見尖沙咀呢間樓上餐廳無論環境氣氛同食物質素都幾好，所以就揀左黎呢到慶祝活動🥰今次揀左佢哋嘅7 COURSE MENU($1280/人)😄餐廳裝修高貴優雅，用上暖色調嘅燈光，同埋播放柔和背景音樂，令人覺得舒適和溫馨😊先送上餐包，暖暖地幾香軟，塗D牛油食更香口😄餐前小吃：喺自家製薯片上面鋪滿龍蝦肉蕃茄粒同三文魚子，好豪華😍薯片幾脆口，而且唔會油膩，同埋龍蝦肉和蕃茄粒嘅鮮甜，好夾😋吞拿魚芥末馬卡龍：呢一道菜係吞拿魚沙律，芥辣味馬卡龍配魚子醬，賣相非常精緻😍馬卡龍酥脆同內餡嘅綿滑，芥末嘅刺激同魚子醬嘅鹹香，好有新鮮感🤩而吞拿魚沙律幾清爽，仲可以點埋碟旁邊嘅芥末粉食，唔錯😋夏季松露：呢個係廚師嘅創意之作🤩用甘筍造成一個盆，裡面放左西班牙白毛豬火腿、松露、香橙、薑味啫喱，用盆栽嘅形式呈現，好有趣😎甘筍盆好甜，白毛豬火腿好香，松露更加提升咗整體嘅味道，香橙同薑味啫喱仲帶點清新同微辣，充滿層次感😋香濃牛肝菌忌廉湯：呢個湯好濃郁，牛肝菌嘅香氣撲鼻而來，飲落去好滑，仲可以將D菇菌加入湯裡面，令口感更豐富👍🏻最後再飲埋一小壺清湯，好清甜，平衡一下味道😋香煎油封鴨：呢一道菜係用玻璃罩裝住嘅，當打開嘅時候，就會聞到一陣陣嘅蘋果木嘅香氣，令人食指大動🤤油封鴨煎得好香，而且肉質幾嫩滑，皮則有啲脆，而且有蘋果木嘅香氣，好味😋加上芝士嘅香濃和鹹香，就更加提升咗味道😍熱情果雪葩：熱情果雪葩嘅酸甜和清新，再加D紅石榴泡沫喺上面，令賣相更吸引，味道更香果味🥰雪葩嘅質地幾細緻，而且唔會過甜😋慢煮BBQ豬柳：用慢煮嘅方法煮咗好耐嘅豬柳，令佢變得好軟嫩入味，有BBQ嘅香氣和鹹甜😋配上烤紅甜椒醬同陳年黑醋，微辣又帶點酸味，相當唔錯🤤香焗法國春雞：法國春雞焗得好香，而且肉質幾鮮嫩，皮則有啲脆，薑汁甘筍蓉增加甜味，而波特酒汁增加醇厚，仲有D黑松露片加添香氣和鮮甜，好有層次感，提升春雞嘅味道🤤至於伴碟配菜D蘆筍都幾清爽😉甜品：今次甜品係朱古力球配意式奶凍熱情果，賣相非常誘人😍當倒落朱古力漿嘅時候，朱古力球外殼會溶化，見到內裡嘅意式奶凍和熱情果醬😊朱古力球有啲苦甜嘅味道，而且有啲脆，意式奶凍則有啲奶嘅香濃和綿滑，熱情果則有啲酸甜和清新，三種材料嘅味道和口感都好夾，令人食得好開心🥰一口甜點：最後一道甜品係菠蘿味棉花糖，上碟時有D乾冰霧氣效果，幾夢幻👍🏻外表好可愛，棉花糖有啲軟綿綿嘅口感，而且有菠蘿嘅酸甜，食落甜而不膩😋

呢一餐7 COURSE MENU真係好豐富，每一道菜都食得出幾用心整，而且有自己嘅特色和風味，令人食得好滿足😉同埋餐廳嘅服務都幾好，職員都幾友善和細心，會上一道菜都會介紹係當中嘅特點同食法，可以慢慢好好品嘗呢餐當中嘅精緻細膩🥰補MENU

香港唔算好多地方有得食墨西哥菜，聽朋友介紹呢間旺角手工墨西哥料理餐廳，聽聞都幾有口碑，就決定幫襯下。今次叫左 莎莎玉米配牛油果醬($68)、串燒拼盤($78)、蟹餅($148)、墨西哥烤肉(雞肉)($208)、燒烤雞肉手工披薩($128)內裡環境簡約，好有放鬆嘅氛圍，另外出面仲有戶外區，有個特色大型壁畫😄莎莎玉米配牛油果醬：粟米片烤焗過黎，少少暖暖地兼且香脆，配上綠油油嘅牛油果醬，視覺同味覺都好滿足😋粟米片嘅甜味同牛油果醬嘅醇厚完美結合，一啖一個，好開胃😍串燒拼盤：呢個拼盤有雞肉同豬肉各3串，每一串都烤得恰到好處，外層微焦而內裡肉汁豐富，配上特製嘅醬汁，真係令人食指大動🍢蟹餅：蟹餅外皮煎得金黃酥脆，裡面嘅蟹肉又多又實，每一啖都食到蟹肉嘅鮮甜，唧D檸檬汁落去更加提升咗整體嘅味道，或者配上伴碟嘅多士仔食都幾夾，食到停唔到口😋墨西哥烤肉(雞肉)：呢個烤肉真係令人驚喜，雞肉烤得好入味，配上特製嘅墨西哥醬汁，微辣又帶點甜味，令人一試難忘😍用夾餅皮包住D肉同青椒黃椒等，然後再加上三色醬，好滿足🤤燒烤雞肉手工披薩：PIZZA餅底手工製作，餅底薄脆，燒烤雞肉分佈均勻，每一口都食到滿滿嘅料，加上濃郁嘅芝士拉絲，烤出嚟嘅成品既香又脆，絕對係晚餐嘅完美選擇😋呢餐食物質素高，環境又舒適，下次有機會一定會再嚟🥰補MENU

台灣火鍋一向係我嘅至愛，尤其係冬天食，暖身又滿足😍呢幾日天氣一凍返D，自自然然就去牛大人食返餐😝揀返最豐富嘅澳洲極上和牛吃到飽($328/位)，夠晒多選擇，兼且任飲任食120分鐘😎大枱、卡位同2人分隔枱都有，適合返唔同人數安排座位，枱面空間都算闊落😄

主要食物例如肉類、海鮮、漿類、台式小吃、火鍋配料等可以用手機掃QR CODE落ORDER至於出面自助區都有多款火鍋配料、蔬菜、麵類可以拎調味醬料區飲品區今次湯底揀左四目養生素食鍋，見佢介紹係加左菊花、黃耆、決明子、杞子四種材料而成，可以滋補身體仲有蔬菜菇類等，而且味道都幾清甜😋最貴嘅呢個餐會每人送上澳洲M9和牛牛丸2粒，呢個係佢嘅招牌，一定要試🤤牛丸打得好彈牙，肉汁豐富好香濃😋澳洲極上和牛吃到飽：呢個係最吸引嘅地方，因為佢嘅和牛質素真係好高，每一塊都有完美嘅油花分佈，肉質嫩滑多汁，淥一淥就可以食，好入味😋仲有好多款唔同嘅肉可以揀，例如澳洲和牛M5牛肩卷、手切封門柳、安格斯特選牛板腱、美國PRIME極級肩里肌、SRF美國黑牛後腿肉等，每一款都有唔同嘅口感同味道，食到飽真係好抵🤤

花雕酒雞件：呢個係我另一個最愛，雞件浸喺花雕酒裡面，食落去好醉人，雞肉又嫩又香，好滋味😋鮮甜海蝦、美人花膠、新鮮沙白：每款都好新鮮👍🏻海蝦彈牙爽口肉質唔會霉，花膠好有口感，沙白勁大隻，肉多鮮甜又無沙😉漿類：每一款都好有特色而且都幾彈牙，黑松露海鮮漿有濃郁嘅黑松露香氣，我幾中意食呢款😋另外蟹籽墨汁漿、章魚珍珠漿都幾鮮甜海鮮味道😎先整張大合照🤩台式小吃：有士林鹽酥雞(辣)、真豬小香腸、梅甘酥脆薯等，都好啱等緊火鍋配料熟透時食，小食口味充滿住台灣風味😁火鍋配料：呢到有好多火鍋配料可以揀，例如私房鴨血(辣)、牛媽秘製滷大腸、鬼馬松露油條、黑松露花枝捲、爽脆炸魚皮、水蓮等，鴨血嫩滑，大腸好入味，魚皮香脆，水蓮幾清甜有口感😄甜品：芝麻麻吉燒、花生麻吉燒就有D似湯丸咁，不過口感好煙韌😋到差唔多完嘅時間，每人仲有1份甜品，有M字頭/H字頭雪糕，或者仙草黑白配可以揀，黎得都係食返佢自家製仙草黑白配，材料非常足料，而且食落去唔算太甜，幾正😉飲品：除左自助區拎自家製桂花烏龍、白桃烏龍等之外，落單仲有烏梅汁、金桔椰果等飲品可以揀、夠晒清涼解渴，爽😊

總括而言，牛大人每次食都KEEP得出品有水準，無論係肉類、海鮮、漿類、台式小吃、火鍋配料、甜品、飲品等，都好有質素同多樣化，而且價錢都唔貴，食到飽真係好抵👍🏻所以建議早D入座黎食就唔使排長龍有排等位補MENU

朋友食過話呢間LUNCH TIME嘅韓燒放題都唔錯，於是今次約埋一齊開餐😃呢到午市燒肉放題($168/成人)，任飲任食120分鐘店鋪空間感都幾大，座位夠闊落，唔會同其他枱太逼👍🏻

手機QR CODE落單任食類別嘅牛、豬、雞、海鮮之外，仲有Ｄ收費食物例如醬油蟹、韓式生牛肉等等可以嗌，豐儉由人😃另外出面仲有自助區可以拎野食飲品😉前菜配料熟食區罐裝紙包飲品都有好多款式雪糕等食物送黎之前，先出去夾D前菜熟食黎食住等，醃蘿蔔、泡菜、芽菜呢D前菜幾開胃，韓式煎餅比想像中好味，炸雞翼幾香脆😋九宮格牛盛盒：一開始會先送上呢盤食物，夠晒吸引😍一盒入面有九款唔同嘅肉類可以品嚐，包括肉眼粒、安格斯肥牛、五花豬腩肉、青衣柳、豬頸肉、牛仔骨、豬梅肉、蒜香雞翼、牛舌腩，食完覺得好味嘅話，全部都可以再次任嗌，我自己就ENCORE左好幾次蒜香雞翼、牛舌腩、牛仔骨同五花豬腩肉，正😋燒嘅時候簡單灑D鹽調味一下就最食到本身肉類嘅香味，燒完就咁食已經好惹味🤤辣魷魚鬚：呢個係我最鍾意嘅一款，魷魚鬚醃好左佢自家製嘅辣醬，燒完之後好彈牙又辣辣地，好刺激😋辣醬豬腩片：豬腩片夠肥美，經辣醬醃過後，燒完之後好香口，辣度適中😄用生菜夾住黎食中和油膩感，更加好食🤤
金針菇卷：先將佢分返開燒熟再捲返一齊食，金針同肥牛呢個組合真係非常之夾，唔錯😉
香菇、粟米：燒得多肉類，要食返D蔬菜食物解一解膩，香菇同粟米都好鮮甜😃最後當然食返D火龍果同雪糕，見呢到有花生醬味雪糕，夠特別，食落味道都唔錯😍兩小時放題食到飽一飽勁滿足🥰任食黎講食物質素都幾高，而且種類都幾多😉加上職員都幾用心，會教導一下點樣燒同埋調味醬配法，服務態度都幾好，上菜速度都快，唔會等得太耐👍🏻補MENU

見鮨樂愈開愈多分店，朋友又未食過，一於去食下先得，今次叫左2個SET：9貫特選壽司御膳($158)、江戶前丼($128)，另外仲散叫左炸軟殼蟹手卷($38)、蔥粒碎拖羅卷($58)，仲有而家有指定食品限時半價優惠🤩揀左唐揚日本秋田比內雞(5件)(原價$68)、鱈魚之白子(配柚子醋)(原價$68)、香煎鵝肝配米紙黑醋(原價$68)店內裝潢以木色為主調，好有日本風味同埋溫馨感覺，坐位都幾舒適，唔會太嘈雜👍🏻仲有日式BAR枱位可以坐住睇師傅料理，幾好FEEL9貫特選壽司御膳：今次壽司有墨魚、帆立貝、熟蝦、三文魚、玉子、太卷等等，每一貫都好新鮮，尤其係帆立貝同墨魚😋壽司飯握得唔錯，唔會一夾就太鬆散👍🏻呢個壽司定食SET仲附有沙律、味噌湯同埋茶碗蒸，都幾豐富😊茶碗蒸非常滑溜又香口😉江戶前丼：丼飯上面鋪滿咗唔同嘅刺身，唔使煩一次過品嘗晒，夠晒滿足😜擺盤都幾用心，色彩繽紛，令人垂涎欲滴😋刺身嘅鮮味同埋飯嘅甜味完美結合，每一啖都係幸福嘅滋味😁呢個丼飯SET亦附有沙律同埋味噌湯😉唐揚日本秋田比內雞：雞肉炸得金黃酥脆，肉質嫩滑多汁，唔會太乾😊配埋D他他醬，更加提升風味😉鱈魚之白子：白子亦即係鱈魚嘅精巢，食落去好滑溜，有D似奶油咁嘅口感😋配埋柚子醋，增加酸甜嘅層次，味道清新開胃😁香煎鵝肝配米紙黑醋：將鵝肝香煎至表面金黃，內裡軟嫩，味道濃郁😋再用米紙包住，增加口感😉最後淋上黑醋，帶點酸甜，平衡鵝肝嘅油膩感😊炸軟殼蟹手卷：記得趁新鮮炸起，上枱時快D食，軟殼蟹炸得好脆唔油膩，連埋壽司飯同紫菜卷埋一齊食，幾滋味😊蔥粒碎拖羅卷：拖羅蓉喺細卷裡面都幾多，再加上蔥粒同埋白飯，所以味道香濃而唔會過鹹😊大合照🤩

環境舒適，食物種類選擇都幾多，味道水準算唔錯，而且部分款式半價就抵食D😁下次再約朋友黎鮨樂食下唔同野食先得😉補MENU

同朋友去左太子嘅一間泰國餐廳小店開餐，點知誤打誤撞有驚喜😍今次我地叫左小食拼盤($118)、SIMPLY蒜蓉包($38)、泰式青咖喱(雞)($88)、香葉肉碎煎蛋飯($78)、MINI PUDDING($18)*2、泰式奶茶(凍)($28)、蝶豆花青檸梳打($38)裝修簡約時尚，仲有D泰國風情嘅裝飾，氣氛都幾好😃小食拼盤：有蝦片、蝦餅、魚餅、泰式腸、香茅雞翼，份量都幾足，蝦片炸得好香脆，唔會油膩。蝦餅、魚餅、同泰式腸都好彈牙香口，點埋個甜辣醬黎食，更加惹味😋香茅雞翼已經單骨處理左，方便食用又滋味SIMPLY蒜蓉包：呢個係餐廳自家製嘅蒜蓉包，極力推薦🤩蒜蓉味勁香口，外層酥脆而內裡鬆軟，而且唔會太乾，仲點埋D青咖喱食，正🤤泰式青咖喱(雞)：個青咖喱唔算太辣，但係辣得黎又好香D香料味，好開胃，而且個雞肉都幾嫩滑，唔會太老，入面仲有D茄子配料，食落又幾唔錯😋香葉肉碎煎蛋飯：飯粒炒得乾身唔會黏埋一舊，加埋肉碎炒得好香，而且有D香葉嘅味道，好特別😍而且個煎蛋又煎得好好，外層少少煎香而唔會太熟過硬👍🏻泰式奶茶(凍)：個味道真係同泰國飲嘅一樣，超讚👍🏻冰凍得好好，而且奶味同茶味都好濃，唔會太甜，飲落好順口，而且好解渴，好啱同辣嘅食物一齊飲😄蝶豆花青檸梳打：蝶豆花汁嘅紫色配上青檸梳打嘅透明，顏色非常夢幻😍飲落好清爽，酸酸甜甜，仲有D啫喱食下😊大合照🤩MINI PUDDING：泰式奶茶口味嘅布甸，幾有特色，味道香濃而質感幼滑，食完呢餐夠晒滿足😊

見呢到都有泰國人職員主理，所以口味都比較正宗，有質素之餘價錢都幾抵食，係一間好值得再食嘅泰國菜餐廳，而且服務態度都好好，好有禮貌，好有笑容，令人感到好舒服，下次仲會再去😍👍🏻補MENU

朋友好醒目咁一早已經喺APPS訂左位，所以今次黎到牛氣，唔使等位即刻有得食😄我地揀左 LV5 澳洲極上和牛+海鮮放題($438/位)，任飲任食120分鐘，而家仲做緊希慎分店限定嘅北海道主題，有北海道夢幻海鮮湯同埋送松葉蟹腳海鮮拼盤🤩一入到餐廳，就見到裝修好時尚嘅感覺，用上淺木色嘅主調，好有現代嘅氣息，坐位空間夠闊落好舒服夠RELAX😉仲有唔同位置都會見到牛氣達摩公仔，SO CUTE😍出面自助區仲有多款火鍋配料、水耕菜等可以拎熟食區、關東煮都有甜品、雪糕區醬料區多款罐裝飲品可以選擇LV5 呢個套餐仲可以任飲清酒同生啤，當然要啤返杯先得，夠晒冰凍，爽😎食物陸續送齊，先黎張大合照🤩北海道夢幻海鮮湯：亦即係海鮮赤味噌湯底，湯底夠濃郁，同海鮮嘅鮮味好夾，飲落暖身又好香味開胃😄另外上菜時仲會有個圍爐拼盤，一次過送上鮑魚、澳洲極上和牛、烏雞卷、牛骨髓、鯛魚片、牛舌、日本赤雞雞爽肉、特選牛小排，唔使落單住已經勁豐富，賣相相當吸引，啱晒打卡😍想再ENCORE邊款食物可以自己落單松葉蟹腳海鮮拼盤：呢個係今次嘅重頭戲之一，大大個嘅海鮮拼盤，包括有松葉蟹腳、原隻鮑魚、半殼扇貝、海螺、大海蝦、青口、脆鯛魚片，份量十足，真係好抵食😍松葉蟹腳肉質鮮甜，海螺同鮑魚彈牙，青口、大海蝦同扇貝大隻而且夠鮮味，脆鯛魚片又香脆，一個都唔想錯過😎日本九州和牛肩胛肉眼、北海道十勝豚五花腩、北海道風炙燒芝士帆立貝：呢三樣都係期間限定嘅菜式，所以一定要試下。我最鍾意日本九州和牛肩胛肉眼，每片都好大塊，肉質好嫩滑，油花分佈均勻，簡單淥幾下就得，食落好香口，每一啖都好享受😍北海道十勝豚五花腩都好出色，肉質好鮮嫩，肥瘦適中，食落好有咬口😋北海道風炙燒芝士帆立貝夠大隻，肉質好彈牙，上面鋪滿晒芝士，炙燒後更加香濃，食落好有層次感😋澳洲極上和牛：呢個套餐本身嘅主角，當然質素極高，肉味香濃，肥瘦比例相當之靚，同樣地入口即溶，同日本牛味道各具特色🤤配料：墨魚滑、蝦滑、花膠、手打黃金蝦丸：呢四樣都係我推薦嘅配料，好新鮮同彈牙，好有口感😋鮮柚楊枝甘露、奶蓋白肉丸子、十勝紅豆豆乳冰豆花：最後嗌左三款甜品作為今餐完美結束，三款甜品都好清新同甜美，啱晒怕太甜嘅我😋鮮柚楊枝甘露好清甜消暑😋奶蓋白肉丸子奶蓋香滑而丸子Q彈😋十勝紅豆豆乳冰豆花D豆花好滑，配合埋紅豆甜甜地又幾夾😋仲有出去自助雪糕機唧雪糕，再加D無花果乾落去，返埋位慢慢嘆😎

成餐火鍋D食物都好有水準，令我好滿意，而且服務態度都好好，唔使等太耐就有菜上，仲會主動幫手加湯等，好細心🥰以呢個價錢就可以嘆盡澳洲和牛同日本國產牛、多款海鮮以及生啤清酒，絕對超值🤤👍🏻題外話：用佢官方會員APPS訂座或者整埋SOCIAL MEDIA等，仲有小禮品送🥰補MENU

等埋朋友收工先開餐，都已經夜一夜，佢就介紹黎旺角海鮮菜館，開得夜之餘，仲見話係米芝蓮班底，應該有返咁上下水準😉今次我地就叫左旺角夜宵磨龍蝦套餐($598)，另收茶芥及加一，揀左美國波士頓龍蝦黑胡椒粉絲煲、白灼韭菜花、白灼鮮魷魚、豉椒炒靚蜆、豉油皇炒麵近門口魚缸位見到龍蝦、瀨尿蝦、青蟹等唔同海鮮，店內牆壁仲見到有D名人簽名，幾有名氣先送上餐前小食花生，香口又夠脆，幾開胃😄白灼鮮魷魚：白灼得剛剛好，唔會過熟或過生，魷魚鮮甜得黎，食落彈牙爽口，好好食😋中意仲可以點一點醬油調味一下白灼韭菜花：呢個係一道清淡嘅菜式，韭菜花簡單咁白灼，保留住原汁原味，食落清甜爽口😊豉椒炒靚蜆：用豉椒同蒜蓉炒蜆，蜆肉鮮甜多汁，豉椒嘅香味同辣味都好突出，令人食得好過癮😋蜆殼都好易開，唔會有啲開唔到嘅，而且都好乾淨，冇沙粒，食得好放心😊美國波士頓龍蝦黑胡椒粉絲煲：呢個係套餐嘅主角，一隻大大隻嘅波士頓龍蝦，肉質鮮嫩彈牙，用黑胡椒同粉絲一齊煲，味道香辣惹味，好過癮😋粉絲吸收晒龍蝦同黑胡椒嘅汁，食落滑溜溜，唔會太乾或太濕，份量亦都好足👍🏻豉油皇炒麵：麵條炒得香脆，唔會太軟或太硬，而且麵條都好有彈性，食落有咬口😋豉油皇嘅味道都好香濃，仲有啲煙韌味，好好味😋大合照🤩薑汁蕃薯糖水：最後送上甜品作呢餐夜宵嘅結束，用咗新鮮嘅蕃薯，蕃薯煮得好熟，食落好軟，仲有啲薑汁嘅辣味，好暖胃😋

成餐夜宵都好滿足，旺角海鮮菜館真係一間值得推介嘅餐廳，海鮮新鮮又美味，價錢又合理，份量又足夠，仲有唔同嘅套餐可以選擇，適合一家大細或者一班朋友嚟食🥰補MENU

太耐冇食韓國菜，突然興起就決定黎韓國街呢邊搵食😉今次叫左火腿蛋漿熔岩炒飯($188)、蜜糖牛油無骨炸雞($208/半份)、韓國果肉果汁(梨)($25)、韓國果肉果汁(蜜桃)($25)裡面部電視播住韓國MV，KEEP住有得聽下，好有氣氛😄火腿蛋漿熔岩炒飯：呢個係佢地嘅招牌菜，上枱時先會送上鐵板炒飯，然後職員會幫手處理，喺旁邊倒入加左奶嘅蛋漿，飯上面加上芝士，再用火槍即場猛火燒，幾正🤩最後芝士溶化後再不斷攪拌，成個炒飯都非常拉絲，味道非常濃郁😋蜜糖牛油無骨炸雞：炸雞好香脆，肉質鮮嫩多汁，牛油同蜜糖嘅醬汁甜中帶鹹，好惹味🤤至於下面仲有D薯條，都幾脆，份量都好足，半份就可以兩個人食到飽😍仲有伴碟蘿蔔粒可以食下，酸酸地幾開胃韓國果肉果汁：黎得韓國餐廳當然飲返韓國罐裝飲品先有FEEL😄我叫左梨味，朋友叫左蜜桃味，兩個都好好飲，裡面都有D果肉粒，飲落好有口感，果汁又唔會太甜，好清爽😋

佢呢到都仲有唔同款式野食可以食，選擇都唔少😉補MENU

聖誕假期忙於返工，係時候食餐好嘅獎勵自己😄今次同朋友黎到呢間樓上法國西餐廳，叫左法式焗蝸牛($108)、龍蝦湯($92)*2、慢火煮紅酒和牛面肉配法包($288)、香蒜牛肝菌意粉($158)、酥皮蘋果批配雪糕($88)內裡簡約舒適裝飾佈置😊龍蝦湯：外表雖然簡單，但飲落去非常濃郁而唔會過膩😊上菜時會跟配埋餐包，將佢點落D湯黎食幾滋味😋法式焗蝸牛：將香草同蒜蓉等調味放喺蝸牛上面，再用火焗至香濃，蝸牛同埋香草蒜香醬嘅味道好夾，趁熱食就最好味😍慢火煮紅酒和牛面肉配法包：用上新鮮嘅和牛面肉同埋紅酒等材料，慢火煮至入味，再配上法包，賣相非常高貴😍食落又幾美味，和牛面肉肉質幾軟嫩，而且有紅酒嘅香氣同埋酸甜🤤法包則有麵包嘅香脆😊香蒜牛肝菌意粉：用上新鮮嘅牛肝菌同埋香蒜等材料，炒成一碟香氣四溢嘅意粉，賣相非常吸引😍食落又幾香口，牛肝菌有菇嘅香氣同埋鮮甜，香蒜則有蒜嘅辛香同埋清爽😋酥皮蘋果批配雪糕：將新鮮嘅蘋果切片，再放喺酥皮上面，烘焗至金黃色，再配上雪糕，加上顏色作點綴，賣相唔錯😍食落又幾香甜而不膩，蘋果酸甜同埋脆口，酥皮則有麵皮嘅香脆同埋鬆化，而雪糕配埋焦糖脆粒幾好味😊

每一道食物都食得出幾用心整，味道水準高，同埋職員都幾NICE，主動幫忙REFILL加水，好好放慢享受呢餐法式西餐👍🏻補MENU