天氣不似預期，呢間野正常嘅時候都算正常，不過不失，頹飯三甲。但係差起上嚟又好誇張，試過食到有蟲蟲腳，不過唔緊要，蛋白質嘅補充係人類必須，但係佢有時啲肉真係會少得可憐，特別係外賣個陣。

話說啊鼠成日見到呢間號稱全港第一既tiramisu被介紹，雖然唔知係邊個將佢提拔到咁高地位，但啊鼠同友人都蠢蠢欲動咁想一試🫣🫣不過地理位置就比較遠，係地鐵站行過去都要大概十分鐘 Tiramisu 8/10 cream 非常軟滑，直接係入口即溶既程度，奶香味十足🥹🥹🥹不過手指餅唔知係咪浸得太耐定係點，咖啡味太濃甚至有啲苦🥲不過我見有部分人食評係話唔夠咖啡味☕️所以有可能係一時一樣 味道其實唔錯，不過位置實在太偏僻，所以如果咁岩係個間酒店住可以一試。 Page common 尖沙咀柯士甸道148號Page 148地舖 #foodie #hkfoodie #尖沙咀美食 #香港美食 #hkfood #hkeat #hkcafe #提拉米蘇 #tiramisu #hktiramisu #尖沙咀 #打卡 #打卡餐廳 #hitea #下午茶 #香港下午茶 #甜品 #香港甜品 #hkmouse尖沙咀

由細食到大，味道冇咩點變，一直都係傳統冰室嘅味道。常餐好好食，公司三文治都好好食，唔會太油，好足料。另外平時個哥仔都幾好人，由細睇到佢大。最推薦係佢個奄烈，世界級，價錢又適中。

小菜大推，特別係茄子同泡菜，好有韓國啲傳統店食嘅感覺。老闆係韓國人，所以啲野都幾貼近到原本應有嘅味道。烤肉嚟計，五花腩同牛都好好食，不過佢個爐有啲怪，會成日痴到啲焦片。 唯一唔推介係醬油蟹，好多次都未解曬凍就拎出嚟，可能因為老細唔係度就hea 做。

🐹啊鼠同阿毛是Dazzling Café的常客，所以說起食評第一時間就諗起呢間台式café。不過提醒一下，每位客人都必須點一杯飲品❤️‍🔥❤️‍🔥 1. ​ ​ ​ ​ 仲夏熱帶水果茶$52（熱/冷）8/10 每次去必點的飲品，水果茶酸酸甜甜非常解膩，裡面有蘋果粒，葡萄，草莓同橘子等水果片更添口感。如果你是喜歡喝水果系列的飲料的話這杯絕對是必點之選。啊鼠喝過這家的奶茶也很不錯，屬於奶味茶味比較濃郁的那種。 2. ​ ​ ​ ​ 佛羅倫斯花枝干貝麵$108 8/10 啊鼠私心推薦的義大利麵⚡️⚡️蒜香，九層塔和醬油交織令意麵風味十足，裡面大顆的干貝和魷魚圈讓口感豐富起來，要說啊鼠有多喜歡這個醬汁大概就是能讓挑食的我吃得下平常肯定不會吃的西蘭花吧。不過唯一缺點的確是這家店的味道不太穩定，有的時候去吃會比較淡。 3. ​ ​ ​ ​ 黑松露義大利麵$128 7.5/10 黑松露義大利麵，大部分會有義大利麵的餐廳都會有這個菜式，但Dazzling的黑松露意粉屬於比較好吃的類型，因為意粉選材比較幼，比較能沾到汁，所以幾乎每口都會吃到黑松露，不過味道偏淡，而忌廉味會相對濃。 4. ​ ​ ​ ​ 地中海炒菌菇$55 8/10 由於啊鼠和阿毛是超級菇迷所以肯定不會錯過這道，雜菇經過簡單的調味，牛油香加上炒軟的洋蔥風味絕佳。 5. ​ ​ ​ ​ 柚子蜜雞翼$78 7/10 雞翼本身炸的非常脆，食肉控大滿足✨✨不過如果不喜歡酸甜口味的話就不建議選擇這款小吃。 整體來說其實味道環境都很不錯🍴外面更是提供了一個角落讓大家打卡拍照📷不過如果單說食物價錢方面會略高一點。 #foodie #hkfoodie #尖沙咀美食 #香港美食 #hkfood #hkeat #hkcafe #意粉 #尖沙咀 #打卡 #打卡餐廳

話說啊鼠同朋友一直以來都未有嘗試過貴婦下午茶☕️作為兩個八婆一定要去嘗試一下，睇左好幾個foodie介紹決定試下呢間。其實餐廳提供左兩款下午茶，一款係全鹹點，一款係半鹹甜點，而打算將優雅下午茶當飯食既我地就選擇左前者😂 鳥籠設計既餐架的確非常吸引人打卡影相，餐廳環境亦算唔錯。但店員服務就一般，我地當時係ig預約左但店員就話無record，直到我地比手機對話佢睇先至唔情願咁放我地入去🫠 1.自家製蝦多士 7/10 蝦肉尙算彈牙，加上香脆口感味道不錯。只係我原本期望係熱辣辣，但都理解可能下午茶set就係整定係度，只係我滿心期待會翻熱一下 2. 鵝肝慕斯多士伴果醬 由於啊鼠偏食嚴重唔夠膽食鵝肝🥶所以不予置評 3. 芝士辣肉腸法包& 烤焗車厘茄忌廉芝士法包 （6/10 & 5/10） 食到呢兩舊既時候啊鼠已經接受可能下午茶就係大部分都係凍盤呢樣嘢，只係因為自己少食呢類型所以孤陋寡聞🥶只係我以為法包應該會整脆，冇諗過嘅係呢塊包居然煙韌到咬開個下上面既料已經跌得七七八八🤣芝士辣肉腸既配搭經典常見唔多講，後者我睇餐牌既時候以為會好夾，但比想像中難食。未到不可饒恕既地步，如果攞槍指著我我會食。 4. 炭燒大蝦伴牛油果醬撻 6.5/10 其實大蝦既調味都幾惹味，加上彈牙口感，係啊鼠非常喜歡既類型。但下面既撻皮係甜既，類似雪糕筒既味道成功令討厭鹹甜口味既我放棄左蝦以外既部分🐹 5. 巴馬火腿配蜜瓜 7/10 味道唔錯，口感亦都無好乾好似紙皮，頗柔軟。值得一讚既係巴馬火腿既量都幾多，多到我忍唔住攞左啲黎送多士😂好可惜手腳唔協調既啊鼠跌左半舊，我會將呢份遺憾帶入棺材😇 5. 炙燒芝麻吞拿魚 6/10 雖然我有一秒期待會係熱盤，但仍然令我感覺置身於冰島🧊外層炙燒過並且灑滿芝麻，味道無驚喜，中庸之選 6. 英式鬆餅配果醬及忌廉芝士 6/10 Scone係我同友人最期待既，但係可能期望越大失望越大，scone並唔係我地喜歡既類型，粉感比較重，味道就係一般有牛油香既scone 整體上其實食物質素一般，不過我明白食下午茶係為左影下相傾下計，如果唔係為左食而去既朋友們都可以一試，畢竟其實下午茶個個area都係幾靓既。 $428 for two （星期一至五） 尖沙咀諾士佛臺1號8樓

燒肉嚟講，牛角都算係香港數一數二好食同keep到水準。 牛就全部都好食嘅 但佢嘅雞爽肉都好世界級，爽口又彈牙 然後佢個燒腸都好唔錯，用嚟點蜜糖芥末一流 最驚喜係佢個雞腿肉，辣得嚟又好解濟 再嚟碗牛角飯 世界級享受

食左幾年炎天，味道都一直保持到水準，而且有得單叫自己想食嘅炸物，炸粟米芯，炸菜個類。比較驚喜嘅係，佢啲炸蔬菜係好食過炸肉類。另外佢嘅冷麵類都幾好食，冷面汁比較清甜易入口。啲staff 都好好，最記得係有個staff 可以唔用紙記低就可以完整出到一張單，冇錯漏。真心大推。

啊鼠上次行尖沙咀行到攰，就同朋友入左呢間甜品店一試 招牌杏仁茶燉蛋白 （8/10）$55 友人選擇左呢款比較清淡既口味，適合唔鍾意食太甜既朋友們💃淡淡既杏仁香氣加上香滑既蛋白，兩者非常融洽💆🏻 芒果奶昔雙皮奶 （8/10）$59 啊鼠唔太鍾情於杏仁系列，反而比較鍾意酸酸甜甜既口味，所以就簡左芒果呢款🥭芒果果肉都比得幾多，不過我就略嫌啲果肉有啲太熟👯‍♀️不過雙皮奶奶味濃郁而且質地細滑☺️☺️ 整體唔錯

唔知大家會唔會對某一款食物情有獨鍾，啊鼠本人就非常鍾意食車仔麵呢種可以揀唔同餸既麵食🥹所以今日就一戰位於淘大商場既車仔麵 四餸車仔麵 7/10 啊鼠選擇左麻辣蓮藕，金菇，麻辣豬紅同麻辣魷魚，價錢就視乎你選擇咩餸同麵底，叫夠四餸就送一杯熱飲。小店既餐牌真係睇到我眼花，餸既種類非常多，連汁都有好幾款，咖喱汁腩汁辣汁沙爹汁仲有唔清楚係咩味既重口味選擇，選擇困難症既我都經歷左一番鬥爭先至將張單遞出去。首先一定要讚下個麻辣蓮藕，非常入味軟身易入口，調味好惹味，如果唔抗拒蓮藕都建議一試，而呢個辣汁都應該係麻辣系列既所有餸既主要調味，就唔一一細講。不過個人覺得豬紅韌身唔入味唔建議叫。 整體上味道唔錯，份量亦都合理，不過環境上會比較窄一啲。 囍記車仔麵 九龍灣牛頭角道77號淘大商場一期地下G122-124, 130號舖 #foodie #hkfoodie #九龍灣美食 #香港美食 #hkfood #hkeat #hkcafe #車仔麵 #九龍灣 #打卡 #打卡餐廳 #hkmouse_九龍灣