光榮冰室 (常悅道)

營業中

休息中

今日咁岩去九龍灣附近做野 見到光榮 好耐無食過 諗住試下 我叫左xo海鮮炒飯 落單之後 隔籬左右黎哂野食 都見到伏伏地 佢地又係Xo海鮮炒飯 好似濕炒咁又一嚿嚿 同干牛河 😂 到我碟炒飯黎左 同隔離一樣都係濕濕地😢 但有好多河粉碎係飯入面 好似食完收枱返去果d 餸頭餸尾咁 一路食 越食越難食 食得好痛苦 都食左2/3 因為我體力勞動大 無計 局住食 但另外就係樓面，服務態度真係幾好一坐低 個男仔匙羹叉 放埋入熱水到 消毒另外收銀 都幾有禮貌 我見佢對其他客 多謝前多謝後 多多支持 估佢地樓面唔到 仲有杯奶茶都麻麻哋，不過我自己叫咗少少甜 唔知係咪少少甜嘅關係 搞到杯嘢飲怪怪的 又無哂冰 水吧技術唔夠 不過一同樓面講 佢哋即刻話俾杯冰我👍👍👍

依家物價咁高，要食個簡簡單單常餐好多時都要成$60，但光榮就好好，午飯時間，一個常餐$49就搞得掂，真係糧尾恩物。由於係星期六，同星期一至五返工時間唔同，所以位置都好寬闊，可以慢慢坐慢慢食，唔怕阻住其他人。食物方面，今次就揀左豬扒配出前一丁，煎雙蛋同熱檸茶，超級抵食地方就係轉出前一丁或者辛字麵都係免費嫁，冇睇錯！真係完全唔洗加錢。👍👍讚讚讚！豬扒就唔鞋口得黎都好入味，一咬就開，出前一丁就煮得岩岩好，爽口，味粉同麻油都係俾返自己落，可以按自己口味調教，唔怕過淡或過咸，非常好。評語食物性價比高食物選擇多🐵推介：🍌🍌🍌🍌（5🍌為滿分）

10月23日揾食肥華同靚媽，在九龍灣運動場，做完晨運，諗住去常悦道肥仔記，食此店好評如潮嘅，海南雞飯，因知今日係重陽節公眾假期，而此店又位於工廠區，揾食肥華都上OpenRiCe睇吓此店，今日有冇開門營業，結果查到此店在營業中，點知當肥華和靚媽到達常悦道，發覺成條街都係得呢間，光榮餐廳有開門營業，其他食店包括肥仔記都係，關門休息狀態，在無選擇之下，肥華兩人祗好入此店用饍，尤幸此店食品都俗，菜遠牛河份量十足，河粉炒得非常出色，有鑊氣及夠滑度，雖然牛肉欠佳，簿身及略嚡，但整體都可接受，而個滑蛋牛肉飯，就一般茶餐廳貨色，好食唔到佢，難食就冇佢份，不過若諗住求其食個晏，填飽個肚，此店可以符合呢個要求

其他餸係冇問題嘅，餐廳環境係乾淨嘅，但個通心粉有陣好臭嘅汽車味，撈落個湯會減輕陣味，所以我莫名地照食。點知臨尾發現通心粉有黑色污染物，懷疑係佢地過冷河果陣放喺唔乾淨嘅地方，令到啲通心粉有臭味同污漬。而且亦懷疑係出面街啲癈氣令啲麵變臭。好後悔第一啖覺得臭唔醒少少叫佢換個飯俾我算數，仲要食晒，勁蠢 ! 人餓起上嚟真係咩都諗唔到架! 😭😭😭 佢個意見網又唔識用。個豬扒有啲太燶，其他ok, 個檸水好慷慨好好味，唔太酸又冇苦味。

食個早餐好上班。。。今日時間充足可以食個早餐先開工，行咗去公司附近嘅 “光榮” 食個早餐。因為知今日比較忙，唸住食個飽肚嘅嘅早餐再頂到收工，所以揀咗豬扒麵。成個餐包括：滑蛋丹麥包，豬扒辛辣麵，凍檸茶。滑蛋份量足，雙蛋，同滑蛋口感非常好。丹麥包就無乜特別，下次想試吓油多或餐包。豬扒大大件，都幾好食，唔會硬同幾香口，同平時午餐食到差不多味；麵食可以選辛辣麵唔使加錢。飲品我要冷檸茶走甜，茶胆都ok，之前飲過佢嘅齋啡，只可以講不了。。。整體都算ok，一般茶餐廳水平，女孩子都可以飽肚頂到收工👍🏻

光榮冰室作為一個香港土生土長既香港人我好鐘意去食啲地道茶餐廳性價比高 夠鑊氣又夠大份前幾日去左九龍灣光榮冰室佢地就係出名大份夾抵食雖然衛生情況一般 但勝在平靚正我叫左個星洲炒米 配 茶走星洲炒米炒到條條分明又唔會過濕 又足料而個茶走 姐係奶茶走糖 加煉奶又夠滑身 夠茶味另外叫左個西多士係最傳統既西多士炸到兩邊卜卜脆 切開裏面係軟腍腍既麵包淋埋金黃色既糖漿 真係好好食呀唔怪之得佢地開到咁多間分店啦間唔中口痕都可以去食個下午茶

今日去咗光榮冰室試咗佢哋嘅滑蛋叉燒飯，整體味道唔錯，但有啲缺點。飯有啲乾🍚可能係因為煮得耐咗，但滑蛋同叉燒都OK，滑蛋煮得恰到好處🍳叉燒味道不錯🐷但唔算太嫩滑。叉燒醬汁酸甜適中，可以增加飯嘅味道🫣🫣雖然飯有啲乾，但配上滑蛋同叉燒，味道仍然不錯👌🏻如果飯可以再濕潤啲，整體味道會更好。另外，服務員態度友善，環境整潔舒適總括黎講，光榮冰室嘅滑蛋叉燒飯味道不錯，但飯有啲乾，叉燒唔算太嫩滑。但份量好大，都幾抵食，如果你鍾意叉燒同滑蛋，可以一試

今朝做完嘢，又未夠鐘去下一個地點，就去就近嘅 ‘’光榮‘’ 食個brunch。大約10:30到，唔使等位就可以入座。叫咗金牌早餐，我叫咗一碗叉燒湯意粉，一碟煎雙蛋加方飽，加一杯熱齋啡。叉燒湯意粉，正正常常啦，份量都算大，叉燒瘦叉為主，偏鹹，所以放湯適宜。隻蛋方飽，一隻全熟一隻荷包蛋，普通牛油方飽一件。飲品方面，不建議熱齋啡，太濃偏燶，難入口。因為唔想浪費，所以放入自己保溫杯返到公司唸住加熱水再飲，但就算加多一倍熱水都係於事無補，最後都係放棄倒掉。總結，份量對女孩子足夠一個brunch，可以到晚餐再食。有機會試試午餐和其他飲品。

經過九龍灣，見到有好多人食😂我又睇吓係咪咁好食😂叫咗一個三眼仔豬扒飯🐷一上到嚟好有驚喜🤩估唔到有兩大塊豬扒 以為佢比多咗一塊我🤣🤣蛋汁撈飯加埋大大塊豬扒 認真過癮🤩🤩🤩三眼仔係流心加埋啲葱油 真係食到停唔到口👍🏻份量好足 女仔肯定都食唔晒😂

佢勁耐都唔送份牛油多 我見到其他後到嘅人都有 然後我舉手佢扮睇唔到 要我親自去叫佢先回應 仲要疑似串緊我 話乜依家繁忙時間等吓喇 咁樣 個阿姐態度少惡劣 如果有下一次唔會再幫襯呢間

早幾日收工唔知食乜好 即刻諗起成日幫襯嘅光榮冰室。普通三蛋飯，炒飯都試過，今次就試吓未試過嘅咖喱吉列魚柳炒蛋飯。咖喱吉列魚柳炒蛋飯 ($58) (7/10)大大份 吉列魚柳有兩大舊 魚柳未算好滑 但都唔會話鞋～炒蛋又大又滑 飯都好多 咖喱汁小小辣 都幾香 好岩撈飯食 但唔係好夠汁 下次可以叫多汁～跟餐仲送冷熱飲品～整體都算大件夾凍檸茶茶底香濃 但檸檬有少少澀。平時叫開熱奶茶所以唔知係咪淨係得今次有問題 不過我下次都會叫返熱奶茶

在九龍灣工作完後, 由於沒吃早餐的關係, 想吃碟飽足而簡單的碟頭飯. 來到光榮冰室, 分店數目依然可以在疫情裡維持, 自然有其能力. 快餐要求就是快, 大份和能入口. 這裡的蔥油三眼雞扒飯就是代表, 代表着冰室有着這些要求.無論是飯的份量, 雞扒和煎蛋的Size, 也可以用巨型來形容. 雞扒外脆內嫩, 雞黃一夾就破, 蛋汁和蔥油以及豉油結合起來, 用來伴飯絕對吸引. 飯身夠乾, 所以在攪上蛋汁後, 依然保持粒粒分明的狀態. 要說是可以再改進的, 也許是可以將蔥油炒一下, 香味會更突出, 但如此份量如此價錢, 功能性滿分, 味道又不錯, 再多的改善就是錦上添花而已.The chicken fillet egg rice with green onion sauce is one of the famous dishes at glory cafe. Giving that the high portion, I don’t expect too much as it is for fulling my tummy only. The egg is juicy and it is perf

Can’t believe that can see this restaurant in here. Once I saw that and I decided to have my lunch here. I tried the famous egg and chicken rice. There are 3 sunny side up eggs on top of the rice!!! Super satisfying呢間黃店都十分有名氣啦 咁當然佢食物質素都一啲都唔差啦，份量都對得住個價位 不過外賣既話就會貴3-5蚊 但都不阻成為我地午餐好伙伴

一向都覺得光榮冰室好好食呢日去完旅行最掛住係茶記西多！光榮有兩款西多選擇: 傳統西多士餐$32花生醬夾心好好味，外面蛋漿好香芝腿西多餐$34幾有創意，咸咸甜甜咁，幾得意！兩款西多個人都係中意傳統果隻多啲！總括啲食物係好味既，如果啲食物可以岀得快啲就更好了！

呢間嘅滑蛋牛肉飯真係好難食味道同水一樣，一啲味都冇。蛋好碎好少啲汁又冇味。希望你地用心小小唔好咁求其，真係好失望，之後唔會再食。。。。。。。。。。。。。。。。。