元気寿司

營業中

休息中

見有$10優惠試吓，下午人不多有卡位，自己冲抹茶，有玄米味怪怪的。叫了幾碟三文魚吞那魚壽司，但等了一段時間才到，魚生大件但薄身，魚生冇筋不錯，但壽司飯一夾就散。食用薑較霖身唔夠爽口。總括體驗一般。

點解甘大集團，質素可以甘差，咬都咬吾開可吾可以俾返個交代？。。。。。。。。。。。。。。。。。。。。。。。。。。。。。。

好久沒去，剛好中午約同事吃午餐，就來開吃壽司，同事是會員，可以遠程提前取票，都要等20分鐘，也是我不喜歡吃他家，心急不想浪費時間就坐後馬上喝綠茶綠茶味不是好重最愛的三文魚腩刺身～鮮香嫩～入口即化～好好味油甘魚也不錯，但同事説看起來質地不好，像食家一樣牛油果沙拉～性價比高～之愛～但同事説沒吃過牛油果～給她嘗一口～説沒味，牛油果本來一吃進口就是沒啥味，後牛油味才停留在舌尖上玻璃蝦刺身～入口爽脆甜脊燒三文魚腩壽司～香嫩好好味全部食物都好新鮮～乾淨，不錯選擇！中午特惠鰻魚壽司，鰻魚肥香嫩滑，非常好吃

夜晚八點幾去咗綠楊坊搵嘢食，見到元氣唔使排隊就入咗去，見到櫃台張貼紙個奄列鰻魚好吸引，即刻嗌佐果然好好味，超，至於其他，完全冇驚喜，正正常常，聽聞食元氣要睇分店，唔係間間好食，另外叫佐兩碗湯但冇晒店員話會幫我地取消，但埋單時見到冇取消到，好彩我記得，如果唔係就蝕架啦⋯下次可能會去試其他分店

呢期做九州祭，睇中個明太子，所以都嚟試吓啦。《海之櫻勘間八》（鹿兒島直送）介紹寫肉質爽甜有魚脂，覺得都係爽甜嘅，但好似食唔出有魚脂（廣告相感覺好肥美㗎）。《炙燒明太子軍艦》（福岡直送）係明太子，但...真係有炙燒過？《柚子醬油漬鰹魚》（枕崎市產）食到柚子味，仲強過魚味，呢個鰹魚好淡口咁，定係太薄身影響？《四式芝士蛋章魚燒》蛋真係好滑 不過四式芝士係點解，食唔到芝士味 章魚燒無特別想法，啲章魚又係咬咗舊膠咁，哈哈，係咪唔可以有少少偽章魚味？《海之櫻勘間八腩》寫 “頂級”、魚脂份外豐富，魚脂在哪裡？《炙燒黑松露帆立貝》我見都幾多人嗌，都試吓。打開蓋就好香黑松露味，嗯，呢個帆立貝有咬口，幾juicy，怪唔知係佢哋嘅人氣壽司。《吞拿魚三點》呢個有啲似鮮選壽司個三拼，不過呢度得中拖羅+赤身+長鰭吞拿魚。中拖羅比預期肥美喎，入口好滑、好快溶咁。赤身都滑，仲有少少清甜 長鰭吞拿魚，有輕微嘅油香，一般都係咁 👌🏻其實有時會覺得，元氣好唔好食睇分店。咁...呢間就應該屬於麻麻地，仲要咁啱遇到個阿姐，逼我承認和牛軍艦係明太子 都係唔再嚟呢間分店喇，記憶中上次嚟都係感覺唔好嘅，不過今日肚餓，加上就腳，

今日lunch喺位於荃灣綠楊坊嘅元氣嗰度食壽司，一坐低就叫咗10幾款壽司total食咗三百幾蚊，質素OK嘅唔係算差，中規中矩嘅日本壽司，食食吓唔講以為去咗日本添。

久不久就會到「元氣」食一次壽司，他們對食材非常講究，將日本原汁原味的風味帶來給大家享用。今日吃了日本直送「貝祭」之選，日本象拔蚌和鮮味鮑魚，兩者都鮮爽，吃到爽脆的貝類而且價錢合理，北海道巨大M size 珍寶帆立貝鮮甜好味。壽司飯採用100%日本珍珠米，特別有口感。極上吞拿魚三點有本鮪中拖羅、赤身、長鰭吞拿魚三味，一次過食晒三樣。每次都會食的軟殼蟹手卷，新鮮炸起的軟殼蟹配上脆卜卜的紫菜更有風味。還叫了油甘魚刺身及其他，新鮮，而這個價錢無可挑剔。

我食完趕時間走，碌卡紙唔記得攞，行咗兩步即回頭，問佢：有冇碌卡收據啊？我完全冇責怪佢嘅意思，我純粹係想要返！佢居然話我，我有俾你，你唔要咋！我想話：我真係冇聽到佢叫過或者問我任何一聲，要唔要張recipe ！我當時真係趕時間，未反應到佢講嘢咁衰！我上到車，越諗越嬲，唔投訴唔得！我返工受氣，我有糧出！我出嚟消費要俾錢受你氣，冇嘢啊！今舖我一定佢公司俾個答覆！

之前食過幾次，啲嘢食質素唔錯，但員工真係好差質素。從來未試過美心集團會請啲低質素嘅員工，叫佢落單，施施然行過黎，直接開口話「食咩」，黑口黑面。落完柯打又無覆單，直接行開佐，真係O嗮嘴。送嘢又係直接擺度，連基本嘅禮貌都無！元氣啲食物一向有質素，希望可以加強員工的服務態度及專業素養，特別係貴店短髮圓臉的師奶。以後唔會再幫襯呢間

今天早上同朋友入了海洋公園玩，下午出了旺角吃，在旺角行了一會，朋友想行一行大型些百貨公司，我們由旺角搭小巴出了荃灣，直出荃灣千色百貨行，行了一會，行到差不多晚上六時左右，我們相議去那兒吃晚飯，决定了綠楊坊的元氣壽司，坐下我們點了大螺片壽司，三文魚三點盛，炙燒帆立貝，三文魚腩，燒珍寶皇帝蟹柳，蔥油鳗魚，黑松露吉列蠔，炙燒煙鴨胸，燒辛三文魚腩，元氣卷，甜蝦，帆立貝配柑橘汁等等，塊螺片真得大塊同爽滑脆口，蟹柳真的長同特別厚身，鳗魚身很有蔥香味，吉列蠔大粒，炸得脆又不失鮮甜，其他一樣鮮甜同清新

午餐時份行過綠陽坊忽然好想食壽司，這兒好熱鬧，要稍為等位才可進入，看著外面的推介有個午餐之選好似好合口味。極上元氣刺身丼配雜錦天婦羅定食($88）好豐富，有個超嫩滑的海鮮茶碗蒸，蛋幼滑有蛋香配上蝦肉等很美味，這個產品是大人和小朋友也會喜歡的。炸物有三件，其中有一件是爆汁的生蠔，炸物熱辣辣，唔會好油膩。魚生刺身丼鋪滿整碗丼，二隻大大的赤海蝦刺身好甜美，咬落彈牙，還有油甘魚，吞拿魚，三文魚，玉子和帆立貝刺身，每樣都好新鮮加上日本米做的壽司飯，軟糯香滑，很好的一個日式午餐。

很久沒有去吃元氣壽司的下午茶，不知道款式有否改變。今日有時間就入去食個下午茶餐。落單模式已經由以前檯頭的IPAD板轉為用自已手機掃碼下單，一樣方便，不過如果手機屏幕細就看得有點辛苦。下午茶分Ａ，Ｂ，Ｃ，Ｄ四款，包括壽司盛配不同小食及輕食，分量也不少。我選了Ｄ款，五件壽司配芝士味厚燒肉玉子和湯烏冬。每件壽司都被食材完全覆蓋，壽司飯小小一塊，口感微濕，吃到點點酸甜味。燒汁牛肉壽司，牛肉嫩湑薄身，肥瘦均衡，肉面帶有少少焦，面層鋪滿掛上醬汁的蒜粒和洋蔥絲，一啖滋味。灸燒珍寶皇帝蟹柳壽司，長長的蟹柳棒，面層有甜甜的沙律醬，入口甘甜。灸燒黑椒三文魚，三文魚灸燒後有一份特別口感，不韌，口感仍是軟滑，沙律醬上點點黑椒，吸引味覺。玉子壽司，長長的玉子鮮鮮黃黃，蛋味濃郁。莆燒鰻魚壽司，鰻魚燒得香口，醬汁惹味。芝士味厚燒肉玉子，同樣是蛋味濃郁，一啖一蛋香，面層芝士十分濃厚又有帶有吃忌廉的軟滑，配合玉子同吃，像吃一件日式小甜品。湯烏冬，湯熱烏冬彈牙。吃完一大份下午茶已飽了，不過見到檯前有一些期間限定的宣傳圖片，忍不住再要了一份蟹肉牛油果軍艦。蟹肉牛油果軍艦，壽司飯用紫菜包著，牛油果不肥不膩，切成小粒配上鮮甜的

今日星期六去到夜晚我哋行街經過荃灣去到綠楊坊上到去2樓見到高速火車頭元氣壽司專門店，入去試一試，其實呢間元氣壽司都唔係第一次食㗎喇但係佢哋都保持到水準啲壽司都係好大，我哋三個人嗌咗三文魚腩壽司炙燒帆立貝壽司，大螺片壽司同埋佢最新嘅三文魚三點式，蔥油碟魚，燒珍寶皇帝蟹柳，仲有佢最好味嘅軟殼蟹手卷，炙燒煙鴨胸，元氣卷，甜蝦壽司，北寄貝壽司，仲有佢個黑松露炸號壽司，佢哋做嘅壽司好大件尤其是佢個炸蠔好大件好鮮甜，仲有佢新出嘅三文魚三點式好抵三件$17，佢哋荃灣分店呢間呢壽司好大件，好抵食🍣🍣😋😋

今晚應小兒的要求，到了綠陽坊的元氣壽司，來到才拿票，等了半小時多就可以入座，比其他分店的算快吧入座了看到仍是舊版火車，即食物到了以後，需要按鈕火車才折返，不是自動的那款，正合小兒的意願呢是日蛋壽司半價，6元一客2件，抵食原來元氣壽司有主題貼紙的啊，職員送給小兒的必點的如下，味道不變的好吃蒸蛋炸蝦壽司章魚小丸子雞軟骨粟米蟹柳軍艦新嚐試雞蛋牛肉丼: 大大份的，填肚非常適合，味道不錯炸蝦粟米手卷: 最喜歡的食品都聚集為手卷，非常好吃還有更多其他的，就沒一一拍照了

食品質素份量非常差，完全不付標準，完全不新鮮，非常之差及失望，咁大連所店，質量完全不能保持。以往去旺角食，感覺非常好，以後也不會幫親荃灣緣楊店，太失望，完全不值價格。也不會推介任何人