來來重慶雞煲火鍋菜館

營業中

休息中

我已經係第二次去。上次同啲唔係好熟嘅朋友去付近嘅殯儀館，個煲重要放響我對面，所以冇得話大食特食，要顧住儀態同禮貌。今次就唔同喇。我特登逼我啲熟朋友，山長水遠入大圍，就係為咗呢個雞煲。四個人分一個雞煲，食完之後加水當火鍋湯底，再加幾碟火鍋料，咁就一餐。有人唔食得辣，所以叫「微辣」，結果都夾咗十二隻辣椒出黎。個伙記肯另外俾碟醬我自己調味，所以大家都能盡興。老實講，隻雞細咗啲，唔知同我大食有冇關，抑或啲肉俾我啲朋友夾哂。但係其實只係為個汁撈飯，正到不得了。最正係啲洋蔥，勁香囉。後來想話加碟唐生菜，但係黎到發現啲菜邊爛爛哋，結果都肯換過啲菠菜俾我哋。啲娃娃菜就冇問題。再加咗碟駝鳥肉。我唔知應該係乜味，但係入口好林，一啲都唔韌，又幾香口。四個人食到飽先至三百蚊唔到，真係又平又正！

開放式舖頭有d似大排檔但幾企理. 三個人先點了半隻雞$98再打邊爐. 雞煲是現場即整的.用黑色瓦煲上, 幾有風味.雞煲味似啫啫雞但加上花椒同乾辣椒,野味得泥帶小許甜味, 正!雞肉幾滑而且個汁好濃所以鮮味唔太重要. 一路食一路滾, 三個人係咁搶....洋葱都唔放過加水之後點左肥牛, 魚皮餃, 竹笙, 金菇,烏冬, 秀珍菇,墨魚滑<- 呢個正. 料一般而且份量較少.有心食還是叫整隻雞$148比較抵.三個人連野飲埋單$298. 抵.

去到"來來"當然要叫番半隻雞啦~ ($98) 不過~今次是吃中辣,但~都不及上次吃小辣來得辣,唉~~可惜~(上次吃時,又濃味,又辣,我這個不能吃雞的人都忍不住口吃了幾件)西蘭花蝦球 (女兒自己叫的)-->>蝦球不夠爽口彈牙~五十幾元,一點都不值~粟米班塊-->>味道普通~仲送"鑊撈"比我們嘆~唉~四十幾蚊,也是一點都不值~仲差過去快餐店的碟頭~三個人,三個餸,一支啤酒,一罐可樂,三個白飯~埋單240元,沒泊車優惠的,海福花園泊車15元/每小時,總括而言,不算很難吃,只屬一般~只是~食物水準與價錢不成正比而已~~~早兩個多月去時,東西仍很好吃的,都唔知點解現在變成這樣的.

想吃辣的東西, 剛巧家人看到 OpenRice 的食評, 便相約其他人前往...一句講晒 -- 根本不是賣四川菜的! 除了這個「重慶」雞煲和麻婆豆腐之外, 其他傳統的創新的四川菜根本沒有! 冷盤? 熱葷? 通通欠奉!! (連拍黃瓜等也沒有). 事實上, 這只是一間街坊大牌檔般的小菜館, 還要是相當「up dup」的格局; 若然你抱著去嘗川菜, 甚至乎只想吃一頓辣得過癮的, 你來這裡會相當失望!!!我本身對食肆環境沒有什麼大要求 (我們在有陣雨的晚上坐在行人道上, 簷蓬漏水彈到我都冇諗住怪佢), 這間店的服務亦 OK, 價錢又便宜; 最重要的是 -- 是我們自己"誤會"這裡是吃川菜或辣的地方, 所以我不忍心給他一個負評.這個招牌雞煲都幾好味. 用的是新鮮雞, 半隻雞 $98, 一隻 $148. 若你有吃開辣的, 則中辣的也不會難到你 (我們叫了中辣, 完全不辣; 店家給我們加了一整碗辣椒才可以, 但絕對沒有川菜那種用多種辣椒混合得出來的那種馥郁辣香的味; 亦沒有下花椒). 但沒有什麼突出之處. 而且, 吃完雞後加湯水打邊爐更加是越滾越乏味, 倒不如乾脆揀過個湯底打邊爐好過.總括: 這個

傳聞中的重慶辣雞終於食到, 果然名不虛傳,今次食無辣, 非常足料, 配料與雞混得非常匹配, 散發一種濃烈而芳香撲鼻的味道,簡直令人垂涎欲滴, 當放進口中便感到那股濃烈的香味非常之好, 舌頭大動,難以制止,此雞煲還好食過專門店的雞煲, 簡直難以抗拒來來雞煲, 下次定必試食小辣, 實在無法抵擋喇...

叫左半隻雞，再加一碗飯，之後加水打邊爐，有肥牛，生菜，西洋菜，牛柏葉＆墨魚滑，同埋啤酒汽水，好味道！

12月2日晚去吃雞煲，果然很不錯，雞煲香噴噴之如，雞很入味，我叫少辣我都覺得做辣，其實可叫伙計少少辣，雞煲吃完，再加水打邊爐，不過越打湯越辣，雖然辣，但幾和味架！我再叫手切肥牛，夠腍，但沒有牛肉味，跟住叫炸魚皮，沒有，有些失望，一碟菜和烏冬2个人吃。，都飽，下次我會試佢羊腩煲＄98，試完再說給你們聽。雞煲$88(半隻)，，手切肥牛$88，菜和烏冬每碟$12。

今日放工約埋男友仔黎試呢度最出名係雞煲, 我當然要試下啦.因男友仔唔食得太辣, 我地要左個小辣.個雞煲既味道同我在大陸食既基本上都差唔多,食得出係用新鮮雞幾滑, D汁料好香好惹味,其它既火煱生料同出面差唔多...這裡既小炒菜色比其它大排檔小好多...但整體上呢度既野食係好味既

哈哈,上次食完之後實在回味,口裏生緊數粒飛滋既我o尋晚約埋o的朋友仔再o黎食過~必點既當然係麻辣雞煲啦,今次o的朋友個個都食得辣,結果就點左一個勁辣雞煲,o華.......o個o的雞充滿雞汁,辣得o黎真係好野味,雖然o尋晚人客非常之多,但雞煲水準仍然維持在高水平.....果然冇令我失望^_^朋友為了遷就熱氣既我,所以食完雞煲之後我o地就捨棄o左o個o的美味雞汁,棄打邊爐而揀選炒小菜,老細推介既左公雞,椒鹽蝦都好好味,左公雞好有咬感,而o個o的椒鹽蝦又好彈牙o咼,果然冇介紹錯~由於老細知道我o地食得辣,所以叫我o地試試個紅咖喱勁辣炒飯,佢話未有客人試過o咼,一o黎餐版冇寫,二o黎老細話冇乜人食到咁辣o咼,當碟炒飯放落䒷 既一刻,立即傳來了陣陣咖喱香味,我o地大家一齊試第一啖炒飯既時候...頓時鴉雀無聲五秒,然後就聽到she..she..咁聲,因為o的飯真係好辣,但辣得o黎又真係好好味,五個人話咁快食完成碟要再Encore,最慘o個個係我比o的炒飯辣到我o的飛滋痛到標眼水,不過老細好識做咁送左一渣冰凍參蜜比我o地解辣,果然識做生意啊~

星期四係媽媽生日, 上來見到呢度食評讚呢間野, 所以特登訂位去試!!去到無人理, 我地企左一陣, 先有人問我係唔係訂左檯, 坐低左之後, 又無人理, 一D人就走左去廚房..個個所謂既老闆, 一路係度同D客飲酒SOSO, 根本無理會其他客..我地叫左好耐先有人應~之後第一就叫左個雞煲, 係好味..好快食哂~不過我媽媽話一定唔夠一隻雞..128貴左D..仲要等起碼半個鐘....食完雞之後就加左上湯打邊爐..火鍋料幾特別..特別在特別貴...普通一兜仔菜都要成12蚊..d丸幾粒就20蚊..肥牛幾片要成48大元...十分之唔抵...4個人埋單3百幾蚊...應該唔會再幫襯!!

每天放工經過樓下新開既大排檔總聞到陣陣香氣，已經想試好耐，可惜每次經過都係全場爆滿，有o的時候仲有人要等位添，好在我醒目一早拎左咭片打去訂位，o尋晚終於有機會同朋友一齊試試o勒~必試既當然係佢o地既招牌雞煲啦，我o地四個人就要左一隻小辣雞煲，因為有個朋友唔食得辣，當師傅將個雞煲送上枱 打開煲蓋時，o個陣撲鼻既香氣實在令人口水流啊，我o地四個都顧不了儀態就急不及待試食了，由於我要Keep Fit最初我只打算食兩三件，但係試完第一啖之後就停唔到口，o的雞肉好滑好入味，o的肉汁好豐富，連o個o的洋蔥配料都好好味，小辣真的不太辣，不過好野味送飯一流，估唔到我o地四個女仔唔駛20分鐘就攪掂o左成隻雞。之後伙計將上湯加入個雞煲o度，我o地就開始打邊爐，我o地叫左手切肥牛啦、墨魚滑啦、炸魚皮、黑椒牛丸、魚片頭、金菇同埋薯粉，當o的上湯開始滾既時候又聞到陣陣好特別既味道，但又講唔出係乜o野，總之就好香啦，我問過師傅，不過師傅話係秘密叫我自己試清楚o的再估o下o咼………o的手切肥牛好新鮮，好有牛肉味，魚片頭夠彈口、o的炸魚皮好大塊，最重要係冇o個陣油味，最好味最好味就係個薯粉o勒，o的薯粉吸收晒湯入面o

估唔到咁細間舖，等位等足四五個字，連隔離單車舖個位都霸埋，誇張到爆。見到每枱都食雞煲，一於跟大隊，真係唔錯喎，香辣一流，D雞好好食，又滑又辣，我仲用D洋蔥同汁黎撈飯，勁正。除左雞煲之外，仲叫左幾個送，有宮保蝦球、左公雞、椒鹽肉排、炒白菜同豬頸肉炒西蘭花。個人黎講比較鍾意宮保蝦球同左公雞，蝦球好爽口，個汁食得出有茄汁同辣味，總之勁多香料果隻啦，而左公雞又係用無骨雞柳炸左，再加香辣配料兜埋，好惹味。

果日放工見好多人等位，於是同女友落街試下。我地兩個人叫左半隻雞雞煲，香香辣辣，都得得地。最衰女友怕辣搞到皮膚唔靚，唔係我就叫中辣試下。我地冇用雞煲剩低D汁打邊爐，夥記同我地換左煲上湯再打，又肥牛又盛，都係百零蚊埋單，幾抵食。

從未食過咁好味既雞煲，檔主十分細心，可讓顧客自選辣度，雞肉嫩滑，香味撲鼻，令到人食完要再食。原來食完雞煲，叫火鍋仲會特價，所以吸引好多顧客排隊等位。自從大圍有間出名既糖水舖見過人流鼎盛之後，沉靜左一排，而家長龍再現。唯一美中不足，就係食完雞煲再加火鍋之後，如果有滋潤糖水送上，就very good囉。

週末跟五位友人到沙田踩單車，還車的時候被隔離食檔的香味吸引，回頭一看，原來是大排檔大廚在街頭示範製作四川風味的重慶雞煲，我們一夥人踩了成日單車，被這香氣引得飢腸轆轆，便二話不說決定在這間餐廳吃晚飯。我們點了老闆推介的重慶雞煲，一面等一面看著師傅表演廚藝，見他將洋蔥、薑、醬油放進砂窩中兜炒一輪，再加入雞件，焗一會，再放進秘製醬料拌勻，霎時辛辣的氣味四溢，相信最考手藝的就是這個醬汁了。再過一會，伙記在桌上擺放Gas爐，然後放上雞煲，鍋蓋一打開，香氣撲鼻，這雞煲確實用足料，一鍋一隻雞，連雞頭雞腳也一併放進去煮，絕不欺場。這雞肉質鮮嫩，吃得出是新鮮雞，汁料味道極濃，辛中帶麻，十分開胃，鍋中的配菜如洋蔥和薑等都十分入味，我同好友都吃個不停口。雞煲吃到尾聲的時候，伙記建議轉吃火鍋，便將上湯倒進煲中，這鍋醬汁頓時又變了四川式的火鍋湯底，我們點了一輪又一輪火鍋料，計有雪花肥牛、牛展、羊肉、魚皮餃、魚片頭、娃娃菜、鱔片、唐生菜、豬肉丸、貢丸和墨魚丸等，其中羊肉及魚片頭最受歡迎，令每個人都吃到肚滿腸肥，滿足得不得了。最滿足的是，吃了這麼多，連啤酒汽水才80大元一位，在外面打邊爐也不止這個價錢，抵到極。