影片
港鐵黃大仙站 A 出口, 步行約8分鐘
繼續閱讀
營業時間
今日營業
07:00 - 18:00
星期一至日
07:00 - 18:00
以上資料只供參考, 請與餐廳確認詳情
食家推介
7月22日揾食肥華同靚媽，到此間車仔麵店踩場，同是初到此店，但此店嘅，門面及外觀衛生環境，食客坐位舒適度，和員工形像及枱面上供食客用嘅調味醬料種類，此店都可以講，完勝環鳳街嗰間(友記姑姐小食店)至於食物方面，肥華今日所點嘅，車仔麵靈魂餸，豬皮，豬紅，蘿蔔，連埋個搭貨嘅牛腩，都係平平無奇，好食唔到佢，難食又冇佢份，至於個牛肚則唔夠淋又冇乜味，再加埋個偏硬身嘅粗麵，論食物質素，此店衹值B級評分，但雖然此店食物收費比(友記姑姐貴)但友記個進食環境實在不佳，所以若兩者選一，肥華寧願食貴少少，選擇到此店，食車仔麵
繼續閱讀
次次嚟都會食豬油渣, menu寫話係自家製, 真係好好食.必食嘅有牛腩, 豬油渣, 豬頸肉, 同埋要腩汁!!!!3餸加嘢飲先係$45, 仲可以試吓佢哋個辣菜寶🤞🏻同埋入面冷氣好夠, 唔會食到成身汗🙈
繼續閱讀
位於黃大仙銀鳳街嘅味源車仔麵，相信住附近嘅街坊都一定好熟悉，呢間小店唔做晚市，0700～1800，每日大約11am-3pm黎到都會見到有人排緊隊佢嘅形式係不論堂食定外賣都喺門口嘅車仔麵檔位到排隊揀粉麵揀餸，整好左會比客人自己落醬料，有沙嗲，咖喱，辣菜甫同蔥花都係任落嘅車仔餸選擇十分多，有啲係menu無嘅，埋到去見到有啲特別野可以問下姐姐係咩黎嘅，呢日就見到有豬軟骨，仲叫左酸齋蘿蔔同呢度好出名嘅豬油渣酸齋另外用碗仔上，酸甜味洽到好處，呢個酸齋好高分！豬油渣新鮮炸起，佢唔係細細條一粒粒嗰種，又長又大條，邪惡到一個點！佢炸得好脆好香口，一啲都唔覺得肥膩。豬軟骨係我喜歡嘅口感，好淋好正！除左車仔餸之外，我覺得佢嘅粉麵都特別好食，佢隻米粉好滑溜嫁，仲有上海麵都係，煮得啱啱好，呢度連銀針粉都有，我見到唔少人叫嫁最後重點想講，呢度主要做街坊生意，三餸車仔麵包一杯飲品都只係賣緊$45蚊，好抵食呀
繼續閱讀
快手送完寶貝哥返學校上興趣班，就亨亨鬆鬆去嘆返個早手餐啦🤭味源菜脯 + 豬油渣，真係無得輸🤤早晨唔想食咁多肉，整返個醒神酸齋同個粟米春卷.. 個春卷有少許遜色🤭 私心南記，加上真係有少少粉粉地🫣菜脯夠哂辣同香🤤 豬油渣炸到脆卜卜，香脆而不油膩🤤🤤🤤🤤 正正子❤️
繼續閱讀
今午同事好介紹 ... 往黃大仙祠後山坡上一條窄窄的斜路上泊好車（ 駕駛技術差少少請不要來！），看見前面有 一條人龍，嗯，正是這車仔麵店。嘩，三餸麵連咖啡茶，42元，多一餸加8元，抵到爛！點餸流程跟一般車仔麵沒分別，但由於食客太多，要先點餸才可內進 ... 嘩，竟然有銀針粉！點完麵，看看有什麼吸引 ...在這毫不起眼的角落，竟然有一碗柚皮！點硬啦！遠處有個炸爐，我問那個幫我選食物的Auntie：「嗰啲咩嚟㗎？」她沒有直接回答我，卻說：「呢個好好味㗎！」噢，遇上了難纏的top sales！最後發現，原來是炸魚卷。好，點完，我這碗車仔麵有油麵、豬手、柚皮、炸魚卷及豬皮，在這點餐的小桌末端，自己動手加了蔥、辣菜脯、及咖哩汁。我的同事點了其中一道鎮店之寶，“豬油渣”，還分享了兩條給我！我狼狽地拿著麵，四處張望之際，有一位店員auntie 很熱情的幫我們找了個空桌， 還幫我們放好了麵及飲品😘，今時今日仲有咁嘅服務態度，要給個Like！這店的麵食，老實說，品質普通，但反而車仔餸的品種多得很，且部份還很另類，如酸齋、柚皮及豬油渣，它們雖然比較冷門，但也是吸汁、香口的食材，其實很適合做車仔麵。我還看見有不少食客點了鳳爪、雞翼尖、牛筋等雖不冷但也不常見的車仔餸，當然，最重要還是味道，我那碗車仔麵就100分了，食材入味，香濃，加上自己動手的辣菜脯、咖哩汁也相當特別，喜歡多少加多少，跟車仔麵的味道及吃車仔麵的那種隨意十分夾。要返兜！
繼續閱讀
您可能會有興趣的...