合興車仔麵

營業中

休息中

三點時段，身在元朗雞地附近，想到食車仔麵，於是走進了「元朗必是車仔麵-『合興』👉🏻分店」點了兩碗三餸麵，分別是$18牛腩、$9冬菇、$11鹵水豆腐、配$12油麵，共$50；另一碗是$12豬腸、$12雞翼、$9豬皮配$12米粉共$45。$18牛腩，只有4件，二大一小一牛根，味道一般，口感黏牙，份量少得可憐。$9冬菇，有3只，比5蚊大丁點，蠔油炆煮，正確味道$11鹵水豆腐，一份有4片，嫰滑中帶點鹵水香，筷子輕輕可以整片夾起而不爛，有驚喜，但份量又是少到無語$12油麵，為女士份量，大食的我吃不飽另一碗$12豬腸，鹵水味不錯，份量亦多，唯獨腸中的肥膏勁厚，不好肥的不懂欣賞$12雞翼，一份兩隻，屬中細size, 相同的鹵水味，皮已經久煮有的掉，肉有點過熟$9豬皮，豬皮清潔乾淨沒帶毛髮，味道正常，份量正常$12米粉，老公食完再去搵食總括而言，去合興是吃辣，如果不吃辣的話，點的食物都是統一的鹵水味道。而份量方面，亦是一大問題，價格與份量不成正比，如果無必要，都應該唔會再去

車仔麵名稱來源係舊時嘅攤販以經過改裝木頭車流動經營所得，比人嘅印象就係污糟唔衛生，因此，被稱為「嗱喳麵」依家食車仔麵都可以好奢侈，大部份貴得黎餸又少味道又差，而今次係透過社交媒體網站群組推薦，呢間係元朗人公認好食、多餸、環境衛生乾淨，價錢方面就見人見智，以我就覺得價錢係公道，因為食物水準好出色，值得比呢個價錢。聽聞合興車仔麵另一間分店水準更高，不過好多人排隊，好食嘅餸一早比人買晒曬。

合興車仔麵@元朗 元朗地道車仔麵一定會諗起合興啦🤣每次都會叫好多個餸先開心滿足😋不過各位朋友仔記得要食就要早少少去食，如果唔係晏左好多餸都會賣哂。 💥 豬腸雞翼尖麻辣豬耳米粉 HK$48豬腸有少少肥好淋好入味👍雞翼尖都係好入味唔會太淋爛溶溶👍麻辣豬耳好抵食好大碟，鹵水豬耳上配上麻辣醬好惹味，唔會太辣好好食👍 👍🏻 評分 : 8/ 10 💥豬紅牛腩鹵水豆腐咖哩魷魚河粉 HK$42豬紅真係好好食，唔會有血腥味，每次有都會心點👍牛坑腩就一般般，都好入味，唔會太柴鹵水豆腐又係好好食，好滑好有豆味👍咖哩魷魚灼完必然靠嗰辣汁，不過都幾辣，鍾意辣嘅朋友仔啱哂，因為粉麵湯底如要香辣汁都係呢個汁，所以好惹味好正😋 👍🏻 評分 : 8/ 10 合興車仔麵@元朗📍元朗鳳翔路69號建輝大廈地下3號舖

一諗起要食車仔麵，一定會嚟合興👍🏻信心保證。每次都要食幾個餸先滿足😘尤其是水魷，爽口彈牙，第二度真係食唔到。大家要食一定要早少少去，因為夜晚七點左右好多餸已經賣晒😜

呢間車仔麵 唔係hea做係屋企樓下 成日見坐滿人 去試下覺得幾好食推薦距個咖哩魷魚 個辣汁係幾過癮既如果去食 帶定外套 因為唔知點解冷氣開得特別大 係咪因為怕人叫得太辣😂老闆態度好好 幾幽默 似係人情味鋪頭 唔會話賺夠hea 做推薦～

趕時間去做運動，想食少少野墊個底，但又唔想食麵包咁Dry，機緣巧合之下就走咗入依間車仔麵店啦。本身諗住叫兩個餸，但佢最低消費要三餸加麵，所以就叫咗冬菇、魚片頭，麻辣豬耳油麵啦，炆冬菇食得出係心機之作，每粒都飲飽水咁，魚片頭就基本啦，最有驚喜嘅就係個麻辣豬耳！食咗一條我就決定下次要黎試晒其他麻辣汁嘅餸！麻辣豬耳因為有辣油，所以係另上的，唔會俾啲湯沖淡晒，麻辣汁係又麻又辣，仲得意地有少少甜（可能我條脷壞咗），豬耳爽脆彈牙，唔似某仔米線咁會麻到苦，真係後悔冇叫多幾個餸！

🚩合興車仔麵雞地附近諗唔到食咩就食左合興，我就比較鐘意食呢間多過安寧路個面個間。由疫情開始，佢地就已經一直有做外賣優惠45蚊五餸一麵。除左17蚊嘅餸唔揀得，其他嘅都揀得❣️佢地嘅豬腸同豬紅都好好食🤤🤤

全港有好多間車仔麵，但不是間間都正常發揮，價錢合理，有時真係幫襯到好激氣例如餸是隨便搵個阿姐白烚就捧上餐桌，仲要好像唔捨得俾客人食咁，餸得啲啲仔，湯底求其俾啲辣椒油加味精湯，咁樣就收客人四五十蚊碗。合興車仔麵絕對是我敢推薦俾朋友幫襯的車仔麵，首先湯底很香很濃，我選了腩汁加微辣，餸是很豐富不小器，我選了最基本最便宜的餸，豬紅魚蛋白蘿蔔，每樣餸都是個別調味，不是白烚然後額外加汁就算絕對夠餵飽一個正常成年人的份量。車仔麵是香港傳統美食，不用玩太多花巧野，專心鑽研好基本功做得好已不是易事。

本來想搵間cafe食個tea，點知附近Cafe求其食個普通三文治最平都$80，貴到呢😮‍💨😮‍💨😮‍💨 咁啱行過合興，醒起之前有幾次想食嘅嘢都賣晒，撞彩試吓入去食，點知勁好彩今日咩都有🤭價錢同其他車仔麵店差唔多，都算幾多款揀叫咗河粉配雞翼、豬腸、魚片頭+腩汁(中辣）雞翼($12/2)滷得好入味🐓，豬腸($12)份量好多，多到懶得數😂食曬啲麵同其他餸都仲有豬腸👍🏻 魚片頭($10/3)就一般貨色冇咩特別～湯底夠濃味，中辣好正，比其他車仔麵檔更加辣🌶唔食得辣嘅唔好亂挑戰🤣店員服務好好，本身想拎杯水飲，不過原來剩係得支裝水叫，店員都有解釋話佢哋不嬲都冇提供水，重驚係個湯底太辣，話可以幫我換過碗（不過我真係純粹口渴😆埋單💰$46💰以後元朗車仔麵首選呢間🤟🏻🤟🏻🤟🏻

未試過堂食一直都係買外賣番屋企慢慢歎每次都keep到水準唔會令人失望之前嘅抗疫42蚊碗一直都keep住買肥叔叔好好人好nice 坦白講整體員工態度比大橋果間好好多即使我去呢間唔就腳我都寧願幫襯呢邊

我認為元朗合興車仔麵係神級車仔麵，個人比較喜歡近Yoho間分店，因為坐得比較舒服，店舖比較大，平時有個肥叔叔幫手落單好客有好傾。講番食物，至少3餸唔計麵，淨餸就要叫4餸。最出色一定係佢個咖哩魷魚，會另上嫁。個辣真係超正，所以你基本唔洗再簡辣，直接用魷魚個辣汁就可以啦。 魷魚爽口彈牙。其次我最愛就係豬紅、豬腸、牛孖筋同木耳餃。所有餸都好入味，而且份量勁多。豬腸唔會臭，豬紅辣辣地。湯底我通常簡滷水汁。每次埋單介乎50-60蚊，但係食到勁飽。好滿足。

食車仔麵黎講，我最注重嗰湯底，仲要係辣既湯底。因為超食得辣既關係，好多間車仔麵既辣對我黎講都唔夠辣。之前朋友試過呢間，佢話好辣，辣過佢食過所有既車仔麵，竟然係咁，我就試下。去到見間鋪頭都幾乾淨，店員服務都ok~呢間屬於港式辣，鹹左少少，但係味精明顯唔多，辣喺口腔，沒落喉嚨既，唔錯～餸揀左咖喱魷魚，豬腸同冬菇，味道都唔錯，而且份量好多！咖喱魷魚係分開上，係厚身既醬汁，味道唔錯，魷魚好爽口。豬腸係新鮮豬腸，味道都幾好。冬菇有炆過，都ok 既。

這間車仔麵配料選擇非常多, 差不多有三十款餸可以選擇我最喜歡點豬大腸, 是必點的配料之一, 陳皮魚蛋及咖喱魷魚🦑, 辣汁是他們家都精華所在, 是他們秘製的醬汁, 我選的是大辣再加辣🌶, 麵上面就是辣汁, 喜歡食辣的朋友必選, 十分惹味！咖喱魷魚是分開另上的, 店員會再放辣汁, 如果不需要記得點魷魚前同店員走辣汁份量超多絕不手軟, 整碗都是配料, 非常滿足！豬大腸乾淨無異味, 咖喱魷魚爽口彈牙, 是我喜歡車仔麵之一, 絕對食上癮, 一試就愛上😍🌟 注意：小店辣醬出名超辣, 記得就自己食辣程度🌶🌶🌶

合興車仔麵今日一早約咗朋友行山，行之前梗係要食飽個肚先起行啦。咁我地揾咗冇耐就行咗入合興車仔麵食個午餐。由於係疫情期間，好少人選擇堂，但店外既外排隊買外賣既人係冇停過既。而係疫情呢段時間佢地都推出咗抗疫麵餐，好抵食！合興比食客揀餸既種類正常，而湯底方面就可以選擇清湯，滷水汁，腩汁同埋辣汁。行山之前我地都唔食得太油膩，廢事行行下要揾廁所，所以我地咗滷水油試下。 ps 我地見到有人叫咗大辣，湯底呈深紅色，而且睇落好杰身下，喜歡食辣既朋友可以試下！咁我自己就揀咗韮菜餃，芝士腸同埋豬大腸，而男朋友就叫咗芝士丸，滷水豆腐同埋豬脷。落單後十分鐘到就上枱啦。芝士腸品質正常。韮菜餃都算幾大隻，肉眼睇都見到佢好飽滿，食落韮菜味幾香，但入面有少少木耳絲，可能係為咗增添少少口感，但我覺得韮菜加豬肉已經係perfect match，有木耳返而冇咁好味。而豬大腸，品質好好，大腸入味之餘亦唔會太韌咬唔開，推薦大家食！而男朋友果碗，芝士丸正常。豬脷份量幾多，而且豬脷都幾厚切，厚得黎唔會太韌，幾好食。而滷水豆腐幾有驚喜，豆腐外皮有好香滷水味，豆腐本身亦散發好明顯既豆味。豆腐好新鮮，唔會一夾就散，推薦大家試下！男朋友仲

好耐無食過呢間車仔麵，主要係因為呢間飯市時間真係好鬼多人，不過終於忍唔住口去食。至從疫情開始佢已經做緊$42五餸麵，不過入到去比錢果陣個伙計都係照當左正價既五餸麵，所以一定要記得同佢講係要抗疫果個五餸麵。咁一碗就要咗雞翼、豬耳、豬腸、豬紅、雲吞。雞翼同豬紅都係正正常常無咩特別；豬耳好大舊，不過同時都好多毛；豬腸都唔會話咬唔開；而雲吞應該係用黎打邊爐既果種雲吞，唔好期望會係鮮蝦雲吞。不過真係好多餸，可以食到飽一飽。另外一碗就要咗豬腸、豬紅、冬菇、豬皮、牛柏葉。豬皮同牛柏葉都好爽口；而冬菇就好冧好入味。