古琴雅苑 (QRE Plaza)

營業中

休息中

主打嘅北京填鴨量多但偏乾柴，整體食物一般，唔伏但唔係好食🥶。・・・・・・・・・・・・・・・・・・・・🪿 烤北京填鴨 (半) HK$218・味道：份量幾多，二人share嘅話一人有7-8個餅皮包鴨。包晒啲餅皮仲有半碟鴨淨。鴨皮睇到油香但食唔出，冇乜鴨味。偏瘦唔夠油脂所以食落唔夠香口，暖返啲更好，一般～・口感：未到食到一絲絲肉嘅柴，但因為偏瘦而且煮得熟咗啲，所以乾身唔嫩。🐟 古琴酸菜魚 HK$88・味道：正常發揮，魚都有6-7塊左右，滑身好食。好多酸菜，湯底都夠酸味，整體不錯～・口感：順喉，飲咗半碗湯都唔會渴。🍴 南翔小籠包 (6件) HK$82・味道：同樣正常發揮，肉餡好飽滿，湯汁亦夠多，醃味正常。皮未到好薄，中等厚度，可一戰。・口感：juicy！每粒小籠包底下都會有個紅蘿蔔墊住，避免因為小籠包同籠底張紙痴住而漏湯汁，幾細心嘅呢～🦀 蟹粉蓋飯 HK$198・味道：睇落好濃食落唔係，用茨打到好似好濃嘅蟹汁，但其實食唔出乜嘢蟹膏味，反而有好多蟹肉。唔知點解個炒飯要落三色豆🤡？冇其他餸喇，呢個唔值啊，不了🫸🏻！・口感：炒飯偏濕，可能個茨汁太勁～・・・・・・・・・・・・・・・・・・・・🤰性價比：

早已並非首次到古琴雅苑，可謂是在香港品嘗片皮鴨的不二之選，除了灣仔QRE Plaza之外尖沙咀及銅鑼灣亦有分店。南翔小籠包 ($82)餡料肉汁豐富，外皮不會過分透薄易破但亦不至過於厚實。津白雲吞湯 ($145)雲吞皮薄餡靚蝦肉爽彈，加上豆腐及津白湯頭清甜但性價比較低。蟹粉蓋飯 ($198)飯底加入蛋及青豆炒得粒粒分明，淋上蟹粉澎湃滿瀉，濃郁醇厚不過整體而言鹹度稍高。荷葉杭州雞 ($360)由於製作需時故此道菜式約等了整整一小時，雖然荷葉香氣並不如想像中滲入雞肉，但雞肉皮滑肉嫩之餘細緻多汁實在令人喜出望外，味道香甜近似瑞士汁。意大利黑醋骨 ($98)排骨加上黑醋汁煮得入味，酸甜開胃。烤北京填鴨 ($428)全隻烤鴨連皮帶肉分出兩大盤之餘每盤滿滿當當並非只得表面一層。是次肉質較瘦配上傳統京醬、京葱、青瓜、自家製蜂蜜黃梅醬及哈蜜瓜份外清爽。不得不提精髓所在正是鴨胸皮「一口酥」，蘸上砂糖入口油潤鬆脆。

好耐無同兩位朋友吃飯, 由於其中一位朋友有coupon同埋未試過呢間餐廳, 又想食吓片皮鴨, 所以黎呢到用餐~我地3個, 叫左佢既至二人餐 - 至尊鮑魚海鮮餐 - $998, 因為我地係3個人, 所以問侍應加多一份鮑魚幾錢, 佢話只需要幾十蚊, 我地諗應係50蚊到卦, 結果係$82, 隻鮑魚又唔係大隻又只是凍食, 又講唔出好鮮甜, 真係唔值呢個價錢加埋一係需要$90.之後我地都加左一位蟹粉鮮魚羹, 套餐只包兩位,  問侍應加幾多錢又係話幾十蚊, 結果係$88, 加埋一係$96.8, 忠蟹粉鮮魚羹比較味精, 同埋蟹粉鮮魚唔多, 味道好一般, 好失望, 如果侍應一早同地講明係要加呢個價錢再加一, 我地係唔會叫, 最重要係又唔係話好食~片皮鴨比較乾和凍, 無咩鴨味.醉雞經Open rice訂位送的, 但酒味唔香濃, 食到雪雞味, 麻麻地.其他菜式又係好一般, 都費事寫~賣單未計可以扣coupon, 套餐免加一, 但散叫就要加一, 加埋餐前小碟和茶介加一, 合供$1225, 每人平均$408, 咁既質素, 真係唔值呢個價錢, 應該唔會再黎~

去到19樓，然後話安排左10樓比我，又落番10樓。叫左半隻鴨，一個鮑魚小炒肉，一條松子魚。無一樣野係熱嘅⋯最多話佢暖，連叫個飯都等左好耐。鮑魚小炒肉仲要切到勁薄身，講真圖六不符得好誇張，鮑魚仔成本其實好低，黎到都呆一呆。鴨，第一樣叫嘅野，成個鐘先上，仲要凍嘅。。。唔好食，啲卷鴨皮得幾片，再叫又收$48。條魚，叫ok la, 都唔係好突出。本身同父母黎，好彩最後佢哋唔舒服嚟唔到，如果唔係真係食得唔開心。埋單成千蚊，仲有埋單去爭啲冇減返個訂座$500按金，又係要等，要出聲，其實都唔知食咗啲乜。然後今日發現，冇俾到個訂座優惠。冇下次luuuu…

We booked a table for 10 and were excited to try the Peking Duck. The sliced ducks were served on duck-shaped plates. However we must say that the ducks were quite disappointing becos they were cold, the wraps were not hot at all, but they were supposed to be steamed and served. It’s also sad that the skin of the duck slices was not crispy at all. The condiments were served in full range though- they even gave melon sticks in addition to the ordinary cucumber sticks. Since we came in a big group

我哋成家人都好喜歡食北京填鴨🐤，早幾年阿囡生日飯我哋都係喺古琴雅苑食，佢哋既北京填鴨師承北京「全聚德」，以傳統掛爐烤製，份外皮脆肉嫩，口味正宗。今次到訪灣仔QRE分店，水準仍然無令我失望👍。🥢烤北京填鴨上菜特別快，北京烤鴨每片大小均等排列整齊，賣相美觀，也突顯出眾的刀功。烤鴨皮香飽滿，肉質鮮嫩，一點都不肥膩，配上煙韌的餅皮和配料更好吃，除了常見的青瓜🥒、京蔥、烤鴨醬外，更附上蜂蜜黃梅醬、哈蜜瓜🍋‍🟩和砂糖，很有新意，酸酸甜甜更解油膩，口感豐富又不失烤鴨的香味😋。🥢花雕醉雞雞件工整，皮薄肉爽，酒味清澈甘香，不會太澀搶去雞味。🥢爆火鮑魚小炒肉肉片爽彈入味有嚼勁，加入蒜芯增加香氣，仲有切片鮑魚和秘製醬汁，香辣惹味，簡簡單單既配料，加埋鑊氣，已經夠晒好味，送飯一流。🥢木桶包菜飯 菜飯加上醬油炒香，粒粒分明，口感清新，放木桶上菜顏值提升了，增添優雅感。🥢高力香蕉豆沙 京滬菜中我最喜歡的甜品，飽滿又充滿空氣感的蛋白包裹豆沙加香蕉，味道更豐富，香蕉可減少純豆沙的甜膩感。最欣賞佢哋上菜夠快，又保持到賣相同水準，想食北京烤鴨都會諗起依度👍

之前有光顧過尖沙咀的分店，覺得質素不錯，便約了在港島工作的朋友一起試試灣仔店。十分喜歡古琴雅苑的茶，跟普遍茶樓不一樣，有不同的花茶(桂花烏龍、玫瑰等)。1️⃣古琴酒糟烤北京填鴨（半隻）$238鴨肉肉嫩同時能保持皮脆，不會被烤得乾乾的。每片鴨肉的厚度均勻，油香十足，配上京醬、秘製的黃梅醬、京蔥、哈蜜瓜、青瓜等配料，再用充滿彈性的餅皮包裹著，兩款瓜類爽口清新，能減少油膩感。隨鴨還奉送一份鴨皮一口酥，蘸上少量砂糖一起吃，十分特別。2️⃣錦繡大盤雞 $258看到桌上「春日尋味 歡聚古琴」的餐牌，餐牌上的5款菜式剛好都是上次沒有嚐過的，最終選了大盤雞。本想點白飯，但原來真的很大一盤，而且還有麵條在底下，所以已經很足夠了。醬汁不是太辣，每件雞件都很入味，而且肉嫩，配料也很多。

食物ok, 環境嘈，服務態度差！上菜超級快，感覺好趕時間，上菜時弄跌客人筷子, 若無其事！另一次上菜時，咁啱客人夾緊餸，弄掉食物在客人身上，亦若無其事！最後，舉手示意想order甜品，職員沒有詢問什麼事，直接列印賬單，以為客人舉手示意埋單！

一行四人訂了枱，家中92歲的婆婆在家人陪同下先行到達，婆婆年紀大，每到一個地方都要先到洗手間，於是家人在入座前，向該店主管表示想先帶婆婆到洗手間，該職員卻非常無禮貌，以非常不屑及不耐煩的態度表示，曾經來過都不知道洗手間在哪？（家人入座前曾討論似乎到過該店）當時店內只有約兩枱客人，並不繁忙，家人亦非故意找職員麻煩，只是問一句洗手間位置，洗手間亦非職員洗手間，有向顧客開放，完全無洗理解為何要遭受如此對待，感到非常憤怒。絕對不會再到該店！難怪大家都說香港餐飲業服務每況越下！

Lift門一開就係reception位置放工時間6點30左右去到 坐滿7成枱，好彩早少少上去除左片皮鴨係必點招牌 見佢地Menu做緊「春日尋味」...既然特別mention 一於點黎試試🫖一坐底就有小碟奉上，有幾款茶可以揀 揀左瑰荔堂煌 養眼又充滿霸氣的名字 係玫瑰荔枝茶🌹，倒落杯時 香濃玫瑰味隨即飄出🦆烤北京填鴨 (半隻) $228鴨仔造型碟上菜 可愛的🐤，鴨肉份量多 有好多片另有一份淨鴨皮 店員姐姐推介可沾砂糖或黃梅醬直接食 的確入口鬆化即溶6小碟烤鴨配料中有哈蜜瓜 片皮鴨夾入哈蜜瓜令整體食落清新甜美 仲多左份鬆化爽脆感 坊間好少呢個配搭，💕餅皮上手輕薄彈滑 由蒸籠上一直保溫 每一片都有一張蒸籠紙隔開 暫時係食過最好食既餅皮🐷東坡肘子 $268好大隻豬手 整隻都燉煮得軟腍 肥美而不膩 ，外皮滿滿骨膠原，瘦肉部分做到一夾就斷* 茶芥 @$18* 收+1服務費* 份量大 無點澱粉類都好夠飽

古琴雅苑 (灣仔分店)📍灣仔皇后大道東202號QRE Plaza 19樓QRE Plaza 有好多唔同餐廳，今次我哋就揀咗中菜，上海菜式係我哋嘅至愛💕😋 至尊拼盤有選擇困難症嘅我哋，都係揀個拼盤，可以一次過試哂五款小食：花雕醉雞、手拍黃瓜、雞絲粉皮、四喜烤麩以及水晶肉。醉雞嘅酒味調教得幾好，酸瓜亦好開胃。😋 金銀炒鱔糊炒得幾惹味，配白飯食一流，不過鱔味唔算好出。😋 上海粗炒麵粗炒麵嘅質感煙韌，唔會太淋，亦不算太油。😋 酸辣湯酸辣湯好足料，少少酸，又不會太辣，朋友不好辣都飲到👍🏻📸環境我哋坐卡位，座位闊落，傾計舒服。平日晚市都幾旺，大家可以book定位~

古琴雅苑有3間分店，今日喺灣仔QRE嘅呢間座位開揚，但座位數量唔算多，假日前book定位就穩陣啲。🔸烤北京填鴨 半隻$228 🦆配料有6,7款，仲可以免費添加京醬、蜂蜜黃梅將等配料，特別會有一小碟烤鴨皮係專門設計俾你點白糖黎食。半隻鴨份量頗多，餅皮薄而軟熟，約10塊，夾住京蔥哈密瓜等配料食首先威受到嘅係甜味，再之後係鴨油嘅香。皮屬佳作甘香油而不膩，肉質則一般唔夠嫩🔸爆火鮑魚小炒肉 $188春日尋味新餐牌仲有期間限定菜式，鮑魚切片卻有保持一定厚度，入口爽彈惹味，肉和韮菜入味，辣度約小辣偏辣🔸南翔小籠包 $88一籠6隻，皮算薄唔易穿，肉同湯比例適中，發揮正常

🌟整體評分: 7/10🌟❤️味道：7/10🧡環境：7/10🩵服務：7/10💚性價比：7/10💗小朋友喜愛度：7/10公司有外國同事嚟香港，當然要帶佢試吓中菜。超級期待片皮鴨！餐廳走平民格局，卡位有啲迫，但總算乾淨企理。一行七人叫咗風味頭盤，雲吞雞，小籠包，松子魚，醉雞，高力豆沙，當然唔少得片皮鴨。食物份量正常，連味道都普通正常，同連鎖店翡翠/上海姥姥等質素差不多，真係無咩心水推介。主角片皮鴨上枱時竟然唔熱又唔脆…作為一間以片皮鴨作為招徠嘅餐廳，確實係有啲失望。

古琴酒糟烤北京填鴨 $228 半隻烤北京填鴨新鮮出爐，皮脆肉嫩煙韌鴨卷餅放上爽口青瓜、京蔥及哈蜜瓜，再沾上秘製蜂蜜黃梅醬及惹味京醬，餅皮包裹甜酸爽口的配料，令油膩感減半，兩啖食哂口感層次豐富。如果餅皮可以改善做埋保暖的作用會更佳，因為傾傾下計已經好快凍哂。至尊拼盤 $208至尊拼盤嘅擺盤好有心思，花雕醉雞作為主角，旁邊則有四款涼菜，岩哂三心兩意之人，有齊哂雞絲粉皮、手拍黃瓜、四喜烤麩以及層次分別水間肉，四款涼菜過足口癮，如果雞件酒醉更濃份量多少少CP就更合理。南翔小籠包 $82熱辣辣即叫即蒸，雖然湯汁唔係驚豔，但粒粒有熱湯暖胃，見每檯除左北京填鴨就係呢客小籠包，可以話必點嘅上海菜招牌之一。香菜鮮魚羹 $52/each 兩位起最近入夜稍涼熱羹暖肚值得一試，份量好足，有魚肉配蛋白撞鮮魚羹營養豐富。蟹粉扒小棠菜 $168菜款選左較期待嘅蟹粉款，不過稍為有回失望，畢竟想像中嘅蟹粉濃郁程度未如圖片所示咁吸睛，出品嘅CP 值算係中低等，分店詳情尖沙咀北京道12A號太子集團中心15樓銅鑼灣波斯富街99號利舞臺廣場8樓B號舖灣仔皇后大道東202號QRE Plaza 19樓@ZitherGarden

上海菜館@灣仔專程來到皇后大道東QRF 19樓品嘗上海菜式：🥢金華火腿濃湯津白津白色澤亮麗又甜又冧，配合濃郁金腿二者夾食，一濃一淡味道天衣無縫，確實有一手！✌🏼✌🏼🥢🦀🍚蟹粉蓋飯蟹肉鮮美汁濃惹味，帶有些微海水風味，淋上整碟白飯令人食不停口，而且食落鹹香鹹香又唔會有腥味，這味菜式做得不錯👌🏼👌🏼！🥢南翔小籠包每隻小籠包底部都有一塊厚薄適中的紅蘿蔔🥕，廚師🧑🏼‍🍳有可能想防止包汁滲出，保留原汁原味，而食落真係汁濃肉甜包皮柔軟可口！👍👍Like🥢鹹脆花生🥜餐前端來一碟惹味花生，爽口好食咬落卜卜響，飲啖芬芳嘅玫瑰🌹茘枝茶🫖，天下絕配！餐館晚上10時就打洋，訂柗要早啲！📞📞