影片
營業時間
今日營業
08:00 - 18:00
星期一至日
08:00 - 18:00
以上資料只供參考, 請與餐廳確認詳情
呢間coffee shop平時經過都覺得幾有feel，有個種舊香港味？啲凳都會用以前學校嘅凳🤭環境都舒服，可以chill下~嘢食方面就叫咗三款✨🍳Scrambled egg, 🥓bacon on sourdough $118🦐Prawn pasta with homemade 🍅tomato source $118🥑Avocado smoked salmon onsen egg 🥚on sourdough $128擺盤真係好靚 食慾大增🤣雖然味道都唔錯，但係個sourdough係我人生食過最硬嘅🥹 朋友咬到個嘴都流血🩸唔夠牙力嘅朋友唔太建議叫了~嘢飲方面🍵☕️Halfway啲杯真係不論凍飲或者熱飲都打卡able~ 熱飲通常都係會用以前爺爺嫲嫲屋企嘅杯碟🍵Flat White $45Matcha Latte $55另外個menu,睇得都有啲困難~總括而言，想飲杯啡hea下都係個好選擇！有外國朋友嚟香港都可以帶佢嚟飲杯嘢，打個卡！
繼續閱讀
假期應該要好好休息。呢間咖啡店位於何文田，裝修環境舒適，有一份特別嘅寧靜感。適合假日嚟到休息一下，放空腦袋。咖啡店嘅餐牌亦都十分嘅有心思，配上可愛嘅手繪圖案，雖然一望落去令人眼花撩亂，但令人喺點餐嘅時候不得不欣賞一下手繪嘅動物。咖啡店除咗裝修靚之外，杯子碟具都非常特別，令人心情放鬆。呢一杯凍咖啡，杯子上面有可愛動物嘅圖案，令人會心微笑。除咗咖啡，呢間咖啡店亦都有提供其他茶同埋果汁可以選擇。當日點了一杯Sun Juice ，裏面有紅蘿蔔同埋檸檬汁等等材料，一望顏色已經令人十分醒神。飲落去微微嘅檸檬酸味，令人十分開胃，亦有夏日嘅感覺。
繼續閱讀
何文田半路係我另外一間常去放狗飲啡嘅地方，用有本地特色嘅瓷器同埋木傢俬，坐佢門口外面嗰個小空地，同路過放狗嘅街坊傾吓偈，好休閒寫意，呢樣係隔離幾條街嘅cafe 做唔到嘅，所以就算呢度嘢食選擇唔多，我都寧願返嚟呢度。我同屋企人次次都係叫 Sun Juice, latte, Shrimp pasta, 同埋avocado toast with smoke salmon and egg。shrimp pasta 正常發揮，acidity 比較重咗啲，至於個sourdough toast 係好食嘅，沉實得來個邊夠脆，麵包個心仲係moist, 淨係食個包都已經OK。真心希望佢哋可以轉下Menu，尤其係savoury dishes, 咁就無敵了👍
繼續閱讀
店員因繁忙黑面，呼喝不同客人數次。再好的咖啡都趕客 ☹️ 不再光顧，買難受 😤空有座位也要客人亁等，食物提供到4:45 pm，因為佢哋6 pm 收工。希望店員多改善態度及語氣，好似客人們欠咗佢哋，實在令人費解。一杯咖啡都平均 $45- $60 / 杯，有需要晦氣甘對待每個客人嗎？環境尚可，食物普通兼小份，不能感受到性價比高。
繼續閱讀
年初一見到Cafe竟然都有開 特登去飲番杯 當係開年呀嘛🍊🍵 ᴍᴀᴛᴄʜᴀ ʟᴀᴛᴛᴇ 綠茶出奇地濃郁👍🏻 面頭有幾粒朱古力碎點綴🍫 本身帶微甜 個人飲開無甜 下次應該會request走甜🍯 ʟᴏɴɢᴀɴ ʜᴏɴᴇʏ ʟᴀᴛᴛᴇ唔太飲到龍眼味 純粹係帶微甜嘅Latte☕️✨最開心係可以免費轉skimmed milk🥛✢ ～ ✢ ～ ✢ ～ ✢ ～ ✢ ～ ✢ ～ ✢ ～ ✢ ～ ✢ ☕ 半路咖啡▸ 何文田梭椏道4號榮英大廈地舖✢ ～ ✢ ～ ✢ ～ ✢ ～ ✢ ～ ✢ ～ ✢ ～ ✢ ～ ✢
繼續閱讀