囍記車仔麵

營業中

休息中

淘大行行下唔知食乜好，甘岩見到呢間車仔麵👀 又真係好耐無食喎🍜叫左2個麵+2個小食🌟泰式豬頸肉其實個泰式就係甜酸醬🤣油脂感好重，點埋個甜酸醬中和左個膩🌟秘製糯米雞翼岀面好小見有地方有得食雞翼包住糯米炸到香脆，每隻都脹卜卜🌟蘿蔔，墨魚卷，酸菜腩肉配米線蘿蔔無渣墨魚卷正常發揮酸菜腩肉肥瘦相間🌟滷水金錢𦟌，新鮮豬大腸，魚腐，蜜味台灣腸，貢丸條配岀前一丁滷水金錢𦟌都幾簿，厚身小小會再好食d新鮮豬大腸好乾淨貢丸條第一次見貢丸整成條狀，不過一粒粒應該會好食d🤣🤣🤣

湯底無味 車仔面最重要就係個湯底 個腩汁只係得個顏色完全出唔到味 今次仲點咗餃子同酸菜腩肉 餃子好似係韓國細細粒嘅餃子 無味嘅湯底配果款餃子令我忍唔住即刻申請acc寫食評

返工經過呢頭，諗住食個quick lunch。叫咗個兩餸車仔麵，金錢展同埋白蘿蔔。金錢展味道幾好，份量正常。嗌白蘿蔔就純粹為咗健康，所以都唔會預佢有幾好味。凍檸茶沖得幾好飲。 兩餸車仔麵連嘢飲50幾蚊，不過不失。

食過好多間車仔麵呢一間叫做數一數二難食。 三年前食過一次已經好難食見佢噏立不倒，仲諗住佢有改善，同女朋友再食一次， 點知....... 首先， 蘿蔔完全冇味兼且唔夠林，牛丸同韭菜餃都好細粒， 個糖心蛋就咁用滾水煮熟而且中間係凍嘅， 連基本嘅鹵水溏心蛋都冇。 湯底好淡，我已經揀咗個佢哋強烈推薦嘅秘製辣醬做湯底， 最神奇嘅係個湯同辣醬係完全撈唔埋。 喂，仲要唔係平呀， 每個餸平均$12蚊，咁我情願食隔離街嘅文記車仔麵。。

今時今日喺香港食車仔麵都唔平，而且又細碗又少餸，食完都唔飽。😵‍💫但係今日喺喜記食嘅車仔麵價錢雖然唔係平，但係份量絕對夠，一定食得你飽☺️。我揀咗懷舊車仔四寶麵有豬皮、豬紅、豬腸、牛腩，揀咗河粉、腩汁。其實都食過幾次，我每次都會嗌返呢個麵，因為真係最經典，豬皮夠林，豬紅唔會一夾就散，豬腸乾唔乾淨就睇唔到喇，但係就一定好好食，唔會un到咬都咬唔開😆。特別一提，真係個小食，喺車仔麵舖食炸雞，諗住實唔OK，點知食出個驚喜，即叫即炸，溫度唔會低，皮脆肉嫩😋，唔係嗰啲翻炸再翻炸再翻炸，乾到一咬就放棄🤦🏽‍♂️而且叫四餸麵仲會送熱飲，加錢又可以轉凍飲～好啦，今次係咁先，下次再講😬😬

天氣真係熱到爆，真係悶得發瘋。行經九龍灣嘅時候，啊啊啊，突然聞到一陣食物香味，就忍唔住被吸引入咗一間叫做「囍記車仔麵」嘅小食店。入到去，見到店面好樸素，帶啲濃厚嘅懷舊風味。櫃檯上擺滿咗啲新鮮嘅食材，一睇就有啲飢餓感，即使太陽好似要烤爆人咁，都應該耐唔住啦。已經係受不住啲肚餓嘅折磨，決定咗點佢地嘅招牌菜式：金牌三寶麵。唔耐唔耐，依碗熱辣辣嘅麵食就上咗枱，啲香味啲熱氣直嚟撲面，啲口水都要流出嚟啦。金牌三寶麵係用豬骨湯底煮，麵條有彈牙嘅口感，加上雲吞同埋魚蛋等等，每一啖都係回味無窮。湯底啲味濃郁，食落令人捨不得停口，彷彿帶返咗啲童年嘅記憶。另外，唔能唔提呢間店嘅另一招牌飲品：熱奶茶！嗷嗷香濃嘅奶茶香氣撲鼻而來，飲落去暖暖地，嚟緊嘅精神都提哂返嚟。奶茶甘香唔太甜，苦苦地啖落好過癮。

離港一年，昨晚回來，最掛住香港嘅樣，梗係香港嘅美食啦，出面邊度有咁好，好似香港咁好咁多選擇。今早第一時間出街，梗係食番個早餐先，行過這個門口，雖然吾系好特別，但係都幾香港茶餐廳feel，好耐冇食過香港茶餐廳啦！而且佢個價錢🤨，好抵喎！嘩！$32這個價錢都有，唔係呀！梗係入去試吓啦，賣相ok啦，吾系特別靚，正正常常，試吓味道先🤗熱檸茶：濃郁有茶香，香港地道味，算唔錯👍火腿鮑絲通粉：🤔吾熱得暖暖，通粉吾夠彈牙，算一般般。多士：脆香，唔錯👍旦，芝士腸：冇特別好，正正常，食物指數，70分環境屬於茶餐廳式乾乾淨淨，飲食業第一要求，做到👍最吾中意系自己斟水🙃如果唔係太大要求，咁嘅價錢，都算唔錯✅不過唔係我杯茶😂😂😂

這不是什麼黑松露炒蛋、也不是黑胡椒炒蛋，就係個普通早餐炒蛋！打開真係嚇襯竟然污糟成咁，自己睇圖嗰d黑色物體已經和蛋汁融為一體了，有人敢吃嗎？只好把它扔了，真不知道廚房衞生情況如何

非一般茶餐廳，因為係車仔麵店，頗多街坊顧惠，特別係上年紀的每天一奶茶，店晨早開舖，早餐份量足，選擇多，價錢合理。個人最愛點餐係：火腿鮑絲通粉，配炒蛋及芝士腸，個人喜愛煎蛋及腸仔多d，煎蛋可要求改，但傳統腸仔就無得改喇。另外，雪菜肉絲米也是必食之選，米粉很爽嫩，口感好。侍應落單及上餐都很快，趕時間都沒問題。

今晚同老婆黎食個晚飯，見南記冇位所以黎試下我叫左個 牛丸、蘿蔔、糖心蛋河粉 （腩汁）唔okay… 腩汁湯底冇味，蘿蔔唔入味，糖心蛋唔糖心唯一okay係牛丸…服務能度亦麻麻😅唔知點解會出名… 唔會再幫親😅

今日夜晚去咗佐敦上堂，時間有啲趕，所以喺中心附近求其搵一間餐廳食野醫肚。見到呢間車仔麵店四四正正，就直接衝咗入去食😂 入咗去坐低上OpenRice先發現都有幾多差評😅，但既然入咗嚟就試吓啦。不過最後我食完又覺得味道正常，價錢都幾經濟實惠，又未至於去到要俾差評。金牌三寶麵 + 熱柚子蜜 ($39 + $9)我叫咗河源米粉配秘製辣汁(少辣) ，辣到大概係譚仔嘅10小辣左右，其實都幾惹味，如果我下次有機會再食，可能會試吓中辣。三寶麵有魚皮餃、雞中翼同白蘿蔔。魚皮餃大概3-4件，雞中翼有2隻，有大量嘅白蘿蔔👍🏻👍🏻👍🏻 吸晒汁嘅白蘿蔔真係好正！而雞中翼本身已經醃好，味道好夠；魚皮餃方面就不過不失，整體質感咬落去煙煙韌韌都幾好食。因為好口乾，所以加咗杯熱柚子蜜飲，冷熱同價，不過$9有啲貴😅

唔知大家會唔會對某一款食物情有獨鍾，啊鼠本人就非常鍾意食車仔麵呢種可以揀唔同餸既麵食🥹所以今日就一戰位於淘大商場既車仔麵四餸車仔麵 7/10啊鼠選擇左麻辣蓮藕，金菇，麻辣豬紅同麻辣魷魚，價錢就視乎你選擇咩餸同麵底，叫夠四餸就送一杯熱飲。小店既餐牌真係睇到我眼花，餸既種類非常多，連汁都有好幾款，咖喱汁腩汁辣汁沙爹汁仲有唔清楚係咩味既重口味選擇，選擇困難症既我都經歷左一番鬥爭先至將張單遞出去。首先一定要讚下個麻辣蓮藕，非常入味軟身易入口，調味好惹味，如果唔抗拒蓮藕都建議一試，而呢個辣汁都應該係麻辣系列既所有餸既主要調味，就唔一一細講。不過個人覺得豬紅韌身唔入味唔建議叫。整體上味道唔錯，份量亦都合理，不過環境上會比較窄一啲。囍記車仔麵九龍灣牛頭角道77號淘大商場一期地下G122-124, 130號舖#foodie #hkfoodie #九龍灣美食 #香港美食 #hkfood #hkeat #hkcafe #車仔麵 #九龍灣 #打卡 #打卡餐廳 #hkmouse_九龍灣

附近上完堂, 天氣又凍凍地, 見夜晚10點都竟然半滿, 於是入去試下依家做緊叫4餸就會送熱飲🍵但第一次食唔知揀咩餸, 就揀佢推介個啲啦, 結果都係中伏😂4餸 - 紫菜, 韮菜餃, 牛𦟌, 豬腸 配菠菜麵 加柚子蜜(熱) $59份量幾大碗, 但腩汁好稀, 份量比例都有啲奇怪牛𦟌 - 得2塊 (1厚1薄) , 雖然幾好味但都幾唔抵...豬腸 - 有成差唔多10舊, 但無味又唔淋, 可以練下牙力韮菜餃 - 得3小粒, 似普通來貨, 味道一般亦無乜韮菜味紫菜 - 無特別菠菜麵 - 本身呢類麵都係好少會真係食到有好重味, 正正常常, 份量都多最後埋單 $59, 雖然飽肚但呢個價錢食碗車仔麵的確覺得唔值,而且仲要成碗野有一半野食都無味去番附近食碗魚蛋粉仲好😓

午市時間算多人，要等位。而且侍應姐姐好忙，講野會大聲d。等左陣位入到去係填紙仔選擇，係略嫌選擇唔算多，冇一般雞扒豬扒等選擇，可揀有湯或者撈麵，亦有辣有唔辣，最後揀左金菇紫菜雞翼米粉酸辣湯。交左之後等左一陣好快就有得食啦，首先菜份量好夠，唔會得個少少，而酸辣醬汁就好夠辣，建議唔係好食得辣ge朋友要自己畢走少少，唔好撈渾哂，而雞翼有3隻，算大size，而且咬落好夠滑，又入味，米粉係幼身個隻銀絲米粉，夠哂爽口，絕對抵食之選。😋😋😋

星期六晚接老公收工就去搵食今次黎到九龍灣淘大囍記車仔麵8:30左右都仲係full晒好快都有位🥰🥰見到poster叫4餸送熱飲都幾多選擇，花多眼亂🤣拉麵麻辣汁👍🏻👍🏻👍🏻配墨魚卷&司華力腸$37，麻辣汁唔算好辣，易入口，推薦👍🏻拉麵有鹼水味，個人都幾鍾意👍🏻👍🏻推薦！見到隔離枱有人食司華力腸好似幾正就揀左🤭🤭勁大條，好好食！墨魚卷有兩條都幾大條，好好味！推薦！！！👍🏻👍🏻👍🏻幼麵秘製辣汁小辣，配台灣腸，花枝條，紫菜&韭菜餃$52，秘製辣汁小辣唔係好辣幾香，個人認為麻辣好食d🤭🤭幼麵都多，淥得岩岩好唔會太淋，台灣腸好食有4條👍🏻👍🏻👍🏻紫菜索埋d湯超正👍🏻韭菜餃有4粒，係細粒既，唔算好濃韭菜味，都幾好食。花枝條冇乜特別，都係有4條。鹽酥雞$26，份量都幾多，炸得幾好，推薦👍🏻👍🏻👍🏻枝裝豆漿+$10，穩陣，唔算太甜，豆味香4餸送熱飲，柚子蜜👍🏻去開九龍灣不防過去淘大試下，真心抵食好食！推薦👍🏻👍🏻👍🏻