吉豚屋吉列豬扒專門店 (已結業)

因為阿女媽好肚餓，所以求其見到餐廳就入左去，反正吉列豬扒應該都唔會難食得去邊，我地嗌左一個吉列豬扒飯一個吉列蝦飯，賣相都好好，食落豬扒好嫩，係豬扒原本就係咁嫩，因為豬扒好有豬味而不是醃料既味道，豬扒外皮都好鬆脆，而吉列蝦就比較濃味，因為炸物的咸味主要來自炸漿，而吉列蝦每啖食既炸漿比吉列豬扒多，因為吉列蝦較為濃味，之後我地亦嗌多左杯椰果荔枝茶，同樣好好飲，我地嗌左少冰，結果好好真係得兩粒冰，不過如果要再嗌就建議嗌埋少甜啦！

呢間餐廳其實成日都經過，但感覺好多人所以都無入去食，因為一個人比較喜歡去安靜/小人的餐廳。今日8點半左右經過，見唔算太多人，所以就決定入去試下。環境感覺就好似一般日式快餐，都算多坐位。旁邊仲有紙袋可以比大家放口罩。望住餐牌有好唔同既吉列，絕對選擇恐懼。一直在想要吃限定的滑蛋吉列豬扒鰻魚丼 或 吉列炸蝦豬扒定食，兩樣都想吃。最後我要了滑蛋吉列豬扒鰻魚丼 配飯$89賣相雖然同相片有出入，但都尚算有小小吸引。我返到屋企先發現原來佢無比跟餐的 野菜豚肉湯，定唔知係因為跟餐+9要巨峰乳酪特飲?滑蛋好滑好香，鰻魚都好有味好嫩，配飯一流。個吉列豬扒好厚身啖啖肉，不過配滑蛋就無左吉列既脆口感，有小小可惜。 唯有下次試下另1款看看。整體感覺唔錯，雖然唔算太大驚喜，但下次路過唔知食咩都會再入黎試試其他既吉列豬扒😉

今日出咗尖沙咀，晏晝時間有啲肚餓，諗起之前去過吉豚屋食晏，覺得唔錯，所以再去，原來而家有個特價餐，係星期一至日中午12點到6:00都有，一個吉列雞扒飯，大大碗都係$29 ，連加一都係$32到。雖然只係$32，但係真係好大碗，吉列雞扒係新鮮炸嘅，而且非常大塊，食完成碗飯簡直晚飯都唔使再食。不過我問過原來唔係間間分店都有，或者因為近排尖沙咀人流比較少，所以特登喺尖沙咀分店推出呢個優惠，如果成個定食嗌嘅話，都係加$10 ，就會有埋麵豉湯，真係窮人恩物！

今晚黎到尖沙咀食晚餐，想食下熱氣野就去左吉豚屋，冇食一排，今次一黎到見到個餐牌就有驚喜，期間限定吉列雞扒定食竟然只係39蚊，有雞扒有湯有飯，重可以加5蚊有炸蝦，加埋飲品唔洗50蚊就可以落樓。一般去開吉豚屋都係食吉列豬扒，不過見個定食咁抵就忍唔住試下。定食一上枱，份量都幾足夠，吉列雞扒雖然冇豬扒咁juicy不過都尚算過關，豬肉味噌湯保持水準，而且好足料。炸蝦方面做得唔錯，大細適中，以5蚊黎講真係好抵。唯一有啲失色就係杯飲品，我叫左椰果荔枝茶，味道有啲怪怪地，略嫌失色。

CA-TU-YA吉豚屋  吉列豬扒專門店 (尖沙咀分店)全港有8️⃣間分店既連鎖(平價)吉列豬扒專門店，唔計特價產品，平均都要$60一個飯，勝在所有野食都係即叫即炸，上黎既炸物都係熱辣辣~ 可惜外層炸漿炸得偏硬，入口會有DD刮口，但呢個價錢整體上一個餐連配菜同麵豉湯都已經相當抵食.配料方面有 生椰菜同面豉湯，都十分足料! 係食咁熱氣既食物既時候，食一啖生椰菜，超新鮮，水份好足💦，熱氣💥既感覺都消左一大半😭! 而麵豉湯唔會太咸，湯有紅同白蘿蔔、幾片豬肉片同洋蔥，咁足料既麵豉湯確係好少見～👏 其他食品雖然味道唔算好突出，但價錢一定係好抵食！午市一個滑蛋雞扒飯，只需$29！簡直就係糧尾恩物.. 評分推介排名既先後. 必點精選.💁🏻‍♀️吉列三重奏定食 ($75) - 三重奏係指1️⃣兩塊切開一半既豬肉餅、2️⃣一塊豬柳同3️⃣兩隻蝦 -- 豬肉餅都好淋好juicy，豬柳本來呢個位就偏瘦，所以都會有預佢偏乾，🤨但因為佢一塊唔算好大塊，所以可以接受，蝦就都彈牙😉 單睇份糧已經就好多！佢仲有3個醬配埋--豬扒醬、芝麻醬同他他醬👍抵.💁🏻‍♀️滑蛋雞扒飯(特價 $29) - 糧尾必點，雞扒雖然唔係靚料，又唔算炸得出色，

去香港想食日式吉列炸物仲要質素唔錯嘅唔係太多選擇，呢間都算又平，又低食，而質素都中上。吉列豬扒，外層炸漿香脆，炸蝦梗係好食！仲要都算幾大隻！因為疫情期間，仲送咗支漂白水俾我，不過有少少意外，完全未開過嘅漂白水，竟然冇扭實😑搞到溜到我成個袋都係😑😑😑真係多謝晒😐

最近武漢肺炎搞到大家人心惶惶，經濟差又驚中招，街都唔係好敢出，但公司又要迫人返工喎，唯有驚住返工搵野食公司附近原來有間餐廳又衛生又抵又好食，每個客人入餐廳前都要量體溫同檢查有冇帶隔離手帶，我入到去都安心曬！吉豚屋最平滑蛋吉列雞扒飯$29+1，加埋炸蝦都只係$34+1，最緊要係一d都唔媽夫！份量十足，雞扒鋪滿成個飯，一啖雞扒一啖飯都仲有雞扒剩，雞扒同炸蝦都外脆內軟，令人回味無窮，睇相都想再食多次，日日食！

吉豚屋是有名炸物飯，剛好有特價優惠，就試一下吉列雞扒飯。很多炸扒飯有個問題是炸起隔了不久炸皮會變潮，但吉豚屋卻做到炸出金黃色但仍乾身夠脆，十分出色，份量也不少，跟飯和湯一起上，足夠飽肚。

依家係尖沙咀返工，所以Lunch就周圍覓食喺寶勒巷見到呢間餐廳大大個poster激安$29至$39就吸引左我入去食咁我就叫左呢個炸雞扒同加$5加杯乳酸飲品個炸雞扒係幾好食嘅鬆軟同juicy不過分量就太少，對得起個價錢，但男士就應該唔夠食

對我來說，去尖沙咀找吃真的是幾困難的，不是太多人排隊，就是太貴，有時吃完，不是伏就是質素一般，往往都不知要吃什麼。今次在多重選擇下隨機入了吉豚屋，我之前都有聽過其他地方分店，但就第一次吃。我自己就點了滑蛋鰻魚鍋，套餐會連飯及麵豉湯。這個份量對我則剛剛好，但如果是比較大胃的人士就一定不夠，因為飯是真的有點少的。鰻魚算是厚肉，咬下去也幾juicy但有少少腥，不過都是可接受的。鰻魚汁也對味的，可是偏鹹，都要連多點白飯一起吃才可中和。我們另外再加$18點了唐揚炸雞share吃，有3件，炸得金黃香脆，幾不錯的。朋友則點了滑蛋吉列豬扒飯餐，份量很大，麵豉湯同飯都是大碗的。我沒有試他那份，但他說吉列豬扒也炸得很香脆鬆軟，加上這個價錢及地區，都算不錯。

好耐無食炸嘢, 要放肆一下! 吉列豬扒定食 $69 + $9 巨峰乳酸 ~ 外層炸漿香脆, 豬扒厚實, 椰菜絲香甜清新爽口! 滑蛋豬扒飯 $59 ~ 飯有點太爛太軟, 加上滑蛋豬扒汁後就更爛更淋, 有點少失望! 豬扒厚而實淨, 滑蛋份量比較少, 底下舖有煮過的洋蔥, 好香甜! 吉列炸蝦雞扒定食 $65 ~ 雞扒相對比較薄身, 炸後仍 Juicy! 另加 $5 吉列炸蝦一隻 ~ 絶不欺場的炸蝦! 大大隻, 又香又脆, 好滿足! 好喜愛豚肉湯, 滑蛋豬扒定食配上大碗湯, 其他2款定食配細碗湯! 麵豉湯足料有大量紅蘿蔔及洋蔥, 仲有片片豚肉, 無味精! 

唔好堂食！唔好堂食！唔好堂食！重要事情要講3次！未試過食一間餐廳 food panda單多到唔夠人手做堂食單，入坐係唔洗點排隊等位但堂食落完單等到個friend食哂自己個份都仲未到，嚴重人手不足同出單出到勁亂！真心想食既話建議外賣或者叫food panda la～Btw 定食跟個湯係麵豉湯味黎，有2片豚肉同幾片紅白蘿蔔，白蘿蔔係無渣既呢點用料幾好。炸物黎講雖然出名吉烈豬扒/豬柳但最好食其實係吉烈雞，蝦既話炸漿太多，飯就過硬似食橡膠甘加3蚊轉烏冬好過。桂花菊花蜜唔錯既。

本身很喜歡吃日本菜，因為味道清淡又不熱氣，今天好想吃吉列豬扖，也故意找了日本餐廳。餐廳環境很舒適，簡單的座位，乾淨的餐具，確實是日式快餐店的格局。叫了一個超值的吉列豬扖套餐(才$58!)，和一個蒲燒鰻魚飯，飯的質素很高，粒粒都晶瑩剔透而且十分飽滿，咬下去是啖啖的米香，日本米真是很好吃! 兩個菜都會有滑蛋鋪在上面，蛋的熟腍程度掌握得剛好，是半流質半固體的狀態，拌著飯吃特別美味。飲品是菊花蜜，味道偏甜，但整體來說所有東西都十分美味，是茶餐廳以外的選擇。

吉豚屋既吉列算係貼地, 唔貴正常一個飯60至80左右, 我就比較中意佢既滑蛋豬扒飯, 配埋佢既豬扒汁,吉列蝦就大部分都係緊炸粉, 一分錢一分貨, 依度既吉列唔夠鬆化唔夠脆。但係成個飯加埋佢個豬扒汁就會好味d, 間唔中去食下都ok既!

今日工作非常繁忙，未能準時食晏，兩點先吃飯，個肚打曬鼓，係公司附近快快搵食，見到吉列豬扒定食，快入，平時食飯時間人較多，兩點過後，店內只有兩三枱客，即落單，點了滑蛋豬扒飯加大麵鼓湯，仲有杯飲品-凍荔枝椰果紅茶， 等了幾分鍾就有得食，先飲湯，湯𥚃面有很多蘿蔔，湯料豐富，味道濃郁，讚👍，食主菜，滑蛋吉列豬扒飯，滑蛋汁份量不算少，吉列豬扒熱辣辣，不到10分鐘就食曬成個飯，是日食量有點大😜，但價錢與食物質素都很好，食飽飽，又要再返公司作戰了。