北海道牧場餐廳 (已結業)

前日(3-9-2021 Fri)攞疫苗假,朝早就出去同要返工嘅老公食早餐,諗唔到去邊間食,就嚟呢間啦.去到有位,因為過咗早餐繁忙時間嘛,我哋要咗:1. $40.00嘅M2餐,要熱檸水呢個餐有豬柳漢堡拼3.6牛乳炒蛋及雞肉腸配迷你牛角酥嚟到,睇見3.6牛乳炒蛋已經冇乜mood.豬柳漢堡味道口感正常冇問題;淡黃色嘅3.6牛乳炒蛋全熟冇蛋汁,要蘸茄醬食;雞肉腸味道怪怪地,唔係廚師牌雞肉腸,唯一就係唔會好鹹; 97滿心期待嘅迷你牛角酥.一咬落去,竟然係韌,有冇攪錯?從未食過咁差嘅牛角酥,佢嘅牛油味係好濃,但呢個口感真係接受唔到.味道: 1.13 分檸水嘅檸檬澀.味道: 2 分2. $38.00嘅A6餐老公要厚切午餐肉(半片),雞肉腸出前一丁,加$4.00要特濃番茄(肉碎)湯,再加$3.00要凍檸水走甜.我只係佢半件厚切午餐肉(半片),味道好似冇乜.我只想講,睇見佢加$4.00嘅特濃番茄(肉碎)湯,只係番茄湯加pat茄蓉,見唔到(肉碎),而睇見張單,好鬼馬地只寫特濃番茄湯,走肉碎?呢篇食評味道分唔計老公嘅.好奇點解呢間咁差嘅餐廳重可以喺喥,上嚟睇吓,原來已執剩兩間,重要儲咗好多劣評.上次食評係2

今日午市時間黎到,好彩唔算太晏仲有位,可以即時入座職員服務殷勤 有禮,姨姨主動帶位要出去落單,快餐店形式,之後拎牌仔返位等上菜速度唔算太耐,可以接受送餐妹妹有笑容,有禮惹味叉燒流心太陽蛋撈丁叉燒多汁，太陽蛋煎得岩岩好，芝士汁加麻油撈丁超惹味薯條價錢、份量、味道、口感不過不失熱檸水、凍利賓納檸水檸檬份量正常，利賓納濃度一般，再濃啲會仲好味整體唔錯,美中不足係餐廳無玻璃,外面ge噪音會傳曬入黎,咁岩我黎個時有一班小朋友同家長係外面,所以要係個比較噪吵ge地方食野

咪以為佢係黃就食食都要食啲有質素呢啲連鎖又做到咁賤吾會再有下次黎食太過份啦 收人42蚊 俾啲咁既人食？全份早食有紙雞扒凍既牛角包 同埋一份炒蛋餐具要人自己拎架 服務超絕！

無上Openrice check，趕時間直接入咗呢間！當你以為應該唔錯既時候，原來你錯晒喇！加$8由牛角酥轉花生醬多士，已經唔係平，食過早餐都成$44～味道尚可既話，呢個價錢都接受到。但～唔！係！囉！估唔到腸仔都咁難食，有陣形容唔到既怪味，滑蛋原來可以實過座阿爾卑斯山；若然大家想試下中伏既話就入去試試。如果要比返相等價錢，咁我去返大X樂大X快都好過佢。極少留評價，但呢間真係又貴又難食。真係無下次～～

係荃灣地鐵站附近尋覓午餐，係綠楊揾到呢間裝潢簡單，又具有北海道之名嘅餐廳一試。但係整體就好平平無奇，用黎速食價錢都唔算話好抵～《日式咖哩漢堡扒3.6牛乳炒蛋飯》💰$68一上枱個賣相已經同餐單吸引度唔太相乎啦😂，味道方面，咖哩唔甜唔辣，漢堡扒厚身，炒蛋都尚算滑的，飯就不過不失，並唔係日式珍珠米嘅口感。諗住午餐對自己好少少，加購埋塊熱香餅做下甜品啦。熱香餅有配牛油同花生醬，不過塊熱香餅又凍又乾🤨。就算唔係即叫即製，係咪都應該整返溫少少比客人呢? 👀當作速食午餐黎講的話，價錢同食物質素都已經不乎合。食物嘅賣相同溫度都好睇得出餐廳嘅「用心程度」啦👋🏻環境：⭐⭐⭐味道：⭐⭐打卡：⭐服務：⭐⭐⭐回頭率：⭐

平時打邊爐都會選芫茜皮蛋做湯底，今日下午茶時段經過這間餐廳，見鮮濃魚湯系列內有一款芫茜皮蛋魚腐，可選湯飯或米線。肚餓就入去叫一碗食下，下午茶時段叫餐牌食品可以減五元，包一杯飲品。大大碗芫茜皮蛋魚腐米線上檯，一陣陣芫茜香味飄來，很清香。皮蛋也很大隻，吃時爽口，魚腐把魚湯的汁液吸取，咬一口就滿滿魚湯在口腔內，魚腐軟軟綿綿，容易咀嚼，不油不膩。米線原條白白滑滑，也是爽口好吃。濃湯鹹度適中，沒有味精，吃完不口渴。

荃灣可以話係我新嘅搵食地圖，放工搭車落去都唔使10分鐘，今日就試吓去地鐵站嘅綠楊坊搵食。因為有限最令餐廳都收早，放工去到時間又唔早所以搵一間比較似快餐嘅 北海道牧場餐廳，入咗之後要先購票。有意粉焗飯同埋日式咖喱，價錢平，都叫做坐得舒服。店員服務態度理想，值得支持一下小店。晚餐原來堂食仲有八折，我就叫咗個白汁魚柳焗飯，芝士忌廉味濃郁，炸魚柳厚身多肉，焗飯如果可以焗耐啲就更加香。另一個係日式咖喱雞扒煎蛋飯，因為冷氣夠晒凍，食物都比較快變冷，相對焗飯失色。日式咖喱味道比較淡，適合少鹽少糖少味精嘅飲食習慣。另外仲追加左特價小食，炸雞翼、炸蝦同埋鐵板牛油粟米；小食好有驚喜！平均唔使$20一份真係好抵。飲品一般，普通食晚飯來講已經不錯，如果係街坊嘅話就值得推薦你食啦！

早餐一定要豐富！今日去左呢間餐廳絕對係比個裝修吸引， 牆身放左小擺設，用色簡單，感覺好舒適。 我點咗個漢堡扒、腸仔、蛋，牛角包餐配埋熱飲39蚊，通粉要另加8蚊。呢個餐平平無奇，腸仔唔係我最愛嘅廚師牌；炒蛋冇蛋味，本身最期待嘅牛角包同樣令人失望，牛角包一啲都唔脆，又唔夠熱，淋淋地，油膩感就keep到， 一啲口感都冇。我諗求奇俾個餐包都好過呢個所謂既牛角包。通粉就普普通通，煮得略為過熟有點淋，但味道都正常。仲有個茄汁唔知要黎做咩😅。

食餐午餐等於嘗味人生百態。少年期：飯唔熟，米線又唔熟。中年期：魚湯淡而無味。老年期：豬扒梅，熱檸茶比多多皮，苦澀滋味在心頭。冇咩服務，但員工行來行去唔知做乜Q。永不再幫襯。

又黎去到荃灣今次冇特別去搵啲咩好味既餐廳太出名既餐廳都係會排好長龍剩係好肚餓想快啲填飽個肚就算啦🤐去到綠揚商場唔使排隊又係良心小店既就係呢間啦入到去好似普通既茶餐廳多選擇而又唔算太貴🤑🥢叉燒3.6牛乳炒蛋特蕃茄湯烏冬 $49呢度出名既係牛乳炒蛋 所以特登叫返個🍳個蛋真係整得好滑 係夠味既🥚但係全熟既 如果係半生熟會更加好叉燒煮得幾淋身 又唔算太咸幾好🐷但個蕃茄湯底比較酸 食到後期都唔想再食🍅🥢海鮮喇沙米線 $62呢個就普普通通啦喇沙味唔係好辣 但喇沙味唔係濃🌶反而啲米線就幾彈牙 唔係煮到超淋🍜海鮮就普普通通啦🦑🦐野食就真心好普通架啦😶不過呢個價錢包埋野飲我覺得都ok啦🤔

諗住喺綠楊坊永其搵啲野食 點知中伏🤢叫咗一個叉燒滑蛋飯同常餐叉燒滑蛋飯啲叉燒咸到不得了，啲飯口感亦太淋 好似煮熟冇耐咁 $50黎講絕對可以整得好啲。常餐叫咗蕃茄湯，味道還可以，但食物都係偏咸，炒蛋唔滑偏厚實。呢間餐廳勝在啲食物黎得好快手，唔需要等好耐，但食物質素真係有待改善，唔算抵食。

呢間餐廳原本出名食3.6牛乳炒滑蛋，今日叫咗個蕃茄湯通粉配鮮牛肉同炒滑蛋，但係好失望呀。個炒滑蛋係炒到熟曬，一啲都唔滑。牛肉份量還可以個湯底都唔差，通粉普通。其實成碗野都好普通，是但一間茶餐廳都食到。同埋呢間野係要先落單俾錢再等人送餐既。

今(29-12-2019 Sun)朝爸爸漏咗嘢出門口,我就快快連行帶跑咁追佢,終於追到嚟綠楊見到佢,俾完佢後我就要食早餐啦.我call我老公,問佢想唔想喺荃灣食早餐?佢答好,佢話食呢間.咁好啦.我先去搵個位坐低,睇吓menu,睇完就決定要$36.00嘅自選早餐,A1,我要豬柳漢堡,清雞湯通粉,牛油多士及3.6牛乳配炒蛋同熱奶茶.買完一坐低,牛油多士及3.6牛乳配炒蛋即到,咁我食先, 3.6牛乳配炒蛋好嫩滑; 牛油多士夠厚同牛油都好夠,唔錯.味道:5分老公都到嚟喇,而豬柳漢堡清雞湯通粉都到嚟,通粉係薄身,口感正常唔係糊口,不過我都唔係好鍾意食呢隻通粉;豬柳漢堡正常冇問題;清雞湯味道好清.味道:2.83分熱奶茶就唔知點解好耐至到,口感係滑,但味道唔夠,差.味道:1.5分老公就用$39.00,買咗同樣係自選早餐嘅餐,佢要厚切午餐肉(半片),番茄湯公仔麵, 牛油多士及煎雙蛋,要凍咖啡.佢嘅食物都幾快同一齊到嚟,佢最欣賞半生熟嘅煎雙蛋,而佢話公仔麵未熟透,不過又為佢哋講返好話,咁樣上枱盲唔智會過腍.呢個食評味道分唔計老公嗰份.衛生同抵食係2.5分上次食評: https://www.openric

今日同朋友去荃灣行街，經過綠楊肚仔餓，就入去綠楊坊搵食。見北海道牧場餐廳環境不錯，就入去試一試。先到收銀處點餐，然後坐定定等食物送到。叉燒煎蛋芝士撈出前一丁配牛油多士，流心太陽蛋我喜歡，叉燒淋身入味，而且厚薄適中很惹味，芝士撈丁芝士濃郁，但略嫌麵底淋身，牛油多士不夠脆口。厚切餐肉太陽蛋公仔麵，餐肉比平時食的厚少少，煎得剛好，一般餐肉的味道，公仔麵都是比較淋身。餐飲點了熱奶茶和熱即磨咖啡。普普通通的一餐。

今晚約左好友到荃灣吹水兼食飯，天公不作美突然傾盆大雨，一支箭步跑入綠楊新村，這裡鄰近地鐵站非常方便，中餐西餐日餐選擇頗多，行了一回我們決定 「北海道牧場餐廳」。睇過 OpenRice 介紹這裡的 360 牛乳炒滑蛋不錯，就來一客常餐做我今晚晚餐喇！🥢常餐$52我的常餐有360 牛乳炒滑蛋及厚切火腿配牛油厚多士，蕃茄湯底叉燒通粉一碗，牛乳炒蛋果然嫩滑，口感不太油膩啖啖蛋香，蕃茄叉燒通粉一般，通粉太淋無口感。🥢蜜汁叉燒煎蛋飯 $46蜜汁就唔多覺，不過叉燒尚算入味，口感乾身。🥢雞翼二隻$8雞翼是套餐加錢特價換，香脆內軟惹味！☕️套餐各配熱飲一杯，我點了黑咖啡，普通蒸溜咖啡豆！😂每位平均$50論價錢取勝無要求，座位舒服吹水一流！👍