包點料理 (已結業)

其實唔係第一次食，唔明點解啲餡料會咁少，成個包得果兩三舊肉，其餘面粉黎嘅，可唔可以用心啲整呀！仲有個生煎包太油啦，明係因為煎，但係可唔可以再少啲油？腸粉就一般啦，不過不失咁。

這晚到田灣的美食廣場購買包點料理的外賣回家品嚐。這間包點料理比較少見到分店， 點心都是即叫即整。包點料理的套餐十分抵吃，我們當晚選了一個套餐a加套餐c再加兩個蒸包也只是一百元 左右, 已經夠兩個人吃得十分飽了。外賣還會有美食廣場的專用紙袋，非常方便又衛生。牛肉腸粉即叫即包，牛肉很足料，腸粉的皮也挺厚的，不過友人說原來牛肉會混合肥豬肉，所以也是挺邪惡的。蝦餃也十分大粒，入面的蝦爽脆彈牙，這個價錢來說十分抵吃。蟹子燒賣也是很大粒，和其他貴價茶樓的味道也差不多。芋頭糕算是炸點，份量十足，煎得很香口。最後還有一個章魚雞蒸飯。飯比較硬身，雞肉份量也挺多的，吃下非常飽了。

來到香港仔田灣mart ，地下全層都係美食廣場，同埋果商場環境都好有懷舊氣息，行到盡頭見到有間「包點料理」咁啱又想食下點心🥧，一於決定食呢間喇⋯⋯⋯⋯我就叫左幾款點心🥧，有蝦餃、牛肉球、叉燒腸、鳳爪、窩蛋牛肉飯，蝦餃皮薄餡靚，果🦐蝦好爽同幾大粒，而牛肉球好味😋，叉燒腸粉雖然內腸粉皮有啲啲厚但都味道都唔錯，而鳳爪同幾大碟，最後要講下果飯，果牛肉餅滑同我幾鍾意❤️入面有唔少馬蹄爽口口感好正。。。

久違冇黎過田灣，發現原來剛剛開左個小foodcourt，仲寫住有泊車優惠，即刻入去睇下有咩岩食。呢間包點料理賣點心都有好幾個人排隊買，睇黎都幾受歡迎。有2個mon既野食比你揀，選擇困難既我都睇左陣，一於咩都買d試下味先。佢有散叫同套餐，如果食多過一款當然叫餐抵d啦。叫左個A餐：蝦餃+鳳爪排骨飯 $38呢個餐真心抵，2樣都好夠料。首先飯蒸得好好，飯粒粒分明，好有咬口，令我印象深刻。排骨同鳳爪正常發揮，d飯令整體加左好多分。蝦餃有4粒，蝦都好大隻，d皮唔厚身。1試埋個B餐: 粉果+叉燒腸 $34粉果係我愛既點心之一，有4個，我最鍾意食佢d皮，呢度既都整得唔錯。叉燒腸幾好食，都足料，加埋豉油鹹味剛好，豉油唔會落得太多，呢個好重要。蘿白糕 $18大大件，共3件，稍微煎燶左DD，不過味道會更加香口黃金流沙包 $8呢個買番去再焗一焗黎食，唔算好爆漿，味道唔太甜，啱啱好。呢間包點料理會一盒盒pack好比你拎走，呢點好好，而且d膠盒質素幾好可以reuse。補MENU

今日想食點心，又唔想去酒樓又茶錢又加一，一落巴士就係「田灣食Mart」真係最好選擇。點心熱辣辣，款式都好多種類，平時食開嘅都有齊。開開心連我最愛嘅流沙包都有，仲有不同口味😍「翡翠帶子腸粉」好好味，粒粒帶子配翠玉瓜，手拉腸粉皮好軟滑。「蝦餃」大大粒蝦肉，好爽，皮夠薄...好味👍🏻「咸水角」熱辣辣．脆卜卜。重點推介「足料燉湯」，厚厚嘅冬菇，寒冷嘅天氣飲完好滋潤🥰有四款套餐隨心配搭，街坊價錢，有酒樓嘅級數，幾十蚊真係好抵食。

有時想食點心又唔想去茶樓🙈近排屋企附近開左呢間點心店就岩晒我😉訓到幾多點都唔怕冇得食而且個蝦餃勁有質素個餡勁足料外皮無論厚薄定彈牙度都恰到好處仲有盅頭飯都好有分量見住師傅響熱辣辣既蒸爐到拎出黎睇見都流晒口水章魚雞粒飯，食到啖啖既章魚粒，滑雞或得來又唔會醃過龍，冇晒質感鳳爪排骨飯，餸既分量都好多仲有兩隻好腍既鳳爪芋頭糕煎到好金黃食落好香口件件都勁厚點左兩盅飯、兩份點心、一個大包先係$100真係大件夾抵食！

尼到地點有小小偏僻，同埋尼到係以food court形式佢地d set好抵食，有3個set 點心+腸粉+炸點 $48芫荽叉燒腸🥢翡翠帶子腸🥢腸粉既皮好滑，厚度適中，叉燒夠甜蜜，但係唔食芫荽既，佢係冇得俾你走芫荽，帶子夠煙韌，仲有翠玉瓜入邊。香煎蘿蔔糕🥕有3件，唔會煎得太燶，仲有啖啖蘿蔔絲，同埋臘肉。豆沙煎堆仔豆沙好綿密，個皮偏厚，但係好夠煙韌晶瑩蝦餃王🍤🥢皮夠晶營，有小小口感，蝦🦐都幾大隻。蟹子燒賣王🦀好多蟹子

今日天氣好凍，胖侶又要開ot，唯有叫佢買少少點心返黎做晚餐算數。✨鮮蝦腸粉腸粉即叫即蒸， 皮厚薄適中，蝦肉爽口。.✨燒賣燒賣大大粒，啖啖肉，入口唔覺得有太多肥肉，唔錯。.✨豉汁蒸鳳爪鳳爪味道濃郁，肉質軟淋易咬，但有點辣。.🏠 包點料理🛤️ 香港仔田灣街17號田灣商場地下G03B號舖-----#hkfoodie #hkfood #hkfoodblogger #hkfoodlover #hkfoodieblogger #hkfoodstagram #hkfoodblog #hkfoodies #hkfoodpic #hkig #hkigfoodie #hkigfood #hkeats #hkfinedining包點料理

今日去田灣探親戚!係總站落車見到商場開左新既食市!都幾乾淨!原本想坐係度食下野...但限眾令,買去親戚屋企食啦!係包點料理我地買左清蒸北菇雞飯,鹹魚肉餅飯,荷葉糯米雞同埋一個小食,紅豆迷你煎堆!份量都唔少嫁,而且無味精,好健康!三個飯,夠我地五個人食,而且飯都係$27,小食$18!所以係非常之抵食!位置就係田灣既巴士站,方便放工人士番黎買飯番屋企...新開張精美禮品,多款小食優惠及泊車優惠,快D黎食啦!

田灣商場入面開左新 food court ，叫「田灣食mart」，入面開左幾間店食店，終於不用行太遠，或搭車出去先有野食，其中一間是「包點料理」，香港人很愛吃點心，所以都好受街坊歡迎。晶瑩蝦餃皇大大粒，皮薄晶瑩，入面鮮蝦彈牙夠鮮味，特別喜歡吃。潮州粉果滿滿的餡料，食落算飽滿，粉果皮不黏口，口感不錯。蠔皇鮮竹卷餡料算多，卷皮算軟滑，算有咬口，加上蠔油汁，幾惹味。香滑奶皇包內餡的鹹蛋黃算多，包皮算鬆軟，甜而不膩， 味道不錯。

今次，去左一個從未去過的地方，田灣。周圍附近行完就去左巴士總站附近的foodcourt。原來是新開張，見有精美禮物，小食優惠和泊車優惠，所以入左去睇下。依到foodcourt 雖然唔大，但都叫有飲品和食物，所以絕對足夠醫飽個肚。食物方面，就選擇了點心。因為這裡有套餐，分A,B,C，有不同的配搭，想飽肚的，仲有飯類。今次選擇了腸粉，蝦餃，燒賣和芋絲餅。腸粉即整，好滑溜，而且餡料算多。蝦餃和燒賣的蝦分量適中，食完都好飽肚。#田灣食mart#田灣食乜#tinwansikmart

放假嚟到港島南hea下，行完海濱就到左田灣呢頭，未嚟過就亂行行到田灣商場，原來剛剛開張！有開張小禮物同小食優惠，而且keep receipt 仲可以有泊車優惠添，嚟開呢頭就啱啦😇.我哋就叫左包點嘅，d餐好抵食！份量仲要大大的😍 燒賣大大粒，幾彈牙！蝦餃又幾鮮甜美味😆.仲叫左煎蛋牛肉飯！蛋係即煎所以要等一陣，但係咁先好食，牛肉又大件，27蚊我收貨呀🥰.叉燒腸足粒又唔會太淋，仲keep 到口感呀😚.炸點就嗌左什果鮮蝦沙律卷😍 炸得好脆口！外脆內軟加上沙律醬甜甜酸酸咁，係邪惡小食number one la. #田灣食mart#田灣食乜#tinwansikmart