影片
開飯介紹
本土港式串燒小店，由四位青年創辦，數十款串燒有齊牛、豬、雞、海鮮等選擇，當中以馬友、黃立鯧為少見的燒物款式。另有榴槤炸彈、芝士蝦球等特色炸物。
繼續閱讀
營業時間
今日營業
16:30 - 00:00
星期一至日
16:30 - 00:00
以上資料只供參考, 請與餐廳確認詳情
有關獎賞計劃
呢個位置都好多野食, 但今晚想同朋友食串燒飲野吹水, 就試下呢間任飲串燒店先! 佢有兩小時$158任飲, 如果飲得既朋友, 真心低飲呀, 勁多款飲品選擇, 啤酒, Cocktail, Mocktail, Saka都有呀! 串燒又抵食!串燒揀左以下幾款, 可以不辣或者香辣:*煙肉露筍卷 - $22 – 香口*燒菠蘿 - $24–甜甜哋和好juicy, 必叫*味醂魚乾 - $42 – 燒得香, 送啤酒一流*安格斯一口牛 - $36，熱騰騰, 好濃牛味，正*厚燒牛舌 - $28，好軟熟又夠腍，真係厚過出面既串燒店架*燒白鱔 - $44，外皮燒到脆卜卜, 我一咬即刻體驗到咩叫bit汁, 厚肉同好彈牙, 我喜歡*燒原條茄子 - $42，加左好多蒜頭一齊落去燒, 所以好香, 同埋都好大條, 呢個價錢抵*五花腩串 - $20– 香口夠惹味*羊架 - $36– 幾好*雞中翼 - $18– 都係燒得外皮香口脆脆的，食落去不會乾*冬菇 - $14– 保持到juicy, 必叫*Sapporo生啤酒0.5L, 都好大杯, 好飲呀~*甘蔗馬蹄汁唔錯飲飽食醉兩小時, 享受了美好時光, 下次再黎試其他串燒同野飲先~~
繼續閱讀
🍢🍢🍢對得住價錢嘅串燒▫️Qr code點餐▫️串燒可選不辣/香辣🆗清酒煮花甲-$58花甲份量都多，但個湯吾係幾夠味，酒味吾夠香濃。☑️五花腩串（香辣）-$20一串三件，都幾大件，半肥瘦幾有咬口，調味粉好香口惹味。☑️泰式豬頸肉-$22豬頸肉燒得幾香脆，配咗泰式酸辣醬，幾好味。☑️日式帶子腸（香辣）-$22第一次聽有帶子腸，所以叫咗嚟試吓，冇咩帶子味嘅但係條腸仔幾彈牙，好似長條型嘅魚蛋咁，幾得意。🆗多春魚（4條） -$30燒得都靚，但未係好脆，個皮唔係咁容易咬斷，同埋啲春有少少苦。🆗牛油帆立貝串-$38帆立貝都好大粒，上面有啲胡椒調味，可惜完全冇牛油味，比較失望。☑️蒜香茄子🍆-$42 茄子原條開邊上，有大量嘅蒜蓉同辣粉喺面，香辣惹味，茄子夠juicy, 同時燒得好，容易皮肉分離。🆗自選麻辣燙（淨餸）- BB辣 -$6娃娃菜（+HK$6）/ 雞髀菇（+HK$6）/豆卜（+HK$6）/ 牛丸 （+HK$8）/ 餃子（+HK$12）麻辣燙淨餸嘅話湯底需要$6，有花生、芫荽、蔥呢啲配料，但個湯底差啲，冇麻辣燙嘅風味，應該係因為冇花椒八角嘅味道。配料價錢唔貴，而且都足料。牛丸會切開半粒上，雞髀菇都會切開咗一片片，而餃子係韭菜餃，呢個幾推薦，皮薄餡多。豆卜有雪味，麻麻。
繼續閱讀
開心星期五，同朋友黎到荃灣食串燒，友人極推位於鱟地坊的「共度一燒」，貪佢做緊120分鐘無限暢飲放題，可以大嘆生啤、啤酒🍻、清酒🍶、雞尾酒🍹等，酒鬼至愛。店舖面積不大，但設有卡位雅座，感覺舒適，不消一會已座無虛席，人們高談闊論絕對是朋友聚會好地方。麻辣豬耳：毫不吝嗇的豬耳，份量多，豬耳夠麻夠香，爽彈無比，而且最鐘意有筋位，特別有咬口， 一啖接一啖。豚肉京蔥卷：京蔥燒至脆身厚實，薄薄一層醬汁豚肉配上爽脆清甜爆汁京蔥，好驚艷。安格斯一口牛：粉嫩粉嫩的安格斯牛，不會燒至過熟，恰到好處，一口咬落做到爆肉汁效果，而且調味不會重手過咸。雞軟骨：我第二推介嘅係雞軟骨，一份兩串 香口又脆燒到脆卜卜，佐酒一流！多春魚：燒至香脆金黃，喜歡魚春部分，有顆粒感，而且不煙韌，容易咬開。味醂魚干：魚干焦香帶魚油脂，調味比較甜，簡單蘸上沙律醬可解膩原條茄子🍆：燒茄子個精髓係啲蒜蓉！滿滿香辣蒜蓉鋪滿係條茄子上面，見到都流哂口水，茄子燒至焾身同蒜蓉融為一體，好出色榴連炸彈：炸到外脆內軟的榴槤波波，皮薄餡靚又足料，仲有流心效果的榴連蓉！齒夾留香。酸辣粉：非常喜歡其湯頭！呷一啖麻辣燙因為有酸菜反而偏酸，BB辣都可再辣點。花生、芫荽、蔥呢啲係基本配料，水魷一整條，爽彈無異味，不錯。識叫一定叫豬皮！吸收曬湯底精華！佢仲有好多款面底提供，薯粉煙韌掛湯汁，幾推薦！飲左幾杯Asahi 非常暢快兼值回票價🤣，而且飲埋提子🍇梳打，吾會太甜！串燒配酒人生一大樂事！GUR 曬😉總結：高質串燒 價錢相宜暢飲套餐 酒鬼至愛
繼續閱讀
餐廳開在荃灣站A1出口，只需步行7分鐘就到。睇返餐牌，價錢又幾好喎😀，絕對係街坊價，所以就算我同朋友今晚平日嚟食，餐廳都幾多人😲我們點了好多款串燒:- 五花腩 $20- 泰式豬頸肉 $22- 安格斯一口牛 $36- 雞中翼 $18- 雞軟骨 $24- 台灣腸 $18- 司華力腸 $24- 芝士年糕 $28雞中翼，餐廳特登剪開來燒，用快火香燒至金黃色，皮脆內嫩，即場叫多一串跟朋友分😋另外，我們亦點了大大條燒馬友$118，師傅同樣地亦燒到魚皮卜卜脆，內裏魚肉香滑，一路食都有魚汁滴出，十分惹味🤩餐廳好好，如果我地未夠飽還可以叫酸辣粉，酸辣粉自由度大，可自選薯粉、米線、烏冬。辣度及餸料又可自由選擇。連鹽及糖的多少都可自由選擇👍🏻👍🏻👍🏻。我們點了一款酸辣薯粉，粉夠爽😋，而且餸料一點都不孤寒，配埋串燒就岩哂飲品，我們點了柚子梳打及白桃梳打，唔會太甜，是夏天解渴的首選，亦適合健康的都市人😌
繼續閱讀
📍共度一燒（荃灣）荃灣鱟地坊80-84號華成樓B座地下B1號舖嚟到荃灣又想食串燒，自然就諗起共度一燒，環境舒服不特止，嘢食仲好好味😆👉泰式豬頸肉 💰$22😋😋😋😋.8/5每次都會必點，有碳燒味之餘，仲好有肉汁，一啲都唔會乾身，加埋啲醬汁，份外好味😆😆👉大墨魚嘴💰 $24😋😋😋😋.8/5多數都食到係細細粒嘅墨魚嘴，呢度個啲夠哂大粒，爽口又鮮甜，咬落去係好實在嘅感覺👉雞中翼 💰$18😋😋😋😋.8/5外脆內嫩，灑埋少許椒鹽粉，惹味到不得了👉韭菜 💰$16😋😋😋😋.8/5串燒必食之一，燒到啱啱好，有菜汁又有醬汁，大大份，食極都食唔完👉原條茹子 💰$42😋😋😋😋.8/5燒茄子個精髓係啲蒜度，滿滿香辣蒜蓉鋪滿係條茄子上面，見到都流哂口水，放落口一半蒜蓉一半茄子，茄子燒到軟林林，同蒜蓉融為一體，非常好味👉燒馬友 💰$118😋😋😋😋.9/5上次嚟食過之後，一直念念不忘，今日一嚟到第一時間即刻點，師傅要時間慢慢燒，食到最後先上枱，比上次更加好食，燒到個皮脆卜卜，肉質係非常嫩滑，仲有魚汁流出嚟，食得出師傅用心咁燒，真係要一試，包你難忘✨✨✨✨👉清酒煮花甲 💰$58😋😋😋😋.7/5大大隻，粒粒脹卜卜又厚肉，咬落鮮甜，啖湯又為惹味，加埋粉絲仲不得了回頭: yesyesyes，食物好味有誠意，個馬友好食到我一定會回頭✨😋👍🏻
繼續閱讀