今日放工黎到觀塘一帶既工廠區食晚餐
今次到訪既餐廳 有一大特色
就係 Steak Night Saturday 有得任食紐西蘭西冷扒😱😱
不過由於本小姐要減肥既問題 同buffet無緣啦😭
工廠區餐廳俾人感覺一向係好平實
但今次一改印象
餐廳 提供一大個空間放置桌球枱 食飯之餘 仲可以同朋友一齊放鬆下🥰
餐廳空間感十足 座位好闊落 裝飾都好明顯花左d心思❤️
餐廳晚餐提供Dinner Set
就算dinner set既menu未必岩你 都可以選擇main course再另加價錢變set👍🏻
未食dinner之前
會有麵包提供
麵包有加熱 微微脆口 好開胃
「Sea Shrimps & Avocado Salad」
蝦好爽口 好大隻
配合牛油果🥑蓉 同 帶子粒
感覺十分fresh
「Char-grilled Australia Beef Short Rib」
擺設好精美
選擇左5成熟 煮得岩岩好
肉味香濃 十分濃郁
肉質屬有咬牙類型 非常彈牙😙
「Air Yogurt & Fresh Fruit」
甜品份量岩岩好 由於食完主菜都有d飽
甜品剛剛點綴一下
生果切成細粒 溶合帶有微酸既乳酪 十分合襯😘
之後仲揀左「Smoked Salmon Pizza」
煙三文魚份量十足 好足料
再配上火箭菜 增加口感 平衡返煙三文魚既煙薰味
餅底好脆身 加以薄薄蕃茄底
yummy yummy🤪
「芝士煙肉蘑菇」
蘑菇好厚身 好juicy😚
芝士煙肉份量好多 芝士直情填滿左舊蘑菇
好飽肚 🤩
飲品方面「藍莓梳打」
藍莓酸酸甜甜 中和返呢餐飯既油膩感

黎到旺角 餐廳多到花多眼亂 菜式選擇太多 預期周圍亂咁搵 不如上openrice睇下有咩好推介🥳 呢間日本餐廳好出名 主打日本料理 裝修都夠哂「日本味」 地理位置好方便 位於旺角一個大型商場 交通便利 今期有個期間限定主題係 「XO x 蛋黃哥」 可愛到爆 我又點可以錯過呢 kawaii呢😍😍 餐廳樓底好高 坐位都算舒適 環境唔會太嘈😘 餐廳都配合主題 周圍都放滿 xo 同 蛋黃哥既裝飾 打卡影相📸️就最岩 食物方面 餐廳對「米」既選擇好執着 來源地係日本直送 選擇「米」中既「精米」製作料理 餐廳起日本引入一部「精米」機 將米放入機內除糠 打磨白米 咁樣可以保持白米的香味 口感軟濕 好有誠意既餐廳👍🏻 ❤️「特選三色紫菜包」 海膽 鮪魚蓉 三文魚籽 附有xo紫菜 海膽 非常鮮甜 入口即溶 鮪魚蓉 肉澤鮮紅 肉質鮮滑 帶有濃郁香味 三文魚籽 晶瑩剔透 橙紅圓潤 帶有淡淡既醬油氣息 ❤️「XO大廚究極手卷」 手卷size剛剛好 幾啖份量 但食材份量豐富 海膽份量十足 再加上鮪魚蓉 甜蝦 三文魚籽 極度鮮甜 玉子印有蛋黃哥樣 紫菜都附有XO印 Cute到爆 ❤️「XO大廚加州手卷」 材料包含牛油果 🥑蟹柳 青瓜 蟹籽同玉子 比較fresh既感覺 但同時都提升左食材既甜味 ❤️「梳乎玉子燒便當」 做型Q爆😚 便當🍱入面有三款一口壽司 🍣 附有免治雞肉串及玉子燒 雞肉串 燒冬菇 十分惹味 ❤️「梳乎玉子豆腐蕎麥麵沙律」 梳乎蛋以玉子豆腐登場 XO蒟蒻以秘制醬汁浸過夜非常入味 再吃一啖冰凍蕎麥麵 配以鮮甜的三文魚籽 口感豐富 味道一流 食物豐富 做型十足 除左食物新鮮 地道日本食材 仲要加埋cute爆既蛋黃哥同XO 超級吸引🥳

天氣開始涼涼地 又係打邊爐既好日子 今日黎到一間充滿香港特色既邊爐店 打邊爐之餘 仲要忙住影下周圍 打下卡呃LIKE👍🏻 超懷舊既舊香港裝修 好多霓虹光管 係香港既一大特色 仲有 餐廳參考左老香港風格 特別加左d鐵閘 格仔地磚 好有「懷舊」既味道 用餐之前 會提供醬料架 俾你自己混醬 製作鍾意既醬汁 另外 仲會有d餐前小食俾大家開開胃🥰 湯底方面 選擇都多 既有d常見既湯底 又加左新派既台式湯底 🥳 我地就揀左鴛鴦湯底「芫莤皮蛋豆腐」同「大紅袍招牌麻辣燙」 特別推薦後者 麻辣味香濃 辣味適中 唔會遮左食材既原味 食物方面 唔只有普通既邊爐食材 仲有d好新穎ga 「花雕肥牛」🥰 牛肉先用花雕酒冷泡過 食落帶有淡淡酒香味 牛肉亦好新鮮 軟滑 好有特色👍🏻 「招牌三拼餃」😘 包捨黑松露蟹肉餃 雙籽鮮蝦雲吞 韭菜餃 黑松露蟹肉餃 黑松露味道濃郁 提升蟹肉甜味 雙籽鮮蝦雲吞 鮮蝦大大粒 非常鮮味 韭菜餃 爽口 韭菜一渣都無 好嫩口 「厚切牛脷粒」😍 名付其實 十分厚切 好彈口 「廣島蠔」🥳 鮮甜 甜味好重 蠔肉肥厚 好新鮮 「招牌五寶丸」😋 包括 牛筋丸 墨魚丸 梅菜豬肉丸 蝦丸 各種丸都自家制作 好有誠意 爽口彈牙 材料十足 「生力清」🤩 比較低卡路里 低熱量 唔易肚脹 怕肥既朋友 可以選擇飲返本健康啤酒🍻

今日出開尖沙咀 午餐選擇好多 其中一間 就係九龍城好出名ge泰國菜-黃珍珍 原來佢起尖沙咀都有開分店 一於試下佢lunch有幾d咩分別先🍴 原來平日黎食lunch 仲有可以加錢 追加個「自助沙律Bar」「泰式小食，飲品」 好吸引呢 如果平日有機會黎食lunch 真係要試下 可惜今日係假日 無機會試下tim🥺 黎到泰國餐廳 必點之一「泰式燒豬頸肉」 豬頸肉切得厚度岩岩好 既有肉質 又唔會過厚 減低脆口感😍 豬頸肉燒到邊皮脆卜卜 但肉汁緊緊鎖實 配上泰式醬汁 有種清新感覺 減低油膩感 非常出色👍🏻👍🏻 再黎就係「椰汁青咖哩雞配白飯」 青咖哩比其他咖哩 多左份青菜🥬 清新既味道 咖哩好食之餘 配料亦十分講究 用上泰國茄子 同 青豆 真係好地道🥳 雞既份量亦相當多 十分足料 之後係「牛肉湯金邊粉」 同時會奉上調味架 有砂糖 辣椒醋 辣椒魚露 同辣椒粉 俾大家加強調味 湯底係濃而不膩既牛肉湯 配上新鮮 嫩滑既牛肉 牛肉岩岩熟好 好好食😘 最後黎一杯「泰式特濃奶茶冰」 泰式奶茶比較甜 帶點好似涼粉既味道 但飲落又好易入口 重點奶味😋 整體餐廳裝修得好精緻 坐得好舒適 侍應亦好貼心 知道我地唔太了解泰國菜式 好主動解釋下 等我地食得好安心❤️

香港出名多美食 中西日法印… 多到你數都數唔哂既菜式 但打正旗號「印尼」美食 就真係好少聽 呢間餐廳位於銅鑼灣既中心地帶 店舖面細細 放左好印尼外賣糕點 俾大家外賣拎走 所以有個時刻我以為無得坐底堂食tim😅 好在老闆 主動出門口熱情招待 仲好快安排左我地入內坐底 聽老闆講 餐廳係由老闆同老婆一齊經營 好有愛噢😍 大部分食材 係直接由印尼入口 以正宗地道既手法烹調 所以出面好難食到😋 先來「印尼四大天王飯」 今次特意轉做蘭飯 正正中間 尖尖綠色既就係班蘭飯 班蘭味道好清爽 但絕對清新 香甜 配以 班蘭雞「雞肉十分嫩滑」 巴東牛肉「充滿濃濃香料味 牛肉巳經炆到好淋」 辣蕃茄沙甸魚「蕃茄酸甜 加上辣汁點綴 沙甸魚吸收哂醬汁精華」加多加多沙律「好濃郁花生🥜味道調配醬汁 好開胃」 男朋友選擇左「原條魚花膠湯粉皮」 魚係炸魚 食落完全唔覺 因為魚肉十分juicy 仲好細滑 想像唔到炸魚都做到咁既效果 份量仲要極大條 花膠湯底 濃郁到不得了 好重膠質 花膠亦十分之厚 配上粉皮 高級版既湯麵🍜 極度推薦👍🏻 串燒又點少得呢 「白鱔沙嗲串燒」 坊間好少見 老闆話 佢地唔怕煩 唔怕程序多 堅持將鱔起肉 去骨 即點即燒 由生鱔肉燒到熟 唔會為左快d上菜 將鱔肉預先整熟再燒 好有心機 好有原則既店鋪👍🏻👍🏻 鱔肉肉汁多唔再講 仲要燒到皮脆肉嫩 十分惹味🥳 飲品選擇左「印尼咖啡涼粉冰」同「箭葉橙混桔蜜（冰底）」 前者 咖啡偏甜 配以涼粉好消暑 後者 老闆推薦 箭葉橙係由印尼入口 好少見 但香氣獨特 味道有點似檸檬 但又無咁酸 好有特色😁 女人食甜品 係另一個胃 朱古力蛋糕 及 班蘭糕 朱古力蛋糕鬆軟 濃郁 甜度適中 班蘭糕又一必點食物 班蘭味香濃 配以椰漿🥥 糕點亦嚥韌 好好味😚 餐廳食物十分出色 好有印尼特色 係香港比較少見既菜式之一 老闆係個好溫柔體貼既男人噢🥰❤️ 好有心機向客人介紹印尼菜既特色 每次上菜 都會介紹菜色做法 亦會問客人意見 睇下可以點改善菜式 老闆知道我地就結婚 仲同我地分享夫妻相處之道 希望我地學到啦☺️ 係一間超有愛既餐廳🥰

行經旺角 等緊朋友聚餐 有少少肚餓tim😩 唯有食d野 醫下肚仔先 俾我發現起地鐵站口 開左間關於雞翼既小食店 雞翼選擇十分多 價錢亦都好大眾化 有提供唔同套餐選擇俾大家 視乎大家想揀幾多份雞翼 同 加配飲品 今次揀左03「黑松露蒜香武士」 黑松露味香濃 仲配上紫菜 口味提升 04「港式避風塘蒜香」 極多乾蒜粒 連辣椒🌶️粒都炸過 喜歡食辣既朋友一定唔可以錯過 06「韓式蟹皇蟹籽Oppa」 估唔到蟹皇蟹籽 可以夾埋雞翼一齊食 蟹皇 姐係蟹糕 佈滿哂所有雞翼 超級鮮味 所有雞翼製作需時 因為都係即叫即做 雞翼上枱時 熱到唔可以即刻放入口 就知有幾新鮮 同場加影「青蘋果薄荷冰綠茶」 飲品薄荷味香濃 加上青蘋果🍏既酸酸甜甜 一解雞翼既油膩感

之前都食過幾次 每次想飲酒 吹水 傾下密計 都少不免諗起channel 3 撞岩今日有足球比賽⚽️ 餐廳比較full 所以 座無虛席 今次同男朋友坐bar枱位置 可以欣賞到比賽 又可以睇住 bartender既手藝 簡直係視覺既享受🥰先來 「墨西哥脆片」 餐前小食 開胃之選👍🏻 Bartendet好細心噢 會問下你有咩需要 仲會主動講解一下 邊d cocktail比較甜 比較濃烈 比較順口既酒 人仲要超級靚仔 心跳加速呢❤️❤️ 先講Cocktail🍹 本小姐極度喜愛「Mojito」 呢個設計真係好靚 睇得出bartender花心思 花心意去設計擺設 完全係一件睇得 飲得既藝術品😍 再來「Perfect Martini」 男朋友喜愛比較 有深度既酒類 Vermouth 酒精味比較濃郁 但香 配上Gin 令佢更順滑 再加入少少青草味 味道有所提升 食物都同樣相當出色 「墨西哥牛油果軟殻蟹卷」 牛油果醬🥑味道香滑 一解軟殻蟹既油膩感 墨西哥卷餅 軟身 鬆軟 軟殻蟹炸得鬆脆 「西班牙香煎蟹餅」 份量大得驚人 蟹味濃郁 🦀 啖啖充滿蟹肉鮮味 「德國蜜汁燒豬手」 份量仲驚人😱 皮炸得鬆脆 食落「爽爽」聲 一咬脆口 肉汁就緊緊鎖實 一切開就見到肉汁溢出 配以脆薯角 一食停唔到口👏🏻 餐廳質素 相當之好 食物 飲品 環境都一流😘

天后 係港島其中一個近銅鑼灣鬧市 又可以享受一片寧靜既地方 今日 男朋友訂左位於天后既「蠔灣」 一邊享受美食 一邊商量下我地既人生大事 🥰 餐廳座位比較少 預先打電話黎訂位比較好😃 一入店 店員好熱情地安排我地既座位 同埋拎出menu介紹唔同菜式既特色😘 由於我地都鍾情食生蠔同海鮮 所以必點菜式一定包括「生蠔海鮮拼盤」 店員細心介紹每種生蠔既來源地同味道 建議我地順時針 由淡到濃咁品嚐🍴 Chile Montt 肉質油潤 帶有豐富鮮甜味 South Africa 肉質偏牛奶白 好Creamy 鹹甜適中 海水味不太重　 New Zealand 蠔身扁平 屬於充滿肉味鮮甜既生蠔 Lambert 肉質肥美結實 散發香甜氣味 非常順口 有淡淡礦物質味 Pousse en Claire 蠔肉肥美 但爽脆 重重既甜香味 La Perle Noire 蠔肉厚身 極度Creamy 帶有海水味 Urchin 餐廳附上紫菜包住黎食 另類食法 海膽十分鮮美 味度濃郁 口感細滑 入口即溶 Cherry Stone 肉質脆身 鮮甜味 淡淡海水味會慢慢滲出 Scallop 帶子肉身豐厚 極有彈性 味道鮮味甘甜 「Lobster Pasta黃金龍蝦卡邦尼意粉」 呢個同黃金 姐係咸蛋黃既fusion菜 同龍蝦🦞非常夾 增強左龍蝦肉既鮮甜味 令意粉同時都增加左creamy口感 「Clams soup in garlic and sake sauces」 Clam既份量好多 所以完全未飲都感受到湯既鮮味 一定好濃厚 清酒令成個湯既甜味 再提升到另一層次 clam剛剛煮熟 仲保持到肉質既彈性 煮既時間掌握得十分好👍🏻 好多謝男朋友 花時間花心思 book左間靚靚餐廳 商量婚事 因為呢排搞婚事 而導致有點磨擦 藉著咁寧靜既環境 美食 大家終於可以開心見誠 談談點準備步入人生另一個階段🥰 i love u ，my wonderwall❤️

晚飯 原來起cafe 都可以好好味 好豐富☕️ 相約朋友於荃灣等候 店舖相當明亮 簡潔 座位唔會好擠迫 大家都好有空間 可以自成一角傾計🥰 一入到餐廳就聞到好香濃既咖啡味 作為咖啡控既我 一定唔會錯過 咖啡選擇 種類好多 花多眼亂 如果你唔飲咖啡 都有其他選擇 好似茶 朱古力 沙冰都有 唔洗擔心揀唔到👏🏻 咖啡選擇左「蜂蜜美式咖啡」 普通cafe未見過用蜂蜜調味既咖啡 咖啡味香濃 充滿果香味 但用左蜂蜜點綴 增加左咖啡既濃厚度 蜂蜜加咖啡 加強左甘甜感🥳 另一杯飲品係「芒果乳酪沙冰」 熱辣辣既天氣 一飲就透心涼🥶 smoothie 好幼滑 濃濃既芒果🥭味 但加上乳酪酸酸甜甜 好開胃 飲品緊要 但食物同樣重要🍴 「蜜糖芥末火腿芝士吐司」十分推薦👍🏻 邪惡既芝士 長到可以拉絲😱 吐司🍞焗得香脆 十分欣賞 「意式牛肉蕃茄薄餅」🍕 同樣充滿驚喜 餅底做到好鬆脆既效果 牛肉芝士豐富 如果蕃茄既調味 再濃郁一點 就更加好 「芝士焗韓式餃子🥟」 芝士同樣都係瘋狂既份量 同餃子 蕃茄 一齊焗 餃子肉汁豐富 連芝士一齊食 更添口感

我真係好掛住掛住掛住日本噢😭😭 由於近期要積極安排年尾人生最大既旅程-歐洲之旅 所以應該短時間都會無緣日本啦😭 為左一解思鄉之情 男朋友帶我去食拉麵 安慰下我既為食心靈先❤️ 相約於銅鑼灣 餐廳位置方便 點餐就採用自助形式 相信去過日本既朋友唔會陌生 餐廳座位較少 如果想食 可能都要排一陣隊 以bar枱為主 餐廳裝修 格局 都十分有日本🇯🇵風味 每個人枱頭都分別有 撞麵汁 蒜蓉 辣芽菜 七味粉 俾大家自行調節拉麵既味道 變成特濃 特辣🌶都可以👍🏻 1️⃣別天神套餐 包括拉麵 🍜 餃子 同 小龍蝦🦞蟹子沙律 先講拉麵 湯底好濃豬骨味 但絕不油膩 充滿博多既風味 溏心蛋 有用日式醬汁熬製 👍🏻 日式叉燒 入口即溶 餃子🥟 即點即制 熱辣辣 皮脆 餡多汁 小龍蝦蟹子沙律 唔係講笑 真係有一粒粒龍蝦肉起沙律裡面 絕對唔止沙律咁簡單 2️⃣蝦味噌豚骨湯麵 蝦🦐味濃郁 好濃厚 完全充滿海鮮鮮味👏🏻 櫻花蝦 作少許點綴 令鮮味再提升 如果喜歡食濃味既朋友 我會推薦呢個拉麵 因為係數量限定 最好早d點 早d黎食