十勝牛和食料理 (已結業)

十勝牛一向都處於生意好員工很忙的狀態，但食物質素還是不錯的，但今晚就改觀了，以後，也不會，再，吃，十。勝。牛。很久以前吃了一次十勝牛，覺得食品品質不錯，但去到今次，食物質素ok，但員工個人衛生就不知道了。

住天水圍既人都無乜邊個未食過十勝牛啦！最近佢出左火鍋，緊係試試佢！叫左個牛肉鍋，湯底揀左醬油，另外仲有豬骨同泡菜湯底揀。個湯底同d牛肉其實ok既，係d配料比較少，個配料筒個底機乎全部都係菜，又無跟烏冬或者拉麵果d，雖然有跟一碟壽司，但都唔係好夠飽。如果d配料可以加d丸呀，獅子狗呀果d應該會好d！不過平平地黎講其實都ok既，先五十幾蚊，可以再叫其他野食！我就另外再叫壽司，呢度d壽司我覺得唔錯㗎，次次都會嗌三文魚壽司同炙燒帶子壽司😋晚餐時間等位要等好耐㗎，記住提早d黎！

難得去天水圍做野，專登預早少少搵朋友食個tea先開工，之前經過十勝牛下午茶已經覺得好抵，今次終於可以試到，我叫左甜蝦壽司配日式烏冬，$27，有壽司有烏冬，相當抵食，味道又唔差，湯底唔會太咸，甜蝦新鮮，呢個價錢黎講有呢種下午茶質素，絕對抵食👍🏽

十勝牛 有人話食壽司最好唔揀火炙口味新鮮既多數用黎做刺身，次選既就用黎火炙因為被火燒一燒，食客就識別唔到食材既新鮮度但小編都鍾意食火炙壽司輕輕燒過既刺身更加易溶係口中🤭呢度既魚鯕同魚骨都好大塊，油脂豐富燒完之後，味道更加突出，肉質更加嫩滑呢度有冇鰻魚控？ 小編自從有一次係日本食過一條燒得好入味而又入口即溶既鰻魚之後，就愛上左食鰻魚偶而係香港都會食下鰻魚炒飯但呢間既鰻魚切到好細粒同有少少硬同腥

十勝牛和食料理已經變成左一間要排隊先得食既舖頭，以前去食都無話要排隊先有得食既！不過而家去得基本上就預左一定要排隊先有得食！雖則佢舖頭係唔細，但係佢幫襯既人太多喇！確實要排隊食都算係值得既，係天水圍要食日本野既選擇本身已經無乜架喇！仲要係平靚正！去得十勝牛和食料理有乜一定要食？個人覺得芝士四味係最好食！特別係果件芝士三文魚壽司！其他地方真係未食過！仲有一定要食既係魚生冷麵沙律！唔好以為價錢平就一定係無乜魚生！仲有如果鐘意食蟹子沙律既黎到十勝牛和食料理都一定要食！叫個大既黎食真係會食到好滿足！

一開始就點左兩份三文魚刺身 食到最後都未黎去問 死口唔認仲要眼望望 道歉都無句 好似我地錯咁 你唔信咪睇閉路囉 呃你份刺身咁 唔講以為自己食緊皇家飯 真係多謝你地班服務員施捨 食物就一般 出面好難可以搵得差過佢既 但係都食得落口 如果想受下氣 時間多 都可以來試下

好耐無食過十勝牛，今晚黎到同以前一樣都係咁多人。蟹子沙律係必點的，大大份，蟹子同沙律醬都比足料，好抵食。個反卷賣相就麻麻地，但食落都唔差，炸蝦都夠脆。燒魷魚賣相幾靚，燒得好香，食落夠彈牙。個炒飯就不過不失，都炒得幾香口。相反個烏冬就差啲，食落無咩味，而且有啲油。最後仲叫多左個墨魚咀過下口癮，岩岩炸好熱辣辣，脆卜卜，唔錯。雖然呢間餐廳的食物質素麻麻地，但始終係做街坊生意，價格唔貴，所以仍然吸引到好多人黎食。

諗住黎食大排長龍排左半小時終於進入得~呢到食物既價錢係算親民,食物既質素可以, 店內真係可以用人山人海形容,友人話佢早午晚都係咁旺場,相信同價錢有關食物上檯既速度好快,石頭鍋飯就相對慢D但合理既,因為要整,但慢極我都覺得好快唔算得上值得推介既餐廳,但對附近居民的確係一個選擇十勝牛和食料理地址:天水圍天湖路2號天耀廣場地下L012號舖電話號碼:26178318營業時間:星期一至日06:30 - 23:30

我屋企人都幾鐘意黎十勝牛食野。呢間雖然係食日本野嘅餐廳，但裝修一啲都唔似日本，反而似茶餐廳嘅裝修😂😂鐵板芝士豆腐：芝士味好重，豆腐好滑👍👍👍一口牛：牛好嫩，中間個薯蓉好入味👍👍👍帆立貝：個汁幾好味，但帆立貝較乾身👍但重點係侍應態度差😟😟

首先唔會有人服務你 好似個客欠左佢咁 仲會罵返你轉頭 叫嘢叫十次都唔會嚟 佢仲會大聲呼喝你 如果你想貼錢買難受 就真係可以嘗試一下 而且價錢又唔係真係好平 所以真係唔使諗 唔會有下次

天水圍日式料理餐廳其實唔多，可能因為咁十勝牛覺得喱間算係平價既日式料理店當然經常大排長龍。我以前經常幫襯十勝牛，因為覺得環境雖然迫，但性價比高，服務態度都無問題，只係因為人手唔夠而食物要較耐時間先有所以差不多日日食。但而家D員工可能慣左就算對客發皮氣，黑面，甚至鬧客（女黑衫經理專利）都繼續有大把客啦，成日都見D經理小姐鬧客，我由學生時代食到有仔女啦，亦由差不多日日食，食到唔想幫襯，怕左佢地既服務。想試下＂天水圍澳牛＂服務直得推介，但如果係想正正常常咁食番餐又唔會bad feeling 既就要三思啦。

呢間都係家姐話平靚正，所以先帶我黎食、食過兩三次，都ok啦，又唔係話好好食又唔係好難食，還好吧，有壽司有面果d,佢果個牛油果壽司都幾好味、但就唔好試薯餅 、唔好食

十勝牛去過好幾次，不過比較多夜晚去食飯，今朝心血來潮去食個快早，未夠9:30am已經好多人，仲要排隊等位，好彩一條友即刻有位，原來啲早餐都好平下，我叫左個吉魚餐，有吉列魚柳炒蛋，火腿通，熱奶茶，都係$29咋，嘩，抵到爛。嗱，早餐係平價，所以唔好咁高要求，比起一啲大品牌餐廳相比，十勝牛早餐算係可以接受的。

天水圍一向美食不多，所以位於天耀商場的十勝牛，長期都吸引到大批街坊去食。平時都經常去食，但壽司、定食、小食真的很一般。因此，今次晚餐我只會叫鰻魚炒飯，這是我唯一喜歡的。首先，份量大，每次都不能一個人吃完，其次，味道以及炒飯的乾濕度剛好，如果可以少油一點就更好了。

是日去左天水圍做facial，咁做完，當時要搵野食醫肚。見商場有間食日式野，又有下午茶，要一試。可能由於下午茶時間，所以人比較多，等左10分鐘到。見價錢都算正常價，又有飯同烏冬選擇。三心兩意既我，選左牛肉烏冬。隔左一陣，烏冬就到。淨睇都可以接受，普通烏冬。但一夾起牛肉，就出事。完全係碎，似碎肉。牛肉變左一絲絲同碎。完全唔知點解會咁。未食過一碗牛肉烏冬咁差。當下，真係想投訴，雖然價錢唔係貴，但都應該比返一碗正常少少既牛肉烏冬比我，而唔係牛肉碎烏冬。另外，餐廳環境大，坐位都多，但侍應得3，4個，要等左一段時間先搵到人落單。