亞玉豆腐花

營業中

休息中

嚟到荃灣記得呢度有兩間豆腐花成日鬥假，但係價錢唔貴之餘質素OK， 所以呢日就特登過嚟路德圍呢度食 順便行街！買咗碗紅豆豆腐花好好味呀，果然冇揀錯！都係$8咋！紅豆沙可以揀有陳皮或者冇陳皮，我梗係要有陳皮㗎啦！果然粒粒紅豆沙有啲陳皮味，起沙得來又有顆粒豆腐花香滑又有豆味好抵食！男朋友仲介紹我加$3要買個砵仔糕雖然係少少淋淋嘅口感 但係好結實有幾特別喎！而且連呢啲砵仔糕上面嘅紅豆都好好味好有豆沙咁而且份量唔少你明唔明我講咩啊？

原本以為外賣不用加一蚊同隔離差不多價錢，而無人排隊，又無太在意為何咁大分別，但估唔到就是一條大伏線！買左一碗綠豆腐花，但一打開蓋好陣酸味！再試少少之後覺得係變壞左的酸味。嘗試打電話去希望可以叫店員或店主注意收回唔好再害到人，但電話是打唔通的。無辦法之下，所以唯有係OpenRice 上食評，唔知道店主會唔會睇到，但希望其他食客留意！不要再光顧賣酸綠豆沙豆腐花的商店。謝謝！

深夜路過路德圍，打算叫飯後甜品豆腐花，見呢間少啲人排隊就揀呢間，點知係有原因😑店員態度惡劣，order嗰陣掙扎緊食邊種口味豆腐花，店員問食咩之後諗咗10秒左右，店員已經好唔耐煩，我明你一日可能要serve好多人，但我得罪你？食物質素同樣惡劣。最後決定原味凍豆腐花，諗住原味實無死，點知食落去完全冇豆味，食咗一半就已經頂唔順要抌。貼錢買難受，寧願去一間店員態度正常啲 價錢貴啲嘅餐廳食，起碼以後唔會幫襯呢間，會幫襯隔籬嗰間😅

➲ 元朗 亞玉豆腐花➳ 黃豆豆腐花 ⁽⁵/¹⁰⁾豆腐花係滑嘅，但普通，不過不失。➳ 客家糍粑 ⁽¹/¹⁰⁾花生加芝麻餡，好大粒，皮薄爆餡，微甜，但一入口有陣百花油味，味道上麻麻。⤵ 亞玉豆腐花元朗阜財街2號宏豐大廈地下12號舖

講到荃灣嘅豆腐花，就不得不提阿玉同旁邊舖頭嘅低價大戰⚔️當然依家已經回歸正價🤣芝麻糊+豆腐花（凍）💲8小鳥胃嘅🐻🐻‍❄️只係叫左一碗share，即場企街食埋，🐻一啖🐻‍❄️一啖💛，作為甜品淺嘗一碗都夠👍🏽不過要𢳂到一啖完美融合豆腐花同芝麻糊，都唔係咁容易，真係🐻‍❄️「如果太多糊甜味，豆腐花味無訂企；如果豆味返返嚟，芝麻糊又唔爭氣🎶」整體來講，🐻芝麻糊同豆腐花有少少靈肉分離，兩樣分開都好味，芝麻糊夠甜😝豆腐花有豆味，加上夏天凍食💕就係降溫良品😆🐻‍❄️不過$8呢個份量同味道，非常收貨啦！👍🏽👍🏽👍🏽

荃灣區平靚正之選每碗豆腐花都是$8碗😋·🤍白果薏米豆腐花這個白果薏米糖水已經很甜 （如果您不是喜歡食超甜的話 建議不要另外再加糖了）·🤍姜汁豆腐花姜汁味道還算濃郁 可自行在桌上加糖😬·豆腐花不是很滑的那種 豆味還是可以的但$8碗 ok啦～·砵仔糕 $15/5個 這價錢平到無話可說！好食！

豆腐花色澤潔白，質地柔軟，口感順滑，令人一口接一口，欲罷不能。豆腐花的味道十分純正，沒有任何添加物，帶有濃郁的大豆香氣。甜度也十分適中，既不會太甜，也不會太淡，讓人吃起來非常舒服。可以選擇其他，如紅豆、黑芝麻等，增添豆腐花的口感和風味。但本次先試原味看看，真的好食，值得推薦。

亞玉豆腐花地址: 荃灣荃興徑6號昌泰大廈地下5B舖豆腐花大戰完我都係覺得亞玉較為好食👍🏻椰汁西米豆腐花 (凍)🥣$8本來豆腐花好滑再加上黃糖就真係已經好好嘅組合😆呢㗎仲要加埋椰汁西米，煙韌彈牙又再甜甜地，超夾🤤呀，正～#nicefoodie荃灣—--------------------#food #foodporn #hkfoodblog #hkgoodblogger #foodphotography #foodie #foodblogger #goodstagram #hkfood #hkfoodie #hkfoodlover  #delicious #breadfast #dinner #lunch #restaurant #eat #phtooftheday #yummy #chef #hk  #香港 #香港美食 #美食 #荃灣美食 #打卡  #荃灣 #香港口味  #隱世美食 #隱世小店 #半價優惠 #人氣餐廳 #人氣美食  #香港好去處 #甜品 #豆腐花

之前呢間豆腐花同隔離個間係度鬥平，最平個陣係$3。雖然而家8蚊一碗都一啲都唔貴😂而家嘅豆腐花嘅全部味道統一都係8蚊，無論係紅豆🫘喳咋定姜汁等等💛所以經過嘅話一定要買返碗！

以前係附近做嘢所以成日都會買返碗黎食，價錢唔貴而且又好食！完全冇理由唔買黎食😚自己食過咁多款味都係最鐘意原味，姐係黃豆💛豆味好重再加上滿滿嘅黃糖真係好鬼正🫶🏻🫶🏻🫶🏻

之前豆腐花大戰，我都係撐亞玉👍🏻依家依係荃灣做完運動，我都會去路德圍搵啲野食唔想食燒賣魚蛋個陣，我就會食豆腐花，好似會健康啲🤣🛎 $8 芝麻糊豆腐花（凍）芝麻糊味道天然，份量唔少，食到最尾一啖都仲有👍🏻配豆腐花食都係好健康既感覺🙈本身唔太甜，所以可以加啲黃糖，好食！🛎 $8 椰汁西米豆腐花（凍）呢碗加左椰汁會比較甜啲🫶🏻西米幾煙韌彈牙，同滑脫脫嘅豆腐花都幾夾🤤🌐 環境/服務雖然有時要排隊，但係好快就排到黃糖任加唔嬲👍🏻正～

亞玉豆腐花💛薏米白果豆腐花(熱) $8人均消費: $8 (1人)-豆腐花夠晒滑 大大片 好完整👻熱豆花真係食到 令個人好溫暖好適合冬天食❄️再加上薏米白果 感覺好養生😝同埋薏米白果嘅甜度令到豆花唔使再落糖已經夠晒甜味🥰好好味🤤·以上食評 純粹根據個人口味而寫所以帶返頭盔先👷🏽 -31/1/2023 ate雖然平時食開 不過我都想特登開個post😝荃灣最出名莫過於係路德圍嘅掃街其中$3豆腐花更喺當中較為出名雖然而家做返原價賣$8但相比起其他嘅小店 都好平🤩之前就小店益街坊而家疫情下 係時候要我哋去撐返小店💪🏽-好味程度：🌕🌕🌕🌕🌑抵食程度：🌕🌕🌕🌕🌕環境靚靚：🌕🌕🌕🌑🌑服務態度：🌕🌕🌕🌕🌑會回頭率：🌕🌕🌕🌕🌗·#od荃灣覓食之旅 #od食掃街 #od食甜品·希望疫情快啲完結啦💛大家都要身體健康💛

我荃灣呢間豆腐花相信冇乜人食，因為較早之前佢同隔籬嗰間舖嘅豆腐花大戰，減價戰，減到$0😂😂😂都已經好似三年前嘅事連我本人兩間豆腐花都食過，我覺得兩間都有水準，但最近亞玉豆腐花食咗一個花生糊，我覺得非常好食，第一，質地唔會太希，第二，花生味非常香，感覺佢嘅花生可能係有吵過，冇第三了，第三就是次次行過我都會買來食

元朗的確有許多林林總總美名的小食店，今天嘗試到阿玉豆腐店買了好幾款甜點。雖然許多地方也有砵仔糕賣，但此店的有豆砵仔不太甜，而且很鬆軟，真係有兒時食的有豆砵仔糕的味道。花生黑芝麻糍粑，一口咬下去，个皮非常鬆軟，个皮很薄，裏面D含脹爆，有許多炒香的花生粒，再混合埋香香的黑芝麻，真係非常非常好味😍。記住要試呀💗豆花會红豆又是另一款我很喜歡的美食，豆腐花有很香很香的豆香味，再加上一粒粒又大又淋甜的紅豆，簡直是完美的配搭😃

呢間豆腐花一直都係荃灣路德圍嘅地標之一，之前特價錢超級平，好似淨係要兩蚊，但而家已經冇咗呢個優惠期所以嘅價錢提高咗少少，但都已經平過出邊好多。因為啱啱先食完嘢，想食得清少少，所以就叫咗原味豆腐花，然後加佢啲黃糖粉嚟食。之前到嚟食過覺得幾好食，今次同之前食感覺冇乜太大分別。