今晚黎左呢間係裕民坊嘅平台西餐食din，餐廳環境都靜靜地，傾計catch up都幾啱😊 🔸二人餐 (HK$368） 🔸前菜 - 白鯷魚茄子蓉多士 & 風乾火腿拼盤 除左有餐湯同麵包，另外仲有2個前菜，白鯷魚多士好特別，口感都幾脆～另外仲有火腿可以用黎配酒 🔸主菜 - 龍蝦意粉 (+HK$100） 龍蝦汁都幾濃郁，配上酸甜嘅蕃茄，有個大大舊龍蝦，口感都彈牙🍝 🔸主菜 - 安格斯封門柳配燒汁薯條 (+HK$90） 大約就5成熟，肉質都夠嫩，有燒汁好夠味 🔸甜品 - Tiramisu (+HK$38 & 奶凍配百香果醬 (+HK$38） 最後仲加左甜品，我就比較鍾意奶凍配百香果講，奶凍幾滑身，百香果醬幾清新 🔸Mystical Rosa (HK$88） 呢杯特飲最特別係入面有個玫瑰形嘅冰，好適合打卡🍹

呢間係土瓜灣嘅餃子小店價錢好親民，而且份量都幾大，性價比都幾高，好快就坐滿曬😄🥟 🔸黑椒洋蔥牛肉煎餃（HK$29） 黑椒味都幾突出，一咬就爆汁，外皮都煎得幾脆😄 🔸椰菜雪耳香菇豬肉餃上海粗麵（HK$42） 呢款就叫左原味大地魚上湯，椰菜雪耳香菇豬肉餃都好多餡， 皮都幾薄，麵嘅份量都好多🍜 🔸香菇木耳豬肉餃上海幼麵（HK$52） 香菇木耳豬肉都好紮實，咬落都幾有口感，呢碗叫左酸辣金湯，配埋好多木耳😆 🔸原味小籠包（HK$32） 小籠包有幾個味，我地就試返最基本嘅原味啦，皮有少少厚度，入面湯汁都幾多～ 🔸上湯蒜子浸菜心苗（HK$28） 想健康少少就叫多左個菜，清清地幾好食 🔸杞子龍眼菊花蜜（HK$20） 自家製嘅涼茶，飲落都唔會太甜，幾清涼解熱～

好耐無食樂天了～原來係啟德Airside都開左新分店，呢間餐廳更大，座位都幾多，黎食晚餐都full曬檯😆 🔸招牌原味小籠包（HK$80） ​當然要食小籠包啦，遠遠地見到師傅製作嘅過程，肉汁都幾多，一咬就流出黎👅 🔸上海黑豚肉生煎包（HK$52） 煎過嘅外皮入面包住鮮嫩嘅黑豚肉，都唔錯呢🤭 🔸成都口水雞（HK$92） 雞肉好嫩滑，香辣嘅味道好入味，開胃菜之選 🔸上海炒飯（HK$95） 份量十足，飯粒炒得幾有穫氣，就咁食都好味～ 🔸擔擔拉麵（HK$75） 麵條可以選擇軟硬程度，湯底有少少微辣，食落都幾惹味

又有日本過江龍啦，就係呢間係荷李活廣場嘅北海道主打吉列豬扒店，餐廳木系設計好光猛，座位都幾闊落🤪呢間椰菜仲可以免費refill，鍾意食菜嘅朋友都滿足到～ 🔸吉列豬扒味噌定食（HK$138） 當然一定要叫返個吉列豬啦，炸得外皮香脆，豬扒都厚身😋每個定食仲有椰菜、漬物及豚肉味噌湯，食落唔怕單調 🔸黑炭咖哩吉列海鮮定食（HK$188） 另外叫個特別啲嘅黑咖哩，第一次見到，味道同日式咖哩都相似🍛炸海鮮有大蝦、日本蠔、刺身帶子、三文魚，蠔味幾重，帶子都好大粒，好豐富～ 🔸蔥花吞拿魚腩米餅（HK$58） 另外叫左個日式前菜，蔥花吞拿魚腩蓉配上脆卜卜嘅米餅，就咁食或者沾住黎食都幾開胃😎

係馬鞍山新港城中心附近發現呢間西餐，環境都幾大，今次就叫左2個dinner set試下😊 🔸湯&沙律 忌廉龍蝦湯都幾重龍蝦味，有蔬菜沙律開胃下🥗 🔸扇貝明太子義大利麵（HK$138） 扇貝大大粒，明太子配義大利麵都好夠味，軟硬適中🍝 🔸安格斯牛肉芝士漢堡配薯條（HK$148） 漢堡肉都幾厚身，配埋蔬菜同麵包更有層次，另外都有薯條伴碟🍔 🔸黑松露蕃薯條（HK$28） 蕃薯條炸得熱辣辣，有黑松露係面頭，不過唔算超濃黑松露味🍟 🔸義式炸雞翼（HK$28） 雞翼都幾脆身同香口，做小食都幾滋味😎 🔸凍朱古力（HK$24） 凍朱古力飲落唔會太甜，朱古力味都突出🍫

​係The One對面有間紅噹噹嘅燒肉舖，今次終於去食啦😎裝修好有居酒屋Feel，可以市到日本黑毛和牛，都有其他肉類嘅選擇，價錢都OK。食完出到黎發現都幾多人等位～ 🔸801盛（HK$223） 有好多款套餐可以選擇，包括三款肉類： 大判燒黑毛和牛肩胛肉、腹前牛小排、蔥鹽味雞腿肉。黑毛和牛肩胛肉配日本蛋食，好有日本feel😆腹前牛小排都好入味，幾多肉汁，另外雞腿肉都唔錯～套餐加$25可以配白飯、味噌湯以及前菜🍚 🔸極上厚切牛胸腹柳（HK$138） ​好厚身嘅牛胸腹柳，肉質都幾彈牙，而且牛香味都好濃👍🏻 🔸醬油牛舌（HK$78） 牛舌薄切都好易熟，有醬汁調味都幾香口，鍾意濃味嘅可以試～ 🔸特上牛胸腹肉（HK$98） 牛胸腹肉紋理都OK，食落滿足～ 🔸辣牛肉麵（HK$78） 本身仲好驚係普通公仔麵，點知個麵條係彈牙嘅拉麵，都好吸湯，而且好大碗，上面佈滿蛋同牛肉，好惹味🍜

​見到好多人提及呢間位於係小巷入面嘅小鍋米線，第一次黎個陣咁啱遇到佢day off，第二次黎都見唔少人叫外賣同堂食，記得早啲黎會比較好，太夜好多小食都賣曬🙈 🔸青花椒麻小鍋米線（HK$87） 湯超滿，呢個湯底最出名，食落有少少嘅麻味，小辣都唔算太辣，麻味比較重。配料叫左冬菇皇、魚片、螺旋藻、墨魚丸、豬軟骨、炸魚皮～墨魚丸都幾有咬口，炸魚皮熱辣辣好香脆，咁多料食完都好飽～ 🔸濃湯小鍋米線（HK$81） 朋友唔想食辣，就叫左呢個清湯，食落味道清淡少少，配料叫左蟹柳、魚蛋、紅腸、腩肉、肥牛、墨魚丸，秘製腩肉幾惹味～ 🔸娃娃菜（HK$13） 清清地加個菜，啱曬返工人士想食菜嘅願望😄

​係京瑞發現一間新開嘅日式小店，簡約木系嘅裝修，除左有日式小食、丼飯、鍋物，仲有甜品同特飲添，都算多選擇😜 🔸九州醬油漬丼（HK$98） 刺身新鮮肥美，包括有三文魚，吞拿魚，三文魚籽，鯛魚，好滿足😛 🔸豚之角煮丼（HK$78） 有醬汁醃過嘅三層豚肉，配上日本生雞蛋，撈飯食好落飯🍚 🔸流心芝士玉子燒（HK$45） 即叫即整熱啦啦，採用日本蛋製成，蛋味都幾突出，而且有流心芝士，食完都唔覺得漏🥚 🔸 櫻花蝦茄子（HK$38） 茄子比預期大，上面佈滿櫻花蝦同木魚碎，好足料，而且味道都濃郁，唔會太鹹😎 🔸 野莓牛角窩夫（HK$68） 牛角窩夫外脆內軟，配埋士多啤梨雪糕，冷熱口感更有層次🍓

未去到日本竟然係觀塘可以食到湯咖哩，記得呢間店前身都係日本野黎，今次黎先知原來變左做湯咖哩，大大幅壁畫牆都幾有特色😎 🔸帶子沙茶湯烏龍麵配吉列蝦（HK$117） 湯底叫左沙茶，味道都算濃郁，而且質地比較稠，3粒嘅帶子口感都算彈牙，仲有糖心蛋等配菜，今次仲用優惠價叫小食，不過好多都話賣曬，就試左吉列蝦🤠 🔸和牛漢堡扒湯咖哩飯（HK$118） 湯咖哩可以選擇辣度，配菜有唔同嘅蔬菜，例如西蘭花、南瓜、菇、粟米以及蕃茄，都幾吸咖哩味👅 和牛漢堡味道正常，湯咖哩可以就咁食或者配飯唔同食法🍛 🔸開心果味刨冰（HK$71） 呢個刨冰意外地係今餐最鍾意嘅食物，外層有開心果醬，刨冰入面仲有開心果碎，食落好濃開心果味，仲好大碗添😍

同朋友去左呢間樓上餐廳，輕工業風以及暗暗嘅燈光，仲有室外嘅位置，同朋友黎食都幾有氣氛😎 🔸 蒜香欖油大蝦扁意粉（HK$128） 扁意粉軟硬適中，蝦都幾大隻🍝 🔸椒鹽蛋白茶樹菇 （HK$98） 份量好多，當住小食咁咬下都幾好，椒鹽味好濃，配野飲會好啲😆 🔸芝士巴馬火腿班尼迪蛋鬆餅（HK$88） 鬆餅嘅口感好鬆軟，一切開隻蛋就有蛋漿出黎，另外有芝士同脆卜卜煙肉，唔錯呀🍳 🔸香辣單骨雞翼（HK$88） 單骨雞翼味道少少微辣，食落幾開胃～ 🔸特濃朱古力（HK$68） 凍朱古力好濃，飲落幾creamy🍫