十六座車仔麵 (已結業)

係旺角返工成日周圍搵唔同好野食，首先野食方面算叫做過得去，但係味精極重，食完超級口渴。然後服務態度差，我掃唔到qr code 既時候就舉手同一個帶眼鏡矮矮地肥肥地既女人示意掃唔到，有冇得比紙我寫食咩或佢手寫落單。之後佢態度十分差咁叫我log in Facebook ，我同佢講唔得之後，個樣好串同唔耐煩，好似我錯咁。用餐期間，發現呢位女人只會對附近一間男校中學既學生有講有笑，但對著其他食客都係極不友善。旺角好多附近有好食店，但我以後就一定唔會幫襯呢間野，服務差到咁仲要咁重味精真係咪搞。

車仔麵係１款富有香港特式既美食，細個好鍾意食，貪佢好多款美食可以選擇，十六座車仔麵旺角有２間，今日去左通菜街呢間，正值中午時間，店內坐滿食客，咁就唯有叫外賣返公司品嚐。等候期間，不妨欣賞下佢富有舊香港特式既裝潢，店外招牌公整直接，離遠都知道佢係賣車仔麵既，店內既收銀櫃有個大大既算盤，牆上有小巴既站牌，舊式筷子筒，日曆，信箱，漱口盅，揮春……，麵檔前採用波浪形鐵皮頂，好多幾十年前擺設嘅打卡位。至於食物方面，車仔麵的食物質量不算特別出眾。牛腩有點鞋、魷魚帶有一點嚼勁，豬大腸洗得乾淨的。個麵拎到返公司有點過淋。湯頭的味道中等，沒有太多驚喜。檸檬茶採用樽裝，有果肉，小甜，好喝但細支，大啖Ｄ就２啖無哂。

好嘅食物，應該要讓更多人認識～😋 首先，十六座車仔麵喺旺角通菜街，我已經食過好多次，每次經過旺角都會入去食碗車仔麵🏮🚶‍♂️ 餐廳裝修好似入返8-90年代咁，佢哋喺裝修上明顯有花心機，充滿咗懷舊風情，你會驚喜原來香港仲有咁嘅地方🛋️🕰️ 餐廳有兩層，下層坐滿就會安排客人坐上層。不過座位比較窄身，基本上食完就一定會走。🪑🍜 每次我都會叫三餸麵，我特別推介咖哩魷魚、豬大腸，另外辣陳皮魚蛋、豬紅都係好味之選。🍲🍤🐙 服務方面，佢哋樓面人數唔算多，不過客人可以自己用QR CODE落單，減少錯單機會📱💡 上菜速度快，等得唔耐就可以食到熱辣辣嘅車仔麵，醫肚真係一流呀！🍜🔥

態度非常之差，收銀很不耐煩。同佢講咗汁分上都冇分到，餐盒費又要收$3😞食物質素非常之一般！所謂新鮮灼騸牯牛肉，根本就係急凍牛冚片！已經可以報海關啦！淨餸一定要加湯底！車仔麵嚟講真係第一次聽! 祝貴公司生意蒸蒸日上！

一天工作完畢……當你心身都累死嘅時候最好搵【至愛】去填補心中傷感🤣【芫荽】我就念起隔2條街嘅老字號【十六座車仔麵】嘅【芫荽湯底】。全碗麵都係【綠色】好有草原嘅感覺😍😍😍😍。青BB嘅芫荽湯😋雖然冇咗我次愛【雞腸】但都有流心蛋同牛肚。我仲選擇了鹽燒牛舌心【無失水準👍】飲埋海鹽檸檬汁簡直係……完……美🤣一日嘅辛勞冇哂🤪

收銀有個帶眼鏡既女人，黑口黑面講野冇尾音，入去時完全無視你又唔會問你幾多位，反而係我開口問佢係咪自己隨意坐，佢話係，但又喝你叫你坐吧枱，收錢果陣一句多謝都冇，同客完全冇交流，但同同事就有，响度大大聲講是非，唔知佢係咪老闆娘，就算唔係都係呢間舖話得事既人，可惜服務態度好倒米，佢既表情似全世界欠左佢咁，枱面又污糟，湯漬又唔抹，有好多後生仔返工，但好明顯大既唔好教壞細，細既都冇服務可言，肯定唔會再有下次幫襯！第一次幫襯就換來咁差既體驗

米線魚蛋河車仔麵呢啲都係唔少人晏晝會食嘅嘢，所以旺角都開咗好多間，幾年前試過十六座車仔麵，覺得麵底幾有特色、餸菜都唔錯，呢日就諗住重溫下😋因為正值1:00放飯，所以樓上樓下都好多人，完全係做到冇停手，而家QR code落單就唔洗再麻煩職員，喺呢類型餐廳噉做係幾好🙈我揀咗慢煮牛脷+蘿蔔+醉雞卷配豬骨湯紅薯粉($46)😝餸菜每樣都有3、4舊，算係標準份量，紅薯粉唔建議扣底(除非減肥😂)因為唔係特別多，大食少少/肚餓少少都可能要加餸🥹牛脷軟淋得嚟中間有啲彈，蘿蔔夠淋夠入味，雞卷亦都食得出陣陣酒味，但有舊好大部份都係雞皮，以一份肉嚟講就唔太抵食($13)😗另一碗係米粉配蕃茄湯底，相對之下就好似豐富好多，因為真係有唔少蕃茄碎喺面，而且餐廳選用新竹米粉，正中我哋口味😆上面嗰兩粒芥末貢丸($8)，比起正常貢丸冇咁肥膩，平時亦都少食到，鍾意芥末味嘅不妨試試🤣不過職員真係太忙，食物嚟到之後叫咗好多次都唔記得比可樂我哋，但就比咗隔離枱🥲

嗌左麻辣小窩米線個湯底嚟到好似清湯另加幾滴辣椒油咁一粒肉碎都無 請問依家啲小窩米線發展到咁架咩？個湯底完全係清湯 得幾條芽菜 莞茜 韮菜 淨係湯底都收$18？！但係menu個藥膳酸辣小窩張相係有肉碎唔通酸辣先有麻辣無？其他湯底$18 有埋醉香雞卷/牛坑腩點解我個麻辣湯底係咁樣….😑

好耐之前食過 個陣真係覺得好驚艷 好好食 係我心目中 真係車仔麵中既第一位但係過左咁耐之後 再返黎食 我覺得已經唔同晒味以前專做車仔麵 做死一味 真係好好食好好食今次返黎食 冇啦啦多左小窩米線 不過覺得幾好因為好多湯係出面餐廳冇既但我仍然叫左我至喜愛既車仔麵 失望既地方就開始黎了轉左qr code落單 冇晒以前既優惠 (叫幾多個餸 半價叫野飲)車仔麵有得簡湯 但係其實我只想要以前既味道又加上好耐冇黎食 又叫多左個小食: 豆腐豆腐層皮好厚 雖然唔係話好粉 但係冇以前食落口好滑口既感覺(如果中意食好脆皮既話 因為會覺得幾好食)最後係食完之後覺得好重味精 返到屋企勁口渴 第二日訓醒 塊面仲好腫致曾經的第一名:如果連最初心的車仔麵都做唔好唔止趕走舊客 新客都吸納唔到

某一天偶然路過這間車仔麵店，見這裡的樽仔飲品難得地竟然有無糖版，讓我留下了深刻的印象。這一晚，因為午餐吃得實在太豐富，太飽了，想起這間車仔麵店，便建議同樣吃得甚飽的太太一起來這間車仔麵店吃碗車仔麵做晚餐。原來這間在太子也有另一間店舖的車仔麵店地方都幾大，除了地下一層外，還有二樓。這晚我便被招呼到了二樓用餐。這店子的環境佈置挺有心思和特色，要是來吃東西，打卡位都有不少呢！為了這店舖的樽仔無糖飲品而被吸引到來，一樽「無糖樽仔凍檸茶」正是我的飲品選擇，小小的一瓶，味道挺酸的，夠特別、夠開胃、也夠消滯。至於車仔麵呢？我就點了「騸牯爽滑牛肉」、「韮菜燕餃」和「唐生菜」三款，配「牛腩湯底米線」。三款餸份量都幾多，水準也不錯，特別是那「騸牯爽滑牛肉」，的確甚為爽滑，吃得過。太太比我吃得還要少，只是點了兩款淨餸「韮菜燕餃」和「唐生菜」，不過就沒有要「牛腩湯底」，而只是要了最基本的「豬骨雞湯底」。既然她吃的餸與我的沒有兩樣，那就略而不談了。總的來說，就這次到訪的印象，這間車仔麵店的出品是不錯的，環境也很有香港懷舊情懷味道，而且除了車仔麵外，還有不少特色小食可供點選，要是路過旺角的話，不妨一試。

服務態度欠缺 扮工😅事源 5點25分入到去 想落單 問侍應生點落單行埋泥一句 掃qr code 落單😃大哥 你都講下個code 係邊啦😂知就唔洗問你啦🫡 不如我做埋你果份啦😅 咁埋門一腳 按提交😃 同我講 優惠時間過左🥹 實知你係2點-5點半係下午茶啦🙃🙃你個侍應生 連呢喲野都唔同個客講 係咪做生意架？ 一句叫我地重新落過🙃 大佬啊 真係唔差在你果個8折😅 而係你喲所謂服務 好似完全唔關你事咁既😂比我個感覺 唔關我事架 再落囉 係咁架 鬼叫你落得慢😅

晚餐諗唔到食咩又唔想食吸入澱粉質，見到16座新轉左湯款就入咗去試。今次係之前胡椒雞腳湯嘅進化版本- 胡椒魚肚扒雞腳湯。胡椒味依然Keep到，有辛味不過冇之前就咁雞腳湯果陣個椒辣味咁明顯，應該係因為加咗魚肚扒關係。但都係夠味幾濃郁嘅，湯料有香菇、雞腳5-6隻、花生同一大塊幾厚身嘅魚肚扒都好多料嘅，飲湯食埋渣都好滿足😋魚扒吸左湯味好juicy ; 加個入哂味嘅蘿蔔😋無澱粉嘅晚餐就完成😊 btw 餐廳最近轉左用手機掃枱邊QR code 落單 方便咗好多。

今日路經旺角，突然醒起好耐冇食過車仔麵，見到十六座車仔麵外觀幾有特色就吸引咗我入去食，坐低內裏嘅裝修幾懷舊feel，之後就叫左碗藥膳酸辣小窩同酥炸花枝丸小食，意想不到嘅係藥膳酸辣湯底幾香藥材味，配埋酸辣個味道又幾夾，而且個湯底會帶起左蝦子麵香味，又冇搶到啲餸嘅味道😋另外，嗰酥炸花枝丸幾香口，整體係唔錯👍🏻值得推介👍🏻😋我見到餐牌仲有其他新出嘅湯底同小食，都好吸引🤩下次一定會試埋其他😋

《茜👄茜麵》💥💥💥爆《茜》騸牯牛肉小窩😋爆茜族快啲嚟啦🏃每日新鮮限量🍜🍜🍜呢個我發現真係啱哂我鐘意食芫茜嘅人🤣🤣🤣🤣佢哋碗麵一向都大碗我都知今日經過見佢哋出咗【芫茜湯底小窩】仲要有埋牛肉咁就比佢引誘到🤪入去就叫佢門口大大仔字嘅（茜）啦😂😱碗麵一上檯真係比佢嚇親…………碗都大到🙈芫茜多到……牛肉都唔少😅芫荽湯味勁重👍夠茜😅唔記得講我仲叫埋芫荽麵底🤣成碗麵綠色好靚😍。

搵位度：🌟🌟🌟🌟抵食度：🌟🌟好食度：🌟🌟🌟前幾年車仔麵興啲，所以而家可以話係越來越少啊，十六座係其中一間連鎖店啦，裝修可以話係有少少特色，相對價錢亦都有少少偏貴。所以呢佢本身preset嗰餐呢，其實都會抵啲，例如我就係食男團麵，其實就係一啲牛雜嘅面嚟㗎；同啲牛雜專賣店或者老店品質就真係冇乜特別，車仔麵檔來講都算可以囉。加幾蚊有啲汽水可以飲下啦，同時間鋪有樓上樓下鋪，搵位都唔算困難。