八居酒屋 (旺角新城)

營業中

休息中

今日放工約咗朋友敘舊，揀中間點旺角方便大家，朋友想食日本嘢，所以就揀咗間居酒屋位於旺角新城樓上可能平日嘅關係，餐廳唔算好多人，唔洗等位，不過卡位就坐滿人，裏面都好光猛同闊落企理，聽店員講原來旺角舖係新開嘅，尖嘴都有間分店，店員都好nice,推介我地食仙台厚切牛舌，不過我哋就麻麻哋鍾意，所以就冇點我哋叫咗海膽炒飯，海膽新鮮唔腥又鮮甜，配搭青瓜，再加蟹子雞蛋炒飯，炒到粒粒分明，份量剛好，味道唔錯另外點左炎壽司盛有八件壽司包括鰻魚、火炙三文魚、火炙左口魚同埋火炙蟹棒，d 料好大件，三文魚好肥美，食落去入口即溶，好好味，啱晒唔鍾意食太生既我鹽燒牛舌串，我比較鍾意薄切，充滿黑椒香味，燒得唔錯七味雞軟骨，燒得幾香口我哋食量唔係太大，所以份量都還好，食物質素唔錯，同埋又唔限時，埋單每人大約$200，下次再encore

性價比高 抵食午餐之選🤩😋✨如果想食日式午餐，呢間係一個好選擇。⭐️銀鱈魚西京燒定食魚質嫩滑，外皮燒得鬆脆，仲有滿滿油香，配上熱辣辣軟綿綿的飯，口感正。⭐️角切魚生粒粒丼魚生新鮮足料，配上軟滑的熱飯，食完會想再食。仲有茶碗蒸、麵豉湯、茶漬物，令到成個午餐更豐富，好滿足。而且碗碗碟碟非常精緻，有和風感覺令到午餐更歡愉。環境溫情舒適，地區都非常方便，係午餐晚餐的好選擇。店員熱情好客，殷勤有禮，非常親切。

星期一番工普遍係打工仔既痛苦一天，所以呢收工就好需要食d野鼓勵下自己，今日簡左呢間旺角樓上居酒屋。環境裝飾有日本氣氛，門外仲有一部夾公保機，每人都有一次機會，可以換到唔同類既食品，就睇你運氣啦🐻蟹籽沙律($56)爽脆青瓜絲配上蛋黃沙律醬再加埋蟹子，清爽解膩👍🐻牛肉壽喜燒鍋($98)欣賞唔係好甜既壽喜燒，牛肉既份量一d都唔少，而且勁鍾意入面既寬粉，完美吸收左湯底加上滑到不得了既口感，勁推👍👍👍🐻燒銀鱈魚乾($38)十分適合配酒，食幾條銀鱈魚乾，配啖酒，再同埋朋友吹水，so nice👏👏🐻牛油蒜香炒雜菌($60)牛油香而不膩，一啖接一啖咁食丫🐻日本雞皮餃子 (3件)($42)少見到用雞皮做餃子皮，雖然十分邪惡，但係香氣爆棚，充滿肉汁，比普通餃子更加香口👍👍👍👍🐻日本雞骨腸 (1本)($18)啖啖肉，冇骨串燒岩晒我呢d懶人丫，再配上新鮮既蛋黃，正丫👍👍👍🐻三得利混合啤（$55）混合啤未見過，味道好有趣，同時飲到啤酒同黑啤，但又唔會有衝突鍾意試新野既一定要試😆😆😆🐻柚子酒（$48）口感清爽，酸甜可口，香濃柚子香喔

行開信和中心，咁就係附近搵下野食啦，點知隔離就有橦樓都幾多野食，細心揀完一輪之後入左呢間八居酒屋，時間尚早唔多人，出Lift個員工就好友善咁介紹同招呼，望下餐牌，款式都幾多，丼飯、魚生、串物等等基本野有齊，落好單之後個Staff走埋黎話做緊活動推廣，可以出去夾公仔機玩遊戲，原來係抓乒乓波咁，有波入到窿就有食物獎賞，又幾得意ｗｏ! 呢度裝修係復古既日本風，感覺都幾好，佢主打應該係飲酒傾偈之選，有酒類放題，岩哂朋友歡聚枝豆熱辣辣上枱既前菜，初時我仲以為係凍食ge tim，入口又幾好味，新鮮枝豆配合少量既鹽香，幾開胃下角切魚生丼魚生全部切成粒狀，三文魚、玉子、吞拿魚魚、八爪魚，入口依然堅實新鮮，唔會有塌哂既感覺，配合日本米飯，口感唔錯，自己淋醬油調味要小心一點，否則會好似我咁唔小心重手左就咸左啲啲鹽燒鯖魚上枱仲有香味飄出已經急急起筷，外皮燒至脆身，入面肉質甜厚，個人覺得係推介食物，一份魚我會想一個人食哂佢XDD鹽燒雞心串傳統日本燒物，伴上檸檬，入口彈牙挺身，口感不俗櫻．壽司盛(八貫)有三文魚、油甘魚、帆立貝、紋甲魷魚、赤貝、赤身、芥末八爪魚、三文魚籽各一，每個都有唔同既口味，同女朋友一人半件

一家人 加埋bf一齊去食見評論話係算平民價嘅好食日式餐廳所以bk黎試下叫咗 清湯野菜烏冬好有味道嘅烏冬都算幾大碗三文魚親子丼正常丼 份量唔算大時令海膽三色丼海膽唔腥 都算唔係唔新鮮個啲都算ok但會覺得都係試食一次就算職員 負責人 有禮貌 但可惜價錢上相對唔算太突出 所以會覺得試過就算 唔係特別想回頭再食鹽燒大蝦都算好大隻 但可能係個汁醬？咸得濟鹽燒脆白鱔的確燒到好白脆 襯熱食係幾好但我媽覺得都係腥 怕腥人可能未必會食係得意在有抽獎玩下 令客人開心玩下抽到 揀咗銀鱈魚乾燒魷魚都正常 唔算好熱 可能係汁醬？唔係日式燒汁醬唔算超夾 好似係黑椒甜汁咁總括 係可以一試 但未必會揀再食當日 星期五夜晚 我早食 6點半都冇客人坐 環境係算ok 個日好似包場咁係臨走 7點幾多啲先多咗一枱客坐可能早食 唔算太旺場嘅感覺冇燒得咁香

這間八居酒屋位於旺角新城係一間樓上舖、整間居酒屋係以木系裝置格調🤔、以柔和色調坐著舒適😙、同時好有别的味道風格!.蒲燒鰻魚丼 $88呢一款蒲燒鰻魚丼賣相吸引🤤、整碗鰻魚丼色澤味道都好有水準🤔、鰻魚肉質厚薄適中沾滿醬汁啖啖口感鮮而美味😋、配埋蛋絲、紅薑伴飯增添香味😚、尤其是珍珠飯粒粒口感真的好正!.角切魚生粒粒丼 $80呢一款魚生粒粒丼賣相豐富😯、有不同款式角切魚生及青瓜粒、蟹籽、整碗角切魚生都好新鮮色澤鮮明😚、食到入口啖啖鮮味粒粒口感😋、加埋D蟹籽卜卜脆味道更加正又好食!.鹽燒三文魚頭 $68呢一款鹽燒三文魚頭店員送到上枱散發香噴噴味😙、整碟賣相焦香惹味、入口味道鹽燒香味味道適中、魚肉新鮮魚嘅味道口感我覺得真係幾好食😋、加添杯啤酒就好啦🤭!.日本波子汽水 日本桃汁 +$18呢一杯日本桃汁細細杯、望見色澤都好靚😍、飲入口冰凍香甜可口😋、啖啖桃香味😚甜度適中!

星期五晚放工想食日本野呢間居酒屋係旺角地鐵站附近大約5分鐘路程餐牌款式選擇多刺身、壽司、軍艦、手卷、卷物、丼飯串燒、炸物、燒物、鐵板 etc.當然有居酒屋唔少得既日本酒同佐酒小食用QR code落單 方面快捷 明太子玉子燒 4件 $58明太子醬鋪左係玉子燒上面 明太子醬惹味 唔太辣酸瓜拌碟松葉蟹肉蟹膏軍艦 2件 $36蟹膏入口香濃軟滑 甘香鮮甜軍艦體積偏細海膽炒飯 $1482片新鮮海膽鋪係炒飯上面炒飯用左蔥花同雞蛋 夠鑊氣 飯粒乾身 炒得岩岩好加左蟹籽 增加口感深藍色既碗襯托橙橙黃黃既炒飯 貝柱拖羅蓉三文魚籽丼 $118丼飯盛裝左3款刺身魚生細細粒貝柱 鮮甜蔥花拖羅蓉 軟綿綿三文魚籽粒粒都好飽滿係口腔到爆出鮮味 壽司醋飯 黏度高 口感軟糯

放工約咗朋友黎呢間旺角嘅日本餐廳 - 八居酒屋🥃 我記得佢哋仲有一間分店喺尖沙咀天文台道，好耐之前都同同事試過食過喇😆 最出名係串燒，你仲可以飲返杯酒，同朋友傾下計咁🍻今次我同朋友黎食個簡單晚餐🌝 兩個set都配有麵豉湯、沙律同茶碗蒸。✅汁燒牛肉定食就咁睇好似細細碗，但其實份量都幾多。佢有好多牛肉汁，方便我撈飯食😚😚✅三色刺身丼凍野食係朋友揀既，刺身厚切又夠新鮮，性價比高😗我地仲叫咗個小食：仙台牛舌厚燒😋聽老闆娘介紹，佢地既師傅學咗日本嘅烹調手法，而且用上牛舌最靚嘅部位，真係一流！我哋叫咗杯西柚汁，好開胃呢 。本身想叫幾杯酒試下，但朋友揸車就唔好了🫢呢間餐廳整體唔錯 。食物ok而且環境闊落，食耐啲都唔會趕你走😎聽講依家係試業階段，遲啲應該更多人幫襯🥳🥳

出佐信和買嘢,行完近近哋係隔離旺角新城樓上間八居酒屋醫肚,知道尖沙咀諾士佛臺有間,這間新開幾個月！見店舖是令推介👍仙台厚燒牛舌 牛舌微微嗆焦香,厚身啖啖肉有口感,點埋秘製芥末子醬食更惹味😋雙重芝士厚鰻卷(4件)面鋪上濃郁芝士及鰻魚,每一啖飯入面都有芝士。多重口感,一邊食鰻魚,再一邊飲蜜桃梳打🍑爽啊👍蟹膏軍艦(2貫)🍣蟹膏是滿滿,好似搽上厚厚的cream甘,入口好鮮呀！👍海膽炒飯海膽味道鮮甜,飯粒粒分明,,撈勻海膽一齊食更正👍鹽燒脆白鱔(1本)白鱔肉厚彈牙,鱔皮香脆,肉質Q彈,魚香四溢,呢串好啱我心水👍環境尚算闊落,坐得幾舒適,卡位仲望到街景,不錯！

《八居酒屋》本舖在尖沙咀天文臺道，這間旺角分店現正試業中，地點在信和中心隔離非常方便。彌敦道街上繁忙人來人往，上到位於5樓的居酒屋則舒適寧靜，環境闊落，我和老公揀坐卡位，可望到彌敦道街景。食物選擇多，有刺身、壽司、燒物，鐵板、炸物、串燒及日式料理等，黑板上亦寫有多款時令推介，晚市套餐更加係 CP 值超高之選！晚市套餐 - 壽司定食(8貫）$138呢個價錢有 8 件壽司加沙律、蘿蔔漬物、麵豉湯、茶碗蒸，真的太抵！壽司款式由師父發辦，是日有三文魚、油甘魚、深海池魚、金目鯛、墨魚、帶子、芥辣八爪魚及蟹籽軍艦，魚生非常新鮮，份量亦夠，連大食的老公都說超飽！晚市套餐 - 汁燒牛肉定食 $98牛肉片份量頗多，洋蔥、菇充份吸收甜甜的醬汁，送飯一流。時令推介- 仙台厚燒牛舌  $138非常推介這個餐廳招牌菜，連不好牛舌的我都食到唔停口！厚燒切粒，外層散發炭烤鹽香，口感彈牙而不韌，而且定價親民，香港好少地方食得到！小食：芝士玉子燒 (4件) $58玉子燒控的我去親居酒屋必點玉子燒，入口嫩滑，蛋味香濃，面加上半溶芝士，味道更加濃郁，香口又有層次感。值得一提，餐廳有得食又有得玩，門口位置有部夾波波機，凡惠顧

旺角開左間樓上居酒屋 有串燒食之餘仲有壽司刺身食😋🍣壽司定食套餐 $158本身系$138 +$20可以升級做定食 有茶碗蒸 芝麻醬沙律 麵豉湯茶碗蒸好滑溜 又可以暖下胃準備食壽司😎壽司有8貫 分別系🔸️三文魚腩 🔸️真鯛🔸️赤貝🔸️油甘魚🔸️北寄貝🔸️赤身🔸️魷魚🔸️劍魚腩赤貝新鮮爽口😚三文魚腩好肥美🤤真鯛味道清甜🐟銀鱈魚西京燒 $148燒過後既甜味噌醬汁幾惹味魚肉嫩滑 加多個飯就岩曬啦🐥鹽燒雞翼串 $24/2隻雞皮脆卜卜 咬落去啲油滲曬出黎🦑汁燒日本魷魚串 $32幾彈牙 切好左一小口 方便咬🤪醬汁味道濃郁💭自家小店 食物水準不錯 門口仲有夾公仔機玩🤣

旺角餐廳林立，日式居酒屋我都試過幾間，最近發現咗有一間質素令我好有驚喜😳 樓上舖比較清靜，可以喺relax嘅環境享受食物😛餐牌食物選擇繁多，都有恒常居酒屋會見到嘅款式，食物味道令我😍👍🏼👍🏼三文魚丼飯作為三文魚愛好者，呢款丼飯係我男朋友嘅首選，按比例來講三文魚嘅份量都幾多，而且非常厚身，新鮮有色澤😍火炙蟹柳壽司/芥末帆立貝壽司/帶子壽司有別於平時嘅雪藏蟹柳，呢款火炙蟹柳壽司用嘅蟹柳係有特別大隻肥美，唔係肚皮位置有限我想encore🥺雞翼串燒/ 八爪魚串燒燒到外面微脆，肉質juicy~牛油果鮮蝦卷吉列蝦炸到香脆，牛油果中和咗油膩嘅感覺，matchy matchy!海膽炒飯熱辣辣嘅炒飯絕對加分，廚師放咗好多海膽，炒飯粒粒分明味道都調得剛剛好👏🏼每款食物都係熱辣辣新鮮奉上，更加美味可口。差唔多食完飯嘅時候壽司師傅邀請我哋玩遊戲，去夾公仔機夾扭蛋抽獎😂我哋抽中咗牛蒡～餐廳推介指數： ⭐️⭐️⭐️⭐️⭐️

今日就同朋友去咗八居酒飯食飯食物款式好多, 仲有晚市定食套餐大根煮牛舌定食定食包括沙律, 麵豉湯, 蘿蔔漬物, 茶碗蒸牛舌炆到好腍身同入味, 加埋大根甜甜地, 加配既三文魚刺身亦都好鮮甜炎- 壽司盛4款炙燒壽司, 包括鰻魚, 三文魚腩, 左口魚裙邊, 蟹棒, 總共八貫, 刺身經過炙燒, d 魚油更香濃, 壽司飯亦軟硬適中鹽燒脆白鱔魚皮燒到脆卜卜, 調味啱啱好, 白鱔肉質呈金黃色, 好肥美日式雞骨腸腸仔包住左雞骨, 有啲咬口又唔會太硬榴槤炸彈炸得好香脆, 咬開入面都係榴槤蓉, 榴槤味幾香

係Openrice見到呢間餐廳喺尖沙咀，跟住再撳入去，原來佢喺旺角分店，所以就book 左呢間旺角的分店。去到冇咩人，原來佢地旺角分店係新開業。同埋因為平日18:00我地已經到店，所以我係晚市第一張臺的客人，之後陸陸續續有好多人入座，好彩我哋有book 位我哋嗌咗兩個dinner set，一個係鰻魚丼飯，另外一個係八貫壽司定食+巨峰乳酸梳打八貫壽司有三文魚、吞拿魚、鯛魚、深海池魚、赤貝、墨魚、蟹籽軍艦、芥辣八爪魚軍艦啲刺身都好新鮮唔好睇佢細細碟，成個set食已經好飽鰻魚好足夠汁，正👍個set有茶碗蒸，同埋麵豉湯加沙律茶碗蒸好滑，裏面都有丸同埋菇朋友話本來冇諗過會好飲，但係巨峰味好出同埋夠甜，令佢有驚喜😂旺角新店有優惠like佢哋嘅社交平台就會有三文魚刺身送。之後又有部夾公仔機，之後睇返人地d相，原來都係新鋪優惠活動，但係我哋就冇玩。😂

朋友介紹，佢食過尖沙咀總店，話好食抵食想食多次，見咁岩旺角分店試業中，而且位置好方便，係信和中心隔離，所以今晚就陪佢食多次。🍣八居自選丼$108有超過10款刺身任君選擇，今次揀左飛魚籽（$22）、三文魚腩（$38）同油甘魚腩（$48），飛魚籽份量勁多，入口鮮味；三文魚腩好厚身，油脂分佈均勻，有光澤，味道濃煙郁；油甘魚腩口感細滑，油花均勻，入口即溶：珍珠米有少許醋味，好開胃。🍱豚肉生薑燒定食$138定食套餐包括茶碗蒸、雜菜沙律同麵豉湯，豚肉肥瘦均勻，肉質嫩滑，味道偏甜，送飯一流。🍜清湯野菜烏冬$78湯底鮮甜，咸度適中，稻庭烏冬好彈牙，索哂湯汁，配上大量旺菜同菇菇，清而不膩。🐟燒銀鱈魚乾$38呢味小食送酒岩哂，鱈魚乾切得好薄，好似食緊薯片咁，配上沙律醬酸酸甜甜，食唔停口。🐟鹽燒三文魚頭$68三文魚頭燒得皮脆肉嫩，膠質又多，師傅好細心咁切開細份，方便食用。而且試業期間，有活動進行中，顧客可以夾波波，夾中唔同分數波波就可以換唔同小食，好得意。📌八居酒屋（旺角新城）地址：旺角彌敦道594-596號旺角新城5樓評語食物性價比高，高質店員友善好客🐵推介🍌🍌🍌🍌🍌（5🍌為滿分）