就近復活節，有個長假，約左幾個朋友一齊去日本旅行，一早book好晒機票同酒店，只差pan行程，打算去cafe一路嘆下午茶一路pan,朋友介紹了這間cafe 我地去到cafe,見到都幾多人，可能係星期六關係，在cafe裡竟然發現一個放滿旅行的書的櫃，我即刻兩眼發光，因為我係一個好鍾意去旅行既人，可以一邊嘆下咖啡一邊扮文青，正 我飲品叫左mocha，友人叫左士多啤梨特飲 賣相幾靚，朋友的士多啤梨幾好，唔太甜，我的mocha朱古力唔太夠濃， 我地兩個人，叫左一個手打漢堡，一個士多啤梨西多士，諗住開心share 手打漢堡 漢堡賣相好吸引，肉都幾厚，一口食唔曬，咬落去醬汁都差d飛出黎，店員幾細心，攞左把餐刀俾我 士多啤梨西多士 初頭諗住西多士搭士多啤梨，會唔會好怪，食落原來好夾，士多啤梨醬又唔會太流，加上西多少少脆脆地 以前學生時期去好多cafe，成日中伏，相隔咁多年後，去返樓上cafe水準都提升好多，下次試下其他cafe睇下有無驚喜

這間點心店好耐以前都常常去的，可能因為加租問題，約半年前停業了，現在在隔離兩個舖位重開，當然要去幫親下啦。 這間一向都價錢合理，有茶樓的質數，現今都不少茶樓做不住，因為茶樓位置相對比轉大，現在租金這麼貴都好難做了，開始多這些點心餐廳出現。 講返食物方面，我叫左一個鮮蝦腸粉，一個蒸排骨，本諗住叫個排骨飯，但自己睇錯左，下午茶特價食物係無排骨飯 鮮蝦腸粉，腸粉很滑，蝦好大隻，這個比起很多茶樓的腸粉還好，因為腸粉要即整先好食，值得推介 排骨，多肉多汁，我鍾意這個，有時食到d排骨，骨多過肉，又要乾，唔好食，這個非常好環境黎講就中規中矩，茶樓當然會好坐d，但這裡勝在價錢平民，可以早上，或下午特價時段去食，相當抵食

在我公司附近的車仔面，有好幾間，這間食過兩三次，我覺得幾好，食到以前細個食車仔面的味道，以前食車仔麵，最鍾意就係食河粉加辣醬，辣辣地幾開胃，今次都係叫左河粉，加埋佢地個秘製辣汁，辣辣地有d甜味，幾正， 豬潤又唔會太熟啱啱好，好滑值得推介，另外仲叫左牛腩，牛腩夠淋，份量都幾多，湯底方面，我加左腩汁，味道比較濃一點，想清淡d可以叫清湯，車仔面加埋罐可樂，店內有電視，廣住電影，一路食一路睇，我食過附近幾間，我覺得這間最好

同朋友齊去食，天氣冷，想打邊爐又想食寿司，黎左這間又有得打邊爐又有得食寿司，兩樣都有其實幾好，仲有燒烤添，可以滿足多人願望 訂左訂所以入去唔洗等，因為人多我地分左兩枱，一枱有兩個爐，點知兩枱都有一個爐係壞的，佢俾左個gas爐我地，咁我地就開始點食物，攞飲品，唔知我地個gas爐係唔係壞壞地，等左好耐都未滾，入左黎45分鐘都未有得食，點左的寿司同燒烤又好耐都未到，一直都好肚餓，好明顯佢地人手不足，上菜好慢，點左好多野食都未上，到食完我地好多燒烤都未有 食物味道都還可以，我想食的燒菠蘿一直都未見過

今日我家姐生日，昨天開始找餐廳食飯，因為家姐剛生b,熱氣的唔食得，牛唔食得，只可以食小菜，因為有b又唔可以去環境太差的地方，找了旺角尖沙咀黃埔大角咀都很少地方，好坐環境好，價錢合理，最後選了樂天經典，因為看圖菜夠特別，環境好坐 去到都差不多滿人的，我們5大1b,給我們一張圓枱坐位都不錯，餐具都很精緻 我們點了5個餸，可以比較人多，菜都要等一會才出到 南乳羅漢素菜粉絲煲我係食肉獸，平時唔太鍾意食素，但這個加了南乳的汁，味道幾好，加上我好鍾意食粉絲，整體唔錯👍🏻 金銀蛋波菜 這個我平時去其他餐廳都經常點的，這裡的上湯正，蛋夠滑，比出面的好 當歸魚片 這個名字不記得太清楚，當歸味幾出，魚都幾滑沒有蒸過龍 還有叫了一個黃酒雞加麥片蝦球 黃酒雞，家姐剛生想食，酒味濃郁，但雞有點鞋 麥片蝦球（推介）👍🏻 一時忘記影相，我地食完一致讚好，食完還研究怎樣整的，入面有蛋，麥皮，糖，個蝦甜甜地好正，我地食完還食剩低碟的麥皮碎 在香港好少餐廳好坐，環境好，這間值得推介，結賬$900多，價錢合理

以前公司聚會多數來這間，因為它是少數的酒店buffet 星期一至四有宵夜食，我地一行十人去，場地空空如也，得幾枱客，心知不妙，以前是有人排隊等宵夜，今時唔同往日。 行出去搵食，首先熱食，一看大部份都係炸物或現成食物，自己煮都好食過佢，扣晒分，食到後尾我同士叫了一碗喇沙好似不錯，但已經很飽食唔落。 生蠔不是太新鮮，不過勝在任攞唔洗等，凍蝦都可以一試 魚生方面，得兩隻魚㨂，三文魚是全晚最好的，夠新鮮，第二隻唔記得左咩，但唔係太好食，寿司方面，完全不行 甜品，雪糕Haagen-dazs但得朱古力味同雲呢嗱，同食雀巢無分別，其他甜品都普普通通 總結：熱食差，魚生無乜，得三文魚好食，甜品馬馬地，食生蠔都可以，有75折 每人200，不如去食放題