何車車仔麵 (大南街)

營業中

休息中

想食車仔麵，就會黎何車，配料選擇多又好食，可以揀撈麵或者湯麵😆😆今日食黑松露撈拉麵，配料揀咗每次必食的燒腩肉，糖心蘿蔔，腐皮韭菜角。燒腩肉真係冇得輸，肥瘦均勻，入口個油脂感爆發🫢🫢糖心蘿蔔又係每次必食，煮得好淋好入味，冇渣之餘仲好甜🥰🥰腐皮韭菜角有三粒，腐皮包住韭菜加豬肉，入口爆汁，夠juicy🥰🥰🥰我老公就揀左湯烏冬，配水魷，滷水雞翼皇，炸魚片頭。水魷好似份量比之前多，好食，辣道剛剛好；滷水雞翼皇夠入味；炸魚片頭比平時外面食到的彈牙👍👍

今次去左何車車仔麵食晚飯，𥚃面坐位唔算多，當晚9點左右去食，等左一張枱就到我地啦！我地一行4人叫左⬇️1️⃣細何五餸麵(豬皮，豬血，糖心蘿蔔，鹵水雞翼皇，陳皮魚蛋，幼麵)👍🏻陳皮魚蛋好好食不過無豬皮，改左豬手2️⃣何車炸盤吉列炸蠔，炸腐皮蝦卷，醉炸雞翼皇，炸腐皮角（各2件）🙂不過不失3️⃣老何十餸麵豬皮，豬大腸，豬血，糖心蘿蔔，何B雞翼尖，鹵水雞翼皇，陳皮魚蛋，燒腩肉，炸魚片頭，炸腐皮蝦卷，油麵⭐️⭐️十餸好推介，每樣料都好食，不過呢碗無豬皮轉左豬頸肉4️⃣韭菜豬紅👍🏻夠入味5️⃣何車巨根👍🏻蘿蔔好甜注意：五餸同十餸無其中一樣料，佢會自動安排俾另一個餸你架‼️飲品🥤一罐可樂忌廉溝鮮奶可以選擇菜底/淨餸，而且除咗平時既車仔麵，仲有多款麵選擇，例如有蒟蒻麵有秘製汁，咖喱汁，麻辣汁，仲有唔同辣度，適合鍾意食辣既客人🌶️🥵🔥

平時行過都有好多人等位，今日難得有位，一於試吓。我自己食車仔麵係一定會叫魷魚嘅，仲有雞翼，今次試咗佢寫住推介嘅豬頸頸肉，另外仲叫咗娃娃菜，一共四個餸。麵底就叫咗粗麵。呢間嘢幾好，佢個底有好多選擇，可以叫菜底，想減肥一流。首先，講吓個麵，當我以為佢係普通雲吞麵店嗰種粗麵嘅時候，原來佢係蛋麵。魷魚幾抵叫，因為佢分開上，個碟仔裏面都有幾多，而個汁又有啲啲麻油味！雞翼都好好食，豬頸肉就差啲，因為我唔鍾意佢咁肥。最驚喜就係佢啲小食！我叫咗炸雞同埋雞扒。炸雞，裏面都有肉汁！相對地，雞扒就冇炸雞咁出色，可能因為我唔鍾意佢個汁，覺得唔係好夾。

原來車仔麵都可以咁多樣化，呢間車仔麵有供應唔同麵底；有蒟蒻面、黑松露撈麵、日式拉麵等等真係照顧哂唔同人需要🍜［老何麵十餸配粗麵］$63一次過試哂十個招牌餸就唔洗煩啦😂十餸包括豬紅、豬皮、豬大腸、蘿蔔、雞翼尖、滷水雞翼、陳皮魚蛋、燒腩肉、炸魚片頭、炸腐皮蝦卷😋樣樣都咁出色；糖心蘿蔔好清甜又淋完全無渣，平時食車仔麵好少可以食到咁甜嘅蘿蔔，值得一讚！啲豬皮豬大腸整得好乾淨食落好爽口，雞翼同雞翼尖都滷得好入味，雞翼尖仲有少少酒香味 ，魚蛋用陳皮魚蛋好有誠意，食落好香陳皮味有驚喜👍🏻值得encore！至於個湯底揀左麻辣湯（小辣）湯底有少少藥材味，但完全無油膩感仲好清甜，最後我真係飲哂啲湯😂另外一提車仔麵配料可以係app落單時自由加減；芫荽、蔥、蒜、乾蒜，好似我咁鐘意食芫荽就襟多兩下就會多芫荽，呢點真係幾細心環境⭐️⭐️⭐️ ⭐️性價比⭐️⭐️⭐️ ⭐️推薦度⭐️⭐️⭐️⭐️人均消費：$63整體分數:92.86分

油尖旺一帶要搵碗麵食唔難，仲好多選擇添平時就食潮洲粉麵多，今日嚟到太子想搵下有冇新野發現呢間優質小店，而且啲車仔餸比起傳統嘅新穎啲，就決定一試了一碗揀咗豬大腸、豆卜同腩肉大腸乾淨企理，稍嫌滷得唔夠入味，尤其要浸埋湯可以咸多少少豆卜索咗湯汁超正，因為最驚喜就係呢度嘅湯頭，清甜得嚟味道都幾豐富，叫索湯嘅餸就一定冇錯👍🏻👍🏻👍🏻另一碗試埋蘿蔔，清甜夠淋，值得推薦呀嘢飲竟然有清漉奶茶，正呀🔥🔥🔥總括嚟講，單係個湯頭已經值得再嚟！油尖旺一帶要搵碗麵食唔難，仲好多選擇添

在車仔麵店裡，我獨自享用晚餐。湯頭濃郁，麵條彈牙，配料豐富。我感受到熱鬧的街頭氛圍，店主的熱情服務讓我感到溫暖。這個簡單而美味的餐點讓我心滿意足，同時也讓我感受到獨自品味美食的自在與享受。☺️☺️👍🏻👍🏻✨

呢餐叫左兩個三餸車仔麵同一個小食炸春卷😋湯底🍲一碗加左微辣辣汁同咖哩汁，比較重口味，反而另一碗淨係加左小辣嘅辣汁，配清甜嘅湯底就啱啱好😋餸方面，何車水魷最有驚喜（因為後上冇影到相）甜豉油汁平衡到碗麵嘅辣同鹹，另外雲吞同水餃皮薄多餡，蘿蔔清甜冇渣、雞翼入味唔鞋，全部都中上水準，唔會有hea嘅餸！唯一就係魚腐相對失色，軟身d 冇咩口感。麵底亦值得一讚，粗麵同油麵都軟硬適中又掛到湯🍜👍🏻環境方面，當日係平日夜晚7點左右到訪，座位唔算多，兩個人要搭枱，但都唔算太逼🆗總結：湯底 麵 餸 小食都好好味， 期待下次再試其他野💛

好食嘅車仔麵車仔麵由細食到大，而呢間我覺得比較特別，呢間車仔麵係會令我食完一次又想再去嘅一間唔同一般車仔麵，佢哋有唔同湯底可以揀，而且仲有撈麵添。當日唔係太肚餓，所以只係揀咗河車10餸撈麵，冇叫小食，但見佢小食都相當吸引，下次要試吓先。我哋叫咗河車嘅蒜油蝦子撈麵，兩碗都係10送，但係一碗係撈粗一碗係撈幼麵。 我哋貪佢有10送，樣樣餸都可以試吓，下次就可以叫返鍾意食嘅餸菜啦。 老何十餸有： 豬皮，豬大腸，豬紅，蘿蔔，雞翼尖，雞翼，陳皮魚蛋，燒腩肉，魚片頭，炸腐蝦卷。 我就覺得樣樣都好味，除咗個豬大腸入邊啲油脂可以清鬼晒佢，其他真係冇嘢可以挑剔啦。 因為我哋試咗撈粗麵同埋撈幼麵，我就覺得撈幼麵會吸多啲蝦子，感覺好味啲。

排隊：等超耐 可能半個鐘以上 環境：氛圍唔錯 入面燈係黃黃地 有cozy的感覺 加上播Linkin park Avril lavigne都幾有vibe食物：點左麻辣撈粗麵（即係寬條麵）中辣 係我聞過最香最入味的車仔麵 但對我黎講可能太辣 下次點小辣好啲 配菜要左雞翼同豬腩肉 雞翼唔錯 好食 但得兩舊 豬腩肉就有五六舊 但個人覺得一般 下次再試下其他配菜 點埋豆漿 中規中矩 不過個黑松露薯條個醬係非常好食 薯條都炸得啱啱好 一定要試 份量都大 可能兩個麥當勞大薯條份量咁

一直對車仔麵都無咩特別, 覺得好食極都係咁, 撈埋d餸一齊姐. 直至到有日search到附近野食, 入左去試之後, 顛覆左我對車仔麵既睇法...☄️好似好誇張咁🤣🤣weekend既中午去到仲有位, 唔洗等~間舖睇落細細間, 但入面都仲有d位, 坐得幾舒服 唔會好迫. 揀食咩既時候, 懶人既男朋友就揀何車10餸唔洗諗, 我就睇住佢有like既揀, 揀左燒牛舌芯🐮, 蘿蔔同豬頸肉🐷+粗麵微辣. 🐮牛舌芯有d咬口但又唔會好韌, 好香有牛味,  就算我擺耐左都仲keep到口感! 推介! 🐷豬頸肉燒得幾香. 蘿蔔真係...一d渣都無不得止, 仲要係食到中間都係甜既👍🏻👍🏻 呢個蘿蔔我真係可以次次都叫lol 睇得出老闆同廚師對每一樣配料都好有心機!! 同埋每樣餸好似五餅二魚咁, 食極都仲有haha, 真係超抵!!🥹繪之雞排🍖絕對係熱氣之鬼必食既lol🔥 個皮炸得好脆, 咬落去係脆身 一咬就分開, 唔係超硬個d. 同埋食家男朋友表示, 應該係落左牛油炸, 超香牛油味🧈 令到個雞排有雞肉juicy汁之餘, 仲有牛油香, 幾層口感🤤🥢總結: 我太遲遇到何車啦, 如果經過太子我只會食何車lol 推介牛舌芯🐮

今日年初四，肥公冇開門，又好想食車仔麵，近近地就嚟咗呢度⋯⋯ 5:00已經落咗單食完碗麵，5:30同一時間點嘅第二碗都未到⋯⋯食完麵坐喺度冇嘢做，睇吓牆上面貼嗰啲食評⋯⋯究竟係我嘅味蕾有問題，定係而家香港人食嘢嘅口味轉左⋯⋯叫咗10餸，冇豬皮唔出聲，是但俾咗個俾水浸到發大嘅福袋，仲要切開咗一半，比水浸到發大鬆泡泡，好似浮屍咁嘅物體⋯⋯如果冇豬皮唔緊要，同我講可以換第二樣呀嘛⋯⋯咁都唔係俾啲垃圾人㗎⋯⋯全碗麵最好食係雞翼尖，其次喺陳皮魚蛋，蘿蔔好細舊味道還可以⋯⋯個個都話世界第一嘅滷水雞翼，得外面甜甜地裏面完全一陣雪味，另外有幾片日式叉燒咁樣物體，唔太肥膩，味道正常，豬腸不過不失⋯⋯如果佢係黃店嘅話，咁應該都係黃店裏面比較好食嘅⋯⋯但係我唔會再嚟⋯⋯等咗咗八個字，工人姐姐冇豬肉嘅麪，嚟咗兩次都入錯單⋯⋯佢脾氣咁好都發脾氣⋯⋯真係冇下次⋯⋯

週末和朋友行經太子地鐵站附近，見到這間車仔店門面光鮮亮麗，店內坐滿客人。一行四人，等咗大約5分鐘可以入座。店內裝修整潔，open kitchen沒有油膩感覺，枱面有顏色筆和紙張，可供小朋友畫公仔或食客留言貼在牆上。南乳豬手和冬菇炆得很入味，不肥膩。咖喱五寶有驚喜，咖喱汁甜香，豬皮爽脆，蘿蔔有糖心，魚蛋竟然用上陳皮魚蛋，仲有牛柏葉和水魷👍👍👍鬼佬炸豆卜炸得很香脆，配上意大利香草汁，令人喜出望外，估唔到中式豆卜配上西式醬汁如此美味，豆卜放涼咗依然脆口😋何車炸盤，脆炸蠔、炸腐皮角、炸腐皮卷和醉炸雞翼，😋😋😋韭菜豬紅有童年回憶，正😋 喜愛吃辣的，不能錯過何車雞翼尖。推介蒜油蝦子撈麵，蒜蓉配搭蝦子好味道到難以形容，已經食到好飽，都不能放棄撈麵有很多餸可配搭，推介牛舌芯、肥瘦相間的燒豬腩肉、燒豬頸肉……還有撈麵奉上的湯，充滿藥材香味encore 醉炸雞翼😋美味的炸豬大腸，令人忘記咗膽固醇！炸薯條配上黑松露醬，人間美味😋唐人炸雞，香脆不油膩。一間很值得推薦的車仔麵，食物種類超乎你想像，每一款食物都令你有估唔到的驚喜。仲有好多食物都想試，但係眼闊肚窄，下次再相約朋友來光顧

//何車車仔麵 //四餸麵($62)係屬於比較新派嘅車仔麵比較特別嘅係如果怕肥嘅話可以選擇蒟蒻麵或者菜底但小編唔怕肥嘅精神都係揀返米粉😎今次揀咗嘅餸係燒腩仔鯪魚球娃娃菜豬皮四樣餸都好好食尤其鯪魚球入口好香我認為大家必點仲有娃娃菜吸晒個湯底嘅精華簡直係冇得頂👍🏻👍🏻其實都見到好多餸都好想食但係我又怕我食唔曬所以唯有要下次先食😝😝不過呢間係我必定會再次去食嘅舖頭😙評分(五星為滿分)⭐️⭐️⭐️⭐️何車車仔麵 (大南街) (太子)太子大南街28號地舖大家有咩想小編去試食或者想推薦小編去食嘅不妨留言或者DM小編推薦俾我啊🫶🏻🫶🏻🫶🏻🫶🏻 最緊要記住like👍🏻同埋share比朋友知太子原來有間咁正嘅車仔麵鋪頭 😎📢#hongkong #hkfood #mk #mongkok #mongkokfood #旺角美食#太子美食 #香港美食 #香港覓食記

已經唔知第幾次encore呢間車仔麵嚕，因為真係唔錯🤣🤣😋湯底其實偏甜，所以個人建議點都加啲辣同配料（唔一定好似我咁加晒🤣），但會令個湯惹味同多層次啲。不過我哋唔係好食得辣，微辣都覺得辣左少少🥵😝 自選車仔麵 1 🍜豬腩肉、豬皮、蘿蔔配油麵（+所有配料+鹵水汁腩汁+辣汁+麻辣）（全部微辣）豬皮 蘿蔔🐽🥕每次嚟都要點，豬皮夠爽，蘿蔔夠淋又無渣，重點兩樣都好入味💕豬腩肉🐖有啲孜然味🧐，肉質有啲乾，唔算好驚喜。自選車仔麵 2🍜豬頸肉、日式叉燒、燒牛舌芯配油麵（+所有配料+鹵水汁腩汁+辣汁+麻辣+咖喱）（全部微辣）日式叉燒🐖啲肉夠淋唔柴之餘，仲有豬油香。豬頸肉🐷冇乜味，只有咬口🥺燒牛舌🐄👅爽口，仲有少少牛味。個人建議，如果鍾意食爽口嘅朋友仔，叫牛舌芯比較好。小食🍡醉炸雞翼🐔出面好少見到，所以今次叫嚟試試。真係有驚喜，好香花雕酒味，雖然雞翼唔係炸到好脆口，但整體而言都係唔錯嘅小食。整體來講，個人覺得呢間車仔麵舖餸款式夠多，無論傳統定新派嘅都唔錯，大大碗又唔算貴，值得推薦。🤤食物🐽🐽🐽🐽環境🐽🐽🐽價錢🐽🐽🐽🐽

一直聽聞何車車仔麵好好食，今日終於有機會試到. 叫咗三餸配河粉底,包括豬手，甜蘿蔔同埋炸魚皮.真係好好食，好滿意.先講炸魚皮,香脆得來唔油,每一下咬落去都好脆,個人喜歡先浸一浸落個湯度再食, 每啖都帶有湯底嘅汁，再加埋香脆口感,食到唔停得口!甜蘿蔔都好腍好入味,值得推薦.最後係個豬手,應該係最近舖頭嘅新出品,見到餐牌咁提到,就決定試一試.豬手炆得好腍,入味.個人覺得口感腍咗少少.但無影響我覺得呢餐嘅觀感,真係好好味，好推薦大家嚟食!