原燒

營業中

休息中

放lunch 就是每天令人期待的時間之一，可以離開公司暫時到出面走一走！為自己充充電，迎接下午的工作！！在黃大仙或慈雲山一帶就比較少有日式餐廳，這是其中一間！若不是朋友帶路的話，真的會比較難搵到呢！😆😆豚肉扒烏冬&芒果綠茶～豬扒不是采用炸的模式反而用上醬油做調味煎起，唔會太過熱氣，但又不失醬油香味！可惜有一點乾身！烏冬方面用上讚歧烏冬比較有口感彈牙！不會只有麵粉感的那隻烏冬！豬骨湯底味道偏淡，略嫌有點油膩感！需要改善！用$40的價錢還包一杯台式飲料，已經可算是不能有太多要求了！只是坐位較少，有時還需要坐在室外，夏天就不太適合了！

今日難得無帶飯 同同事出街 起公司附近食就算就近近地去「原燒」啦😍😍位本身唔多 有心去食可以早d打電話去book位 今日點左鮮蕃茄雞扒飯 蕃茄汁有用蕃茄 同洋蔥去煮 好睇得出唔係普通蕃茄汁加水煮開就算💪🏻💪🏻雞扒有用燒汁煮 再煎過 雞扒皮脆 但肉又多汁 一切d汁就湧出黎 煎到岩岩好😋😋再配一杯珍珠奶茶 可以揀少冰少甜 岩哂女仔既同行友人揀左肉燥飯 荔枝茶聞落已經好香荔枝味不過整體黎講 飲品就算少甜 或正常甜度 都算偏甜😅😅

早排係黃大仙返工，朋友介紹話幾好食，不過間野比較細，話可以lunch time仲可以訂枱服務，真係好貼心，lunch time好彩放1點半，學生哥佢地都己經返晒學，唔駛等位入去，個段時間人唔算多，位真係有啲迫既如果全部坐晒，有飯有鳥東有拉面，不過飯的種類冇面咁多揀，40蚊仲有埋杯珍珠奶茶真係好抵食丫！我覺得本身啲雞扒都己經好夠味，叫咖哩就好像晒左咁，哈哈哈...如果下次都經過呢度都想試下佢地晚餐，午餐真心抵可以黎

今日lunch經過見到好多學生係門口度等。就睇下食啲咩喇！原來係食d日式定食，烏冬拉麵個類。都幾多選擇，同見價錢唔會好貴。40蚊就有，仲配埋一杯是日特飲 👍😀點餐方式，係用餐廳提供既白板筆畫落餐牌。有夠環保！👍👍叫左雞翼配 讚歧烏冬。雞翼新鮮即炸，所以好熱。配有泰式辣醬。食落更加開胃，酸酸甜甜。而雞翼三隻都幾大隻喎，好多肉食，唔會好瘦。👍👍烏冬係豬骨湯底，覺得唔夠濃味，但額外加上七味粉，就岩岩好喇！！少少辣，食落都幾好味！😃再叫左荔枝汁。 甜左少少整體黎講，都唔錯！

黎到黃大仙食lunch.發現到呢間隱世餐廳。個名幾特別，叫原燒😄可能lunch時間，好多同學仔都係度食飯。好彩等一陣都有位坐。😁見佢個lunch set都幾抵吃，＄40，學生再平5蚊。有一款小食揀，再揀拉面/烏冬/or肉燥/咖喱/蕃茄 飯，再有是日野飲一杯。我就吃了七味雞翼，肉燥飯。哇，都幾大碟喎！！雞翼即刻整，所以仲好熱辣辣。雞翼有dd辣，食落好味！朋友食左雞扒。哇，又係好大份！😃再額外加錢叫左日式餃子。又係即炸，小心熱親。食落好味！外脆的😊咁大份，又抵食，唔怪得咁多學生黎吃啦！😂😂

放lunch time 係一件另人期待既事可以出街鬆一鬆黎依度番工一短時間唔係幾熟路 今日同事帶路去左附近一間食拉麵間餐廳位於街口一個角落其實都方便，不過有少少隱世小店feel 我叫左燒雞拉麵燒雞頗大塊拉麵略嫌少少偏咸拉麵亦頗爽口，唔會偏淋-朋友叫左肉燥雞翼飯雞翼唔算大隻，炸得香口肉燥都唔會油膩用黎撈飯的確唔錯-我地叫左份小食share 餃子皮煎得幾香脆 皮有少少過厚-跟餐有埋飲品餐廳亦有WiFi 供應呢食飽飽 倒數三個幾鐘就放工啦Yeah 😜

幾年前的原燒係 CP 值極高的隱世小店，每月都會特登去幫襯。唔知幾時開始，熟悉的店員不見了，估計是易手了。現在的原燒已經大大不如前，食物質素和種類下降，特別的芥末冷拉麵沒有了，用料和調味都變得平庸，我唔會山長水遠去食。最重要係 d服務態度差到震，基本的禮貌都無。店員接電話的態度非常惡劣!！三個字：無下次!！

朋友提議食宵夜，係我最鍾意嘅串燒啊。呢度嘅串燒選擇好豐富，由海鮮到普通嘅豬牛雞都有，豐儉由人，價錢仲幾親民添。令我哋更加滿足嘅係，呢度有埋生啤飲架。我哋第一round叫咗燒牛舌，燒雞，同埋燒墨魚咀，當中我最鍾意嘅就係燒墨魚咀。上枱熱辣辣，香氣四溢。食落去好有咬口，燒得好香脆，而且醬汁亦都好夠味，非常頂癮。好快就食晒，食下傾下，食夠4 round先走啊！

第一次來到原燒，叫了雞奕、清酒煮蜆、娃娃菜，再另加一個烏冬及芝士豬扒。小辣雞奕十分好味，雞奕漲卜卜，微辣但又有七味粉香味！超好味！清酒煮蜆仲落左菇類一齊整，原個燒兜熱辣辣上枱，酒味就差咁Ｄ，但蜆肉好肥好爽，一咬爆汁，鮮甜！至於烏冬豬味，娃娃菜就普通貨色！

之前一直聽過朋友話依間鋪好味，值得翻桌，以為之前燒左冇左就冇去，但咁岩雜誌又有介紹哦，就咁決定一試啦。7點去到間鋪，得一枱自己人，位置任揀，最後因為今日天氣ok同埋內堂冷氣嘈，就坐出面啦。坐低即刻叫杯hoegaarden，用心睇左佢d介紹，問左老闆娘大辣係咁好辣，佢話唔算，咁就當然怕伏叫左串格斯牛，雞翼，試左個辣先啦，點知辣得微，不過算啦，姐唔洗擔辣過火，就開始想點就點模式，叫左。白鱔，雞中翼，雞全翼，牛脷，花甲，蠔，金菇，菠蘿，茄子，腩肉蕃茄，羊串，x軟骨，多春魚，羊架，大概咁上下。。。但十分遺憾，佢好似唔記得左落大辣已經唔講，係直頭冇落辣，不過食物本身新鮮同有醃料，所以都算。最正係蠔，真係正。其他真係只可以用正常黎形容。另外特別試左個益力多sake，佢既清新就呃左人飲2杯落到肚。服務果到都ok，因為鋪唔多客，真係老闆娘自己做返，都客氣有禮，但佢記性應該麻麻，提左佢落辣又冇，叫杯凍綠茶唔記得落冰，唔記得落多左杯飲，不過依d少事唔影響盤生意啦。吹水都係一個好地方黎既，又有得叫酒，慢慢坐最後食串燒預左冇得計咁多錢下，埋單千二蚊到。

起我學琴的地方附近有一間《原燒》，位置屬慈雲山，其實不是去琴行都不會注意得到有一間燒烤店，實在太隱蔽了。有見及此，我就跟家人去一試！一口氣點了不少食物，有招牌燒雞扒、厚玉子、雞肉、牛肉、金菇、雞泡魚乾、茄子、日本年糕、炸蠔、燒菠蘿、燒午餐肉等等。上菜時間不算迅速，算是尚可接受的，至少是一碟接一碟。 燒烤最重要是調味，幸好不是每款食品都用上孜然粉，有放用心在調味。食物質素就最有驚喜是燒午餐肉、厚燒玉子及燒雞扒。燒午餐肉燒得香口又不會燒得過硬，加上小小鹽調味，入口更惹味，而且是坊間少見。個人建議必點！厚燒玉子就燒成四方柱體，蛋味香甜，外脆內嫩。我是食了一round再encore多一次，真的很好味！招牌燒雞扒，雞皮燒到卜卜脆，應該形容它為雞皮乾，加上芝麻更香口，而雞肉質地很嫩滑，只是油多了點。 唯一失望的是雞泡魚乾，燒得不脆身很硬，而且醬汁太多，有濕痴痴的口感，更有種咬不開的情況。 整體很滿意，食物款項都挺多，這一餐四人吃了近七百元。我想算是慈雲山少有的貴餐廳，當然明白店家是做街坊生意，如若價格可下調就更好了。偶爾食一餐，就是大滿足！招牌燒雞扒、金菇。雞泡魚乾。茄子。燒菠蘿。炸蠔燒午餐肉。店

呢間店野食係幾好食，我已長期光顧好多次，但呢位短髮女店員真係好有問題。佢不嬲都係到做開，以前服務態度都已經唔係好，我從無見過佢對客人笑，一直都係黑晒面感對住客人, 另外找錢掟落張檯，客人比錢就搶住收。夜晚幫襯的話，一碟碟野好似飛落人地張檯咁。客人有問題唔幫手解決之餘態度都好差，如果人數少，就逼你坐啲細位，想坐張好少少，明明都冇人坐又冇寫住留位，佢居然都可以話留左，但到最後好明顯睇得出根本唔係留位。其他店員都唔錯幾nice，有個係男人黎既但唔係成日係到，呢個店員幾好，至起碼有親切笑容，臨走收完錢都會講下多謝。明白細舖既服務唔會咁好，但都唔會至於去到佢咁，每次去食都好似得罪左佢咁，仲衰過茶記啲師奶。最後都講下食物方面，佢地既皇牌雞扒飯真係好食，依加多埋肉燥更好。烏冬係好似吱出黎咁，煮出黎有啲透，唔同買一包自己煮個種，好食好多！夜晚既啲燒物都唔差，係環境方面有改善空間，地方太細，啲檯凳都好窄，如果搵個大啲舖位，人流旺啲既地方會更好，但重提店員既質素都非常重要！！！！

係團購網見到黃大仙區有間串燒店，感到很好奇，路過附近，一於去試下 (註:冇買團購)不過，老實講，地點真係好難搵。佢隱藏係一條小路的石階裡面，如果我唔係係黃大仙長大，我相信我呢個路痴係唔會搵到...如果唔熟路，最好係黃大仙地鐵坐37M小巴，因為要行斜路。厚燒玉子：外表燒得好靚，都算香甜，但有點乾皇牌雞脾扒：肉質正常，唔會太老，雞皮燒到脆卜卜，但Ｄ油多到見到都唔開胃......照燒鱆魚餅：同普通炸魚餅一樣，冇特別羊肉串：唔羶，合格和風墨魚咀：有咬口，幾特別鹽燒龍利柳：雖然係鹽燒，但落鹽太重手，鹽味蓋過左魚味。幸好，龍利柳係可塑性很高的魚，唔會完全比鹽味搶哂戲，而且燒得夠滑，good！牛肉串：燒的程度剛剛好，唔會太老。鹽燒鴨舌：本身唔好鴨舌呢味野，但食左一粒都覺得燒得幾好，同調味好配合。燒芝心飯團：本人很喜歡吃芝士，所以燒芝心飯團係我來原燒的主要目標。燒芝心飯團聽個名已經覺得夠特色，但芝心好似係超級市場買到果D。飯糰混合左味素同海苔，燒得香香脆脆，我推介係因為個飯糰同佢的創意。汁燒露筍：幼身概露筍，燒得恰到好處～水份仲keep得到，又嫰又爽！娃娃菜：燒得較乾，但食落可以，尚有少少菜味。燒波羅

個日見天氣唔錯口痕想食串燒所以去食.一家人4個人去食,首先一人叫左一碗面同烏冬比較起上黎地獄湯底比較好味而普通湯底拉面就一般。叫左十幾款串燒，最好食係菠蘿同雞睥肉，其他串燒都不過不失，有樣好既係唔係串串都燒到同一種調味粉味 但個日去食有個唔係咁好既經歷，唔知係咪夜既關係，附近有人放狗，而我當日食串燒坐左出店外，有隻唐狗係自己身後不停踄步，希望有食客請佢食野。本人我就唔太驚狗，但對一d怕狗既食客黎講，反應都幾大。

前幾日去食呢个$108 二人原燒 8 款串燒美食團購(原價 $250)。黄大仙地鐵站唔识搭VAN仔信錯地圖行下吧(約1公里三四个字)行左餐死。店超细座椅木台也是。一望天花板嚇死，好多蛟飛来飛去。六点刚開店唯一一個阿姐落左单就四围清洁，水都要过左兩三个字後見到有一大瓶水在吧台(唔知她幾時放左個度)，叫先至拿來。再過兩三个字西冷扒到，味道及份量還可以。兩隻帶子超小粒(就似是扇贝肉size)放在兩个超小扇贝上，我怕弄錯扇贝给我問是否帶子？说是，我食這麼久帶子第一次食到這麼小的 -- 每隻應該約1/6或1/8吧。太细隻係乜都唔知啦，味道也是 。富贵蝦還可以 。燒三文鱼骨我喜歡吃。鷄比菇ok吧 。甜薯小丸子麻麻。烏冬還可以。連日本生啤大杯约细啤吧加一服務費$10.80埋單48元即共$156。總结不大食的人團購價小店試食這多種燒品或還可以吧，但味道冇驚喜，食時有隻蚊来探班。你们自己谂吧 。