品臻 (天光道)

營業中

休息中

土生土長香港人最愛食雞蛋仔，外脆內軟極品當然要有粒肉係入面，即叫即整熱辣辣人間極品。千山萬苦上網找，看到呢間食評不錯決定一試，點知。。。成$20一底，在製作期間聞到香噴噴滿心期待。。唉。。。 男店員遞到上我手，熱辣辣但。。 一㩒落去準備搣開之際。。。 淋嘅成份朱古力雞蛋仔，粒粒都淋我好心向店員展示，係佢面前㩒俾佢睇，粒粒軟棉棉㩒得落去（正常脆卜卜會脆開）,女店員居然同我講，係架，有人鍾意食淋嘅雞蛋仔真係冇下次

我由呢間舖開張就已經一直有幫襯，一直都覺得呢間品臻既product又抵又足料又好飲好食。不過直至今日去買杯700cc既黑糖珍珠鮮奶既時候就真係即刻改觀哂。首先個職員係度沖緊我杯嘢，之後有另一個職員(肥肥地唔係好高 我懷疑係店長 或者只係做得比較耐既職員)行埋去同沖緊我杯嘢既職員講：你比咁多做咩？唔洗落咁多。然後再同個職員咬耳仔講多左幾句我都聽唔到既說話。最後杯嘢出到黎係比正常700cc份量少大約一個半手指公既水位。我都做過珍奶舖，所以都明白每間舖頭都有自己調飲既方法，但係都唔會係咁明顯咁係客面前講，同埋做出黎個樣係咁明顯地唔足料！！天光道品臻好飲係事實，所以我亦都一直有幫襯，但呢啲門面嘢做得咁差真係好失望同扣哂分！！下次去幫襯既時候再見到嗰個女人真係即刻調頭走！！！

之前唔知係咪都撞到佢地放假，每次行過都係半開閘/關閘。揀左芋泥芋圓鮮奶唔記得話要熱，不過凍飲都幾好飲甜度岩岩好，芋泥一舊仔都夠，芋圓彈牙煙韌，重點係好大杯好抵飲，又有得坐下，會再黎飲。

今次係第二次幫襯，㩒入openrice時發現哩間有得網上落單，見巴士仲有兩三個站落車，試下openrice落單，一落車行到上去已有得拎，上次淨係買比屋企人飲珍珠奶茶，屋企人話好味，珍珠軟硬適中，而唔飲珍珠奶茶嘅我，飲果茶，真係唔錯，下次會再試其他*今次第一次用openrice落單，可減$20，本身$44，而家只需比$24，好抵

趁假期去土瓜灣探呀哥，行行下見到呢間甜品茶飲店見到佢地有雪糕雞蛋仔就已經被佢吸引咗入去！呢間小店同其他既甜品茶飲店差唔多，地方唔太大，但都有一張枱比人坐低慢慢飲，慢慢食！佢呢到有雪糕雞蛋仔，阿華田鮮奶，芋圓等等…… 而今次我同朋友就試咗佢地既 “士多啤梨雪糕雞蛋仔” 同 “海鹽奶蓋阿華田鮮奶”。 雞蛋仔係即叫即整，絕對新鮮，而且仲好有蛋香味！雞蛋仔配以雪糕一齊食，又軟又脆既感覺真係幾正！每一件雞蛋仔都有雪糕，仲有朱古力棒同朱古力塊，正呀！真心推薦！而 ““海鹽奶蓋阿華田鮮奶” 都幾特別，香港無咩茶飲店可以搵到。海鹽奶蓋咸咸地，而阿華田鮮奶就甜甜地，好彩阿華田鮮奶既甜味無被海鹽奶蓋咸味蓋住，每口既阿華田鮮奶都飲到少少海鹽既咸味，幾正幾特別！

屋企附近有間小食店，行過終於試下，外觀明明清潔，打破左小食店油煙既感覺！！！小食，飲品，甜品多種類，睇到我眼花花唔知揀咩好！！！！最後我今日揀左紅豆宇治抹茶鮮奶：紅豆量十足，甜度適中，又綿！！我自己好鍾意紅豆同鮮奶，完全係我鍾意嘅嘢飲！！好味道！！雞蛋仔新鮮出爐，即叫即整，脆再加厚實，中間無通空，但係都脆既！唔似得其他嗰啲雞蛋仔！！下次我都會再買來食！！係食過返尋味嘅嘢食！！下次嘅話我會再試下唔同嘅品項因為佢真係有好多嘢食呀！

學生最愛台飲店經過土瓜灣見到好多學生喺度飲珍珠奶茶，我都入去買番杯先。💛海鹽奶蓋阿華田鮮奶沙冰不得了不得了！可以唔奶蓋鹹鹹地，好Rich，一飲落去有好幸福嘅感覺啖啖奶蓋！阿華田鮮奶沙冰真係第一次飲濃濃嘅阿華田味原來做沙冰原來係咁夾㗎👍🏻👍🏻💛黑糖珍珠鮮奶黑糖珍珠好有咬口，好彈牙，呢杯黑糖珍珠鮮奶相對比較大杯夠晒抵飲！💛原味雞蛋仔即叫即整，外脆內軟，熱辣辣永遠係最好食最新鮮嘅👍🏻品臻 (天光道) (土瓜灣)土瓜灣天光道28號地下2號舖

章魚小丸子🐙🍢$20小丸子係即叫即整，所以好熱辣辣架🔥章魚🐙既分量都足夠既，每粒小丸子都有2粒章魚，而佢落左大量既海苔碎，口感幾豐富黑糖紅豆鮮奶🥛 $27有好靚既花紋，紅豆份量都幾多，而紅豆入面本身都夠甜，所以唔中意太甜既就可以嗌小甜芋泥芋圓鮮奶🥤 $32芋泥同鮮奶🥛既比例好恰當好處，芋泥原本落左甜，所以已經好好味，而芋圓既size係同珍珠一樣，所以口感好好，加上佢又夠煙韌，所以好出色而佢地有一兩張枱，可以俾你坐低慢慢飲

依間小店真係麻雀雖小、五臟俱全，原來除左有啲好特別嘅雞蛋仔外，例如雪糕雞蛋仔/珍珠奶茶雞蛋仔，另外仲有九份芋圓/黑糖剉冰/手搖，手搖有好多選擇，奶蓋/黑糖珍珠奶茶/芋圓鮮奶/養生茶/沙冰/果茶都有，仲仲仲有小食，印尼撈麵/鹽酥雞/章魚小丸子/燒賣/魚蛋。真係好平民價，$50已經可以食飽當一餐😂😂❗️-🤍Nutella榛子格仔餅 $19🤍海鹽奶蓋珍珠奶茶 $25🤍海鹽奶蓋茉香綠茶 $23-🤍Nutella榛子格仔餅⭐️⭐️⭐️⭐️即叫即整，餅底好軟熟好厚食到勁飽😂，周邊都有少少脆脆，依隻味係榛子加花生醬味，醬都搽得算多，兩隻味好夾😍😍/🤍海鹽奶蓋珍珠奶茶⭐️⭐️⭐️⭐️我之前飲過第二間既海鹽奶蓋真係好鹹，問番佢仲話係咁，因為係海鹽，搞到我有啲驚左😂不過今次照叫，係有鹹味，不過唔過份，只係小小鹹，仲幾好飲！奶茶就偏奶味，珍珠size偏細粒不過好多，仲好煙韌！/🤍海鹽奶蓋茉香綠茶依個偏重茶味，茉香味比較淡，解渴之選❗️⭐️⭐️⭐️-環境：7.5/10服務：7/10好味指數：8/10回頭率：8/10

同女朋友經開土瓜灣整d野，今日成32度加埋酷熱天氣警告，行到出曬汗😥。咁梗係去飲番杯凍野降降溫。入到呢間鋪，發現飲品種類都幾多下👍。店員係超級有禮貌，仲要係超級詳細咁介紹佢地既産品！😍芒果沙冰 (700cc $26)咁熱我就揀左杯沙冰解下渴。沙冰黎講，我覺得口感幾好幾特别，佢係有小小滑，入口個感覺好爽，我個人係幾鍾意😙。不過攪拌方面可能做得唔夠平均，有d位就甜d，有d位就酸小小。我覺得呢個位改善到就真係perfect，因爲本身芒果味都夠！加上夏天飲真係好解渴，正！😍海鹽奶蓋朱古力鮮奶 (700cc $27)女朋友叫左呢杯，係非常之驚喜。海鹽奶蓋最怕係太咸，佢呢個絕對唔會，調味剛剛好🤗。店員介紹話呢個奶蓋唔係用芝士做，係用雲呢拿做，因爲怕好多客人接受唔到芝士👍。我個人覺得個奶蓋真係好正好正！朱古力鮮奶都好滑，配埋奶蓋真係一流！😆皇牌榴槤雪糕雞蛋仔 ($32)雞蛋仔黎講，真係做得好好，蛋味足，而且夠脆。我第一次食雪糕雞蛋仔，本身覺得一凍一熱會好奇怪，但食落又覺得幾夾，係驚喜既！😀

📍品臻 (土瓜灣) 台式小店-呢間小店主要賣台式飲品，第一次食係試芋圓奶茶，超值$20 就大大杯，足料，好煙銀好食 ！除咗飲品仲有燒賣、腸粉、雞蛋仔、燒八爪魚丸，食物都好多樣化。-鋪頭細細入面得1-2個位，影相打卡位都幾靚！店員仲好有善， 成日放飯都會經過，感覺係良心小店，多做學生哥生意。支持下佢地，自從疫症後，見到生意都差左好多！-今次試咗朱古力雞蛋仔，感覺唔會太濃味，凍左仲好食d-燒八爪魚丸，個醬同個味都係好好食架，但因為佢將個八爪魚丸再煎翻熱，導致個外皮有啲硬。但除咗呢個問題我覺得好好食，入邊好軟身。如果即整即應該好正，奈何呢段時間無乜客人，唔能夠即整即食！加油！頂住！用餐日子🌾：lunch time ，平時行過口渴 想買d小食飲品都可以去試下架，特推芋圓系列，又平又好食！味道👅：7/10服務💁🏻‍♀️：7.5/10環境🌾：7.5/10人均消費💰：$20-40地址🧭：品臻 (土瓜灣)土瓜灣天光道28號地下2號舖

九份芋圓（$28)每次去台北我都一定會去九份食芋圓，QQ的芋圓配上冰涼既糖水，真係消暑良伴！而呢度既九份芋圓煙韌，口感非常唔錯，配埋豆花、紅豆等，口感勁豐富。肉鬆格仔餅（$18)呢度嘅格仔餅原來好高質，我地試左個肉鬆格仔餅，格仔餅香脆，中間又似蛋糕軟綿綿，加埋肉鬆更香之餘又更飽肚，而且奶醬既份量都啱啱好。另外叫左兩杯野飲，兩杯都做緊優惠，幾抵招牌小芋圓奶茶（$22大杯）香檳葡萄3Q氣泡飲（原價$27, 優惠價$22)

平時甚少到土瓜灣一帶因為唔多就腳，今日去開九龍城順便去土瓜灣食個tea，鋪頭嘅選擇都有唔少，飲品分為手作奶茶系列、果茶系列、鮮奶系列、沙冰系列等等，同其他手調飲品店一樣，某些飲品可以選擇甜度及冰塊份量。小食都有典型港式小食eg雞蛋仔、格仔餅、魚蛋、燒賣等等，豐儉由人呀我今日叫呢杯係22蚊黑糖珍珠奶茶700cc同埋雪糕雞蛋仔一份32蚊，飲品同食物都同朋友share黎食，咁樣卡路里可以攤分一下唔洗增磅yeah

耐無黎土瓜灣 原來呢頭多左好多地道小店 品臻以小食店黎講都幾舒服企理 仲有兩張枱仔俾客人坐低食嘢飲嘢 相當周到 海鹽奶蓋草莓果茶分量都幾大杯 而色調係非常治癒嘅桃粉色 先飲一口面層嘅奶蓋 質感細滑好creamy 海鹽令到奶香味更突出 而果茶嘅味道微甜啱啱好 係淡淡草莓果香 清新又解渴 🍓章魚小丸子小丸子即叫即製作 上菜嘅時候仲係熱騰騰 小丸子大細啱啱好 一啖可入口 面頭舖滿嘅海苔粉 同燒汁沙律醬味道非常夾 重點係粒粒章魚肉好足料！🤩

同朋友去開土瓜灣食飯，之後佢話口渴唔夠飽仲想飲杯野同食甜品，我地傾傾下計就行到黎呢間台式飲品同甜品既鋪頭，門面介紹左多款甜品，九份芋圓，仙草，豆腐花雞蛋仔等等我地叫左碗九份黑糖芋圓仙草，仙草有點苦，應該加左藥材所以比較清熱解毒，下火之選，我地加左配料紅豆好粉好大粒，芋圓，地瓜圓好煙韌，椰果爽口，之後仲叫左兩杯飲品，一杯黑糖珍珠奶茶，黑糖味香濃，珍珠好有咬口，奶茶味香，另一杯海鹽奶蓋烏龍茶，大大杯鹽味奶味分明，口感有層次。