元朗花甲粉

營業中

休息中

元朗有名嘅花甲粉店終於都開咗堂食，即刻同朋友嚟試下先，估唔到新春期間都唔加價，又冇加一，真係良心店喎😍小店流程係先寫好落單紙，再去收銀畀錢，然後自己搵位坐，叫到號碼就出去拎。我見食客都好自律，喺收銀度排隊落單，坐位都係坐埋一邊，唔會將啲嘢擺曬喺櫈度霸位。落單到拎得碗粉大概等咗15分鐘，堂食客好多外賣客都好多，見佢生意咁旺都鄧佢開心嘅😘自己就叫咗百撘麵，揀咗肥牛魚皮餃配米粉，湯底就bb辣同小麻。芫荽、蔥同炸蒜係自助落嘅，想要幾多就落幾多。個人覺得小麻加bb辣啱口味，湯頭仲幾鮮味添。米粉好多，仲有唔少娃娃菜同金菇，配料畀嘅份量都唔少，食完一碗係勁飽嘅😋朋友就要花甲粉，再加咗響鈴同漢堡扒，湯底就要咗中麻中辣，同樣係米粉底。試咗佢個湯底，確實係同我個百搭麵嘅湯唔同，雖然入口係麻同辣，但最後有海鮮嘅鮮甜味走出嚟，似乎湯底都用咗唔少花甲👍幾十蚊食飽飽又好味，抵啦😆我哋六點鐘入座就好好彩唔使排，去到六點半門口已經排長龍，好多人都轉外賣了。

元朗花甲粉用心處理湯底(少辣少麻)味道岩岩好越食越開胃加餸配料價錢合理今次花甲粉$63+肥牛$11 +紫菜$7 +鴨血$2一件店主出手非常闊綽(勁多肥牛食極重有)而本身花甲粉已有大量金菇和娃娃菜和豆腐卜2-3件，加上美味湯底;真好吃吃過後你會了解小店用心製和大型連鎖米線的~大大大分别喔在場大多熟客，氣氛親和^^今次去感覺出品速度快，不需10分仲巳出餐了清香麻辣熱哄哄湯底確回味無窮介紹友人試食後也讚好唯獨不熟悉元朗友人較難尋找新店請支持小店:祝業務蒸蒸日上

💁🏻‍♀️半自助形式 先排隊點餐 如果堂食 佢哋再安排座位 自己去取餐區拎野食 再自行加toppings (蔥..芫荽..炸蒜..) 😳一上枱個下真心俾佢哋個超大碗&超大湯匙嚇親😝🧡每碗花甲粉本身已經有🤩娃娃菜 金菇 豆卜 🤭我另外仲加咗好多蔥 芫荽 炸蒜 🤤聞落去超香 專登忍口唔叫辣 可以試下湯嘅鮮味 飲咗一啖 忍唔住飲多幾啖先開始食😋 麵條掛滿湯嘅鮮味 再食花甲 確實好鮮甜😋🤤🧡 其他配菜都索晒個湯汁 🤩超入味 👍🏻果然係元朗名物 🙌🏻推介 🫶🏻支持小店

呢間嘢喺元朗都開咗好耐，但係最近好似搬咗大鋪，見佢呢排都幾多人食，所以今日見到有機會就有去試吓啦，去到門口都有幾個人等緊外賣，咁我就入去叫餐啦，入到去職員就叫我自己搵位坐，咁我都見到有啲枱係冇人收嘅，可能佢哋都比較忙，咁我就寫字叫嘢食，其實價錢都比較比較貴，叫咗一個花甲粉加兩個餸都要成80幾蚊，仲未叫嘢飲，咁個餐黎到，味道都可以嘅，但係都係一般味精嘅味道，係比較惹味，咁佢花甲都足料嘅，同埋都冇沙。性價比就大家自己諗啦，我就覺得比較貴

原本好開心，元朗有一個專賣花甲粉嘅舖頭，之前一直都冇留意到，仲要好似好出名我老公都好鍾意食花甲粉，所以就去試一試，好彩入咗唔需要等位，不過外賣話要等很久，大家外賣要提早打電話。可惜味道很一般，花甲都係比較細。。如果鍾意食花甲粉嘅朋友，建議可以試吓「囍串」，佢哋用嘅花甲係大花甲，味道亦都比較好味。。真係冇比較冇傷害。。我叫嘅係百搭粉肥牛少辣湯底係有啲死喊，但係肥牛好多份量，呢個位係加分。總括來說，如果要排隊等，就覺得冇必要😬

元朗名物花甲粉，之前未有堂食店嘅時候外賣店排隊排到hi hi有試過等個半鐘，而家開咗堂食店快咗好多坐低等碗面都係等咗5分鐘左右，佢嘅芫荽蔥同炸蒜都係自助任加，料都係非常之足一碗其實一個女仔係食唔晒，唔知係唔係湯底有唔同咗，感覺淡咗少少，冇以前咁鮮味，唔知係當日咁啱係咁定係換咗配方，會再去試吓碗麵本身就係有娃娃菜，金菇同埋豆卜，平時叫外賣返屋企都係可以兩個人食一碗因為佢資料實在太多，根本食唔晒所以今次堂食都剩低咗三份一碗

🤍花甲粉 $62不得不說 每隻花甲都好飽滿😍全部都有打開哂 好鮮甜 唔會有沙每碗大概有十隻左右湯底有辣同唔連揀🍲個人就覺得清湯比較優秀 比較飲得出花甲嘅鮮甜味😋至於粉絲粉量都好多 所以建議女仔扣底另外仲有娃娃菜🥬金菇🍄同豆卜做配料果然係名不虛傳🥳不過注意返‼️用餐前要去櫃枱比錢先味道🌕🌕🌕🌕🌑-🤍涼拌青瓜 $18佢用麻醬唔用辣汁幾特別不過個人就覺得不過不失🤣味道🌕🌕🌕🌗🌑-回訪嗎：🙋🏻‍♀️整體味道 🌕🌕🌕🌕🌑抵食 🌕🌕🌕🌗🌑

這就是由小店幾個位置，大排長龍做外賣，到現在搬到大舖的元朗花甲粉。新店：泰利街11號大興大廈地下這家花甲粉出色的是鮮味湯底，如果喜歡吃麻的你，這將會是你的大愛，有魔鬼麻的選擇。她們的花甲都是肥肥沒有沙的，鮮味十足，還有經常缺貨的漢堡扒，基本上晚餐時間來到是吃不到的。其他配料，例如炸蒜、芫荽、蔥等都可以自己額外添加的。最值得一讚是，這個份量真的是兩個人都能吃飽的份量，每次都吃不完。推荐：豆卜花甲粉絲

首先一入到去咁多張空枱都冇得自己揀位已經有啲不滿，去到填嘢食又冇人講點樣落單，明明有得揀要唔要蔥要唔要炸蒜，點知原來係之後自己落，同埋冇諗過呢個價錢乜都係要自己拎嘢食方面完全係唔值得呢個價錢，個湯底好似飲緊啲油落肚咁，要講夠特別嘅話就係特別油，要講味道嘅話就好似細個誤食淘寶嗰啲辣條咁嘅味道，加上我覺得一間餐廳斟水好基本，唔知點解佢又係冇同埋個冷氣開到咁大，唔知係咪想啲人食完快啲走，成個體驗都好失望，而家返到屋企個口仲乾到而家，冇下次了

收工無野做，諗起以前食過元朗花甲粉幾好食，就特登搭入去諗住食。去到舊舖門口發現拉咗閘，心諗唔係咁遠入到嚟冇得食呀嘛。好彩有個熱心街坊見羅係暫時面眼望望咁就話畀我知原來搬咗新舖。舊舖完全冇提示話搬咗新舖呢一點真係好奇怪。去到新舖再唔使排隊。坐係坐得舒服個舊舖好多好多倍。坐咗冇耐就有得食，叫咗一個花甲粉加牛柏葉加一罐可樂就已經82蚊。其實真係有小小貴。不過好彩花甲粉嘅質素都保持到。無令我失望，花甲都算幾多同埋每一隻都冇沙，係鮮甜嘅。個粉加埋我叫咗小辣同大麻嘅湯底非常好食，麻辣得好過癮！

$63/碗花甲粉，只係包湯底、麵底、1開2豆卜（有時會多半個）、2執金菇、半棵娃娃菜、基本10粒左右花甲蜆⋯⋯只係標榜大碗，但以上食材完全似配菜，10粒花甲叫做主菜卦⋯⋯而花甲唔係好似店主咁講到用好高人工$100/時薪要求員工逐粒去洗咁誇張可以完全冇沙，其實都食過有沙⋯⋯宏觀睇大部分食客都要加餸，先叫做有餸食，加加埋埋都至少$80以上⋯⋯性價比唔高，9成食材都急凍/罐頭食品，餸方面完全冇功夫可言，沒有特色，沒有自家製餸，佢賣點只不過湯底而已⋯⋯總結唔值得去試。

之前食過幾次都好正😋開新舖之後都未幫襯過，今日就試咗，味道一樣咁好❤️不過都有啲地方要改善人手明顯不足，落單嗰位小姐已經忙到傻，仲要間中幫手攞嘢飲同收枱，人龍過長，新年後週圍開返工個情況就會仲亂今次外賣花甲粉啲花甲比之前少咗唔少，今次都係第一次加底，但覺得同以前冇乜分別，我會當搬新舖成本上漲但冇加價可接受，但如果係呢個原因的話，有公佈過會好啲，另外加咗餸但冇俾到，可能真係忙到甩轆大意咗啦！希望快啲請到人改善現況，等大家都食到好味嘅花甲粉😊

慕名去試，知道新舖開咗幾日，預咗未必會盡善盡美，但覺得安排實在強差人意，CP值勁低。個設計係入去就算係堂食，都要先揀好野食，比晒錢拎張飛仔搵位坐低，等嗌你個号碼出去拎。啫係好似Canteen或者大家樂咁。要自己出去捧餐呢點我有啲驚訝，首先佢個價位其實唔係平，花甲粉要$6x蚊，求其加兩個餸就七八十蚊，茶餐廳同車仔麵都有人送餐啦，啲碗又大又重，位與位之間又唔係鬆動，捧餐感覺唔良好。然後餐具係自己拎，連蒜同葱乜乜都係自己落，大家樂同麥當勞都有執埋餐具比你啦。另外，店員大聲叫号碼叫客人取餐呢個安排亦都係感覺一般。可能係我未有即時去拎餐因為初時唔為意要自己拎，埋到去時店員都係好炆咁狂嗌我個号碼，令我覺得有少少唔舒服。至於味道方面，覺得湯底偏咸同埋都係味精feel唔覺有鮮味。同埋嗌咗小食漏咗單，我都係返到屋企先記得，而我都懶得計返其實佢係無收到小食錢，定有收但無尼。覺得如果新開業未熟手係ok可以包容，但我覺得係成個安排問題。唔會食第二次。