亞萊泰 (黃大仙中心北館)

營業中

休息中

行完黃大仙廟 便去附近既商場 填飽個肚見普遍都係連鎖食肆 見呢間幾特別就試下豬頸肉冬陰公炒意粉Um 坦白講 同餐牌既樣有出入麵下面好多汁 甚至過多 似普通煮意粉 食落亦都無炒過既香味 有啲失望不過配菜幾多 自己因為健康 唔想食得太肥膩幾鐘意有好多三色椒 同車厘茄 洋蔥加上冬陰公 酸酸辣辣 食落唔會溜食得幾辣既會好鐘意豬頸肉 燒過 香口又唔會成口油亦都無臭豬味 幾好食 而且份量亦都多 總結： 如果去黃大仙應該都會再去 餐廳食物選擇簡多 唔貴 味道亦都幾好不過唔至於特登搭車去食

普通晏晝lunch算係唔錯啦😋🍜【泰式美味】泰式豬頸肉炒寬粉🌶️吃過無數次泰式料理，這家的泰式豬頸肉炒寬粉真的不錯，豬頸肉炒得剛剛好，香氣撲鼻；寬粉Q彈有嚼勁，搭配泰式特製醬汁，味道超級濃郁！🍚🦪【蠔仔肉碎泡飯】超滿足蠔仔肉碎泡飯，好多蠔仔夠鮮甜，肉碎鮮嫩多汁，搭配鬆軟嘅泡飯，很好的配搭，開胃之選👍

朝早去附近黃大仙拜神，我早咗到，所以去附近搵地方食早餐先，諗住食完先再去拜。喺附近行咗陣，南北館都行咗一次，諗住試吓間未食過嘅，又好似有啲特色嘅泰國餐廳，未試過喺泰國餐廳食早餐。入到去落咗單，睇到啲logo心諗似係意樂集團，應該都唔算好差嘅。點知。。。冬陰功湯，酸到好似飲緊檸檬汁咁。豬扒，可能唔知返炸咗幾多次🙈😭奶茶，以為係泰式奶茶🙈另外港式早餐，算係正正常常野。普通茶餐廳,仲要加一。食個早餐叫佢比泊車飛，態度差又唔肯比。加上冇八達通收費！

今晚去左食佢，環境正常一入黎有個比較成熟女士既店員，由佢帶位到落單，上菜都係佢，好有禮貌，仲幫我係兩人set轉左另一個湯（因不食蝦）所有野食都可以，冬陰公唔太正宗，但香港人口味，飲得落另外唔得既係碟炒通菜 勁老 炒出黎係枯草顏色完全食唔落仲有個小插曲 咁大個女第一次係外面食飯打瀉野，仲要係熱飲，直接淥落我對腳到果位成熟女士即時過黎幫我 更即時清潔好 提議我點清潔衣服等仲同我道歉（但好明顯係我自己唔小心）入嚟寫評語時 見好多留言話服務差 其他店員未體驗到

今日點餐受氣，我說要牛腩餐，見到有雞扒餐問係咪新？職員說不是，我說改雞扒餐，另外我指住餐單說要海南雞豬手餐，職員無講野走了⋯⋯之後看收據落錯單，變了雞扒加牛腩餐，職員特登走來話她無落錯單，話系我指完圖無講野讓她誤會⋯⋯未試過咁嘅服務態度，俾錢嚟食嘢，落錯單講句道歉有咁難咩？唔講道歉都算啦，特登走過來解釋話佢冇問題，俾人感覺就係推卸責任，係客人有問題搞到佢落錯單咁嘅意思⋯⋯仲有今日食嗰個海南雞好老，都有一段時間冇黎食，之前比較好啲，而家退步咗，仲要遇上咁嘅服務員另外未食完啲食物，突然間有個職員問可唔可以收走，同佢講咗未食完唔可以，佢仲係想收咁嘅樣望住啲碟，真係好奇怪當時餐廳又唔係好多人，成日都咁急收碟，個感覺就好似趕你走

紅日去光顧下午茶，點了貢肉麵。一上菜見到好似好多粒浮面，用快子一夾上來，原來係半粒😂😂。幾好橋呀，將所有的丸丸全部切半，即刻變雙倍數目的樣子！另外餐飲，點了柚子蜜，睇落去色水筏深色，一飲原來係無味架….咁其實飲左d乜呢？？

又到左lunch time，今日係黃大仙龍翔中心搵野食，見呢間店每日都keep住有一定嘅客人，質素應該唔太差！於是我就入去叫左碗泰式炸雞中翼河，我就轉左個酸辣湯，開胃一啲。外賣嚟講，佢都唔會話要等好耐，大概等咗15分鐘就有。何粉同湯有分層放好，等食嘅時候啲面唔會淋曬😆😆👍，而個酸辣嘅配搭恰到好處，唔會太酸或者太辣😁😁🤤另外個炸雞中翼都好好味，識嘅時候外脆內軟。今次呢碗粉係無失望，下次都會繼續幫襯😄

環境乾淨，坐位寛敞，擺埋媽媽袋、bb 車都仲好寛敞。ikea baby high chair, 有seat bell, 易清潔又安全，媽媽可以安心食飯。職員友善，同bb 有互動，上菜會就bb 位置, 好細心。嘢食吸引, 本身對黃大仙區泰菜無咩期望，意外有驚喜。冬陰公够晒味，辣度適合。木瓜沙律都好正，吾輸九龍城個啲。金邊粉味道就淡啲，有待改善。黃大仙區吾錯既泰菜選擇，爸爸媽媽們值得考慮。帶住bb 出街食飯，最緊要bb 坐得舒服，媽媽食得安心。

- 午餐時間叫左碗船河，催左幾次都等超過20分鐘先上菜。而且服務態度好差👎🏽打工仔得一個鐘時間食晏就被浪費左20分鐘…- 碗船河好鹹，食完好口渴👎🏽- 唔收電子支付，只接受現金付款👎🏽冇下次。

今日晚上7:00星期六去到黃大仙廣場嘅一間泰國菜。見佢裝修幾靚就入去試下，會見到佢有塊牌特別推介炭燒牛柳 圖片幾幾靚，就點黎試下。哇 個牛一嚟到睇賣相都心知不妙 食落口仲離譜 熟到似擦子膠不特止 仲有一股不是牛的味道的怪味 即刻要吐返出嚟， 請大家小心中伏🥲

黃大仙真係一個好地方🥰黃大仙中心南館、北館都有好多食肆，亞萊泰係我經常嚟嘅一間。👍🏻😁因為佢間唔中會轉下餐牌，選擇比較多，揀辣同唔辣都ok！👌🏻👍🏻有飯有麵，有炒有湯……次次嚟都會食佢個泡飯，畀埋啲配菜你，好認真！🥰💕👍🏻今日同朋友一齊share，所以叫咗幾個唔同嘅午餐，最愛佢個香辣肉碎炒飯，香口惹味，加隻煎蛋😘😍👌🏻十分送飯！😋咖哩吉列魚柳表現不過不失，但原來佢個青咖哩都有啲辣勁～酸甜炒烏冬第一次食，鍾意酸酸甜甜嘅可以試下，幾開胃！

平日的中午，黃大仙北館這間泰國餐廳座無虛席，我們點了肉碎蠔仔泡飯，蠔仔肉都算大粒，味道不錯。另外，還點了香茅肉碎煎蛋飯，充滿泰式風味，肉碎微辣，份量啱啱好。炒米粉和炒烏冬則一般，下次不會再叫了！

難得母親節，諗住高高興興食餐好嘅慶祝吓，點知無高興仲要掃興而歸，真係唔會有下次。以前都有幫襯過，記得以前味道也不錯，無諗到依家咁無得頂，係難食到無得頂！冬蔭功稀流流、淡某某，海南雞鞋烚烚，炒蜆有沙又唔開口，粉絲蝦煲無泥味道蝦又不新鮮，炒飯、炒貴刁、炒菜叫做放得入口，最好味係個白飯囉！嘢食難食已經好無癮，職員態度差到不得了，叫親都係話轉頭，最離譜係個收銀，手腳已經慢，仲要停曬手四萬咁口歡送熟客，完全無視我在等侯「拍卡」付款。（因為我需要拍卡，所以要行出去收銀櫃枱埋單）。佢同事已經打咗單，同佢講咗客人拍卡，完全無理會，個同事仲提佢話客人等緊你，佢依然無理會！我終於忍唔住開聲叫佢快啲，佢唔係講聲唔好意思要你等，係開口反駁我，話自己做緊嘢無十隻手、顧唔到咁多嘢喎！即時火滾，顧唔到咁多嘢又可以停曬手四萬咁口不停同熟客講bye bye？仲要無拿拿林加快處理、停曬手咁不停反駁我佢忙緊，咩料呀，唔係話客人永遠是對的，但基本待客之道都無！係咪熟客先招呼？奉勸各位不要貼錢買難受！

母親節打算同屋企人食晚餐入座後點完野食其中有一碟炒粉絲煲味道偏咸食到有d口渴就想叫位職員斟水本身遞手有個阿姐 矮矮地 扎住馬尾好肯定佢望到我 佢當咩都睇唔到跟住等咗陣有位’短頭髮‘既阿姐經過我就話：唔該想斟水佢話：等一陣咁我地就等咗一陣真係都有一陣 佢無理會到怕唔記得咗我就再問返‘短頭髮’阿姐佢就態度好差咁答：你唔好叫我啦,個個都叫我,岩岩先有人叫我,你叫其他人啦,bla bla bla,仲繼續鬧😨其實我都知做飲食行業係好忙 但可唔可以態度好少少呢 本身同屋企人慶祝緊母親節 心情俾佢都搞到掃晒興食完都背脊骨落😰

人手不足的泰國餐廳餐牌有點(粒痴痴)的感覺污糟, 一打開個Menu 2人餐只得一款 $ 388, 4人餐有幾款 $ 9XX最後還是散叫落左單幾個字是正常時間上菜, 食物質素& 味道就普普通通一餐飯咁價錢唔算經濟係偏貴環境裝修還可以 ～服務態度唔係差, 可是全場只得3人工作