幾好食。但不足之處就係，米線太小，食幾啖就會冇曬(因為上次巳中伏)，剛才點餐時我還特別要求要多米線(收錢個姐姐仲一臉覺得麻煩)，份量先可以叫正常。

很欣賞亦很難找到一家好吃的車仔麵，心想⋯⋯找到了，以後就來這間。當滿意之際，卻看到😰老闆用大湯杓從湯裏"不"了一羹，往嘴裏試味，然後說 "ok" 後就把那湯杓放到另一煲子裏攪拌幾下，再將該湯杓放到一堆湯杓的位置上。那一堆放湯杓的位置不是準備洗的位置，而是準備再用~盛杓子的位置⋯⋯令我有點驚嚇😱真的．不是想攪破壞😳，而是看到這個問題我才有衝動第一次寫食評！只是不想因為這問題而影響一間好食店的質素。所以希望可以改善一下衞生情況，謝謝！

睇住佢開張的車仔麵，初時真的不睇好，因為是一班後生仔開。經過幾次都無幫襯，不過食過一次之後真係食過返尋味，份量夠，餸夠，醬惹味。魚蛋是已經好少見的陳皮魚蛋，魚皮餃是四X,雞肉腸都是貴價貨！（點解知，因為睇住佢地折包裝）每次嚟幫襯都試一兩款新嘢，食過好多餸，推介蝦條，試問有幾多間車仔麵是用心去炸脆先上，豬紅入味，咖哩魷魚好味，麻辣豬肚正！難怪越來越多人嚟食，真係好值得寫一個食評，後生仔都有心機整到好味的車仔麵！

30-1-2017 (Mon)大年初三,同老公行完商場搵o野食,由於唔係好肚餓,老公話食麵,o係登打士街o既聯發麵家又未開門,我o地經過見到呢間,就試呢間啦.舖內只有三張枱,我o地只揀一碗五餸麵,有豬紅,貢丸,韭菜,秘製鳳爪同魚皮餃,要油麵同清湯,共$49.00,飲$6.00o既細豆漿.但亞姐話冇豆漿,老公就轉要$6.00o既忌廉.等o左一個字,碗麵終於到,亞姐冇主動俾碗仔我o地,算數.見到秘製鳳爪,魚皮餃同貢丸各有兩隻/粒,豬紅多啲,韭菜唔多.我先食啲,豬紅冇羶臭味,感覺乾淨,口感正常;韭菜唔夠香,爽口冇渣;貢丸亦唔多夠味;魚皮餃正常;秘製鳳爪夠腍同入味,呢個就最好食;而油麵口感亦正常;至於個湯,竟然辣同濃,係咪俾錯秘製汁定腩汁?味道係3.52分

原本是想吃另一間車仔麵的但到點餐時店員說河粉已經賣完了氣死我了 只好選擇另一家所以就到了這次食評的地點這家應該是新開的店子裝潢比較簡陋但勝在食材的選擇夠多一般的都有今次我選了吃河粉,牛腩,咖哩魷魚,豬大腸, 吃的是辣+咖哩汁先說麵質吧, 這家的麵質是比較硬一點不會煮到過淋, 但我覺得可以再淋一點(我個人鐘意食淋一點)點選的食材份量都比較多牛腩很淋滑, 不會有「咋」, 而且吸收了湯的味道, 不錯豬大腸肥瘦適中, 而且很入味咖哩魷魚很淋!! 最讚是這個 因為他的咖哩和魷魚很夾味特別想說一下湯底, 我只了咖哩和辣的湯底, 而友人點了淨咖哩,明顯的有辣是好味一點, 我嚐了一下淨咖哩的湯底, 比較甜, 但我覺得不夠味, 似是溝得太多水所以我會建議大家可以試一下吃辣+咖哩的配答!!

一間乾淨企理又好食嘅車仔麵難得出嚟油蔴地都食到碗車仔麵嘅湯底無落重味精都仲甘香濃，食完成個下午都唔覺得口渴，秘製辣汁出奇地香辣野味又帶D咖哩汁Feel，油麵底一D都食唔出有梘水澀味，豬紅質地幼滑味道濃厚，豬皮乾淨煮得夠爽口，蘿白無渣大大嚿清甜爽口入哂湯底嘅味，睇佢D魚旦細細粒竟然係真材實料魚肉味香濃並非一般“水楊酸煮麵粉版本”，水魷魚浸發得夠身爽脆唔會硬，螺頭爽脆入味，主角滷水雞中翼用料非一般鶉春咁細Size而係有骨落地果隻，大腸乾淨走肥夠哂入味…環境乾淨整齊光猛又有廁所用，“正”！！！