再興燒臘飯店

營業中

休息中

要講最代表到香港嘅飲食文化，除咗街頭小食之外，就一定係燒味飯！😋 曾經諗過要來一個試勻香港最出名燒味飯系列，今次就率先由港島區開始😋估唔到香港仍然保留住一間由「清朝光緒年代」就開始經營嘅燒臘店😯 經歷過一代傳一代，仍然馳名香港海外👍🏻 餐廳環境望落只係間好平凡嘅港式茶記，但食客人來人往，就算平日過左午飯時間都仲係有人不停入座😎 落單姐姐態度親切有耐性，唔似一般獲得「米芝連」就會消失熱情🥰《 叉燒燒肉飯 》 $36 4.5 / 5份量巨多但只係平民價錢😍 未講味道性價比已經出眾🤤 燒肉肉質實淨，略嫌味道鹹咗少少，不過燒肉脆皮好香口👍🏻 而最馳名嘅叉燒果然啖啖滋味🤤 自設工房炭爐燒制，外層除咗焦糖化嘅蜜糖，仲多左陣炭燻香😋 內層叉燒肉好嫩好綿，好入味👍🏻米飯亦好香米味，飯粒分明，配搭呢支店舖嘅秘製「好味汁」，真係會忍唔住撈晒啲飯食🤤《 自家製五花茶 》 當我聽到餐飲可以揀五花茶嘅時候覺得好驚喜😍 食完燒味飯，飲返杯由店家熬製嘅五花茶🫖 味道甘甜易入口，亦飲到好香藥材味，清熱降火，仲要支裝方便拎走😋

再興燒味很久沒來吃，今天於港島區上課，就趁上課前於再興享受邪惡。三寶飯+燒肉。再興燒味工場就在鋪位樓上閣樓，所以不時會看到剛燒好的燒味。我最愛這裡的黑邊(燶邊)肥义，有那炭香脆焦味，夾着义燒的肥油香味，再加上雞味甚濃的豉油雞，和皮脆薄香燒鴨，绝對是白飯良伴，再加上再興自製的甜豉油，這裡的豉油用長時間肴煮，味道層次豐厚。燒腩只可說不差，對比合興隆真的爭班，下次還是叫燒肉會好點，總括來說這邪惡學前餐也有八分

呢間老字號燒味店，沒來過的人一定要試下，店鋪非常古舊，保留左小時侯燒味店的感覺。識食一定係食叉燒，遠近馳名，來過叉鴨肶飯多薑容，識食一定要加薑容，才能提升燒味的肉味和燒烤味。飯來了，叉燒香又軟，香氣四溢，是8成肥的靚叉燒，加埋鴨肶，羶香而不油膩，大大滿足，枱面還附有一枝好味汁，一定要用來吃飯。價錢仲要超級平，轉鴨肶要加$15，呢個飯都只係$51便有交易，在灣仔區來講，此等美食，真係何等便宜，大大推介!!

當不想太快回家時，我會選擇一些耗時間的踱步，在街上慢慢逗着，因為從地鐵站走回家的路很短，又不想太快成為那些不願回家就呆在公園蹲踞着的男人，結果構成了幾個特定的地點，連成特定的路，跓足過，走過，還是老樣子，一切一樣熟悉，心安理得，樂於天命，回家。很奇怪，不知是不是人類劣根性的一種，特別是到了一定年紀時，可以面對新的挑戰新的人事，但還是需要在每天的成份裡，添加一些熟悉的氣味和環境，以外在的不變來調節心中的萬變，才能處之泰然。家或許就是從這裡慢慢萌生出來的產物。眾多的道路中其中一個起始點，就是灣仔的再興燒臘飯店。大概在還在世活着的人，都很難去考究這間店舖的前生是什麼，網上傳言的有「二戰時開張」、「百年老店」、「至今為止已傳到第四代」等等，我特意的走去問了掌舵的周師傅，他說：「那裡還會記得？家族生意，十多歲就在這間店的廚房折騰，今年快七十了，這麼久都不會刻意去記了，嘿。」熱汗涔涔，抽起擱在木砧板上的刀，嚓嚓幾刀，剜開一條叉燒，放置在白飯面，遞了出去，刀像回鞘般插回砧板，幾十年一塊砧板上，無數來回，都只刻下一個缺口，都只在抽刀那幾秒能夠瞥見。這間店的歲月，濃稠得化不開，裡面沉緬了多少代人的回憶。

🏠食完堂食再買外賣🏠推介指數 ❤️❤️❤️❤️❣️承上post 仲食緊雙拼燒味飯嘅時候，其間唔少堂食，門口外賣單仲源源不絕！師傅們手起刀落無停手咁斬燒味，趁熱鬧埋單時都買啲手信，聽到店員話滷水雞最後幾隻就買埋佢啦！✨滷水雞翼 HKD12/4隻雞翼外表顏色略深，食落去口感札實，滷水汁滷得入味而且鹹甜控制得剛好，價錢仍舊大衆化，滿足！.··餐廳：再興燒臘飯店 (灣仔)地址：灣仔軒尼詩道265-267號地下C座

🏠百年街坊港式燒味🏠推介指數 ❤️❤️❤️❤️❣️灣仔再興燒味相信無食都聽過，據說由光緒末年開始經營，經歷二次世界大戰，香港淪陷時一度休業。原本位於克街以大排檔形式經營，於1980年代重建計劃被收回牌照而搬到史釗域道經營到而家。過百年店舖仍然保持戰前煮法，燒爐係二戰前的款式沒有溫度計，甚至調味全憑師傅經驗製作，完全保留濃烈嘅古早味！2015年獲選車胎人美食，被美國CNN形容「再興是叉燒的同義辭」。小店外觀親民平易近人，店員都非常親切，每次見到我選擇困難症發作都會提議食咩好，除咗鍾情古早味，仲有人情味！🥢雙拼燒味HKD36✨唔係太餓只係想食少少嘢，但嚟再興無理由唔食燒味。想食叉燒米，但見到「好味汁」就叫咗飯... 然後哥哥仔話單雙拼一樣價錢，叫多樣餸嘛... ✨唔小心就叫咗叉燒燒鴨飯，叉燒外層充滿蜜汁，質地軟腍熟成剛好，燒鴨皮脆肉嫩，配上甜甜酸酸梅子醬份外惹味！總結：-食物 ❤️❤️❤️❤️❣️環境 ❤️❤️❤️❤️️❣️服務 ❤️❤️❤️❤️❣️.··餐廳：再興燒臘飯店 (灣仔)地址：灣仔軒尼詩道265-267號地下C座

此店做生意唔老實，我不會再幫襯！我住灣仔，話說我久不久都會去再興買隻燒鴨返屋企加餸，近來加左價但味道差了都不計了，次次都覺得佢俾少左Ｄ肉。我想算吧，一場街彷，支持吓小店吧。點知愈來愈過份，昨日買了隻燒鴨外賣，由近門口那個矮師傅斬，角度問題我未能看到斬燒鴨全部過程，點知返屋企打開那２個盒（一盒装半隻鴨），２個盒內竟然各有半盒係鴨頸，鴨脾肉明顯被換走了！！！實在太離譜了，收我＄150一隻燒鴨，竟然騙街妨熟客，以鴨頸換走鴨脾肉！一次又一次，不能原諒！這不老實的食店我永遠不會再幫襯！！！！

再興燒臘飯店，灣仔🍚話說早排介紹咗西營盤嘅波記燒味，好多人都有同我講叫我試吓灣仔嘅再興，所以今日就特登嚟睇吓佢嘅叉燒有幾好食😋之前喺YOUTUBE其實都有見過店主既訪問，個人就非常欣賞店主，佢嗰種做生意嘅堅持，對食材嘅執着同對社會問題既見解真係唔係個個都有，好值得欣賞👍🏽講返佢哋個差叉燒飯先，燒味一向係心機野，呢個價錢簡直係冇得輸。唯獨係佢個白飯有啲凍(飯既份量絕對十足)，食落有少少失色，但叉燒係好食既，下次會黎試下其他燒味😋.📍#灣仔 軒尼詩道265-267號地下C座 #HappiMuffinHongKong 🌟#HappiMuffin Rating: 7.5/10 #黃店推介 💛💰Price: $40-55 pp.#hkig#hkigers#igers#yum#yummy#nom#nomnom#foodporn#hongkong#food#share#like#foodblog#foodie#love#follow#香港#香港美食#美食#美食指南

經過開灣仔區工作，想起「再興」的燒味飯，非常懷念他們的超級好味道，所以今日有機會再去食好嘢獎勵自己。叫了一碟肥叉飯加例湯，誰不知嚟咗碟乾爭爭的叉燒飯，我問侍應，我係要肥叉飯喎，嗰位侍應回覆話，你呢碟已經係又肥又淋㗎喇 ! 有冇搞錯呀！咁都得 ! 另外叉燒啲南乳味很難吃，哀過自己整，非常水皮的染色叉燒，冇哂以前令人回味的好味道。🤮例湯也是，水皮之作，冇西洋菜味，冇肉味，淡如水，feel到有啲沙塘味，希望是我感覺錯。🥶以前食「再興」最緊要係枱面的那樽醬汁，真係令一碟死屍飯劃龍點睛，但係......又出事了，都唔知今時今日「再興」為什麼，全部都失去水準，已經不再是以前排長龍的「再興」那份原味道 ! 💬

我一有時間到灣仔，很多時候便會到再興吃燒味飯，這裡的燒味都做得很出色，特別是叉燒，燒肉，以及我最喜愛的燒雞肝，配以他們的例湯，實在是一頓美味的午餐，這裡的燒味質素堪稱全港最高的頭幾間，但是價錢卻是很大眾化的，一點也不貴，所以餐廳永遠都是很多人的。另外一點非常難忘的就是他們的高效率，雖然要排一陣子隊，但是被安排入座後，人未坐底便已經有樓面職員問你落單，不消一分鐘，你要的碟頭飯已經送到面前，很快很快的便可以用完你的午膳。除了九龍佐敦某間知名茶餐廳之外，這裏堪稱是另一間光速燒味店。雖然店舖擠擁，但是也富有人情味，店舖的職員服務態度也可以，這是我經常去的歷史悠久燒味店。

最近吃了一間歷史很悠久的燒臘名店！這間在2016年還入選為米芝蓮車胎人美食推介餐廳。可選的款式頗多～除了燒味飯，也有一些其他的飯類。因為想一次吃幾款燒味就點了- 三寶 ($44)當中包括叉燒、油雞和鴨！不過就沒菜 ... 叉燒的肉質幾嫩口，肥瘦適中、不會很乾，味道略甜；油雞雞皮超深色!! 覺得濃味到太鹹 ...鴨倒是不錯，吃落是鮮嫩多汁的。飯量都幾多。妹吃的是 - 柱侯牛腩飯 ($34)汁很濃～牛腩也很入味，配飯吃剛好。最後還買了 - 香妃雞 ($140/隻) 做晚餐的餸皮薄脆內嫩，沒有太多餘的脂肪層！

在我的印象中，燒味都很貴，尤其是有名或是拿獎的，但這間意外的便宜。可能一般茶餐廳的午餐已經$40以上，可在這裡找款價錢相宜的倒是很簡單。點好餐正在等的時候，不少客人都說著不同語言，果然好吃的東西能吸引各方的人。柱侯牛腩飯 ♥♥♥♥ 燒味非常有名，沒想到燒味以外的食品質素竟然還是那麼好。它的醬汁很香但不過咸，牛腩入味之餘，還足夠腍，肥瘦夾雜、適中不油膩。蘿蔔是最有驚喜的，因為我本身最怕會吃到苦味，幸好這個完全沒有，而且入面的纖維也顯得它挑的蘿蔔很嫩。

成日上網睇吓有咩好嘢食，尤其係我個friend勁鍾意食燒臘，所以我成日都去睇吓邊度有好嘅燒臘，等我可以介紹比佢試吓 ٩(˃̶͈̀௰˂̶͈́)و呢間灣仔嘅燒臘，我媽咪成日都去(不過佢只會買叉燒)，因為佢話喎，呢間嘢又好食，又唔算貴。正宗係師奶嘅格價╮(￣▽￣"")╭今日下晝經過，我專登買咗個飯盒返屋企試吓。結果我買咗個燒肉飯($34)，啲燒肉份量唔算多，但係都好夠食。燒肉啲皮好脆，好新鮮又唔硬(乾爭爭)，唔似有啲舖頭，啲燒臘好似擺咗好耐咁，朝晒。呢間可以再encore，我下次要買佢嘅燒鴨飯╭(╯3╰)╮

十多年前，會專登坐車去再興買燒味食，但今日決定同再興說永別！ 今天買了半隻燒鴨，回家後發現全個盒都是血水，因為鴨胸未熟，唯有用鑊返熱，但食落口全部皮跟肉都是又韌又冇味🤮🤮其實斬料師傅見到隻鴨未熟，都唔應該斬俾客人。 還有燒肉，起碼要買$100 ，但都係得細細碟，燒肉皮又韌，肉又冇味。最差係燻蹄，倒在碟中，全部爛蓉蓉，都係未煮冧嘅豬皮，附送豬毛，完全不能入口。 難得再興真係上下一心，由燒味師傅到斬料師傅，都係求求其其，敷衍了事！

再興燒味呀，幫襯咗你20年，你最出名嘅义燒，一年衰過一年。。。依家又乾身又老柴，又斬得衰，街市30舊义燒都斬得靚過你，幾十年老字號，到2020年真係唔值得特登走去買。。。