211
18
0
港鐵上環站 A2 出口, 步行約8分鐘 繼續閱讀
電話號碼
23422224
開飯介紹
以舊式香港為裝潢主題,有舊式通花鐵閘、霓虹燈及吊扇等裝飾。餐廳提供多款本地和外國的手工啤酒,嗜辣者則可挑戰炸辣雞。 繼續閱讀
營業時間
今日營業
16:00 - 02:00
星期一至四
16:00 - 00:00
星期五至六
16:00 - 02:00
星期日
14:00 - 00:00
付款方式
Visa Master 現金 銀聯
其他資料
Wi-Fi
深夜營業
酒精飲品
切餅費 詳細介紹
電話訂座
外賣服務
加一服務費
食評 (245)
酒吧係我呢d單身狗最感覺自豪既地方,因為係呢到永遠搵到一種歸屬感,係一種自由。男人最追求新鮮感,既然普通既酒吧對我黎講實在太膚淺啦,從而令我再次諗起呢一間「何蘭正」。餐廳賦予創新概念「鬼佬涼茶」,打破傳統技術框架,遊走中西美食文化,呢種就係香港人值得保存既價值。而且佢地餐牌會Keep住推陳出新,就算第二次過黎都一樣有驚喜!👇📌Sharing · Plate (S) - ▪ Roasted Iberico Char Siu · Crispy Golden Bun · Sour Garlic Emulsion - $118▫ 分左兩種Sharing Plate,其實S意思我諗應該係頭盤/前菜咁解,第一道要試既「烤伊比利亞叉燒 · 黃金脆饅頭,蒜味乳液」。用左伊比利亞叉燒以24小時慢煮過後,配上玫瑰露九龍醬園豉油調製,份外香甜入味,肉質厚薄適中,食落爽彈無比;而配上呢種中式既炸饅頭,加上好似鵝肝多士既擺盤,特別有feel。▪ Thai Yellow Eel · Soya Curd Avocado · Celture Sliced Salad - $128Golden Bun · Sour Garlic Emulsion - $118▫ 一定要大讚既係呢間餐廳每3-4個月就會轉一次Menu,而且諗頭多多,每一款菜式都獨特,出面真係未必食得到。而呢個「蔥油掠拌泰國王鱔 · 醬油漬牛油果 · 萵荀沙律」令我大開眼界,黃鱔夠爽口彈滑;撈埋自家製麻辣醬汁特別醒胃。另一亮點既牛油果生熟度岩岩好,質感非常軟腍;配搭埋萵筍薄片一齊食,成道菜相當清新,好食!📌Sharing · Plate (L) - ▪ Poached New Zealand Diamond Clams · White Pepper · Pickled Mustard Green · Sour Tomato Stock - $168▫ 輪到L size既Sharing Plate,應該就係主菜咁解,先黎個「白胡椒番茄 · 酸菜煮紐西蘭鑽石蜆」開開胃先。用白胡椒、番茄、酸菜製成既湯汁入口淡淡清香,配上大大隻鑽石蜆,啖啖肉之餘,仲有掛滿湯汁既粉絲,鮮甜爽口,口感增加唔少呀!▪ Seared Tiger Prawn · Sauteed Kale · Spicy Dan Dan Style · Seared Rice Roll - $182▫ 招牌主菜之一既「香煎海虎蝦球 · 炒羽衣甘藍 · 擔擔風味煎腸粉」,呢個配料組合的確好有新鮮感。首先腸粉先煎後煮,所以質感相對較脆口,而配上濃香既蝦膏醬汁,入口帶少少辣勁,份外惹味;而第一次試羽衣甘藍係炒既,口感極度酥脆,好過癮;最後蝦球爽彈多汁,整體值得一試!📌L o c a l · T a p s -▪ Beer · Flight - $150/200ml x4▫ 死啦!佢地既酒類咁多選擇,我樣樣都想試咁點算好?上次我就試左成人版紅豆冰果d Cocktail,今次點要試試佢地本地既手工啤啦。Beer Flight可以任選4隻口味,而每杯都有200ml,非常抵飲。分別揀左維也納、獅子山下、麻辣姜、柚子。維也納充滿焦糖、花香味,冰凍感十足,好易入口;獅子山下係最受歡迎既手工啤,聞落果香同麥味都好重,飲落好順喉,真心正;麻辣姜加左川椒,相當提神,後勁辛辣感突出,唔錯;最後既柚子反而最light,咁多隻裡面最清甜,幾岩女仔飲。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-06-25
664 瀏覽
聽日又放假,今晚chill一chill🎉收工約咗朋友黎呢間bookmark咗好耐嘅何蘭正聚下~呢度最出名係手工啤同fusion菜💛-▪️24 小時慢煮伊比利亞叉燒, 玫瑰露九龍醬園 豉油皇鹵獅頭鵝肝配溫泉蛋, 香噴噴豬油撈飯 慢煮過嘅半肥瘦叉燒口感嫩滑,帶點稔~鵝肝鹵得好入味,入口溶化嘅油脂香好正。豬油撈飯都好香口,但係食落唔會好油膩,篤穿埋溫泉蛋再撈豬油撈飯,口感更豐富,好快就清晒成碟☺️▪️🦐香煎海虎蝦球炒羽衣甘藍配擔擔風味煎腸粉蝦球幾彈牙,腸粉煎過帶點香脆,再配上擔擔風味醬汁,好惹味!▪️蔥油涼拌泰國王鱔 配醬油漬牛油果🥑萵筍沙律呢道菜都好有驚喜☺️喺其他餐廳都食唔到,fusion味十足!!黃鱔好爽口,上面有少少麻汁撈埋好開胃,京蔥涼拌好啱夏天食👍🏻而且牛油果熟度剛好幾軟滑,加埋醬油超入味!而且萵筍切得好薄身,三樣嘢加埋一齊,口感層次豐富💯▪️開心果露丸子是日特色糖水有機會每日不同,要問問店員,今日係開心果露,呢個甜品係其他地方好少有!開心果味幾濃,仲有煙韌嘅白玉丸子,好有驚喜嘅甜品~▪️獅子山下 (5.2%)呢杯手工啤真係大力推介比女生/酒量淺的吃貨飲!我本身酒量麻麻,但呢杯果香味較重,幾清新,一d都唔苦,非常易入口,而且仲幾大杯👍🏻每樣食物都好有驚喜,fusion 菜令到我喜出望外,而且味道高質!環境都好啱relax吹下水~下次會再黎試埋其他fusion菜🤩 繼續閱讀
(以上食評乃用戶個人意見 , 並不代表OpenRice之觀點。)
等級4 2020-06-24
462 瀏覽
📍  何蘭正➖➖主打中西日fushion菜既何蘭正一直都好想食,今日終於等到C先生冇咁忙,肯同我一齊去食晚飯。➖➖餐廳d 燈光好吸引,有大大隻鬼佬涼茶既霓虹燈牌,係專賣手工啤既酒吧黎,佢地既野食都好有水準! 一邊飲住鬼佬涼茶,一邊食飯都幾開心。➖➖24小時慢煮伊比利亞叉燒.豉油皇鹵獅頭鵝肝配溫泉蛋.香噴噴豬油撈飯 $188叉燒真係好好味,夠曬厚肉,帶點蜜香、肉質又嫩滑,比一般燒味店更有口感。香噴噴豬油撈飯真係好好食,撈埋溫泉蛋好香,每粒米都沾上汁同豬油,十級邪惡。➖➖香煎海虎蝦球· 炒羽衣甘藍拼擔擔風味煎腸粉$182虎蝦肥美大隻,份量都ok多,有5隻;肉質鮮甜嫩滑,mid埋殼,好貼心,面頭仲有好多蝦干,脆脆地,有口感,配上的煎腸粉非常入味,擔擔風味濃,帶啲辣辣地,好惹味!➖➖大澳風情蝦醬脆香雞翼 $88雞翼炸得好香脆,切成單骨食起黎好方便,炸粉唔會裹得好厚,蝦醬有鹹香不會過濃,味唔算好重,蝦醬同雞翼又幾夾,份量都多,配埋local tap一齊食真係一絕。➖➖獅子山下 $80偏苦澀少少,唔係好濃味,好啱女仔飲香港地痞 $80偏fruity,帶啲果香,唔重啤酒既苦澀,好飲 ➖➖  ➖➖  地址: 中環蘇豪卑利街65-65A號地舖 繼續閱讀
(以上食評乃用戶個人意見 , 並不代表OpenRice之觀點。)
等級4 2020-06-18
621 瀏覽
🖤 近呢幾個月好少同🐼去港島食飯,不過為左呢間咁正既Restaurant & Bar 都係值得既!😍🖤 入到去裝修已經覺得好正👍🏼 "鬼佬涼茶"呢四隻字好吸睛👀🖤 黃金脆炸雞配甜雞醬 🍗 $92,四隻大大既炸雞,好香脆,表面有少少辣粉,有少少辣~ 🖤 雙籽三文魚籽三文魚他他配香脆雲吞皮 $148超愛食這個!😍😍 一壺三文魚他他有三文魚籽, 飛魚子籽, 三文魚肉等,自己加上超脆既雲吞皮食😋 每一啖都超好食~ 👍🏼👍🏼🖤 二十四小時慢煮伊比利亞叉燒,玫瑰露九龍園豉油皇鹵獅頭鵝肝配溫泉蛋,香噴噴豬油撈飯 $188個名好長😂 不過喺呢度必嗌!😍😍 超好食!係高級版暗然銷魂飯❤️ 叉燒好入味,每粒飯都好香🤤🖤 獅子山下手工啤 ($80/ 450 ml)嚟到呢度梗係要試吓手工啤,有成十幾款揀,一定有一款啱你口味😎🖤 Signature Cocktail 芝麻花生湯圓🥜 $118,你杯又係我期待咗好耐嘅Cocktail!上網見到之後就好想試🤩 睇落以為係甜品,其實個底係混合左whiskey同埋baileys,仲有好香芝麻味😍 面頭就係濃濃既花生忌廉奶泡🥜 加埋一粒小丸子,飲起上嚟好特別!推薦! 繼續閱讀
(以上食評乃用戶個人意見 , 並不代表OpenRice之觀點。)
等級4 2020-06-18
438 瀏覽
烤伊比利亞叉燒配黃金脆饅頭,蒜味乳液 $118呢道菜有中式版鵝肝多士之稱,厚切叉燒蜜汁香厚,肉質肥瘦均稱。配搭金黃脆身炸饅頭,香氣逼人。24小時慢煮伊比利亞叉燒,玫瑰露九龍醬園豉油王鹵獅頭鵝肝配溫泉蛋,香噴噴豬油撈飯 $188經慢煮後嘅叉燒同坊間食到嘅果然有分別,蜜汁入味,入口爽嫩不油膩。篤開溫泉蛋,流心蛋黃傾瀉而出,拌勻豬油撈飯及鵝肝同食,好有食緊西式燴飯嘅滋味。奶醬西式油炸鬼,花生朱古力醬,焦糖煉奶 $98甜品好有西班牙特色,西式油炸鬼香甜酥軟,融合花生朱古力醬同煉奶,倍添港式風味。伴以軟滑雲呢拿雪糕,冷熱交替令層次昇華。Beer Flight $150呢個set可自選4款酒精飲品,揀咗泰.好飲、獅子山下、Choco Rock Stout、是L但。每杯約200ml,2個人飲綽綽有餘,夠抵飲。泰.好飲味道最清甜,但比普通啤酒多份餘香。獅子山下果味較重,麥味濃但易入口。Choco Rock Stout奶泡較多,聞落較似雲呢拿香,飲耐咗有啲似BAILEYS。是L但香氣非常濃郁,一試上癮。值得一提係店員服務好好,雖然睇落以為有啲惡,但實際上每位都好nice勁細心,驚你啲袋無位放會主動幫手,又好願意同客人交流。有美食之餘,頂級服務態度絕對值得加分。 繼續閱讀
(以上食評乃用戶個人意見 , 並不代表OpenRice之觀點。)