喜双逢 (已結業)

一行五人早一星期卜左位，一去到就入得。環境坐得幾舒服，五個人order左9樣野，大部分食物質素都唔差，雖然都係以前好食啲。七味脆豆腐-$50(4/5)佢外皮又薄又脆，豆腐都好滑，份量都夠，不錯。煙燻素鵝-$50(4/5)佢煙燻味好濃，素鵝入面有小小木耳條，幾有咬口，一啖食落去口感不錯。蝦餃 and 燒賣- $58(4件) each (4/5)佢既蝦餃燒賣都幾有水準，蝦算大隻同幾爽口彈牙。×.0醬炒腸粉-$62(4.5/5)有小驚喜，佢炒得好香，腸粉就算唔點甜醬/麻醬都夠味，當然點左會再好食啲。金湯小籠包(4件)-$58 (3/5)正正常常不過不失，有湯汁但不算多。特色脆麻花(6件）-$40 (3.5/5)佢唔算係傳統既脆麻花，不過食落都香脆，幾特別。脆炸流沙包(3件)-$42 (3/5) 個皮幾脆既，本身諗住會有驚喜，但真係唔特別，同佢無流沙所以小失望。乾炒牛河-$148(3.5/5)佢唔算好油，牛河都條條分明，味道都多，牛肉片都大塊。總結:喜雙逢有個幾好既地方係佢可以order 5粒(eg 5粒燒賣)我地好多款都叫左5粒，5個人每人都食到，又唔洗叫多籠。姨個位好值得欣賞。五個人9樣野

香港人飲清酒多數是去日式居酒屋才會點，用來配搭日式燒物、料理為主；但原來清酒配上廣東菜一樣好match！最近 JFOODO 推出 SEAFOOD LOVES SAKE. 活動，並與多間本地中菜館合作，推出清酒海鮮晚宴。早前就去了中環的「喜双逢」食海鮮嘆清酒，嶄新的港日組合，毫無違和感之餘，更有提香提鮮之效，讓人喜出望外。清酒分「薰、爽、醇、熟」4類，各有不同質感和味覺，配上調味和煮法千變萬化的廣東菜，要不搶去食物的原味，又不失酒的獨特性，也考廚師和品酒師搭配的專業！🍽蜜汁叉燒|花蜜燒脆鱔|滷水鮑魚拼盤叉燒豐腴肉嫩，蜜味香甜；鮑魚用滷水方式煮入味又不失鮮味；個人最喜歡是燒脆鱔，秋天鱔魚肥鮮，肉厚爽彈，微焦薰香和刷上香甜花蜜，咸鮮有緻，十分高質。配上醇酒 「風之森807雄町純米酒」，酒味濃郁熟成而温厚，適合味道濃郁複雜的菜式，更帶出食物香和鮮味。🍽淮香海山蝦以接近原味嘅方式酥炸海蝦配上脆蝦片，沒有任何醬汁加持下，海蝦的鮮甜和彈牙口感表露無遺。特別適合配上爽酒「浦霞禪純米吟釀」，香氣簡單清淡，易入口，帶微花香和甘甜，是百搭的酒款，味道輕快，恰如其份不搶去食物本來的鮮味。🍽蒜蓉蒸龍蝦龍蝦是我最

日本清酒遇上廣東海鮮，原來好合拍！由JFOODO舉辦的年度全港大型日本清酒活動 SEAFOOD LOVES SAKE 又開始喇！上星期到了中環老牌海鮮中菜館「喜双逢」，享用特別為是次活動推出的餐單。四道海鮮粵菜分別配上「醇、爽、熟、薰」不同特性的日本清酒，互相輝映。【蜜汁叉燒、花蜜燒脆鱔、滷水鮑魚 x 風之森 807 雄町 純米酒】頭盤三道小食。滷水鮑魚彈牙入味；軟嫩的蜜汁叉燒甜度剛好。不過我們最喜歡的是外皮燒到脆卜卜的脆鱔。配上圓潤濃厚、米香較重的醇酒，能夠將食材的咸甜鮮味和香氣解放。【淮香海山蝦 x 浦霞 禪 純米吟釀】金黃的外層透著淡淡的咸香，不會搶走海蝦本身的甜香。而配酒具有爽酒的特質，正好相輔相乘，為蝦的鮮美錦上添花。【豉椒炒蟶子 x 達磨正宗三年】蟶子超級煙韌彈牙，豉椒的烹調方式惹味吸引，夠濃郁卻又不會蓋過蟶子的鮮甜。因為是幾道菜中味道最重，配以熟成過的熟酒，厚實圓潤的酒味令菜色更為融和。【蒜蓉蒸龍蝦 x  結 山田錦 紫 純米吟釀】龍蝦肉厚彈牙，鮮甜味相當突出，火候和烹調都控制得恰到好處。而蒜蓉的香同樣誘人。配酒屬薰酒一類，偏向清甜且帶花香，不會喧賓奪主又能提升鮮味。最後

視日本為鄉下既香港人, 近年除了食盡全港鮨店, 其實對清酒也特別情有獨鐘, 香港更是日本出口清酒量其中一個最多既地方, 而且香港人對清酒越來越講究, 會以寿司海鮮串燒等作配對, 最近, JFOODO 就與多家食肆合作, 推出 日本清酒 X 廣東海鮮晚宴, 實在令不少老饗期待清酒與海鮮匹配, 其實不是什麼新鮮事, 不過搭配廣東海鮮菜式反而於坊間是較少見, 今次來到 喜双逢, 大廚親手炮製多款精美廣東海鮮菜式, 並由唎酒師選配合適的清酒, 令味道更昇華頭盤是 特式拼盤 - 蜜汁叉燒丨花蜜燒脆鱔丨滷水鮑魚滷水鮑魚 肉質爽口, 滷水鹹香盡滲其中, 而燒鱔則肉香而脆身, 這裡的招牌 蜜汁叉燒 更不用多說, 軟腍有緻, 蜜甜香潤, 選配的清酒是 風之森807雄町純米酒, 屬醇酒, 風之森來自奈良, 可謂近年人氣品牌之一, 此酒以協會七號酵母及金剛葛城山系超硬水來釀製, 入口會感受到陣陣蜜瓜和柑橘香氣, 亦富層次感, 更有特別的微微碳酸味道, 於圓潤温厚的味道下把香氣和鮮味進一步開放, 三款頭盤中, 與鮑魚至夾, 將鮑魚的鮮香盡情發揮接着是 淮香海山蝦, 香脆的蝦肉帶着豐富的鹹香, 配 浦霞禪純米吟

中環 喜双逢在萬邦行 2 樓，充满懷舊 Feel, 原来都有十幾年歷史。中環居不易，到處都很貴。這裡點心约 $60。但有套餐。我於是選了一人套餐。我在担心太多太飽，原来担心都多餘。碗麵很细碗。伊麵不似預期那麽好吃。蝦球也冇味。但總體不過不失，不差，但亦冇驚喜。而燉湯確實有一小塊螺頭，冇欺骗觀眾。燒鹅好吃祗是太少, 出乎意外的祗有兩件，未免太小家。點心則過得去。算好食。我去的時段是中午前，上班族還未殺到。客人少，服務自然也比較好。套餐基本價後，花生加辣醬 $25 ，另加茶錢，加一，埋單約 $250。

今日與家人到這𥚃食午餐，我受到十分不禮貌對待，當進入酒樓時男員工要求我掃描安心出行，我要求填資料。員工話他們是D區所以我一定要裝安心出行，這我都明白亦應他的要求安裝。但他指著D區要求的告示用鄙視的口吻說：你是不是16歲以下或64歲以上?如果不是你一定要安裝。當時我已經很不滿他的態度，但不想令家人掃興，只好安裝後進場。進入酒樓後，我們一家8人被安排分兩張枱坐，如果是這樣，我跟本不需要裝安心出行。就算他們食物質素如何，我以後一定不會再去，亦都不會推介給朋友

I went to see doc with mom in central today so I was hoping to find a Dim Sum restaurant nearby. This restaurant happened to be in the same building. Mom needed to be fasting before seeing doc. Therefore, finding the closest restaurant is my top priority. We have ordered three Dim Sum and one beef with deep fried noodles. Generally speaking, the quality of the food is good but it’s a bit pricey. Well, I should say the price should be reasonable in central. Sorry I forgot to take pics for Di

腩仔- 1/10 有陣腥味仲要冇脆皮叉燒- 1/10 鹹到pk扇貝- 1/10 超市冷凍款蝦多士- 1/10 油味仲大過蝦味湯 - 2/10好難食好難食好難食omfg⋯Pardon my broken Cantonese above but honestly how much did u guys get paid for the high ratings?Such a waste of calories! Guys watch out!If you wanna get a decent meal, cafe de coral would be a much better choice......

同閨蜜去完剪髮，想揾坐得舒服嘅中菜館食dinner傾下計，就去咗近近哋嘅喜双逢。一入去坐咗旁邊卡座，好闊落舒服。我哋好懶唔想諗食乜，侍應推介咗二人套餐，咁就點呢個啦。一嚟上咗個杏汁花膠炖白肺湯，好足料！本身唔太好杏仁豬肺，但呢碗湯杏仁味清甜，亦有好多花膠，真材實料😍呢個時勢補補個肺，仲可分成6碗咁多！大力推介！再上燒味拼盤，叉燒同燒腩仔都好味，但尤其鍾意個叉燒，佢係比較腍身，同蜜糖味濃，外層燒到有少少焦，啱我口味😋跟住上西芹炒龍躉片，塊龍躉片成半隻手掌咁大塊，好鮮味👍閨蜜最欣賞豉汁帶子蒸豆腐，清清哋啱佢口味，健康啲🌿食埋個蛋白炒飯，乾身夠鑊氣。最後仲送合桃糊，好香濃，有誠意。每人$38x，中環區、環境舒服、食物高質，超值！

食市放寬至四人一枱，終於可以同同事lunch飲茶。喜双逢行嘅係精品路線，一直都有捧場客。見到枱面傳單寫住堂食九折， 今時今日咁嘅環境要減價先可以求存。叫咗幾個點心同小菜。估唔到先上台嘅係家鄉小炒王同埋瑤柱金菇炆伊麵。因為太肚餓所以夾完先記得影相伊麵炆得唔錯，有瑤柱香味。同枱面嗰碟辣XO醬非常之夾。小炒王炒得有鑊氣。鹹水角新鮮炸起。 炸得唔太油。皮厚薄適中 奶皇包餡比較少叉燒包個餡比較乾身，不過味道不錯。素菜餃個皮做得幾好。蘿蔔糕煎得香口

和朋友們聚會，第一次在這裡晚飯，星期五晚上，食客很少，環境寧靜。我們點了以下美食： 杏汁白肺湯 湯底有杏汁的清香，加上一件厚厚的花膠，補充了大量的骨膠原。燉湯用料豐富，有竹絲雞，雞腳和瘦肉。 燒味拼盤 有三款燒味，分別是叉燒、燒鵝和燒腩仔，擺放得整齊。叉燒蜜味甜美，肉汁豐富。燒鵝肉味豐膄，而燒腩仔表皮、脂肪和肉質分明，入口很有鹹香。 炒四季豆 很有鑊氣，香噴噴的，四季豆軟腍，豆香迷人。 豉油雞（半隻） 這裡的晚飯優惠，4位或以上會送豉油雞（半隻）。它用砂煲盛載，煮得沸騰，豉油仍然在煲內沸騰。雞肉嫰滑入味，一吃難停。 腊味糯米飯 天氣開始轉涼，吃腊味糯米飯是秋冬的最佳享受。糯米飯用料豐富，放有很多腊腸和膶腸，差不多每一啖都可以吃得到。飯粒煙韌，入口暖胃。 這裡裝修以紅色為主要色調再加上木傢俬，很有中國特色。枱上用作放牙籤的木盒，別緻優雅。 因人客不多的關係，服務員能夠貼身照顧我們的需要，親切有禮，令我們賓至如歸。

好耐冇update 終於返來了❤️😂介紹一間係中環唔屬於美心集團嘅點心 喜相逢🙆🏻‍♀️佢喺萬邦行位置好方便喺正中環正中心價錢唔算貴二百幾蚊食到好飽😂我覺得佢啲說雪山包做得相當出色 以前呢就係杏汁雪山包好出名 而家就轉咗做叉燒雪山包 都唔錯👍🏻 另外我最愛就係佢個豉油雞真係好入味 雞肉又嫩又滑 不過今次就冇叫到 叉燒我都推介㗎 半肥瘦啱啱好 個炒飯就麻麻哋了🤭 有時好耐冇食點心真係會掛住 蝦餃好好味雖然40幾蚊一籠我可以買到好多叮叮點心但係呢個真係好食好多好多倍🤤🤤 希望佢唔好執啦我真係唔想去美心飲茶🙈🙈

呢間上樓酒樓一路都有質素，好多識食之人都會專登過嚟飲茶。今次我哋一行二人，叫咗幾個招牌點心分別有蝦餃、燒賣同埋蝦春卷。另外仲叫咗個燒味雙拼同金花蜜脆鱔。燒鱔真係好脆同好香蜜糖味，絕對有驚喜。每一樣食物都非常有水準，所以啖啖都好味又滿足。其實兩個人食已經好豐富，埋單就大約五百幾蚊。

近0黎特別多飯局，忙到傻0既我... 多謝老友相約 都係0個句，朋友好緊要，又一中環搵食好推介，只因其中一飯友係中環儷人平時好少入萬邦行，從來都冇諗到有間咁0既酒樓。 0黎到佢0既環境同商場好配合，好似時光倒流到80年代咁，好特別!坐低大家都唔想諗，叫0左個套餐加小小0野就算套餐包0左先0黎個义燒燒肉雙拼，個义燒要讚，好味 肉滑，夠淋，肉香再0黎個白杏湯，好夠火喉，正!套餐仲包碟豆腐蒸帶子，都好新鮮。炒石班都幾好。但唔算好特別同細碟0左少少。黑松露炒飯都係套餐，炒得唔錯，乾身唔油，黑松露味出。另加0左碟炒粉絲，簡直係將成餐飯帶入另一個level 炒得好入味，乾身得0黎唔硬，令到我都想返屋企炒0下! 值得推介!另一個加0既係炒荷芹，ok。最後送上甜品紅豆沙，真係送0既 但都唔hea,有起沙0架!埋單位位$280，中環區唔算貴，食得飽，lee間可以值得再0黎。

近期好鍾意去呢間餐廳食lunch，因為有我至愛嘅燉湯飲，同埋餐廳仲有個好好服務嘅經理。近排尼食左幾次，大家熟絡左，會安排卡位比我地(平時d卡位好似只留比熟客，book都未必有)，而且仲會送糖水甜品比我地。傳聞中嘅卡位，一格格咁，自成一角，好闊落，傾住計食飯至岩，好坐過入面嘅圓枱好多。一定要點嘅燉湯，石斛響螺燉雞湯，好夠火候，好清甜，稱得上中環至正嘅燉湯近期新加嘅點心，咸水角，餐廳經理強烈推介，真係好好食，好鬆化，一d油膩感都無，而且內餡仲好juicy 呢樣都係新加嘅點心，小龍包，都係餐廳經理推介，好好味，皮薄，入面個湯包好正XO醬炒蝦米腸粉，夠惹味黃金墨魚餅，比較普通，可以唔叫。花蜜燒脆鱔，略嫌蜜汁唔夠。紅燒妙齡乳鴿，好味，唔乾身XO醬乾炒牛河，呢樣麻麻地，比較油膩，同埋唔夠惹味。今日餐廳經理都有送綠豆沙，合桃露比我地。食完真係捧住個肚走。下次再食過